၅၄ ဖဲအဟဲက့ၤတုၤလၢ အနီၢ်ကစၢ် အဟီၣ်ကဝီၤအခါ+ အဝဲလဲၤသိၣ်လိတၢ်လၢ ဘူၣ်ဘျီၣ်ပူၤလီၤ. ဒီးပှၤဖဲန့ၣ်တဖၣ်​ ကမၢကမၣ်ဝဲအဃိ တဲဝဲလၢ “ပှၤတဂၤအံၤ ဒိးန့ၢ်ဘၣ်​ တၢ်ကူၣ်သ့ ဖဲလဲၣ်​ ဒီးဒ်သိး အဝဲကမၤတၢ်လီၤလးတဖၣ်အံၤအဂီၢ် အန့ၢ်ဘၣ်​ တၢ်စိတၢ်ကမီၤဖဲလဲၣ်.+ ၅၅ ပှၤတဂၤအံၤ မ့ၢ်ပှၤစုသ့ဖိတဂၤ အဖိခွါ တမ့ၢ်ဧီၤ.+ အမိၢ်အမံၤမ့ၢ် နီၢ်မၤရံ ဒီးအပုၢ်တဖၣ်န့ၣ်မ့ၢ်ဝဲ စီၤယၤကိာ်, စီၤယိၤသး, စီၤၡံမိၣ်​ ဒီးစီၤယူဒၤ တမ့ၢ်ဧီၤ.+ ၅၆ ဒီးအဒီပုၢ်ဝဲၢ်မုၣ်ခဲလၢာ် အိၣ်ဒီးပှၤဖဲအံၤ တမ့ၢ်ဧီၤ. မ့မ့ၢ်ဒ်န့ၣ်န့ၣ်​ အဝဲလဲၤမၤန့ၢ် တၢ်ကူၣ်သ့ဒီး တၢ်စိတၢ်ကမီၤဖဲလဲၣ်.”+ ၅၇ အဃိ အဝဲသ့ၣ်တနာ်* အီၤဘၣ်.+ ဘၣ်ဆၣ်​ ယ့ၣ်ၡူးတဲဘၣ်​ အဝဲသ့ၣ်လၢ “တၢ်လၢဝံန့ၣ်​ ပှၤပာ်ဒိၣ်အီၤလၢ တၢ်လီၢ်ကိးပူၤဒဲးလီၤ. မ့မ့ၢ်လၢ အနီၢ်ကစၢ် အဟီၣ်ကဝီၤအပူၤ ဒီးလၢအနီၢ်ကစၢ် အဟံၣ်ဖိဃီဖိအကျါန့ၣ်​ ပှၤတပာ်ဒိၣ်အီၤဘၣ်.”+ ၅၈ မ့ၢ်လၢအဝဲသ့ၣ်​ အတၢ်နာ် တအိၣ်ဘၣ်အဃိ ဖဲတၢ်လီၢ်အဝဲန့ၣ်​ ယ့ၣ်ၡူးတမၤတၢ်လီၤလး အါအါဘၣ်.