၆ ယ့ၣ်ၡူး ဟးထီၣ်ကွံာ်ဝဲဖဲန့ၣ်​ ဒီးက့ၤဝဲလၢ အနီၢ်ကစၢ် အဟီၣ်ကဝီၤ+ ဒီးအပျဲၢ်အဘီၣ်တဖၣ်​ လဲၤပိာ်အခံလီၤ. ၂ ဖဲမုၢ်အိၣ်ဘှံးနံၤ ဘၣ်ဝဲအခါ အဝဲသိၣ်လိတၢ်လၢ ဘူၣ်ဘျီၣ်ပူၤ ဒီးပှၤဒိကနၣ်တၢ်ဖဲန့ၣ်​ အါတက့ၢ်န့ၣ်​ ကမၢကမၣ်ဝဲအဃိ တဲဝဲလၢ “ပှၤတဂၤအံၤ လဲၤမၤလိန့ၢ်ဝဲ တၢ်ဂ့ၢ်တဖၣ်အံၤဖဲလဲၣ်.+ ဒီးအလဲၤဒိးန့ၢ်ဘၣ်​ တၢ်ကူၣ်သ့လၢ မတဂၤအအိၣ်လဲၣ်​ ဒီးအမၤတၢ်လီၤလးတဖၣ်အံၤ သ့ဒ်လဲၣ်.+ ၃ ပှၤတဂၤအံၤ မ့ၢ်ဝဲပှၤစုသ့ဖိ+ ဒီးအမ့ၢ် နီၢ်မၤရံအဖိခွါ+ ဒီးမ့ၢ်ဝဲ စီၤယၤကိာ်,+ စီၤယိၤသး, စီၤယူဒၤ ဒီးစီၤၡံမိၣ်+ အဒီပုၢ်ဝဲၢ်ခွါ တမ့ၢ်ဧီၤ. အဒီပုၢ်ဝဲၢ်မုၣ်တဖၣ်​ အိၣ်ဖဲအံၤဒီးပှၤ တမ့ၢ်ဧီၤ.” အဃိ အဝဲသ့ၣ်တနာ်* အီၤဘၣ်. ၄ ဘၣ်ဆၣ်​ ယ့ၣ်ၡူးတဲဘၣ်​ အဝဲသ့ၣ်လၢ “တၢ်လၢဝံန့ၣ်​ ပှၤပာ်ဒိၣ်အီၤလၢ တၢ်လီၢ်ကိးပူၤဒဲးလီၤ. မ့မ့ၢ် လၢအနီၢ်ကစၢ် အဟီၣ်ကဝီၤအပူၤ ဒီးလၢ အဘူးအတံၢ်အကျါ ဒီးအနီၢ်ကစၢ် အဟံၣ်ဖိဃီဖိအကျါန့ၣ်​ ပှၤတပာ်ဒိၣ်အီၤဘၣ်.”+ ၅ အဃိ အဝဲပာ်ထီၣ်အစု ထဲဒၣ်လၢ ပှၤဆိးက့ စှၤကိာ်ဂၤအလိၤ ဒီးမၤဘျါက့ၤ အဝဲသ့ၣ်လီၤ. မ့မ့ၢ် တၢ်လီၤလးအဂၤန့ၣ်​ အဝဲတမၤဝဲဖဲန့ၣ်​ နီတမံၤဘၣ်. ၆ ဒီးမ့ၢ်လၢအဝဲသ့ၣ်​ အတၢ်နာ် တအိၣ်ဘၣ်အဃိ ယ့ၣ်ၡူး ကမၢကမၣ်ဝဲလီၤ. ဒီးယ့ၣ်ၡူး ဟးဝ့ၤဝီၤလၢ သဝီတဖျၢၣ်ဝံၤ တဖျၢၣ်ဝးဝး ဒီးသိၣ်လိတၢ်လီၤ.+