၁ ပ့းတရူး
၄ ခရံာ်တူၢ်ဘၣ်တၢ်လၢ နီၢ်ခိအဃိ+ သုဝဲစ့ၢ်ကီး သုကဘၣ် ကတဲာ်ကတီၤထီၣ်သုသး ဃုာ်ဒီးတၢ်ပာ်သူၣ်ပာ်သး တမံၤဃီဒ်သိးဒီးအီၤ, မ့ၢ်လၢ ပှၤလၢအတူၢ်ဘၣ်တၢ်လၢ နီၢ်ခိန့ၣ် ပတုာ်မၤဝဲ တၢ်ဒဲးဘးလီၤ.+ ၂ ဒီးဖဲအဝဲအိၣ်မူဒံးအဆၢကတီၢ် အကအိၣ်မူလၢ ကမၤကစၢ်ယွၤ အတၢ်ဘၣ်သးအဂီၢ်+ ဒီးတမ့ၢ်လၢ ပှၤဟီၣ်ခိၣ်ဖိ အတၢ်သူၣ်လီသးကွံအဂီၢ်လၢၤဘၣ်.+ ၃ တၢ်ဆၢကတီၢ်လၢ သုသူအီၤလၢအပူၤကွံာ် ဒ်သိးသုကမၤ ဒ်ပှၤကလုာ်တဖၣ်အသိးအဂီၢ်န့ၣ် ပှဲၤန့ၣ်ဘၣ်လံ.+ ဖဲန့ၣ်အဆၢကတီၢ် သုတၢ်အိၣ်မူပှဲၤဒီး တၢ်မၤကမၣ်တၢ်လၢ တအိၣ်ဒီးတၢ်မဲာ်ဆှး,* တၢ်သူၣ်လီသးကွံလၢ တၢ်ပၢၤသူၣ်ပၢၤသးတအိၣ်ဘၣ်, တၢ်အီသံးအါတလၢ, မူးပွဲလၢ အလီၤရၢၢ်လီၤစၢၢ်, တၢ်အီပြၢလိာ်သးလၢသံး ဒီးတၢ်ဘါထီၣ်တၢ်ဂီၤတၢ်ဖှီၣ်လၢ အပၣ်ဃုာ်ဒီးတၢ်လၢ အလီၤသးဘၣ်အၢတဖၣ်လီၤ.+ ၄ မ့ၢ်လၢ သုတဆဲးလဲၤတၢ်ဒီးအဝဲသ့ၣ်လၢ ကမၤလုၢ်လၢ် သကဲာ်ပဝးလၢ အဘၣ်အၢဘၣ်သီ လၢၤဘၣ်အဃိ အဝဲသ့ၣ် ကမၢကမၣ် ဒီးတဲအၢတဲသီသုလီၤ.+ ၅ ဘၣ်ဆၣ်အဝဲသ့ၣ် ကဘၣ်ဟ့ၣ်တၢ်စံးဆၢဆူ ပှၤလၢအအိၣ်ကတဲာ်ကတီၤအသးလၢ ကစံၣ်ညီၣ်ပှၤမူ ဒီးပှၤသံတဖၣ်န့ၣ် အအိၣ်လီၤ.+ ၆ လၢတၢ်န့ၣ်အဃိ တၢ်သးခုကစီၣ် ဘၣ်တၢ်စံၣ်တဲၤတဲလီၤစ့ၢ်ကီးအီၤလၢ ပှၤသံအအိၣ်လီၤ.*+ အဃိ ပှၤဟီၣ်ခိၣ်ဖိ မ့ၢ်စံၣ်ညီၣ် အဝဲသ့ၣ် ဒ်ပှၤဟီၣ်ခိၣ်ဖိ အတၢ်ထံၣ်အသိး သနာ်က့ လၢကစၢ်ယွၤအတၢ်ထံၣ်န့ၣ် အဝဲသ့ၣ်ကအိၣ်မူ လီၤပလိာ်လိာ်အသးဒီး သးစီဆှံအတၢ်ဟံးစုနဲၣ်ကျဲလီၤ.
၇ တၢ်ခဲလၢာ် အကတၢၢ်န့ၣ် ဘူးထီၣ်လံအဃိ ကဲထီၣ်ပှၤလၢ အဆိကမိၣ်ထံတၢ် သ့ဂ့ၤဂ့ၤ+ ဒီးအိၣ်ကတဲာ်ကတီၤသုသး* ထီဘိလၢ သုကဃ့ထုကဖၣ်တၢ် အဂီၢ်တက့ၢ်.+ ၈ ဒီးလၢတၢ်ခဲလၢာ် အဖီခိၣ်န့ၣ် သုကဘၣ် အဲၣ်လိာ်ကွံလိာ်သုသးဒိၣ်မး+ မ့ၢ်လၢ တၢ်အဲၣ်တၢ်ကွံန့ၣ် ကျၢၢ်ဘၢတၢ်ဒဲးဘး အါမးအဃိလီၤ.+ ၉ သးအိၣ် တူၢ်လိာ်ခီၣ်ဆၢလိာ်သး တဂၤဒီးတဂၤ ဒီးတဘၣ် ကဒူးကဒ့ၣ်လိာ်သးတဂ့ၤ.+ ၁၀ ပဝဲသ့ၣ်တဖၣ် ပဒိးန့ၢ်ဘၣ်တၢ်ဟ့ၣ် တဂၤတမံၤလီၤ. အဃိ ဒ်ပှၤပၢၤတၢ်ဖိလၢအဂ့ၤ လၢအဒိးန့ၢ်ဘၣ် ကစၢ်ယွၤ အတၢ်သးကညီၤ ဒိၣ်ဒိၣ်မုၢ်မုၢ်လၢ အဘၣ်တၢ်ပာ်ဖျါထီၣ်အီၤလၢ ကျဲအကလုာ်ကလုာ်အသိးန့ၣ်+ သူတၢ်ဟ့ၣ်အံၤ ဒ်သိးကမၤစၢၤလိာ်သး တဂၤဒီးတဂၤ အဂီၢ်တက့ၢ်. ၁၁ ပှၤတဂၤဂၤမ့ၢ်တဲတၢ်န့ၣ် မ်အတဲတၢ်ကစီၣ်လၢ အဟဲလၢ ကစၢ်ယွၤအအိၣ်န့ၣ်တက့ၢ်. ပှၤတဂၤဂၤ မ့ၢ်မၤစၢၤပှၤဂၤန့ၣ် မ်အသန့ၤအသးလၢ တၢ်ဂံၢ်တၢ်ဘါလၢ ကစၢ်ယွၤဟ့ၣ်လီၤဝဲန့ၣ်တက့ၢ်.+ အမ့ၢ်မၤဝဲဒ်န့ၣ်န့ၣ် ကစၢ်ယွၤကဘၣ် တၢ်မၤလၤကပီၤအီၤလၢ တၢ်ခဲလၢာ်အပူၤ+ ခီဖျိယ့ၣ်ၡူးခရံာ်လီၤ. တၢ်လၤတၢ်ကပီၤ ဒီးတၢ်ဂံၢ်တၢ်ဘါန့ၣ် မ့ၢ်ကစၢ်ယွၤအတၢ် လီၤထူလီၤယိာ်လီၤ. အၤမ့ၣ်.
၁၂ ဒီပုၢ်ဝဲၢ်သးဘိသ့ၣ်ဧၢ, သုထံၣ်ဘၣ် တၢ်မၤကွၢ်တဖၣ်လၢ+ အလီၤဂာ်ဒ်သိးဒီး မ့ၣ်အူသနာ်က့ တဘၣ်ကမၢကမၣ်တဂ့ၤ. တၢ်လၢ အကဲထီၣ်သးဒီးသုတဖၣ်အံၤန့ၣ် တမ့ၢ်တၢ်လီၤဆီဘၣ်. ၁၃ သုတူၢ်ဃုာ် ခရံာ်အတၢ်နးတၢ်ဖှီၣ်တဖၣ်+ တုၤလၢ အပတီၢ်ထဲလဲၣ်န့ၣ် ဆဲးသးခုလၢ+ တၢ်ဂ့ၢ်အဝဲန့ၣ် အဃိတက့ၢ်. သုမ့ၢ်မၤဒ်န့ၣ်န့ၣ် ဖဲခရံာ်အလၤကပီၤ ဘၣ်တၢ်လီၣ်ဖျါထီၣ်အီၤအခါ+ သုကသးခုဒိၣ်မးလီၤ. ၁၄ သုမ့ၢ်ဘၣ် တၢ်ဒုၣ်ဒွဲၣ်စံးအၢသုလၢ ခရံာ်အမံၤအဃိန့ၣ် သုကသးခု,+ မ့ၢ်လၢ ကစၢ်ယွၤအသးစီဆှံလၢ အအိၣ်ဒီးအလၤကပီၤန့ၣ် အိၣ်လၢသုလိၤအဃိလီၤ.
၁၅ ဘၣ်ဆၣ် သုဝဲတဂၤဂ့ၤ တဂၤဂ့ၤ သုမ့ၢ်ဘၣ်တူၢ်တၢ်န့ၣ် တဘၣ်မ့ၢ်လၢ သုကဲပှၤမၤသံတၢ်, ပှၤဟုၣ်တၢ်, ပှၤမၤကမၣ်တၢ် မ့တမ့ၢ် ပှၤလၢ အဟးမၤဘၣ်ထွဲလိာ်သးဒီး ပှၤဂၤ အတၢ်ဂ့ၢ်တၢ်ကျိၤအဃိတဂ့ၤ.+ ၁၆ ဘၣ်ဆၣ် ပှၤတဂၤဂၤ မ့ၢ်တူၢ်ဘၣ်တၢ် ဒ်ခရံာ်ဖိတဂၤအသိးန့ၣ် မ်အသုတမဲာ်ဆှးတဂ့ၤ.+ လၢတၢ်န့ၣ်အလီၢ် မ်အဆဲးမၤလၤကပီၤကစၢ်ယွၤ ခီဖျိလၢအအိၣ်မူဒ် ခရံာ်ဖိအသိးတက့ၢ်. ၁၇ ဆၢကတီၢ်ခဲအံၤ မ့ၢ်တၢ်ဆၢကတီၢ်လၢ အဘၣ်တၢ်ပာ်ပနီၣ်အီၤလၢ တၢ်ကစံၣ်ညီၣ်တၢ်အဂီၢ်ဒီး တၢ်စံၣ်ညီၣ် ကစးထီၣ်ဆိလၢ ကစၢ်ယွၤအဟံၣ်လီၤ.+ တၢ်စံၣ်ညီၣ်အံၤ မ့ၢ်စးထီၣ် ဆိလၢပကျါန့ၣ်+ မ့မ့ၢ်ပှၤလၢ အတဒိကနၣ် ကစၢ်ယွၤ အတၢ်သးခုကစီၣ်ဘၣ်န့ၣ်+ တၢ်ကမၤအသးဒီးအဝဲသ့ၣ်ဒ်လဲၣ်. ၁၈ တၢ်ကွဲးအသးတဲဝဲလၢ “မ့ၢ်ကီဝဲလၢ ပှၤတီပှၤလိၤ ကတုၤလၢ တၢ်အုၣ်က့ၤခီၣ်က့ၤအဂီၢ်န့ၣ် ပှၤလၢအတယူးတယီၣ်ယွၤဘၣ် ဒီးပှၤတၢ်ဒဲးဘးဖိန့ၣ် တၢ်ကမၤအသးဒီး အဝဲသ့ၣ်ဒ်လဲၣ်.”+ ၁၉ မ့မ့ၢ်ဒ်န့ၣ်န့ၣ် ပှၤလၢအတူၢ်ဘၣ်တၢ် ခီဖျိလၢ အမၤတၢ်ဘၣ် ကစၢ်ယွၤအသးအဃိန့ၣ် မ်အဆဲးအးလီၤအသးလၢ တၢ်ဘၣ်တ့ကစၢ်လၢ အတီတဂၤန့ၣ်အအိၣ် ဒီးဆဲးမၤတၢ်ဂ့ၤတက့ၢ်.+