၆ ပှၤလုၢ်တၢ်ဒိၣ်တဖၣ်​ ဆၢထၢၣ်ဝဲ ဖဲအမူဒါလီၤဝဲအလီၢ် ဒီးပှၤလ့ၤဝံဖိတဖၣ်စ့ၢ်ကီး ဆၢထၢၣ်အိၣ်ဒီး တၢ်ဒ့တၢ်အူ အတၢ်ပီးတၢ်လီတဖၣ်လၢ တၢ်သးဝံၣ်စံးထီၣ်ပတြၢၤ ယဟိဝၤယွၤအဂီၢ်လီၤ.+ (လၢညါန့ၣ်​ စီၤပၤဒၤဝံး တ့ထီၣ်​ တၢ်ပီးတၢ်လီတဖၣ်အံၤလၢ တၢ်စံးဘျုး ယဟိဝၤယွၤ အဂီၢ်လီၤ. ဖဲစီၤဒၤဝံး စံးထီၣ်ပတြၢၤယွၤ ခီဖျိလၢ တၢ်သ့ၣ်တဖၣ်န့ၣ်* အခါ အဝဲသ့ၣ်​ တဲထီၣ်ဝဲလၢ “ယွၤ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.”) ဒီးဖဲပှၤအံၣ်စရ့လးဖိခဲလၢာ် ဆၢထၢၣ်ဝဲအခါ ပှၤလုၢ်တၢ်ဒိၣ်တဖၣ်​ အူထီၣ်ကွဲၤလၢ ပှၤလ့ၤဝံဖိတဖၣ်​ အမဲာ်ညါ ဒိၣ်ဒိၣ်လီၤ.+

၂၅ ဒီးစီၤပၤ ဆီလီၤပာ်စၢၤ ပှၤလ့ၤဝံဖိတဖၣ်​ ဖဲယဟိဝၤယွၤ အဟံၣ်​ ဒီးအဝဲသ့ၣ်​ အိၣ်ဒီးစှၢၣ်စှံး, သီတူၢ် ဒီးတနၢ်တဖၣ်+ ဒ်စီၤဒၤဝံး,+ စီၤကး+ လၢအမ့ၢ် စီၤပၤအပှၤထံၣ်တၢ်ထံၣ်လၢညါခီတဂၤ ဒီးဝံနၤသၣ်+ မၤလိာ်ဝဲအသိးလီၤ. တၢ်မၤလိာ်တခါအံၤ ဟဲလၢ ယဟိဝၤယွၤ အအိၣ်ခီဖျိလၢ အဝံတဖၣ်လီၤ. ၂၆ အဃိ ပှၤလ့ၤဝံဖိတဖၣ်​ ဆၢထၢၣ်ဝဲ အိၣ်ဒီးစီၤဒၤဝံး အတၢ်ဒ့တၢ်အူ အပီးအလီတဖၣ်​ ဒီးပှၤလုၢ်တၢ်ဒိၣ်တဖၣ်​ အိၣ်ဒီးကွဲၤတဖၣ်လီၤ.+