ယိၤဘး
၃၃ “စီၤယိၤဘးဧၢ, ဝံသးစူၤ ကနၣ်တၢ်လၢယကတဲနီၤ.
ကနၣ်တၢ်လၢ ယတဲ ကိးထံၣ်ဒဲးနီၤ.
၂ ယကးပံး ယကိာ်ပူၤတကဲလၢၤဘၣ်,
ယကတဲတၢ်လီၤ.
၃ ယတၢ်ကတိၤတဖၣ်န့ၣ် ပာ်ဖျါထီၣ်ဝဲလၢ ယမ့ၢ်ပှၤလၢ အသူၣ်ဘျၢသးဘျၢ+
ဒီးလၢတၢ်သူၣ်ဘျၢသးဘျၢအပူၤန့ၣ် ယထးခိၣ်ကတဲ တၢ်လၢယသ့ၣ်ညါတဖၣ်လီၤ.
၅ နတဲဆၢယၤ မ့ၢ်ဘၣ်န့ၣ် တဲဆၢနီၤ.
ကတဲာ်ကတီၤပာ်စၢၤနသးနီၤ, ဒီးနမ့ၢ်အဲၣ်ဒိးတဲအါတၢ် တမံၤမံၤန့ၣ် နတဲသ့လီၤ.
၆ လၢယွၤလၢအမ့ၢ်အတီတဂၤ အမဲာ်ညါန့ၣ် ပမ့ၢ်တၢ်ဒ်သိးသိးလီၤ.
ယၤစ့ၢ်ကီး တၢ်တ့လီၤယၤလၢ ကပံာ်လီၤ.+
၇ အဃိ နတလိၣ် ပျံၤယၤဘၣ်,
ယတတဲတၢ်ကတိၤလၢ အကကဲထီၣ် တၢ်ဆီၣ်သနံးလၢနဂီၢ် အါတလၢဘၣ်.
၈ တၢ်လၢနတဲန့ၣ် ယနၢ်ဟူဘၣ်,
ဒီးယကနၣ် နတၢ်ကတိၤ တဖၣ်အံၤလီၤ.
၁၀ ဒီးနတဲလၢ ကစၢ်ယွၤ ဃုနတၢ်ကမၣ်လၢ ကထီဒါနၤအဂီၢ်
ဒီးအပာ်နၤဒ် အဒုၣ်အဒါ အသိးလီၤ.+
၁၁ ဒီးအကျီၤတံၢ်ဃာ် နခီၣ်လၢ သ့ၣ်ကျီၤ,
ဒီးဖဲနလဲၤ တပူၤဂ့ၤတပူၤဂ့ၤ အကွၢ်နၤ ထံထံဆးဆးလီၤ.+
၁၂ နတဲတၢ် ဒ်န့ၣ်န့ၣ် တဘၣ်ဘၣ်, အဃိ ယကတဲနၤလၢ
ကစၢ်ယွၤ ဒိၣ်န့ၢ်ဒံး ပှၤဟီၣ်ခိၣ်ဖိ စၢၢ်တလၢၢ်လီၤ.+
၁၃ ဘၣ်မနုၤအဃိ နကဒူးကဒ့ၣ် အီၤလဲၣ်.+
မ့ၢ်လၢ အတစံးဆၢနၤဘၣ် အဃိဧါ.+
၁၄ နီၢ်ကီၢ်န့ၣ် ကစၢ်ယွၤ တဲတၢ် တဘျီဝံၤတဘျီ
ဘၣ်ဆၣ် ပှၤတကနၣ် နီတဂၤဘၣ်.
၁၅ အဝဲ တဲတၢ်လၢ တၢ်မံမီၢ်အပူၤ, လၢတၢ်ထံၣ်လၢညါခီအပူၤ+
ဖဲပှၤမံလၢ လီၢ်မံခိၣ်အခါ
ဒီးဖဲပှၤနၢ်လီၤ ဖးယိာ်အခါလီၤ.
၁၆ ကစၢ်ယွၤတဲတၢ်လၢ အဝဲသ့ၣ် အနၢ်ပူၤ+
ဒီးပာ်ဂၢၢ်ပာ်ကျၢၤ တၢ်ဟံးစုနဲၣ်ကျဲလၢ အဟ့ၣ်လီၤအဝဲသ့ၣ်
၁၇ ဒ်သိး ပှၤကပာ်တ့ၢ်ကွံာ် တၢ်လၢအကမၣ်+
ဒီးဒ်သိး ပှၤသုတပာ်ထီၣ်ထီအသး တဂ့ၤအဂီၢ်လီၤ.+
၁၈ ကစၢ်ယွၤ မၤပူၤဖျဲးအီၤလၢ တၢ်သွၣ်ခိၣ်+
ဒီးတပျဲအသံလၢနးဘၣ်.
၁၉ ဖဲပှၤတဂၤ တူၢ်ဘၣ်တၢ်အ့ၣ်စိၢ် အ့ၣ်ထုး ဒီးမံနီၤလၢ အလီၢ်မံခိၣ်
ဒီးဖဲအဃံတဖၣ် ဆါဝဲ ထီဘိအခါ အန့ၢ်ဘၣ်တၢ်မၤလိသ့လီၤ.
၂၀ အဝဲတူၢ်ဘၣ်တၢ် ဒ်န့ၣ်အဃိ အသးလၢာ်တၢ်အီၣ်
ဒီးအတအဲၣ်ဒိးအီၣ် တၢ်အီၣ်လၢ အအီၣ်ဝဲဝံၣ် ဒၣ်လဲာ်န့ၣ်ဘၣ်.+
၂၁ အဝဲဃဲၤလီၤ သပှၢ်တၢၢ်
ဒီးအိၣ်တ့ၢ်က့ၤထဲ အဃံလီၤ.
၂၂ ဒီးအဝဲဘူးထီၣ်ဒီး တၢ်သွၣ်ခိၣ်
ဒီးပှၤလၢ အလူၤမၤသံအီၤန့ၣ် ဟဲဘူးထီၣ်ဝဲလံ.
၂၃ ဘၣ်ဆၣ် လၢပှၤတကထိအကျါန့ၣ်
ပှၤစိာ်တၢ်ကစီၣ်ဖိ မ့ၢ်အိၣ်တဂၤလၢ အကဟဲမၤစၢၤအီၤဒီး
တဲဘၣ်အီၤတၢ်လၢ အတီအလိၤန့ၣ်
၂၄ ကစၢ်ယွၤ ကသးကညီၤဘၣ်အီၤ ဒီးကတဲဝဲလၢ
‘မၤပူၤဖျဲးအီၤ ဒ်သိးအသုတလဲၤလီၤဘၣ်လၢ တၢ်သွၣ်ခိၣ်အပူၤတဂ့ၤ,+
ယထံၣ်န့ၢ် တၢ်ပှ့ၤက့ၤလၢ အဂီၢ်လံ.+
၂၅ မ်အဖံးအညၣ် ဂ့ၤန့ၢ်ဒံး ပှၤသးစၢ် အဖံးအညၣ်+
ဒီးမ်အက့ၤကဲထီၣ်က့ၤဒ် အသးစၢ် အဆၢကတီၢ် ဖဲအပှဲၤဝဲဒီး တၢ်ဂံၢ်တၢ်ဘါအခါ န့ၣ်တက့ၢ်.’+
၂၆ အဝဲကဃ့ကညး ကစၢ်ယွၤ+ ဒီးကစၢ်ယွၤ ကတူၢ်လိာ်အီၤလီၤ.
အဝဲကထံၣ် ကစၢ်ယွၤအမဲာ် ဒီးအကကိးပသူထီၣ်လၢ တၢ်သးခုအပူၤ
ဒီးကစၢ်ယွၤ ကပာ်တီပာ်လိၤက့ၤအီၤလီၤ.
၂၈ အဝဲ ပှ့ၤက့ၤယၤ ဒ်သိး ယသုတလဲၤလီၤဘၣ် လၢတၢ်သွၣ်ခိၣ်အပူၤ တဂ့ၤအဂီၢ်+
ဒီးယကဆဲးအိၣ်မူဘၣ်လီၤ.’
၂၉ နီၢ်ကီၢ်န့ၣ် ကစၢ်ယွၤ မၤဝဲတၢ်သ့ၣ်တဖၣ်အံၤခဲလၢာ်
လၢပှၤတဂၤအဂီၢ် ခံဘျီ သၢဘျီလီၤ.
၃၀ အဃိအဝဲ ကမၤပူၤဖျဲးအီၤလၢ တၢ်သွၣ်ခိၣ်
ဒ်သိး အကအိၣ်မူဘၣ်မုာ်မုာ် အဂီၢ်လီၤ.+
၃၁ ကနၣ်လၢအံၤ စီၤယိၤဘးဧၢ, ကနၣ်တၢ်ထံထံ,
အိၣ်ဘှ့ၣ်ဒီး ယကဆဲးတဲတၢ်လီၤ.
၃၂ နမ့ၢ်ဘၣ်သးတဲတၢ် တမံၤမံၤန့ၣ် တဲယၤဟီ.
တဲတၢ်သၢၤ, ယအဲၣ်ဒိးပာ်ဖျါထီၣ်လၢ နတၢ်ကမၣ် တအိၣ်ဘၣ်လီၤ.
၃၃ တၢ်လၢနကတဲ မ့ၢ်တအိၣ်နီတမံၤဘၣ်န့ၣ် နကြၢးကနၣ် တၢ်လၢ ယကတဲလီၤ.
အိၣ်ဘှ့ၣ် ဒီးယကသိၣ်လိနၤ တၢ်ကူၣ်သ့လီၤ.”