၁၁ ပမ့ၢ်ဖှံလီၤတၢ်လၢ နီၢ်သးတကပၤ လၢသုကျါ ဒီးပမ့ၢ်ဒိးန့ၢ်ဘၣ် တၢ်မၤစၢၤလၢ နီၢ်ခိတကပၤ လၢသုအိၣ်န့ၣ် မ့ၢ်အကမၣ်ဧါ.+ ၁၂ ပှၤအဂၤတဖၣ် မ့ၢ်အိၣ်ဒီးတၢ်ခွဲးတၢ်ယာ်လၢ အကန့ၢ်ဘၣ် တၢ်လၢသုအိၣ်န့ၣ် ပဝဲသ့ၣ်တဖၣ်အံၤ ပအိၣ်ဒီးတၢ်ခွဲးတၢ်ယာ် အါန့ၢ်အန့ၣ် တမ့ၢ်ဘၣ်ဧါ. ဘၣ်ဆၣ် ပတသူ ပတၢ်ခွဲးတၢ်ယာ် တခါအံၤဘၣ်+ ဒီးပတူၢ်တၢ်ခဲလၢာ်လီၤ. ပမ့ၢ်တမၤဒ်န့ၣ်ဘၣ်န့ၣ် ပကဒုးအိၣ်ထီၣ်ဘၣ်ဖုး တၢ်တြီမၤတံာ်တာ်တမံၤမံၤလၢ တၢ်သးခုကစီၣ်လၢ အဘၣ်ဃးဒီးခရံာ် အတၢ်လဲၤထီၣ်လဲၤထီအဂီၢ်လီၤ.+

၉ ဖဲယအိၣ်ဒီးသု ဒီးယလိၣ်ဘၣ် တၢ်မၤစၢၤအခါ မ့ၢ်လၢ ဒီပုၢ်ဝဲၢ်တဖၣ် လၢအဟဲလၢ ကီၢ်မၤက့းဒနံန့ၣ် မၤလၢပှဲၤန့ၢ် ယတၢ်လိၣ်ဘၣ် ခဲလၢာ်ခဲဆ့အဃိ ယတကဲထီၣ် တၢ်ဝံဃၢလၢ ပှၤဂီၢ်နီတဂၤဘၣ်.+ မ့ၢ်လီၤ, ယပလီၢ်ယသး ဒ်သိး ယသုတကဲထီၣ် တၢ်ဝံဃၢလၢသုဂီၢ် လၢကျဲနီတဘိတဂ့ၤအဂီၢ် ဒီးယကဆဲးပလီၢ်ယသး လၢခါဆူညါလီၤ.+