မးသဲ

၃ လၢခံ ပှၤဘျၢတၢ်စီၤယိၤဟၣ်+ ဟဲစံၣ်တဲၤတဲလီၤတၢ်လၢ+ ယူဒၤ အပှၢ်မုၢ်ကနၢအပူၤ ၂ ဒီးအဝဲတဲဝဲလၢ “ပီၢ်ယၢ်လီၤက့ၤသုသးတက့ၢ်. မူခိၣ်အဘီအမုၢ်န့ၣ်​ ဟဲဘူးထီၣ်လံ.”+ ၃ ဘၣ်ဃးဒီး စီၤယိၤဟၣ်အဂ့ၢ်န့ၣ်​ ဝံယၡါယၤ+ တဲဆိပာ်ဝဲဒ်အံၤ “လၢပှၢ်မုၢ်ကနၢန့ၣ်​ ပှၤတဂၤအကလုၢ် သီၣ်ထီၣ်ဝဲလၢ ‘ကတဲာ်ကတီၤန့ၢ်ကျဲလၢ ယဟိဝၤယွၤ* အဂီၢ် ဒီးမၤလိၤထီၣ်ကျဲ လၢအမဲာ်ညါတက့ၢ်.’”+ ၄ စီၤယိၤဟၣ်န့ၣ်​ သိးဝဲ ကီၤလၤအူးအဆူၣ်​ ဒီးစၢထီၣ်အယီၢ်ဒ့ဒီး ယီၢ်တကိးလၢ ဘၣ်တၢ်တ့အီၤလၢ ဆၣ်ဖိကီၢ်ဖိ အဘ့ၣ်လီၤ.+ အတၢ်အီၣ်တၢ်အီန့ၣ်​ မ့ၢ်ဝဲဒွဲၣ်​ ဒီးကနဲမံၤအစီလီၤ.+ ၅ ပှၤယရူၤၡလ့ၣ်ဖိ ဒီးပှၤလၢအအိၣ်လၢ ယူဒၤအဟီၣ်ကဝီၤပူၤခဲလၢာ် ဒီးကယဲၢ် ပှၤအိၣ်လၢ တၢ်လီၢ်လၢအဘူးဒီး ထံကျိယၢ်ဒ့ၣ်န့ၣ်​ လဲၤဝဲလၢအအိၣ်လီၤ.+ ၆ ဒီးစီၤယိၤဟၣ်ဒိးဘျၢ* အဝဲသ့ၣ်လၢ ထံကျိယၢ်ဒ့ၣ်အပူၤ+ ဒီးအဝဲသ့ၣ်အၢၣ်လီၤ အတၢ်ဒဲးဘးပျီပျီလီၤ.

၇ ဖဲစီၤယိၤဟၣ်ထံၣ်ဘၣ်လၢ ပှၤဖၤရံၤၡဲ ဒီးပှၤစးဒူၤကဲ+ အါဂၤ ဟဲလၢ တၢ်ဒိးဘျၢထံအလီၢ်အခါ အဝဲတဲဘၣ်​ အဝဲသ့ၣ်လၢ “ဂုၢ်အၢအဖိအလံၤသ့ၣ်ဧၢ,+ မတဂၤဟ့ၣ်ပလီၢ်သု ဒ်သိး သုကဃ့ၢ်ပူၤဖျဲးထီၣ်ကွံာ် သုသးလၢ ကစၢ်ယွၤ အတၢ်သးဒိၣ်ထီၣ်လၢ အကဟဲန့ၣ်လဲၣ်.+ ၈ အဆိကတၢၢ်န့ၣ်​ မၤတၢ်လၢ အပာ်ဖျါထီၣ်လၢ သုပီၢ်ယၢ်လီၤက့ၤသုသး* န့ၣ်တက့ၢ် ၉ တဘၣ်တဲလီၤသုသးလၢ စီၤအၤဘြၤဟၣ်​ မ့ၢ်သုပၢ် န့ၣ်တဂ့ၤ.+ ယကတဲဘၣ်သုလၢ ကစၢ်ယွၤ မၤကဲထီၣ်​ လၢၢ်တဖၣ်အံၤလၢ စီၤအၤဘြၤဟၣ်​ အဖိအလံၤတဖၣ်​ သ့ဝဲလီၤ. ၁၀ ကွါအိၣ်ပာ်လီၤအသးလၢ သ့ၣ်ခီၣ်ထံးလံ. အဃိ ကယဲၢ်သ့ၣ်လၢ အတသၣ်ထီၣ်အသၣ်​ လၢအဂ့ၤဘၣ်န့ၣ်​ ကဘၣ်​ တၢ်ကူာ်လီၤကွံာ်အီၤဒီး ထၢနုာ်အီၤလၢ မ့ၣ်အူအပူၤလီၤ.+ ၁၁ ယၤန့ၣ်​ ယဒိးဘျၢ သုလၢထံ မ့ၢ်လၢ သုပီၢ်ယၢ်လီၤက့ၤ သုသးအဃိလီၤ.+ မ့မ့ၢ်ပှၤလၢ အကဟဲလၢ ယလီၢ်ခံတဂၤန့ၣ်​ ဒိၣ်န့ၢ်ယၤလီၤ. ထဲယကဘ့ၣ်လီၤကွံာ် အခီၣ်ဖံးဒၣ်လဲာ် ယတကြၢးဘၣ်.+ အဝဲ ကဒိးဘျၢသုလၢ သးစီဆှံ+ ဒီးလၢမ့ၣ်အူလီၤ.+ ၁၂ အနီၣ်တရီာ်ဘုန့ၣ်​ အိၣ်လၢအစုပူၤလံ. အဝဲကမၤကဆှီထီၣ်ကွံာ် အကြဲၢ်ပူၤပျီပျီ ဒီးကပာ်ဖှိၣ်အဘု* လၢဘုဖီပူၤလီၤ. မ့မ့ၢ်ဘုဘ့ၣ်န့ၣ်​ အဝဲကဒွဲၣ်အူကွံာ်ဝဲလၢ မ့ၣ်အူလၢ+ အလီၤပံာ်တသ့ဘၣ်အပူၤလီၤ.”

၁၃ ဒီးယ့ၣ်ၡူး အိၣ်လၢကၤလံၤလါ ဒီးလဲၤဝဲလၢ စီၤယိၤဟၣ်အအိၣ်လၢ ထံကျိယၢ်ဒ့ၣ်​ ဒ်သိး အကဒိးဘျၢထံအဂီၢ်လီၤ.+ ၁၄ ဘၣ်ဆၣ်စီၤယိၤဟၣ်​ ဂုာ်ကျဲးစၢးတြီအီၤ ဒီးတဲအီၤလၢ “ဘၣ်မနုၤအဃိ နဟဲလၢ ယအိၣ်လဲၣ်. နီၢ်ကီၢ်န့ၣ်​ ယကဘၣ်ဒိးဘျၢထံလၢ နစုပူၤလီၤ.” ၁၅ ယ့ၣ်ၡူး စံးဆၢက့ၤအီၤလၢ “တဘၣ်တြီယၤတဂ့ၤ, ပမ့ၢ်မၤဒ်အံၤမး မ့ၢ်ဝဲပမၤလၢထီၣ်ပှဲၤထီၣ်​ ကစၢ်ယွၤ အတၢ်ဘၣ်သးခဲလၢာ်လီၤ.” အဃိ စီၤယိၤဟၣ်​ တတြီအီၤလၢၤဘၣ်. ၁၆ ယ့ၣ်ၡူး ဒိးဘျၢထံဝံၤဒီး ဖဲအဝဲဟဲထီၣ်လၢ ထံကျါတဘျီဃီန့ၣ်​ မူခိၣ်အိးထီၣ်အသး+ ဒီးအဝဲထံၣ်ဝဲ ကစၢ်ယွၤအသးစီဆှံ ဟဲလီၤလၢအလိၤ ဒ်ထိၣ်လွံၢ် ဟဲလီၤဝဲအသိးလီၤ.+ ၁၇ ဒီးတၢ်ကလုၢ် သီၣ်ထီၣ်လၢ မူခိၣ်+ ဒီးတဲဝဲလၢ “အဝဲအံၤ မ့ၢ်ယဖိခွါလၢ+ ယအဲၣ်အီၤ ဒီးယဘၣ်သူၣ်ဘၣ်သးအီၤလီၤ.”+