စံးထီၣ်ပတြၢၤ
စီၤဒၤဝံးအထါ.
၁၄၃ အိ ယဟိဝၤယွၤဧၢ, ဒိကနၣ်ယတၢ်ထုကဖၣ်+
ဒီးဒိကနၣ် ယတၢ်ဃ့ကညးလၢ တၢ်မၤစၢၤအဂီၢ်တက့ၢ်.
နအိၣ်ဒီး တၢ်သးတီ ဒီးနတီနလိၤအဃိ စံးဆၢယၤတက့ၢ်.
၂ လၢနမဲာ်ညါန့ၣ် ပှၤအမူလၢ အတၢ်ကမၣ်တအိၣ်ဘၣ်န့ၣ်* တအိၣ်နီတဂၤဘၣ်.+
အဃိ တဘၣ်လဲၤကိးထီၣ် နခ့နပှၤယၤအံၤလၢ စံၣ်ညီၣ်ကွီၢ် အရူတဂ့ၤ.
၃ ဒုၣ်ဒါလူၤယၤ
ဒီးယီၢ်တံၢ်လီၤယၤလၢ ဟီၣ်ခိၣ်လိၤလီၤ.
ဒီးအဝဲဒုးအိၣ်ယၤလၢ တၢ်ခံးကျါ ဒ်ပှၤလၢ အသံတ့ၢ်ဖးယံာ်လံတဖၣ် အသိးလီၤ.
၅ ယသ့ၣ်နီၣ်ထီၣ်က့ၤ မုၢ်နံၤလၢအပူၤကွံာ်တဖၣ်,
ယဆိကမိၣ်ထံ တၢ်လၢနမၤခဲလၢာ်+
ဒီးလၢတၢ်သူၣ်ဆူၣ်သးဆူၣ်အပူၤန့ၣ် ယဆိကမိၣ်ထံ* နစုတၢ်မၤတဖၣ်အဂ့ၢ်လီၤ.
၆ ယယူာ်ထီၣ်ယစုလၢ နအိၣ်လၢတၢ်ထုကဖၣ်အပူၤ,
ယခိးကွၢ်လၢ်နၤ ဒ်ဟီၣ်ခိၣ်အဃ့တတီၤ ခိးကွၢ်လၢ် မူခိၣ်စူၤအသိးလီၤ.+ (စ့လၤ)
၈ ယနာ်န့ၢ်နၤအဃိ
လၢဂီၤခီန့ၣ် ဒုးနၢ်ဟူယၤလၢ နတၢ်အဲၣ်လၢအတီအဂ့ၢ်တက့ၢ်.
ယသန့ၤယသးလၢနၤအဃိ
ဒုးသ့ၣ်ညါယၤလၢ ကျဲလၢယကြၢးလဲၤန့ၣ်တက့ၢ်.+
၉ အိ ယဟိဝၤယွၤဧၢ, မၤပူၤဖျဲးယၤလၢ ယဒုၣ်ယဒါတဖၣ် အစုပူၤတက့ၢ်.
ယဃုတၢ်ဒီသဒၢလၢ နအိၣ်လီၤ.+
၁၀ နမ့ၢ်ယကစၢ်ယွၤ အဃိ
သိၣ်လိယၤဒ်သိး ယကမၤနတၢ်ဘၣ်သး အဂီၢ်တက့ၢ်.+
နသးစီဆှံန့ၣ် မ့ၢ်တၢ်လၢအဂ့ၤ,
မ်အဟံးစုနဲၣ်ကျဲယၤလၢ တၢ်လီၢ်လၢ အအိၣ်ဒီး တၢ်ဘံၣ်တၢ်ဘၢ* အပူၤတက့ၢ်.
၁၁ အိ ယဟိဝၤယွၤဧၢ, ခီဖျိလၢနမံၤအဃိ ပာ်မူယၤတက့ၢ်.
နမ့ၢ်ပှၤလၢ အတီအလိၤအဃိ မၤပူၤဖျဲးယၤလၢ ယတၢ်နးတၢ်ဖှီၣ်အပူၤတက့ၢ်.+
၁၂ ခီဖျိလၢ နတၢ်အဲၣ်လၢအတီအဃိ မၤဟးဂီၤကွံာ် ယဒုၣ်ယဒါတဖၣ်တက့ၢ်.+