ကတိၤဒိ

 ၂ ဖဲတၢ်ကမၣ်အိၣ်ဝဲလၢ ကီၢ်ပူၤအခါ ပဒိၣ်ကထီၣ်ဝဲ တဂၤဝံၤ တဂၤလီၤ.+

ဘၣ်ဆၣ်​ ပဒိၣ်တဂၤမ့ၢ်အိၣ်ဒီး ပှၤဟ့ၣ်ကူၣ်တၢ်လၢ အအိၣ်ဒီးတၢ်ကူၣ်သ့ ဒီးတၢ်သ့ၣ်ညါနၢ်ပၢၢ် လၢအမၤစၢၤအီၤန့ၣ်​ အဝဲကပၢတၢ် ဖးယံာ်လီၤ.+

 ၇ ဖိခွါတဂၤလၢ အနၢ်ပၢၢ်တၢ်န့ၣ်​ မၤထွဲတၢ်သိၣ်တၢ်သီလီၤ.

မ့မ့ၢ် ပှၤတဂၤလၢ အဒီတံၤဒီသကိးဒီး ပှၤလၢအအီၣ်တၢ် အါတလၢန့ၣ်​ မၤမဲာ်ဆှးအပၢ်လီၤ.+

၁၀ ပှၤလၢအဆှၢကမၣ်​ ပှၤလၢအသူၣ်ဘျၢသးဘျၢလၢ တၢ်အၢတၢ်သီအကျဲန့ၣ်​ အကဟးဂီၤကဒါက့ၤလၢ အနီၢ်ကစၢ် အတၢ်အၢတၢ်သီ အဃိလီၤ.+

မ့မ့ၢ် ပှၤလၢ တၢ်ပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်န့ၣ်​ ကန့ၢ်သါဘၣ်​ တၢ်ဂ့ၤလီၤ.+

၁၂ ဖဲပှၤတီပှၤလိၤ မၤနၢၤတၢ်အခါ တၢ်သးခုဖးဒိၣ်​ အိၣ်ဝဲလီၤ.

ဘၣ်ဆၣ်​ ဖဲပှၤအၢပှၤသီတဖၣ်​ န့ၢ်တၢ်စိတၢ်ကမီၤအခါ ပှၤလဲၤအိၣ်ခူသူၣ်ဝဲလီၤ.+

၁၃ ပှၤလၢအပာ်ခူသူၣ်​ အတၢ်ကမၣ်တဖၣ်န့ၣ်​ တဘီၣ်ထီၣ်ညီထီၣ်ဘၣ်.+

မ့မ့ၢ် ပှၤလၢ အအၢၣ်လီၤအတၢ်ကမၣ်​ ဒီးတမၤဝဲလၢၤဘၣ်န့ၣ်​ ကဒိးန့ၢ်ဘၣ်​ တၢ်သးကညီၤလီၤ.+

၁၄ ပှၤလၢအပလီၢ်အသးထီဘိန့ၣ်​ ကသးခုဝဲလီၤ.

မ့မ့ၢ် ပှၤလၢအခိၣ်ကိၤန့ၣ်* ကဘၣ်နးဘၣ်ဖှီၣ်လီၤ.+

၁၆ ခိၣ်နၢ်တဂၤလၢ အတသ့ပဲာ်ထံနီၤဖးတၢ် ဂ့ၤဂ့ၤဘၣ်န့ၣ်​ သူကမၣ်​ အတၢ်စိတၢ်ကမီၤလီၤ.+

မ့မ့ၢ် ပှၤလၢအသးဟ့ တၢ်အီၣ်ကျိၣ်အီၣ်စ့န့ၣ်​ အသးသမူကထီဝဲလီၤ.+

၁၇ ပှၤတဂၤလၢ အမၤသံပှၤအဂၤတဂၤ ဒီးတၢ်သွံၣ်လီၤတီလၢ အခိၣ်လိၤန့ၣ်​ ကဃ့ၢ်တစိၤသးတုၤ အတုၤလၢ တၢ်သွၣ်ခိၣ်လီၤ.+

တဘၣ်မၤစၢၤအီၤ နီတဂၤတဂ့ၤ.

၁၈ ပှၤလၢအလဲၤတၢ် တီတီလိၤလိၤန့ၣ်​ ကပူၤဖျဲးဝဲလီၤ.+

မ့မ့ၢ် ပှၤလၢအတလဲၤတၢ် တီတီလိၤလိၤဘၣ်န့ၣ်​ ကဟးဂီၤဝဲ သတူၢ်ကလာ်လီၤ.+

၁၉ ပှၤလၢအသူၣ်အီၣ်ဖျးအီၣ်တၢ်လၢ အဟီၣ်ခိၣ်န့ၣ်​ ကအိၣ်ဒီးတၢ်အီၣ်​ ဒီဒူၣ်လီၤ.

မ့မ့ၢ် ပှၤလၢ အလူၤတၢ်ကလီကလီန့ၣ်​ ကဖှီၣ်လီၤယာ်လီၤ သပှၢ်တၢၢ်လီၤ.+

၂၁ တၢ်ကွၢ်မဲာ် ပှၤကညီန့ၣ်​ တဂ့ၤဘၣ်.+

ဘၣ်ဆၣ်​ ဘၣ်သ့ၣ်သ့ၣ်​ ပှၤတဂၤကမၤကမၣ်တၢ်ဒ်န့ၣ်​ လၢကန့ၢ်ဘၣ်​ တၢ်အီၣ်တစဲးတမွဲး အဂီၢ်လီၤ.

၂၇ ပှၤလၢအဟ့ၣ်မၤစၢၤ ပှၤဖှီၣ်ဖိယာ်ဖိတဖၣ်န့ၣ်​ ကဒိးန့ၢ်ဘၣ်ဝဲ တၢ်လၢအလိၣ်ဘၣ်​ ခဲလၢာ်လီၤ.+

မ့မ့ၢ် ပှၤလၢ အတကနၣ်ဃုာ် ပှၤဖှီၣ်ဖိယာ်ဖိတဖၣ်ဘၣ်န့ၣ်​ ကဘၣ်ဆိၣ်အၢအါမံၤလီၤ.

၂၈ ဖဲပှၤအၢပှၤသီတဖၣ်​ န့ၢ်တၢ်စိတၢ်ကမီၤအခါ ပှၤအိၣ်ခူသူၣ်ဝဲလီၤ.

ဘၣ်ဆၣ်​ ဖဲပှၤအၢပှၤသီတဖၣ်​ ဟးဂီၤအခါ ပှၤတီပှၤလိၤ အါထီၣ်ဝဲလီၤ.+