၁၃ ဒီးယဟိဝၤယွၤ ဆဲးဟ့ၣ်ပလီၢ် အံၣ်စရ့လး ဒီးယူဒၤအပှၤဂီၢ်မုၢ် ခီဖျိအဝံခဲလၢာ် ဒီးအပှၤထံၣ်တၢ်ထံၣ်လၢညါခီ ကိးဂၤဒဲး+ ဒီးတဲဝဲလၢ “ပာ်တ့ၢ်ကွံာ် သုတၢ်မၤလၢ အအၢအသီတဖၣ်တက့ၢ်.+ မၤထွဲ ယတၢ်မၤလိာ်တဖၣ်​ ဒီးယတၢ်ဘျၢတဖၣ်​ ဒ်တၢ်သိၣ်တၢ်သီ ခဲလၢာ်လၢ ယမၤလိာ်ပာ်စၢၤ သုမိၢ်ပၢ်ဖံဖု လၢပျၢၤတဖၣ်​ ဒီးယဆှၢန့ၢ်သု ခီဖျိ ယခ့ယပှၤလၢ အမ့ၢ်ဝံတဖၣ်တက့ၢ်.” ၁၄ ဘၣ်ဆၣ်​ အဝဲသ့ၣ်တဒိကနၣ်ဝဲဘၣ်​ ဒီးအဝဲသ့ၣ်​ အခိၣ်ကိၤ ဒ်အမိၢ်ပၢ်ဖံဖု လၢပျၢၤတဖၣ်လၢ အတပာ်ဖျါထီၣ်တၢ်နာ်လၢ အဝဲသ့ၣ်​ အကစၢ် ယဟိဝၤယွၤ အဖီခိၣ်ဘၣ်​ အသိးလီၤ.+

၁၂ “‘လဲၤကွၢ်ယတၢ်လီၢ်လၢ ဝ့ၢ်ၡံလိၤသၢၤ.+ တၢ်လီၢ်အဝဲန့ၣ် ယဃုထၢပာ်စၢၤလၢ ယမံၤအဂီၢ်လၢ အခီၣ်ထံးခါလံ.+ ဘၣ်ဆၣ် ခီဖျိလၢ ယပှၤဂီၢ်မုၢ် ပှၤအံၣ်စရ့လးဖိတဖၣ် မၤတၢ်အၢတၢ်သီအဃိ ယမၤတၢ်လီၢ်အဝဲန့ၣ် ဒ်လဲၣ်ဒ်လဲၣ်န့ၣ် ကွၢ်သၢၤ.+ ၁၃ ဘၣ်ဆၣ် သုဆဲးမၤတၢ်သ့ၣ်တဖၣ်န့ၣ် ခဲလၢာ်လီၤ.’ ယဟိဝၤယွၤ တဲဝဲလၢ ‘ယတဲတၢ်ဒီးသု တဘျီဝံၤတဘျီ* သနာ်က့ သုတဒိကနၣ်ဘၣ်.+ ဒီးယကိးသု ခဲအံၤခဲအံၤ ဘၣ်ဆၣ် သုတစံးဆၢယၤဘၣ်.+ ၁၄ အဃိ ဟံၣ်လၢသုနာ်န့ၢ်အီၤ+ လၢအမ့ၢ် ဟံၣ်တဖျၢၣ်လၢ အဘၣ်ထွဲဒီးယမံၤ+ ဒီးတၢ်လီၢ်အံၤလၢ ယဟ့ၣ်လီၤ သုမိၢ်ပၢ်ဖံဖု လၢပျၢၤတဖၣ်န့ၣ် ယကမၤအီၤဒ် ယမၤဝ့ၢ်ၡံလိၤ အသိးလီၤ.+

၃ “လၢ ၂၃ နံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ယူဒၤအစီၤပၤယိၤၡံယၤ+ ပၢတၢ် ၁၃ နံၣ်တနံၣ်လံၤလံၤန့ၣ် ယဟိဝၤယွၤ တဲတၢ်ဒီးယၤ ဒီးယတဲတၢ်ဒီးသု တဘျီဝံၤတဘျီ* ဘၣ်ဆၣ် သုတကနၣ်ဘၣ်.+