ကတိၤဒိ
၁ စီၤဒၤဝံး အဖိခွါ+ စီၤၡလိၤမိၤ+ လၢအမ့ၢ် အံၣ်စရ့လးအစီၤပၤ အတၢ်ကတိၤဒိတဖၣ်န့ၣ်
အိၣ်ဝဲဒ်လၢလာ်အံၤ အသိးလီၤ.+
၂ တၢ်ကတိၤဒိတဖၣ်အံၤ ကဟ့ၣ်သု တၢ်ကူၣ်သ့,+ သိၣ်က့ၤသီက့ၤသု*
ဒီးကမၤစၢၤသုလၢ သုကနၢ်ပၢၢ် ပှၤကူၣ်တၢ်သ့ အတၢ်ကတိၤတဖၣ် အဂီၢ်လီၤ.
၃ ဒီးကမၤစၢၤသု ဒ်သိး သုကဒိးန့ၢ်ဘၣ် တၢ်သိၣ်က့ၤသီက့ၤ+ လၢကဟ့ၣ်သု တၢ်နၢ်ပၢၢ် လီၤတံၢ်လီၤဆဲးအဂီၢ်,
ဒ်သိး သုကအိၣ်ဒီး တၢ်တီတၢ်လိၤ,+ တၢ်သူၣ်ဘျၢသးဘျၢ ဒီးဒ်သိး သုဆၢတဲာ်တၢ်ကဘၣ်*+ အဂီၢ်လီၤ.
၄ ဒီးကမၤစၢၤ ပှၤလၢအတၢ်လဲၤခီဖျိစှၤတဂၤ ဒ်သိး ကကဲထီၣ် ပှၤလၢ အသူၣ်ဆးသးဆး+
ဒီးဒ်သိး ပှၤသးစၢ်တဖၣ် ကန့ၢ်ဘၣ် တၢ်သ့ၣ်ညါ ဒီးတၢ်သ့ပဲာ်ထံနီၤဖးတၢ် အဂီၢ်လီၤ.+
၅ ပှၤကူၣ်တၢ်သ့န့ၣ် ဒိကနၣ်တၢ် ဒီးန့ၢ်ဘၣ်အါထီၣ် တၢ်သိၣ်လိလီၤ.+
ဒီးပှၤလၢ အအိၣ်ဒီး တၢ်နၢ်ပၢၢ်န့ၣ် ဒိးန့ၢ်ဘၣ် တၢ်ဟံးစုနဲၣ်ကျဲ လၢအဂ့ၤ+
၆ ဒ်သိး ကနၢ်ပၢၢ် တၢ်ကတိၤဒိ ဒီးတၢ်ကတိၤလီၤဘၢ
လၢအမ့ၢ် ပှၤကူၣ်တၢ်သ့ အတၢ်ကတိၤတဖၣ် ဒီးတၢ်ပှိၤပှီၢ်လၢ အဝဲသ့ၣ်တဲဝဲ တဖၣ်လီၤ.+
၇ တၢ်ပျံၤယဟိဝၤယွၤန့ၣ် မ့ၢ်ဝဲ တၢ်သ့ၣ်ညါ အဂံၢ်ခီၣ်ထံးလီၤ.+
ထဲပှၤဟးဂီၤဖိတဖၣ်န့ၣ် တပာ်ကဲဝဲ တၢ်ကူၣ်သ့ ဒီးတၢ်သိၣ်က့ၤ သီက့ၤဘၣ်.+
၈ ဖိခွါဧၢ, နပၢ်အတၢ်သိၣ်က့ၤသီက့ၤန့ၣ် ဒိကနၣ်အီၤတက့ၢ်.+
ဒီးနမိၢ် အတၢ်ဟံးစုနဲၣ်ကျဲန့ၣ်* တဘၣ်ပာ်တ့ၢ်အီၤတဂ့ၤ.+
၉ အဝဲသ့ၣ် အတၢ်ဟံးစုနဲၣ်ကျဲန့ၣ် ကမၤသး ဒ်သိးဒီး ခိၣ်ကျီၤဃံလၤ လၢနခိၣ်သၣ်ဃံလိၤ+
ဒီးဒ်သိးဒီး ဖဲတဘိလၢ အဖျါဂ့ၤ လၢနကိာ်ဘိလိၤလီၤ.+
၁၀ ဖိခွါဧၢ, ပှၤတၢ်ဒဲးဘးဖိ မ့ၢ်ကွဲန့ၢ်လွဲန့ၢ်နၤလၢ နကမၤတၢ်အၢန့ၣ် တဘၣ်မၤတဂ့ၤ.+
၁၁ ဘၣ်သ့ၣ်သ့ၣ် အဝဲသ့ၣ် ကတဲလၢ “လဲၤပိာ်ပခံသၢၤ.
ပကလဲၤခိးခူသူၣ်ပှၤဂၤ ဒီးပကမၤသံ အဝဲသ့ၣ်လီၤ.
ပကမံနီၤ အိၣ်ခိးခူသူၣ် ပှၤလၢအတၢ်ကမၣ် တအိၣ်ဘၣ်တဖၣ် ဒီးပကမၤဒၢၣ်မၤဆါ အဝဲသ့ၣ်လၢ တၢ်မၤမုာ်မၤဖှံသးအဂီၢ်လီၤ.
၁၂ ပကယူၢ်လီၤမူဒံး အဝဲသ့ၣ် ဒ်တၢ်သွၣ်ခိၣ်* ယူၢ်လီၤတၢ်အသိး.
အဝဲသ့ၣ်ကဘၣ် တၢ်ယူၢ်လီၤအီၤ ဒီတဂၤ ဒ်ပှၤတဂၤလၢ အလဲၤလီၤလၢ တၢ်ပူၤအသိးလီၤ.
၁၃ ပကလဲၤဟံးန့ၢ်သကိး အဝဲသ့ၣ် အတၢ်ထူးတၢ်တီၤလၢ အလုၢ်ဒိၣ်ပှ့ၤဒိၣ်တဖၣ်
ဒီးပကမၤပှဲၤပဟံၣ်လၢ တၢ်လၢပဂုာ်န့ၢ်တဖၣ်လီၤ.
၁၄ လဲၤဒီးပှၤမီၤ,
တၢ်လၢပဟုၣ်န့ၢ်တဖၣ်န့ၣ် ပကနီၤလီၤပသး ပှဲၤသိးသိးလီၤ.”
၁၅ ဖိခွါဧၢ, တဘၣ်လဲၤပိာ် အဝဲသ့ၣ် အခံတဂ့ၤ.
၁၆ အဝဲသ့ၣ်အခီၣ်န့ၣ် လဲၤတၢ်ချ့ချ့လၢ ကမၤတၢ်အၢအဂီၢ်
ဒီးအဝဲသ့ၣ် ကရီတၢ်လၢ ကမၤသံတၢ်အဂီၢ်လီၤ.+
၁၇ နမ့ၢ်ပာ်လီၤစၤဖဲ ထိၣ်တဘ့ၣ်ကွၢ်ဝဲအခါန့ၣ် အကဲဝဲတၢ်ခီလီလီလီၤ.
၁၈ လၢတၢ်န့ၣ်အဃိ အဝဲသ့ၣ် ခိးခူသူၣ်တၢ်လၢ ကလူလီၤဂၢ်လီၤ တၢ်သွံၣ်အဂီၢ်
ဒီးအဝဲသ့ၣ် မံနီၤအိၣ်ခိးခူသူၣ်တၢ် ဒ်သိး ကမၤသံ ပှၤဂၤအဂီၢ်လီၤ.
၁၉ ပှၤလၢအမၤဝဲဒ်န့ၣ်န့ၣ် မ့ၢ်ဝဲပှၤလၢ အမၤတၢ်တတီတလိၤ ဒ်သိးကန့ၢ်ဘၣ် တၢ်ထူးတၢ်တီၤအဂီၢ်လီၤ.
ခီဖျိ အဝဲသ့ၣ် မၤဝဲဒ်န့ၣ်အဃိ အသးသမူကၡူကွံာ်ဝဲလီၤ.+
၂၁ အကိးထီၣ်ဝဲလၢ ကျဲအသနၢၣ်တဖၣ်လၢ ပှၤလ့ၢ်ထီၣ်လ့ၢ်လိၤဝဲ အါအလီၢ်
ဒီးဖဲဝ့ၢ်တြဲၤတဖၣ် အခီၣ်ထံးန့ၣ် အတဲဝဲလၢ+
၂၂ “သုဝဲလၢ အတၢ်လဲၤခီဖျိစှၤန့ၣ် မ့ၢ်သုအဲၣ်ဒိးလၢ သုတၢ်လဲၤခီဖျိကအိၣ်စှၤ ဒ်အံၤ ယံာ်ဒံးထဲလဲၣ်.
သုဝဲလၢ အတဲဆါတၢ်မုာ်န့ၣ် သုကတဲဆါတၢ် ယံာ်ဒံးထဲလဲၣ်.
ဒီးသုဝဲလၢ အမ့ၢ်ပှၤဟးဂီၤဖိန့ၣ် သုကသးဟ့ တၢ်သ့ၣ်ညါ ယံာ်ဒံးထဲလဲၣ်.+
၂၃ တူၢ်လိာ် ယတၢ်သိၣ်က့ၤသီက့ၤတက့ၢ်.+
၂၄ ယကိးထီၣ်တၢ် ဘၣ်ဆၣ် သုတဒိကနၣ်ယၤဘၣ်,
ယယူာ်ဃီၤယစု ဘၣ်ဆၣ် ပှၤတသးစၢၢ်ဆၢ နီတဂၤဘၣ်.+
၂၅ သုတကနၣ်ဃုာ် ယတၢ်ဟ့ၣ်ကူၣ် နီတခါဘၣ်
ဒီးသုတတူၢ်လိာ် ယတၢ်သိၣ်က့ၤ သီက့ၤဘၣ်.
၂၆ အဃိ ဖဲတၢ်နးတၢ်ဖှီၣ် ဘၣ်သုအခါ ယကနံၤဘၣ်သု
ဒီးဖဲတၢ်ပျံၤတၢ်ဖုး လီၤဘၣ်သုအခါ ယကနံၤဆဲးအဲးသုလီၤ.+
၂၇ ဒီးဖဲတၢ်လၢသုပျံၤတဖၣ် ဟဲဒ်သိးဒီး ကလံၤမုၢ်,
တၢ်နးတၢ်ဖှီၣ် ဟဲတုၤဝဲ ဒ်သိးဒီး ကလံၤမုၢ်အူတၢ်
ဒီးတၢ်ကိၢ်တၢ်ဂီၤ ဒီးတၢ်ကီတၢ်ခဲ ဟဲဘၣ်သုအခါ ယကနံၤဆဲးအဲးသုလီၤ.
၂၈ ဖဲန့ၣ်အခါ သုကကိးထီၣ်ယၤ ခဲအံၤခဲအံၤ ဘၣ်ဆၣ် ယတစံးဆၢသုဘၣ်.
ဒီးသုကလူၤဃုယၤလၢ တၢ်သူၣ်ဆူၣ်သးဆူၣ်အပူၤ ဘၣ်ဆၣ် သုတထံၣ်ယၤဘၣ်,+
၂၉ မ့ၢ်လၢသုသးဟ့ တၢ်သ့ၣ်ညါ+
ဒီးသုတဃုထၢလၢ သုကပျံၤ ယဟိဝၤယွၤဘၣ် အဃိလီၤ.+
၃၀ သုတတူၢ်လိာ် ယတၢ်ဟ့ၣ်ကူၣ်ဘၣ်
ဒီးသုတပာ်ကဲ ယတၢ်သိၣ်က့ၤသီက့ၤ နီတခါဘၣ်.
၃၁ အဃိ သုကတူၢ်ဘၣ် တၢ်လၢ သုကြၢးတူၢ်ဘၣ်+
ဒီးသုတၢ်ကူၣ်အၢန့ၣ် ကဘၣ်ကဒါက့ၤ သုနီၢ်ကစၢ်လီၤ.
၃၂ ပှၤလၢအတၢ်လဲၤခီဖျိစှၤတဖၣ် ဃၣ်ကွံာ်အသးအဃိ အဝဲသ့ၣ် ကသံဝဲလီၤ.
ဒီးပှၤဟးဂီၤဖိ အတၢ်ကိၢ်တၢ်ဂီၤ တအိၣ်နီတမံၤဘၣ်အဃိ အဝဲသ့ၣ် ကဟးဂီၤဝဲလီၤ.
၃၃ မ့မ့ၢ်ပှၤလၢ အဒိကနၣ်ယကလုၢ်န့ၣ် အဝဲသ့ၣ် ကအိၣ်ဘၣ် ဘံၣ်ဘံၣ်ဘၢဘၢ+
ဒီးအဝဲသ့ၣ် တလိၣ်ပျံၤ တၢ်နးတၢ်ဖှီၣ်နီတမံၤဘၣ်.”+
၂ ဖိခွါဧၢ, နမ့ၢ်တူၢ်လိာ် တၢ်လၢ ယတဲတဖၣ်
ဒီးပာ်ဖှိၣ်ဃာ် ယတၢ်မၤလိာ်တဖၣ် ဒ်တၢ်လုၢ်ဒိၣ်ပှ့ၤဒိၣ်အသိး,+
၂ ဒိးနနၢ်လၢ တၢ်ကူၣ်သ့,+
သးလီ တၢ်သ့ပဲာ်ထံနီၤဖးတၢ်,+
၃ တကးဒံးဘၣ် နမ့ၢ်ကိးထီၣ် ဒ်သိးနကဃ့ တၢ်နၢ်ပၢၢ်+
ဒီးကိးပသူထီၣ် ဒ်သိးနကန့ၢ်ဘၣ် တၢ်သ့ပဲာ်ထံနီၤဖးတၢ်,+
၄ ဒီးနမ့ၢ်ဆဲးဃုအီၤ ဒ်သိးဒီး စ့ညၣ်+
ဒီးဆဲးဃုအီၤ ဒ်သိးဒီး တၢ်လုၢ်ဒိၣ်ပှ့ၤဒိၣ်လၢ အအိၣ်ခူသူၣ်န့ၣ်+
ဒီးနကထံၣ်န့ၢ် တၢ်သ့ၣ်ညါ ဘၣ်ဃးဒီး ကစၢ်ယွၤလီၤ.+
၆ ယဟိဝၤယွၤ အနီၢ်ကစၢ် ဟ့ၣ်လီၤဝဲ တၢ်ကူၣ်သ့လီၤ.+
တၢ်သ့ၣ်ညါ ဒီးတၢ်သ့ပဲာ်ထံနီၤဖးတၢ် ဟဲထီၣ်လၢ အထးခိၣ်လီၤ.
၇ ကစၢ်ယွၤ ပာ်ဖှိၣ်ဃာ် တၢ်ကူၣ်သ့လၢ ပှၤလၢ အသူၣ်ဘျၢသးဘျၢအဂီၢ်
ဒီးအဝဲမ့ၢ်ဝဲ ကတီၤတဘ့ၣ်လၢ ပှၤလၢ အလဲၤတၢ်လၢ တၢ်သးတီ အပူၤအဂီၢ်လီၤ.+
၈ ကစၢ်ယွၤ ကွၢ်ထွဲဝဲ ပှၤတီပှၤလိၤ
ဒီးအဝဲ ကဒီသဒၢဝဲ ပှၤလၢ အသးတီဒီးအီၤတဖၣ်လီၤ.+
၉ နမ့ၢ်မၤ တၢ်သ့ၣ်တဖၣ်န့ၣ် နကနၢ်ပၢၢ် တၢ်လၢအတီအလိၤ, တၢ်စံၣ်ညီၣ်တီ ဒီးတၢ်လၢအကြၢးဝဲဘၣ်ဝဲ
လၢအမ့ၢ် ကျဲလၢအဂ့ၤလီၤ.+
၁၀ တၢ်ကူၣ်သ့ မ့ၢ်ဟဲနုာ်လီၤလၢ နသးပူၤ+
ဒီးနမ့ၢ်ဘၣ်သူၣ်ဘၣ်သး တၢ်သ့ၣ်ညါန့ၣ်+
၁၁ တၢ်သ့ဆိကမိၣ် ပဲာ်ထံနီၤဖးတၢ် ကကွၢ်ထွဲနၤ+
ဒီးတၢ်သူၣ်ဆးသးဆး ကဒီသဒၢနၤလီၤ.
၁၂ ဒီးတၢ်သ့ၣ်တဖၣ်န့ၣ် ကမၤပူၤဖျဲးနၤလၢ ကျဲလၢအတဂ့ၤဘၣ်,
ပှၤလၢ အတဲတၢ် တတီတလိၤဘၣ်,+
၁၃ ပှၤလၢ အပာ်တ့ၢ်ကွံာ် ကျဲတီကျဲလိၤ
ဒ်သိး ကလဲၤတၢ်လၢ တၢ်ခံးသူအကျဲ,+
၁၄ ပှၤလၢ အမၤကမၣ်တၢ်မုာ်မးတဖၣ်,
ပှၤလၢ အဘၣ်သူၣ်ဘၣ်သး တၢ်အၢတၢ်သီတဖၣ်,
၁၅ ပှၤလၢ အလဲၤကျဲလၢအက့ၣ်
ဒီးပှၤလၢ အတအိၣ်မူ တီတီလိၤလိၤဘၣ်တဖၣ် အကျဲလီၤ.
၁၆ ဒီးတၢ်ကူၣ်သ့ ကမၤပူၤဖျဲးနၤလၢ ပိာ်မုၣ်ဟးဂီၤ
ဒီးပိာ်မုၣ်လၢ အသကဲာ်ပဝးတဂ့ၤဘၣ်တဂၤ အတၢ်ကတိၤ ကွဲန့ၢ်လွဲန့ၢ်တၢ်လီၤ.+
၁၇ ပိာ်မုၣ်တဂၤန့ၣ် ပာ်တ့ၢ်ကွံာ် အသးသမူတံၤသကိး* လၢအဟံးဝဲ ဖဲအသးစၢ်အခါ+
ဒီးသးပ့ၤနီၣ်ကွံာ် အကစၢ်ယွၤ အတၢ်အၢၣ်လီၤအီလီၤလီၤ.
၁၈ ပှၤမ့ၢ်လဲၤလၢ ပိာ်မုၣ်တဂၤန့ၣ် အဟံၣ်န့ၣ် လီၤဂာ်လၢ အဝဲသ့ၣ်ပိာ်ဝဲ တၢ်သံအကျဲ
ဒီးကျဲလၢ အလဲၤလၢ ပိာ်မုၣ်တဂၤန့ၣ် အဟံၣ်န့ၣ် ဆှၢအဝဲသ့ၣ်လၢ တၢ်သွၣ်ခိၣ်လီၤ.+
၁၉ ပှၤလၢအမံဃုာ်ဒီးအီၤန့ၣ် တဟဲက့ၤ နီတဂၤလၢၤဘၣ်.
ဒီးအဝဲသ့ၣ် တဟဲက့ၤကဒါက့ၤလၢ တၢ်မူအကျဲတဖၣ်လၢၤဘၣ်.+
၂၀ အဃိ မၤထွဲ ပှၤလၢအမၤတၢ်ဂ့ၤတဖၣ် အကျဲ
ဒီးဆဲးအိၣ်လၢ ပှၤတီပှၤလိၤ အကျဲတဖၣ်,+
၂၁ မ့ၢ်လၢ ထဲဒၣ် ပှၤလၢအသူၣ်ဘျၢသးဘျၢန့ၣ် ကအိၣ်ဘၣ်လၢ ဟီၣ်ခိၣ်ချၢ
ဒီးပှၤလၢ တၢ်ပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်တဖၣ်န့ၣ် ကအိၣ်ဘၣ်လၢ ဟီၣ်ခိၣ်ချၢလီၤ.+
၂၂ မ့မ့ၢ် ပှၤအၢပှၤသီန့ၣ် ကလီၤမၢ်ကွံာ်ဝဲလၢ ဟီၣ်ခိၣ်ချၢ+
ဒီးပှၤလၢ အသးတတီဘၣ်တဖၣ်န့ၣ် ကဘၣ်တၢ်ထုးထီၣ်ကွံာ်အီၤလၢ ဟီၣ်ခိၣ်ချၢလီၤ.+
၃ ဖိခွါဧၢ, တဘၣ်သးပ့ၤနီၣ် ယတၢ်သိၣ်လိ* တဂ့ၤ.
အိၣ်မူမၤထွဲ ယတၢ်မၤလိာ်တဖၣ် လၢနသးဒီဖျၢၣ်တက့ၢ်.
၃ တဘၣ်ပျဲလၢ တၢ်အဲၣ် ဒီးတၢ်သးတီ ဟးဖးဒီးနၤတဂ့ၤ.+
စၢထီၣ်အီၤလၢ နကိာ်ဘိလိၤ
ဒီးကွဲးလီၤအီၤလၢ နသးအဘ့ၣ်ဘၣ်အလိၤတက့ၢ်.+
၄ နမ့ၢ်မၤဒ်န့ၣ်န့ၣ် ကစၢ်ယွၤ ဒီးပှၤဟီၣ်ခိၣ်ဖိတဖၣ် ကထံၣ်လၢ
နမ့ၢ်ပှၤလၢ အအိၣ်ဒီး တၢ်နၢ်ပၢၢ်လီၤတံၢ်လီၤဆဲး ဒီးကဘၣ်သူၣ်ဘၣ်သးနၤလီၤ.+
၆ လၢနတၢ်အိၣ်မူ ကိးသနၢၣ်ဒဲးန့ၣ် ဆိကမိၣ်ထံ အတၢ်ထံၣ်တက့ၢ်.+
ဒီးအဝဲ ကဒုးနဲၣ်နၤ ကျဲလၢ အဘၣ်လီၤ.+
၇ တဘၣ် ဆိကမိၣ်လီၤနသးလၢ နမ့ၢ်ပှၤကူၣ်တၢ်သ့န့ၣ်တဂ့ၤ.+
ပျံၤယဟိဝၤယွၤ ဒီးဃၣ်ကွံာ်နသးလၢ တၢ်အၢတက့ၢ်.
၈ နမ့ၢ်မၤဒ်န့ၣ်န့ၣ် တၢ်ပျံၤယွၤကကဲ ဒ်သိးဒီး ကသံၣ်လၢ အမၤဘျါက့ၤ နနီၢ်ခိ
ဒီးကမၤကျၢၤထီၣ် နဃံ နကွဲတဖၣ်လီၤ.
၉ မၤလၤကပီၤ ယဟိဝၤယွၤ ခီဖျိဟ့ၣ်အီၤ တၢ်လၢအဂ့ၤကတၢၢ် လၢအအိၣ်ဒီးနၤ+
ဒီးတၤသၣ်ဆိတဖၣ်လၢ နဟီၣ်ခိၣ်အတၤသၣ်တဖၣ် ခဲလၢာ် အကျါတက့ၢ်.+
၁၀ နမ့ၢ်မၤဒ်န့ၣ်န့ၣ် နဘုဖီတဖၣ် ကပှဲၤဝဲဒီးဘု,+
နတၢ်စံၢ်စပံးသၣ်အလီၢ် ကပှဲၤဝဲဒီး စပံးထံအသီ တုၤလၢ အပှဲၤလီၤလာ်ဝဲလီၤ.
၁၁ ဖိခွါဧၢ, တူၢ်လိာ် ယဟိဝၤယွၤ အတၢ်သိၣ်က့ၤသီက့ၤတက့ၢ်.+
ဒီးတဘၣ် သးဟ့ အတၢ်သိၣ်ဃီၣ်တဂ့ၤ.+
၁၃ ပှၤလၢအထံၣ်န့ၢ် တၢ်ကူၣ်သ့+
ဒီးပှၤလၢအမၤန့ၢ် တၢ်သ့ပဲာ်ထံနီၤဖးတၢ်န့ၣ် ကသးခုဝဲလီၤ.
၁၄ ပှၤမ့ၢ်န့ၢ်ဘၣ် တၢ်ကူၣ်သ့န့ၣ် ဂ့ၤဒိၣ်န့ၢ်ဒံး အန့ၢ်ဘၣ် စ့ညၣ်
ဒီးပှၤမ့ၢ်အိၣ်ဒီး တၢ်ကူၣ်သ့န့ၣ် ဂ့ၤဒိၣ်န့ၢ်ဒံး အအိၣ်ဒီးထူလီၤ.+
၁၅ တၢ်ကူၣ်သ့န့ၣ် အလုၢ်ဒိၣ်ပှ့ၤဒိၣ် ဒိၣ်န့ၢ်ဒံး လၢၢ်ဖီတဖၣ်လီၤ.*
တၢ်ကူၣ်သ့န့ၣ် ပှၤထိၣ်သတြီၤအီၤဒီး တၢ်လၢပှၤလီကီဝဲ တသ့ နီတမံၤဘၣ်.
၁၆ တၢ်ကူၣ်သ့ အစုထွဲန့ၣ် ဖီၣ်ဃာ်ဝဲ တၢ်အိၣ်မူလၢအထီ,
တၢ်ကူၣ်သ့ အစုစ့ၣ်န့ၣ် ဖီၣ်ဃာ်ဝဲ တၢ်ထူးတၢ်တီၤဒီး တၢ်လၤကပီၤလီၤ.
၁၇ ပှၤမ့ၢ်အိၣ်ဒီး တၢ်ကူၣ်သ့န့ၣ် ပှၤကသးခု
ဒီးပှၤတၢ်အိၣ်မူ ကမုာ် ကခုၣ်ဝဲလီၤ.+
၁၈ ပှၤမ့ၢ်ဟံးဃာ်တၢ်ကူၣ်သ့န့ၣ် တၢ်ကူၣ်သ့ ကကဲထီၣ် သ့ၣ်တၢ်မူတထူၣ် လၢအဂီၢ်
ဒီးပှၤမ့ၢ်ဟံးဃာ်အီၤကျၢၤကျၢၤန့ၣ် ပှၤကသးခုလီၤ.+
၁၉ ယဟိဝၤယွၤ ဒုးအိၣ်ဂၢၢ်အိၣ်ကျၢၤ ဟီၣ်ခိၣ်လၢတၢ်ကူၣ်သ့+
ဒီးလၢတၢ်နၢ်ပၢၢ်အပူၤန့ၣ် အဝဲပာ်လီၤမူခိၣ် လၢအလီၢ်ကျၢၤကျၢၤလီၤ.+
၂၀ ခီဖျိလၢ အတၢ်သ့ၣ်ညါအဃိ အဝဲမၤသ့ၣ်ဖးဝဲ ထံယိာ်တဖၣ်
ဒီးတၢ်အၢၣ်ခံးသူတဖၣ် ဒုးလီၤဝဲ ပစီၤထံလီၤ.+
၂၁ ဖိခွါဧၢ, တဘၣ်သးပ့ၤနီၣ် တၢ်သ့ၣ်တဖၣ်န့ၣ်တဂ့ၤ,*
ပၢၤဃာ် တၢ်ကူၣ်သ့ ဒီးတၢ်သ့ဆိကမိၣ် ပဲာ်ထံနီၤဖးတၢ်တက့ၢ်.
၂၂ တၢ်သ့ၣ်တဖၣ်န့ၣ် ကဟ့ၣ်နၤတၢ်မူ
ဒီးကကဲထီၣ် ဒ်ဖဲလၢအဃံလၤတဘိလၢ နကိာ်ဘိအလိၤလီၤ.
၂၃ ဒီးနမ့ၢ်မၤဒ်န့ၣ်န့ၣ် နကဟးဘၣ်လၢ နကျဲပူၤပူၤဖျဲးဖျဲး
ဒီးနခီၣ်တဘၣ်တိၢ် နီတဘျီဘၣ်.+
၂၅ တၢ်လီၤပျံၤလီၤဖုး တမံၤဂ့ၤတမံၤဂ့ၤ မ့ၢ်ဟဲကဲထီၣ်အသး သတူၢ်ကလာ် သနာ်က့ နတပျံၤဘၣ်.+
ဒီးတၢ်နးတၢ်ဖှီၣ်လၢ အဟဲဘၣ်ပှၤအၢပှၤသီ ဒ်ကလံၤမုၢ်အသိးန့ၣ် နတပျံၤဘၣ်,+
၂၆ မ့ၢ်လၢ ယဟိဝၤယွၤ ကပာ်ဖျါထီၣ်လၢ အမ့ၢ်ဝဲ ပှၤလၢနနာ်န့ၢ်အီၤသ့ သပှၢ်တၢၢ် အဃိလီၤ.+
အတပျဲလၢ နခီၣ်ကဘၣ်ဘျးလၢ ပျံၤသကွီၤဘၣ်.+
၂၈ နဟ့ၣ်ပှၤလၢနဃၢၤ မ့ၢ်သ့ခဲအံၤန့ၣ်
တဘၣ်တဲအီၤလၢ “က့ၤဆိဟီ, ခဲမုၢ်ဆ့ၣ်မး ဟဲက့ၤကဒါက့ၤ ဒီးယကဟ့ၣ်နၤ” န့ၣ်တဂ့ၤ.
၂၉ ပှၤလၢနဃၢၤလၢ အနာ်န့ၢ်နၤန့ၣ်+
တဘၣ်ကူၣ်အၢအီၤတဂ့ၤ.
၃၁ တဘၣ်သူၣ်က့ၣ်သးကါ ပှၤလၢအမၤဆူၣ်မၤစိးတၢ်တဂ့ၤ+
ဒီးတဘၣ်ဃုထၢ အကျဲနီတဘိတဂ့ၤ.
၃၂ ယဟိဝၤယွၤ သးဘၣ်အၢ ပှၤလၢအလံၣ်အီၣ်လီအီၣ်တၢ်တဖၣ်+
ဘၣ်ဆၣ် ပှၤလၢအသူၣ်ဘျၢသးဘျၢန့ၣ် ကစၢ်ယွၤ ရ့ဒီးအီၤ ဘူးဘူးလီၤ.+
၃၃ ယဟိဝၤယွၤ အတၢ်ဆိၣ်အၢန့ၣ် အိၣ်ဝဲလၢ ပှၤအၢပှၤသီအဟံၣ်ပူၤ+
မ့မ့ၢ် အတၢ်ဆိၣ်ဂ့ၤန့ၣ် အိၣ်ဝဲလၢ ပှၤတီပှၤလိၤအဟံၣ်ပူၤလီၤ.+
၃၅ ပှၤကူၣ်တၢ်သ့န့ၣ် ကန့ၢ်ဘၣ်တၢ်လၤကပီၤလီၤ.
မ့မ့ၢ် ပှၤဟးဂီၤဖိန့ၣ် ပာ်ဒိၣ်ပာ်ထီ တၢ်လၢတအိၣ်ဒီး အလၤ ကပီၤဘၣ်လီၤ.+
၄ ဖိခွါဧၢ, ပၢ်တဂၤ အတၢ်သိၣ်က့ၤသီက့ၤန့ၣ် ဒိကနၣ်တက့ၢ်.+
ဒ်သိး နကန့ၢ်ဘၣ် တၢ်သ့ၣ်ညါနၢ်ပၢၢ်အဂီၢ် ဒိကနၣ်တၢ်တက့ၢ်.
၄ ယပၢ်သိၣ်လိယၤ ဒီးတဲယၤလၢ “ပာ်ဃာ် ယတၢ်ကတိၤတဖၣ် လၢနသးပူၤဂ့ၤဂ့ၤ,+
မၤထွဲယတၢ်မၤလိာ်တဖၣ် ဒီးနကအိၣ်မူဘၣ် ယံာ်ယံာ်လီၤ.+
၅ မၤန့ၢ် တၢ်ကူၣ်သ့ ဒီးမၤန့ၢ် တၢ်သ့ၣ်ညါနၢ်ပၢၢ်တက့ၢ်.+
တၢ်လၢယတဲန့ၣ် တဘၣ်သးပ့ၤနီၣ်ကွံာ်အီၤ ဒီးဃၣ်ကွံာ်နသး လၢအီၤတဂ့ၤ.
၆ တၢ်ကူၣ်သ့ ကကွၢ်ထွဲနၤ အဃိ တဘၣ်ပာ်တ့ၢ်ကွံာ်အီၤတဂ့ၤ.
အဲၣ်တၢ်ကူၣ်သ့ ဒီးအကကဲထီၣ် တၢ်ဒီသဒၢလၢနဂီၢ်လီၤ.
၇ တၢ်ကူၣ်သ့န့ၣ် မ့ၢ်တၢ်လၢ အရ့ဒိၣ်ကတၢၢ်အဃိ+ မၤန့ၢ် တၢ်ကူၣ်သ့တက့ၢ်.
နမ့ၢ်မၤန့ၢ် တၢ်အဂၤတမံၤဂ့ၤ တမံၤဂ့ၤ သနာ်က့ တဘၣ်သးပ့ၤနီၣ် မၤန့ၢ် တၢ်သ့ၣ်ညါနၢ်ပၢၢ်တဂ့ၤ.+
၈ နပာ်လုၢ်ပာ်ပှ့ၤ တၢ်ကူၣ်သ့မ့ၢ်ဒိၣ်န့ၣ် အကပာ်ဒိၣ်ပာ်ထီနၤလီၤ.+
ဒီးခီဖျိလၢ နဖိးဟုအီၤအဃိ အကမၤလၤကပီၤနၤလီၤ.+
၉ တၢ်ကူၣ်သ့ ကဒုးကျီၤထီၣ်နၤလၢ ခိၣ်ကျီၤဃံလၤ လၢနခိၣ်သၣ်ဃံလိၤ
ဒီးအကမၤဃံမၤလၤထီၣ်နၤဒီး ခိၣ်သလုးလၢ အဃံလၤလီၤ.”
၁၀ ဖိခွါဧၢ, ဒိကနၣ် ဒီးတူၢ်လိာ် တၢ်လၢယတဲတဖၣ်တက့ၢ်.
နမ့ၢ်မၤဒ်န့ၣ်မး နကအိၣ်မူဘၣ် အနံၣ်ယံာ်ယံာ်လီၤ.+
၁၂ ဖဲနဟးအခါ တၢ်လၢအကတြီဃာ် နခီၣ်ခါန့ၣ် တအိၣ် နီတမံၤဘၣ်.
ဒီးနမ့ၢ်ဃ့ၢ်န့ၣ် နတလီၤဃံၢ်ဘၣ်.
၁၃ ဟံးဃာ် တၢ်သိၣ်က့ၤသီက့ၤ ဒီးတဘၣ်ပျၢ်ကွံာ်အီၤတဂ့ၤ.+
အကဟ့ၣ်နၤ တၢ်မူအဃိ ပၢၤဃာ်အီၤတက့ၢ်.+
၁၄ တဘၣ်လဲၤနုာ်လီၤလၢ ပှၤအၢပှၤသီ အကျဲတဂ့ၤ.
ဒီးတဘၣ်ဟးလၢ ပှၤမၤတၢ်အၢ တၢ်သီ အကျဲတဂ့ၤ.+
၁၅ လဲၤကျဲတဘိန့ၣ်တဂ့ၤ, ဟးဆှဲးအီၤတက့ၢ်.+
ဃၣ်ကွံာ်နသးဖဲန့ၣ် ဒီးလဲၤကျဲလၢ အဂၤတဘိတက့ၢ်.+
၁၆ ပှၤတဖၣ်န့ၣ် မ့ၢ်တမၤဘၣ် တၢ်အၢဘၣ်န့ၣ် အဝဲသ့ၣ်မံဝဲတန့ၢ်ဘၣ်.
ဒီးအဝဲသ့ၣ် မ့ၢ်တမၤလီၤဃံၢ်ဘၣ် ပှၤတဂၤဂၤဘၣ်န့ၣ် အဝဲသ့ၣ် တမံလၢၤဘၣ်.
၁၇ တၢ်အၢတၢ်သီန့ၣ် လီၤဂာ်ဒ်သိးဒီး ကိၣ်လၢ အဝဲသ့ၣ်အဂီၢ်
ဒီးတၢ်မၤဆူၣ်မၤစိးန့ၣ် လီၤဂာ်ဒ်သိးဒီး စပံးထံလၢ အဝဲသ့ၣ် အဂီၢ်လီၤ.
၁၈ မ့မ့ၢ် ပှၤတီပှၤလိၤအကျဲန့ၣ် လီၤဂာ်ဒ်သိးဒီး မုၢ်ဝါထီၣ် အတၢ်ကပီၤလၢ
ဒံးယံာ်ဒံးကပီၤထီၣ်ဝဲ တုၤလၢ မုၢ်ထူၣ်လီၤ.+
၁၉ ပှၤအၢပှၤသီအကျဲန့ၣ် ခံးသူဝဲလီၤ.
တၢ်မနုၤ မၤလီၤဃံၢ် အဝဲသ့ၣ်လဲၣ်န့ၣ် အဝဲသ့ၣ် တသ့ၣ်ညါဘၣ်.
၂၀ ဖိခွါဧၢ, သးစၢၢ်ဆၢ ယတၢ်ကတိၤတဖၣ်
ဒီးဒိကနၣ် တၢ်လၢယတဲတဖၣ် လီၤတံၢ်လီၤဆဲးတက့ၢ်.
၂၁ တဘၣ်သးပ့ၤနီၣ်အီၤတဂ့ၤ.
ပာ်ဃာ်အီၤလၢ နသးပူၤ ဂ့ၤဂ့ၤတက့ၢ်.+
၂၂ ပှၤလၢအတူၢ်လိာ် တၢ်ကတိၤတဖၣ်န့ၣ် ကမူဝဲ+
ဒီးကအိၣ်ဆူၣ်အိၣ်ချ့ ဒီတဂၤညါလီၤ.
၂၄ တဘၣ်ဟးတဲက့ၣ်တဲကူတၢ် တဂ့ၤ+
ဒီးပာ်ကွံာ် တၢ်လံၣ်တၢ်လီ မ့ၢ်ယံၤဒီးနၤတက့ၢ်.
၂၅ နမဲာ်ကဘၣ်ကွၢ်တၢ်လၢ တၢ်မဲာ်ညါလိၤလိၤ
ဒီးဆဲးကွၢ်တၢ်အိၣ်လၢ နမဲာ်ညါတက့ၢ်.+
၂၇ လၢစုစ့ၣ်မ့ၢ်ဂ့ၤ လၢစုထွဲမ့ၢ်ဂ့ၤ တဘၣ်ဃၣ်နသးတဂ့ၤ.+
ဃၣ်ကွံာ်နသးလၢ တၢ်အၢတက့ၢ်.
၅ ဖိခွါဧၢ, ဒိကနၣ်ယတၢ်ကတိၤလၢ အအိၣ်ဒီး တၢ်ကူၣ်သ့တက့ၢ်.+
တၢ်လၢယသိၣ်လိ ဘၣ်ဃးဒီး တၢ်သ့ပဲာ်ထံနီၤဖးတၢ် အဂ့ၢ်န့ၣ် ဒိကနၣ်အီၤ လီၤတံၢ်လီၤဆဲးတက့ၢ်.
၂ နမ့ၢ်မၤဒ်န့ၣ်မး နဒီသဒၢ နတၢ်သ့ ဆိကမိၣ် ပဲာ်ထံနီၤဖးတၢ်ကသ့
ဒီးနကတဲတၢ် ဒ်တၢ်မ့ၢ်တၢ်တီ အိၣ်ဝဲအသိး ထီဘိလီၤ.+
၄ ဘၣ်ဆၣ် လၢခံကတၢၢ်န့ၣ် ပိာ်မုၣ်တဂၤန့ၣ်ခၣ်ဝဲ ဒ်သိးဒီး တၢ်မုၢ်တၢ်ဘိလၢအခၣ်+
ဒီးအကနၣ်အ့ၣ်ဝဲ ဒ်သိးဒီး နးလၢအကနၣ်အ့ၣ် ခံခီလၢာ်လီၤ.+
၅ အခီၣ်လဲၤလီၤလၢ တၢ်သံအကျဲ
ဒီးအခီၣ်ခါတဖၣ် လဲၤလိၤလိၤဆူ တၢ်သွၣ်ခိၣ်လီၤ.*
၆ အတဆိကမိၣ် တၢ်မူအကျဲ နီတစဲးဘၣ်.
အဟးဝ့ၤဝီၤ ဒီးအကတုၤဖဲလဲၣ်န့ၣ် အနီၢ်ကစၢ် တသ့ၣ်ညါဝဲဘၣ်.
၇ ဖိခွါသ့ၣ်ဧၢ, ဒိကနၣ်ယကလုၢ် တက့ၢ်.
ဒီးတဘၣ်ဃၣ်ကွံာ်သုသးလၢ တၢ်လၢယတဲတဖၣ်တဂ့ၤ.
၈ အိၣ်မ့ၢ်ယံၤဒီး ပိာ်မုၣ်တဂၤန့ၣ်
ဒီးတဘၣ်လဲၤဘူးဒီး အဟံၣ်အကျဲနုာ်လီၤတဂ့ၤ.+
၁၀ ပှၤဂၤတဖၣ် ကဟံးန့ၢ် နတၢ်ထူးတၢ်တီၤ+
ဒီးတၢ်လၢ နထဲးဂံၢ်ထဲးဘါ ဒ်သိးနကမၤန့ၢ်အီၤ အဂီၢ်န့ၣ် ကကဲထီၣ် ပှၤထံဂၤကီၢ်ဂၤဖိ အတၢ်လီၤ.
၁၁ ဖဲနတၢ်အိၣ်မူ ဘူးထီၣ်ကကတၢၢ်အခါ နကကအုကစွါ
ဒီးနညၣ် ဒီးနနီၢ်ခိဒီဂၤညါန့ၣ် ကဟးဂီၤဝဲလီၤ.+
၁၂ ဒီးနကတဲလၢ “ဘၣ်မနုၤအဃိ ယသးဟ့ တၢ်သိၣ်က့ၤသီက့ၤ
ဒီးဘၣ်မနုၤအဃိ ယဂ့ၢ်လိာ်ကွံာ် တၢ်သိၣ်ဃီၣ်လဲၣ်.
၁၃ ယတဒိကနၣ် ပှၤလၢအသိၣ်လိယၤတဖၣ် အကလုၢ်ဘၣ်
ဒီးယတကနၣ်ဃုာ် ယသရၣ် တဖၣ်ဘၣ်.
၁၄ ဘူးထီၣ်လၢ ယကဟးဂီၤကွံာ် လၢာ်လၢာ်ဆ့ဆ့လံ
ဒီးယဒိးန့ၢ်ဘၣ် တၢ်မဲာ်ဆှးလၢ တၢ်အိၣ်ဖှိၣ် ဒီတဖုအမဲာ်ညါလီၤ.”+
၁၆ မ့ၢ်နကြၢး ဒုးယွၤလီၤ နထံထီၣ်ပၢၢ်တဖၣ် လၢတၢ်ချၢဧါ.
မ့ၢ်နထံကျိတဖၣ် ကြၢးယွၤလီၤလၢ တၢ်ဆါတၢ်ပှ့ၤအလီၢ်ဧါ.+
၁၇ မ်တၢ်သ့ၣ်တဖၣ်န့ၣ် ကမ့ၢ်ထဲဒၣ်လၢ နနီၢ်ကစၢ် အဂီၢ်တက့ၢ်.
ဒီးအတကြၢးမ့ၢ်လၢ ပှၤဂၤတဖၣ် အဂီၢ်ဘၣ်.+
၁၉ အဝဲလီၤဂာ် ဒ်တၤဟိမိၢ်လၢအဘှါ ဒီးဒ်မဲာ်တဲးလဲးမံၤလၢ အလီၤအဲၣ် လီၤကွံအသိးလီၤ.+
၂၀ ဖိခွါဧၢ, ပိာ်မုၣ်ဟးဂီၤတဂၤန့ၣ် မ့ၢ်အကြၢးထုးန့ၢ်နသးဧါ.
မ့ၢ်နကြၢးဖိးဟု ပိာ်မုၣ်လၢ အသကဲာ်ပဝးတဂ့ၤဘၣ်တဂၤ အသးနါပှၢ်ဧါ.+
၂၁ ပှၤဟီၣ်ခိၣ်ဖိ အကျဲတဖၣ်န့ၣ် အိၣ်ဝဲလၢ ယဟိဝၤယွၤ အမဲာ်ညါလီၤ.
ကစၢ်ယွၤ သမံသမိးဝဲ ပှၤဟီၣ်ခိၣ်ဖိ အကျဲခဲလၢာ်လီၤ.+
၂၂ ပှၤအၢပှၤသီန့ၣ် ဘၣ်ဘျးကဒါက့ၤလၢ အနီၢ်ကစၢ် တၢ်ကမၣ်လီၤ.
ဒီးအတၢ်ဒဲးဘးန့ၣ် လီၤဂာ်ဒ်သိးဒီး ပျံၤတဖၣ်လၢ အဘံဃာ်အီၤလီၤ.+
၂၃ မ့ၢ်လၢ အသးတဆး နီတစဲးဘၣ်အဃိ အကဟးဖျိးကျဲ
ဒီးခီဖျိလၢ အတတူၢ်လိာ် တၢ်သိၣ်က့ၤသီက့ၤဘၣ်အဃိ အကသံဝဲလီၤ.
၆ ဖိခွါဧၢ, နမ့ၢ်အၢၣ်လီၤပာ်စၢၤလၢ နကဟံးန့ၢ်မူဒါ လၢပှၤတဂၤဂၤ အဒ့ၣ်ကမၢ်အဂီၢ်,+
နမ့ၢ် မၤပာ်စၢၤ တၢ်အၢၣ်လီၤဒီး ပှၤလၢ နတသ့ၣ်ညါအီၤဘၣ်တဂၤ+
၂ ဒီးနတၢ်အၢၣ်လီၤ မ့ၢ်ကဲထီၣ် ပျံၤသကွီၤလၢနဂီၢ်
ဒီးနမ့ၢ်ဘျးကဒါက့ၤလၢ နနီၢ်ကစၢ် အတၢ်ကတိၤအဃိန့ၣ်+
၃ အခီပညီမ့ၢ်ဝဲ နလီၤဘၣ်လၢ ပှၤတဂၤန့ၣ် အစုပူၤလံ.
အဃိ ဖိခွါဧၢ, ဒ်သိး နကမၤပူၤဖျဲးထီၣ်နသးအဂီၢ် မၤဒ်အံၤတက့ၢ်.
ဆီၣ်လီၤနသး ဒီးလဲၤဃ့ကညးအီၤ မ့ၢ်ချ့တက့ၢ်.+
၄ နမၤဒ်န့ၣ် မ့ၢ်တဝံၤဘၣ်န့ၣ် တဘၣ်ဘံၣ်လီၤ နမဲာ်ချံတဂ့ၤ
ဒီးတဘၣ်မံတဂ့ၤ.
၅ မၤပူၤဖျဲးထီၣ်က့ၤနသး ဒ်တၤဟိလၢ ပှၤခးတၢ်ဖိ အစုပူၤ
ဒီးဒ်ထိၣ်လၢ ပှၤဖီၣ်ထိၣ်ဖိ အစုပူၤတက့ၢ်.
၆ ပှၤကၢၣ်ဖိဧၢ, လဲၤမၤလိန့ၢ်တၢ်လၢ တၢၢ်တဖၣ်အအိၣ်တက့ၢ်.+
ကွၢ်တၢ်လၢ တၢၢ်တဖၣ်မၤဝဲ ဒီးကဲထီၣ် ပှၤကူၣ်တၢ်သ့တက့ၢ်.
၇ တၢၢ်တဖၣ်န့ၣ် အသုးခိၣ်မ့ၢ်ဂ့ၤ, အခိၣ်အနၢ်မ့ၢ်ဂ့ၤ, အပှၤပၢတၢ်မ့ၢ်ဂ့ၤ တအိၣ်ဘၣ် သနာ်က့
၈ ဖဲတၢ်ကိၢ်ခါ အဆၢကတီၢ်န့ၣ် အဝဲသ့ၣ် ထၢဖှိၣ်ဝဲ အတၢ်အီၣ်တၢ်အီ+
ဒီးဖဲပှၤကူးတၢ် အဆၢကတီၢ်န့ၣ် အဝဲသ့ၣ် ပာ်ဖှိၣ်ဝဲ အတၢ်အီၣ် တၢ်အီတဖၣ်လီၤ.
၉ ပှၤကၢၣ်ဖိဧၢ, နကမံနီၤ ယံာ်ဒံးထဲလဲၣ်.
နကပၢၢ်ထီၣ် ဆံးယံာ်လဲၣ်.
၁၀ နမံတစဲးစဲး, မံခ့တစဲးစဲး,
သံၣ်ထီၣ်စုဒီး အိၣ်ဘှံးတစဲးစဲးဒု+
၁၁ တၢ်ဖှီၣ်တၢ်ယာ် ကချုးန့ၢ်နၤ
ဒ်တမျိၤတမျာ် လၢအအိၣ်ဒီး စုကဝဲၤအသိးလီၤ.+
၁၂ ပှၤအၢပှၤသီလၢ အဘျုးတအိၣ်ဘၣ်တဂၤန့ၣ် ဟးတဲက့ၣ် တဲကူတၢ်လီၤ.+
၁၃ အဝဲဖျးဆံးအမဲာ်+ ဒီးနဲၣ်စု နဲၣ်ခီၣ်လီၤ.
၁၅ အဃိ တၢ်နးတၢ်ဖှီၣ် ကဟဲဘၣ်အီၤ သတူၢ်ကလာ်
ဒီးလၢတစိၢ်ဖိ အတီၢ်ပူၤန့ၣ် အကဟးဂီၤကွံာ် ဒီးအပူၤဖျဲး တသ့လၢၤဘၣ်.+
၁၆ တၢ်လၢ ယဟိဝၤယွၤ သးဟ့ဝဲန့ၣ် အိၣ်ဝဲဃုခါ
ဒီးတၢ်လၢ ကစၢ်ယွၤ သးဘၣ်အၢဝဲန့ၣ် အိၣ်ဝဲနွံခါလီၤ.
၁၇ တၢ်သ့ၣ်တဖၣ်န့ၣ် မ့ၢ်ဝဲ မဲာ်ချံလၢ အပာ်ထီၣ်ထီအသး,+ ပျ့ၤလၢအလံၣ်တၢ်လီတၢ်,+ စုလၢ အလူလီၤ ပှၤလၢ အတၢ်ကမၣ် တအိၣ်ဘၣ် အသွံၣ်,+
၁၈ သးလၢ အကူၣ်ထီၣ်တၢ်အၢ,+ ခီၣ်လၢ အလဲၤဃ့ၢ်ချ့ချ့ဆူ တၢ်အၢအအိၣ်,
၁၉ ပှၤအုၣ်အသးလၢ အတဲထဲ တၢ်လံၣ်တၢ်လီတဖၣ်+
ဒီးပှၤလၢအဖှံလီၤ တၢ်အ့ၣ်လိာ်ဆိးက့ လၢဒီပုၢ်ဝဲၢ်တဖၣ် အကျါလီၤ.+
၂၀ ဖိခွါဧၢ, နပၢ်အတၢ်မၤလိာ်န့ၣ် အိၣ်မူမၤထွဲအီၤတက့ၢ်.
ဒီးနမိၢ် အတၢ်ဟံးစုနဲၣ်ကျဲန့ၣ်* တဘၣ်ပာ်တ့ၢ်အီၤတဂ့ၤ.+
၂၁ တိၢ်နီၣ်ဃာ်အီၤလၢ နသးပူၤထီဘိ
ဒီးစၢထီၣ်အီၤလၢ နကိာ်ဘိလိၤတက့ၢ်.
၂၂ ဖဲနဟးအခါ တၢ်သ့ၣ်တဖၣ်န့ၣ် ကဆှၢနၤ,
ဖဲနမံနီၤအခါ တၢ်သ့ၣ်တဖၣ်န့ၣ် ကဒီသဒၢနၤ
ဒီးဖဲနမံပၢၢ်ထီၣ်အခါ တၢ်သ့ၣ်တဖၣ်န့ၣ် ကတဲတၢ်ဒီးနၤလီၤ.*
၂၃ တၢ်မၤလိာ်န့ၣ် မ့ၢ်ဝဲ မ့ၣ်အူဒၢတဖျၢၣ်,+
တၢ်သိၣ်တၢ်သီန့ၣ် မ့ၢ်ဝဲ တၢ်ကပီၤ,+
တၢ်သိၣ်ဃီၣ် ဒီးတၢ်သိၣ်က့ၤသီက့ၤန့ၣ် မ့ၢ်ဝဲ တၢ်မူအကျဲလီၤ.+
၂၄ တၢ်သ့ၣ်တဖၣ်န့ၣ် ကဒီသဒၢနၤလၢ ပိာ်မုၣ်လၢအတဂ့ၤဘၣ်,+
ပိာ်မုၣ်လၢ အသကဲာ်ပဝးတဂ့ၤဘၣ် လၢအတဲတၢ် ဒ်သိးကကွဲန့ၢ်လွဲန့ၢ် ပှၤသးလီၤ.+
၂၅ တဘၣ်လီကီအီၤ ခီဖျိလၢ အဒိၣ်တၢ်ဂ့ၤ အဃိတဂ့ၤ.+
ဒီးတဘၣ်ပျဲ အမဲာ်ချံ လၢအဃံလၤ ထုးန့ၢ်နသးတဂ့ၤ.
၂၆ ခီဖျိလၢ ပိာ်မုၣ်ဆါလီၤအီၣ်သးတဂၤအဃိ ပိာ်ခွါတဂၤ ကဖှီၣ်လီၤယာ်လီၤ တုၤလၢ တၢ်လၢအကအိၣ်တ့ၢ်က့ၤဒီးအီၤန့ၣ် အိၣ်ထဲကိၣ် တလိၣ်လီၤ.+
မ့မ့ၢ် ပိာ်မုၣ်လၢ အအဲၣ်ဘၢတၢ်တဂၤန့ၣ် ကဲထီၣ်ပျံၤသကွီၤ လၢပှၤပိာ်ခွါတဂၤ အသးသမူအဂီၢ်လီၤ.
၂၇ ပှၤတဂၤ မ့ၢ်ပာ်လီၤမ့ၣ်အူလၢ အသးနါပှၢ်လိၤန့ၣ် အဆ့ကၤ တအူအီၣ်ဧီၤ.+
၂၈ ပှၤတဂၤ မ့ၢ်ဟးလၢ မ့ၣ်အူအ့ၣ်လၢအကဲၤအဖီခိၣ်န့ၣ် အခီၣ် တအူအီၣ်ဧီၤ.
၂၉ ပှၤလၢ အမံဃုာ်ဒီး ပှၤဂၤအမါန့ၣ် တၢ်ကမၤအသးဒီးအီၤ ဒ်န့ၣ်လီၤ.
ပှၤလၢ အမၤကမၣ်မုၣ်ကမၣ်ခွါဒီး ပှၤဂၤအမါန့ၣ် တပူၤဒီးတၢ်စံၣ်ညီၣ် နီတဂၤဘၣ်.+
၃၀ တၢ်ဘျၣ်တဂၤ မ့ၢ်ဟုၣ်တၢ် ခီဖျိလၢ အလီၤဘဲအဃိန့ၣ်
ပှၤတသးဟ့အီၤဘၣ်.
၃၁ ဘၣ်ဆၣ် ပှၤမ့ၢ်ချုးအီၤန့ၣ် အဝဲကဘၣ်ဟ့ၣ်က့ၤဝဲ နွံစးလီၤ.
အကဘၣ်ဟ့ၣ်လီၤ တၢ်လၢအလုၢ်ဒိၣ်ပှ့ၤဒိၣ်လၢ အအိၣ်ဒီးအီၤလၢ အဟံၣ်ပူၤခဲလၢာ်လီၤ.+
၃၂ ပှၤလၢအအဲၣ်ဘၢမါအဲၣ်ဘၢဝၤန့ၣ်* အသးတဆးနီတစဲးဘၣ်.
ပှၤလၢအမၤဝဲဒ်န့ၣ်န့ၣ် မ့ၢ်ဒၣ်အမၤဟးဂီၤ အနီၢ်ကစၢ်လီၤ.+
၃၄ ဝၤတဂၤ အတၢ်သးက့ၣ်န့ၣ် မၤဒိၣ်ထီၣ်အသး
တုၤဒၣ်လဲာ် ဖဲအဝဲဟ့ၣ်ကၣ်တၢ်အခါ အတၢ်သးကညီၤ တအိၣ်လၢၤဘၣ်.+
၃၅ ပှၤမ့ၢ်ဟ့ၣ်အီၤစ့ ဘၣ်ဆၣ် အဝဲတတူၢ်လိာ်ဝဲဘၣ်.
ပှၤမ့ၢ်ဟ့ၣ်အီၤ တၢ်ဟ့ၣ်လၢ အလုၢ်ဒိၣ်ပှ့ၤဒိၣ်ဘၣ်ဆၣ် အဝဲတအဲၣ်ဒိး မၤတၢ်ဃူတၢ်ဖိးဘၣ်.
၇ ဖိခွါဧၢ, အိၣ်မူမၤထွဲ တၢ်လၢ ယတဲတဖၣ်
ဒီးပာ်ဖှိၣ်ဃာ် ယတၢ်မၤလိာ်တဖၣ် ဒ်တၢ်လုၢ်ဒိၣ်ပှ့ၤဒိၣ် အသိးတက့ၢ်.+
၂ မၤထွဲ ယတၢ်မၤလိာ်တဖၣ် ဒီးဆဲးမူတက့ၢ်.+
ပာ်လုၢ်ပာ်ပှ့ၤ ယတၢ်ဟံးစုနဲၣ်ကျဲ ဒ်နမဲာ်ပှာ်ဖိ အသိးတက့ၢ်.
၄ တဲတၢ်ကူၣ်သ့လၢ “နမ့ၢ် ယဒီပုၢ်ဝဲၢ်မုၣ်”
ဒီးကိးတၢ်သ့ၣ်ညါနၢ်ပၢၢ်လၢ နဘူးနတံၢ်တက့ၢ်.
၅ တၢ်ကူၣ်သ့ ဒီးတၢ်သ့ၣ်ညါနၢ်ပၢၢ်န့ၣ် ကဒီသဒၢနၤလၢ ပိာ်မုၣ်ဟးဂီၤ+
ဒီးပိာ်မုၣ်လၢ အသကဲာ်ပဝးတဂ့ၤဘၣ်တဂၤ အတၢ်ကတိၤ ကွဲန့ၢ်လွဲန့ၢ်တၢ်လီၤ.+
၆ ဘၣ်တဘျီ ဖဲယအိၣ်လၢ ယဟံၣ်အခါ
ယကွၢ်လီၤတၢ်လၢ ယပဲတြီဖိလီၤ.
၇ ဒီးဖဲယကွၢ် ပှၤလၢ အတၢ်လဲၤခီဖျိ အိၣ်စှၤတဖၣ်အခါ
လၢပှၤသူၣ်ဘီၣ်သးစၢ်တဖၣ် အကျါန့ၣ် ယထံၣ်ဘၣ်လၢ ပှၤသးစၢ်လၢ အသးတဆးဘၣ် အိၣ်ဝဲတဂၤလီၤ.+
၈ အဝဲလဲၤဘၣ်ကျဲဘူးဒီး ပိာ်မုၣ်လၢ အသကဲာ်ပဝးတဂ့ၤဘၣ်တဂၤ အကျဲနၢၣ်ထံး
ဒီးအဝဲလဲၤဝဲလိၤလိၤ လၢပိာ်မုၣ်တဂၤန့ၣ် အဟံၣ်
ဘူးထီၣ်လၢ တၢ်ကခံးလီၤ ဒီးမုၢ်နၤခီ အဆၢကတီၢ်န့ၣ်လီၤ.
၁၂ အအိၣ်လၢ တၢ်ချၢတစိၢ်ဖိ, လၢခံတစိၢ်ဖိဒီး အအိၣ်လၢ တၢ်ဆါတၢ်ပှ့ၤအလီၢ်တဖၣ်
ဒီးအအိၣ်ခိးတၢ်လၢ ကျဲအသနၢၣ် ကိးသနၢၣ်ဒဲးလီၤ.+
၁၃ ပိာ်မုၣ်တဂၤန့ၣ် ဖီၣ်တံၢ်ဃာ်အီၤ ဒီးနၢမူအီၤတထံၣ်
ဝံၤဒီး ပိာ်မုၣ်န့ၣ် ကွၢ်အမဲာ် လံတကံ ဒီးတဲအီၤလၢ
တနံၤအံၤ ယမၤလၢပှဲၤ တၢ်လၢ ယအၢၣ်လီၤတဖၣ်လီၤ.
၁၅ အဃိန့ၣ် ဒ်သိး ယကထံၣ်လိာ်သးဒီးနၤအဂီၢ်
ယဟဲထီၣ်ဃုနၤ ဒီးယထံၣ်နၤလံ.
၁၆ လၢယလီၢ်မံခိၣ်န့ၣ် ယဒါလီၤပာ်စၢၤ တၢ်ကံးညာ်လၢအညၣ်ဂ့ၤ
လၢအအိၣ်ဒီး အလွဲၢ် အကလုာ်ကလုာ် လၢအဟဲလၢ ကီၢ်အဲၤကူပတူးလီၤ.+
၁၇ ယမၤနၢမူထီၣ် ယလီၢ်မံဒီး မူရၣ်, တၢ်နၢမူနၢဆှီ ဒီးကဒါရၤလီၤ.+
၁၉ ယဝၤ တအိၣ်လၢဟံၣ်ဘၣ်.
အဝဲလဲၤတၢ်လၢ တၢ်လီၢ်ဖးယံၤလီၤ.
၂၀ အဝဲ လဲၤစိာ်ဒီး စ့ဘိၣ်တဘိၣ်
ဒီးလၢလါပှဲၤအနံၤမး အဝဲ ကဟဲက့ၤလီၤ.”
၂၁ ပိာ်မုၣ်တဂၤန့ၣ် ဆှၢကမၣ်အီၤ ဒီးထုးန့ၢ်အသးဖးဒိၣ်လီၤ.+
ပိာ်မုၣ်န့ၣ် ကွဲန့ၢ်လွဲန့ၢ်အီၤလၢ တၢ်ကတိၤလၢ အမုာ်တဖၣ်လီၤ.
၂၂ အဝဲပိာ်ထီၣ် ပိာ်မုၣ်တဂၤန့ၣ် အခံ တဘျီဃီ ဒ်ကျီၢ်ဖါတဒု လဲၤဝဲလၢ တၢ်မၤသံအီၤ အလီၢ် အသိး
ဒီးဒ်ပှၤဟးဂီၤဖိတဂၤလၢ အကဘၣ်တၢ်သိၣ်ဃီၣ်အီၤလၢ သ့ၣ်ကျီၤ အပူၤ အသိးလီၤ.+
၂၃ အကျဲကကတၢၢ် ခီဖျိပျၢ်တဘိ ကဆဲးဖျိ အသူၣ်လီၤ.
အမၤဝဲ ဒ်အံၤအဃိ အသးသမူ ကၡူဝဲန့ၣ် အတသ့ၣ်ညါဝဲဘၣ်. အဃိ အဝဲလီၤဂာ်ဒ် ထိၣ်တဘ့ၣ်လၢ အကရီလဲၤနုာ်လၢ ပျံၤသကွီၤအပူၤလီၤ.+
၂၄ ဖိခွါဧၢ, ဒိကနၣ် ယကလုၢ်
ဒီးသးစၢၢ်ဆၢ တၢ်လၢယတဲတဖၣ်တက့ၢ်.
၂၅ တဘၣ်ပျဲလၢ ပိာ်မုၣ်တဂၤန့ၣ် ကကွဲန့ၢ်လွဲန့ၢ်နသးတဂ့ၤ.
တဘၣ်လဲၤပိာ်အခံတဂ့ၤ.+
၂၇ ပိာ်မုၣ်တဂၤန့ၣ် အဟံၣ်န့ၣ် ဆှၢပှၤဂၤလၢ တၢ်သွၣ်ခိၣ်လီၤ.*
ဒီးအဝဲသ့ၣ် လဲၤလီၤလၢ တၢ်သံအဒၢးတဖၣ် အပူၤလီၤ.
၈ တၢ်ကူၣ်သ့ ကိးပသူထီၣ်
ဒီးတၢ်သ့ပဲာ်ထံနီၤဖးတၢ် မၤဒိၣ်ထီၣ် အကလုၢ် တမ့ၢ်ဧီၤ.+
၂ တၢ်ကူၣ်သ့ ဆၢထၢၣ်ဝဲလၢ တၢ်လူၢ်ခိၣ်တဖၣ်+ လၢအအိၣ်လၢ ကျဲကပၤ
ဒီးဖဲကျဲလၢ အခီတဲာ်လိာ်အသးတဖၣ် အဃၢၤလီၤ.
၃ ဒီးဖဲဝ့ၢ်တြဲၤတဖၣ် အကပၤ
ဒီးဖဲပဲတြီတဖၣ် အခီၣ်ထံးန့ၣ်
အကိးထီၣ်ဝဲလၢ အကလုၢ်ဖးဒိၣ်လၢ+
၄ “အိ ပှၤဂီၢ်မုၢ်သ့ၣ်ဧၢ, ယကိးပသူထီၣ်
ဒီးယတဲတၢ်ဒီး သုခဲလၢာ်လီၤ.
၅ ပှၤလၢ အတၢ်လဲၤခီဖျိစှၤသ့ၣ်ဧၢ, မၤလိန့ၢ် တၢ်သူၣ်ဆးသးဆးတက့ၢ်.+
ပှၤဟးဂီၤဖိသ့ၣ်ဧၢ, မၤန့ၢ်သးလၢ အသ့ၣ်ညါနၢ်ပၢၢ်တၢ်တက့ၢ်.
၆ တၢ်လၢယတဲန့ၣ် မ့ၢ်တၢ်လၢအရ့ဒိၣ်အဃိ ဒိကနၣ်တက့ၢ်.
ယပျုၤ တဲတၢ်လၢ အဘၣ်လီၤ.
၇ ယထးခိၣ်န့ၣ် တဲတၢ်မ့ၢ်တၢ်တီ
ဒီးယပျုၤန့ၣ် သးဟ့ တၢ်လံၣ်တၢ်လီလီၤ.
၈ တၢ်လၢယတဲတဖၣ်န့ၣ် တီဝဲလိၤဝဲ ခဲလၢာ်လီၤ.
တၢ်လၢယတဲတဖၣ်န့ၣ် တမ့ၢ်တၢ်လၢအကမၣ် နီတခါဘၣ်.
၉ တၢ်လၢယတဲတဖၣ်န့ၣ် ဖျါဝဲၡဲၡဲလၢ ပှၤလၢအသ့ပဲာ်ထံနီၤဖးတၢ် အမဲာ်ညါ
ဒီးပှၤလၢအအိၣ်ဒီး တၢ်သ့ၣ်ညါန့ၣ် သ့ၣ်ညါဝဲလၢ တၢ်လၢယတဲတဖၣ်န့ၣ် မ့ၢ်တၢ်လၢ အဘၣ်လီၤ.
၁၀ လၢသုကဃုထၢ စ့ညၣ်အလီၢ်န့ၣ် ဃုထၢ ယတၢ်သိၣ်က့ၤသီက့ၤ
ဒီးလၢသုကဃုထၢ ထူစီလၢအဂ့ၤကတၢၢ် အလီၢ်န့ၣ် ဃုထၢ တၢ်သ့ၣ်ညါတက့ၢ်.+
၁၁ တၢ်ကူၣ်သ့န့ၣ် ဂ့ၤဒိၣ်န့ၢ်ဒံး လၢၢ်ဖီတဖၣ်လီၤ.*
ပှၤထိၣ်သတြီၤအီၤဒီး တၢ်လၢပှၤလီကီဝဲတဖၣ် တသ့နီတမံၤဘၣ်.
၁၂ ယမ့ၢ် တၢ်ကူၣ်သ့ ဒီးယအိၣ်တပူၤဃီဒီး တၢ်သူၣ်ဆးသးဆး
ဒီးတၢ်သ့ၣ်ညါ ဒီးတၢ်သ့ဆိကမိၣ် ပဲာ်ထံနီၤဖးတၢ်န့ၣ် အိၣ်ဒီးယၤလီၤ.+
၁၃ တၢ်ပျံၤ ယဟိဝၤယွၤန့ၣ် မ့ၢ်ဝဲ တၢ်သးဟ့ တၢ်အၢလီၤ.+
တၢ်ပာ်ထီၣ်ထီသး, တၢ်ပာ်ဒိၣ်သး,+ တၢ်မၤလၢအအၢအသီ ဒီးတၢ်ကတိၤ တတီတလိၤဘၣ်တဖၣ်န့ၣ် ယသးဟ့အီၤလီၤ.+
၁၄ တၢ်ဟ့ၣ်ကူၣ် လၢအဂ့ၤ ဒီးတၢ်ကူၣ်သ့န့ၣ် အိၣ်ဒီးယၤလီၤ.+
တၢ်သ့ၣ်ညါနၢ်ပၢၢ်+ ဒီးတၢ်စိတၢ်ကမီၤန့ၣ်+ မ့ၢ်ယတၢ်လီၤ.
၁၅ ခီဖျိလၢ ယတၢ်မၤစၢၤအဃိ စီၤပၤတဖၣ် ဆဲးပၢတၢ်
ဒီးပဒိၣ်လၢ အပတီၢ်ထီတဖၣ် ထုးထီၣ် တၢ်သိၣ်တၢ်သီတဖၣ်လၢ အတီအလိၤလီၤ.+
၁၆ ခီဖျိလၢ ယတၢ်မၤစၢၤအဃိ ပဒိၣ်ဖးဒိၣ်တဖၣ် ဆဲးပၢတၢ်
ဒီးပှၤဒိၣ်ပှၤပှၢ်တဖၣ် စံၣ်ညီၣ်တၢ်လၢ တၢ်တီတၢ်လိၤ အပူၤလီၤ.
၁၇ ပှၤလၢအအဲၣ်ယၤန့ၣ် ယအဲၣ်အီၤ
ဒီးပှၤလၢအဃုယၤန့ၣ် ကထံၣ်န့ၢ်ယၤလီၤ.+
၁၈ တၢ်ထူးတၢ်တီၤ, တၢ်လၤကပီၤ,
တၢ်ထူးတၢ်တီၤလၢ အအိၣ်ဂၢၢ်အိၣ်ကျၢၤ ဒီးတၢ်တီတၢ်လိၤန့ၣ် အိၣ်ဒီးယၤလီၤ.
၁၉ တၢ်လၢ အဟဲအိၣ်ထီၣ် ခီဖျိလၢယၤန့ၣ် ဂ့ၤဒိၣ်န့ၢ်ဒံး ထူစီ
ဒီးတၢ်လၢ ယဟ့ၣ်လီၤသုန့ၣ် ဂ့ၤဒိၣ်န့ၢ်ဒံး စ့ညၣ်လၢ အဂ့ၤ ကတၢၢ်လီၤ.+
၂၀ ယဟးလၢ တၢ်တီတၢ်လိၤ အကျဲပူၤ
ဒီးလၢတၢ်စံၣ်ညီၣ်တီ အကျဲ ခၢၣ်သးလီၤ.
၂၁ ယဟ့ၣ်လီၤ တၢ်လုၢ်ဒိၣ်ပှ့ၤဒိၣ်တဖၣ်လၢ ပှၤလၢအအဲၣ်ယၤ
ဒီးယမၤပှဲၤ အဝဲသ့ၣ် အတၢ်ပာ်ဖှိၣ်အလီၢ်တဖၣ်လီၤ.
၂၄ ဖဲထံယိာ်တဖၣ် တအိၣ်ဒံးဘၣ်+ ဒီးဖဲထံထီၣ်ပၢၢ် တအိၣ် နီတခါဒံးဘၣ်အခါ
ယအိၣ်ဖျဲၣ်ထီၣ်လီၤ.
၂၅ တချုးလၢ ကစၢၢ်ကလိတဖၣ် ဒီးတၢ်လူၢ်တဖၣ်
ဘၣ်တၢ်ဆီလီၤအီၤဒံးဘၣ်န့ၣ် ယအိၣ်ဖျဲၣ်ထီၣ်လီၤ.
၂၆ တချုးဖဲ ကစၢ်ယွၤ တ့လီၤဟီၣ်ခိၣ်, တၢ်ပျီတဖၣ်
ဒီးဟီၣ်ခိၣ်ကိၢ်လိၣ် အဆိကတၢၢ်တလိၣ် ဒံးဘၣ်န့ၣ် ယအိၣ်ဖျဲၣ်ထီၣ်လီၤ.
၂၈ ဖဲအပာ်လီၤ တၢ်အၢၣ်တဖၣ် လၢထးခီ
ဒီးဖဲအတ့လီၤ ထံယိာ်အထံထီၣ်ပၢၢ်တဖၣ်အခါ ယအိၣ်ဖဲန့ၣ်လီၤ.
၂၉ ဖဲအပာ်လီၤ တၢ်ဘျၢဒ်သိး ပီၣ်လဲၣ် အထံတဖၣ်
သုတလဲၤယံၤန့ၢ်ဒံး အတဲဝဲအသိးတဂ့ၤအဂီၢ်+
ဒီးဖဲအဒုးအိၣ်ထီၣ် ဟီၣ်ခိၣ်အခါ* ယအိၣ်ဖဲန့ၣ်လီၤ.
၃၀ ယအိၣ်လၢအကပၤဒ် ပှၤမၤတၢ်သ့ဂ့ၤဂ့ၤတဂၤ အသိးလီၤ.+
၃၁ ဖဲယကွၢ်လီၤ ဟီၣ်ခိၣ်ချၢအခါ ယသးခုလီၤ.
ဒီးတၢ်လၢ ယဘၣ်သူၣ်ဘၣ်သး သပှၢ်တၢၢ်န့ၣ် မ့ၢ်ဝဲ ပှၤဟီၣ်ခိၣ်ဖိလီၤ.
၃၂ ဖိခွါဧၢ, ဒိကနၣ်ယကလုၢ်တက့ၢ်.
ပှၤလၢအအိၣ်မူ မၤထွဲဒ် ယတၢ်ကတိၤတဖၣ်န့ၣ် ကသးခုဝဲလီၤ.
၃၃ ဒိကနၣ် တၢ်သိၣ်က့ၤသီက့ၤ+ ဒီးကဲထီၣ် ပှၤကူၣ်တၢ်သ့တက့ၢ်.
ဒီးတဘၣ်ကွၢ်ကပာ်အီၤ နီတဘျီတဂ့ၤ.
၃၄ ပှၤလၢ အဒိကနၣ် ယကလုၢ်န့ၣ် ကသးခုဝဲလီၤ.
တနံၤဘၣ်တနံၤန့ၣ် အဝဲဟဲလၢ ယပဲတြီတဖၣ် ဂီၤဂီၤ
ဒီးခိးတၢ်လၢ ယပဲတြီတဖၣ် အခီၣ်ထံးလီၤ.
၃၅ ပှၤလၢ အထံၣ်န့ၢ်ယၤန့ၣ် ကထံၣ်န့ၢ်တၢ်မူ+
ဒီးယဟိဝၤယွၤ ကဘၣ်သူၣ်ဘၣ်သးအီၤလီၤ.
၃၆ မ့မ့ၢ် ပှၤလၢ အတထံၣ်န့ၢ်ယၤဘၣ်န့ၣ် မၤဆါလီၤ အနီၢ်ကစၢ်အသး
ဒီးပှၤလၢ အသးဟ့ယၤန့ၣ် အဲၣ်တၢ်သံလီၤ.”+
၂ အကတဲာ်ကတီၤပာ်စၢၤ တၢ်ညၣ် လၢလၢပှဲၤပှဲၤ,
အကျဲၣ်ကျီပာ်စၢၤ စပံးထံ
ဒီးအရဲၣ်လီၤကျဲၤလီၤပာ်စၢၤ စီၢ်နီၤခိၣ်လီၤ.
၃ ဒီးအမၢလီၤ အကုၢ်မုၣ်တဖၣ်
ဒ်သိး ကလဲၤလၢ တၢ်လီၢ်လၢအထီၣ်ထီတဖၣ် လၢဝ့ၢ်ပူၤ ဒီးတဲစိဝဲလၢ+
၄ “ပှၤလၢ အတၢ်လဲၤခီဖျိစှၤသ့ၣ်ဧၢ, ဟဲနုာ်ဖဲအံၤမီၤ.”
၆ ဒ်သိး နကဆဲးမူအဂီၢ် တဘၣ်ကဲ ပှၤလၢ အတၢ်လဲၤခီဖျိစှၤလၢၤတဂ့ၤ.+
လဲၤလိၤလိၤလၢ တၢ်သ့ၣ်ညါနၢ်ပၢၢ် အကျဲတက့ၢ်.”+
၇ ပှၤလၢအဘှီဘၣ်ထီၣ် ပှၤလၢအ တဲဆဲးအဲးတၢ်န့ၣ် အကဒိးန့ၢ်ဘၣ် တၢ်မဲာ်ဆှးလီၤ.+
ပှၤလၢ အသိၣ်ဃီၣ် ပှၤအၢပှၤသီန့ၣ် အကဘၣ်ဒိလီၤ.
၈ တဘၣ်သိၣ်ဃီၣ် ပှၤလၢ အတဲဆဲးအဲးတၢ်တဂ့ၤ, အကသးဟ့နၤလီၤ.+
သိၣ်ဃီၣ်ပှၤလၢ အကူၣ်တၢ်သ့တက့ၢ်, အကအဲၣ်နၤလီၤ.+
၉ ဟံးစုနဲၣ်ကျဲ ပှၤကူၣ်တၢ်သ့တက့ၢ်, အတၢ်ကူၣ်သ့ ကအါထီၣ်လီၤ.+
သိၣ်လိ ပှၤတီပှၤလိၤတက့ၢ်, အဝဲ ကမၤလိန့ၢ်တၢ် အါထီၣ်လီၤ.
၁၀ တၢ်ပျံၤ ယဟိဝၤယွၤန့ၣ် မ့ၢ်ဝဲ တၢ်ကူၣ်သ့ အဂံၢ်ခီၣ်ထံးလီၤ.+
တၢ်သ့ၣ်ညါ ဘၣ်ဃးဒီး တၢ်စီဆှံ ဒိၣ်ကတၢၢ်တဂၤန့ၣ်+ ဒုးအိၣ်ထီၣ် တၢ်သ့ၣ်ညါနၢ်ပၢၢ်လီၤ.
၁၂ နမ့ၢ်ကဲထီၣ် ပှၤကူၣ်တၢ်သ့န့ၣ် နကဲထီၣ် ပှၤကူၣ်တၢ်သ့လၢ နနီၢ်ကစၢ် အဘျုးအဂီၢ်လီၤ.
ဒီးနမ့မ့ၢ် ပှၤလၢအတဲဆဲးအဲးတၢ်န့ၣ် နကတူၢ်ဘၣ်တၢ် ထဲနၤတဂၤလီၤ.
၁၃ ပိာ်မုၣ်လၢ အသးတဆးဘၣ်တဂၤန့ၣ် အတဲတၢ်ဆူၣ်မး.+
အတၢ်နၢ်ပၢၢ်တအိၣ်ဘၣ် ဒီးအတသ့ၣ်ညါ တၢ်နီတမံၤဘၣ်.
၁၄ အဝဲဆ့ၣ်နီၤလၢ အဟံၣ်အကျဲနုာ်လီၤ
လၢလီၢ်ဆ့ၣ်နီၤအဖီခိၣ် ဖဲတၢ်လီၢ်လၢအထီၣ်ထီတဖၣ် လၢဝ့ၢ်ပူၤ+
၁၅ ဒ်သိး ကကိးဝဲ ပှၤလၢအလဲၤဘၣ်ကျဲ ဖဲန့ၣ်တဖၣ်,
ပှၤလၢ အလဲၤတၢ်လၢ အနီၢ်ကစၢ် အကျိာ်အကျာ်တဖၣ် ဒီးအတဲစိအဝဲသ့ၣ်လၢ
၁၆ “ပှၤလၢ အတၢ်လဲၤခီဖျိစှၤသ့ၣ်ဧၢ, ဟဲနုာ်ဖဲအံၤမီၤ.”
ဒီးအတဲဘၣ် ပှၤလၢ အသးတဆးဘၣ်တဖၣ်လၢ+
၁၇ “ထံလၢ ပှၤဟုၣ်အီဝဲန့ၣ် ဆၢမး
ဒီးတၢ်အီၣ်လၢ ပှၤအီၣ်ခူသူၣ်ဝဲန့ၣ် ဝံၣ်မး.”+
၁၈ ဘၣ်ဆၣ် ပိာ်မုၣ်တဂၤအံၤအဟံၣ်န့ၣ် ပှဲၤဝဲဒီး ပှၤသံတဖၣ်
ဒီးပှၤလၢ ပိာ်မုၣ်တဂၤအံၤ ကိးနုာ်ဝဲတဖၣ် လီၤဘျၢလၢ တၢ်သွၣ်ခိၣ်* အပူၤလံန့ၣ် အဝဲသ့ၣ် တသ့ၣ်ညါဝဲဘၣ်.+
၁၀ စီၤၡလိၤမိၤ အတၢ်ကတိၤဒိတဖၣ်န့ၣ် အိၣ်ဝဲဒ် လၢလာ်အံၤ အသိးလီၤ.+
ဖိခွါလၢ အကူၣ်တၢ်သ့န့ၣ် မၤသးခု အပၢ်အသးလီၤ.+
မ့မ့ၢ် ဖိခွါလၢ အဟးဂီၤန့ၣ် မၤသးအုး အမိၢ်အသးလီၤ.
၂ တၢ်လုၢ်ဒိၣ်ပှ့ၤဒိၣ်တဖၣ် လၢဘၣ်တၢ်မၤန့ၢ်အီၤလၢ တၢ်တတီတလိၤဘၣ် အပူၤန့ၣ် အဘျုးတအိၣ်ဘၣ်.
မ့မ့ၢ် တၢ်တီတၢ်လိၤန့ၣ် မ့ၢ်တၢ်လၢ အမၤပူၤဖျဲးထီၣ်ကွံာ်တၢ်လၢ တၢ်သံလီၤ.+
၃ ယဟိဝၤယွၤ တပျဲဝဲလၢ ပှၤတီပှၤလိၤ ကလီၤဒိဘၣ်.+
မ့မ့ၢ် တၢ်လၢ ပှၤအၢပှၤသီ သူၣ်လီသးကွံဝဲန့ၣ် ကစၢ်ယွၤ တဟ့ၣ် အဝဲသ့ၣ်ဘၣ်.
၅ ဖိခွါ လၢအကူၣ်တၢ်သ့န့ၣ် ထၢဖှိၣ်တၢ်လၢ အမဲထီၣ်သၣ်ထီၣ်ဖဲ တၢ်ကိၢ်ခါအဆၢကတီၢ်လီၤ.
မ့မ့ၢ် ဖိခွါလၢ အမံဝဲဖဲပှၤကူးတၢ် အဆၢကတီၢ်န့ၣ် ဒုးအိၣ်ထီၣ် တၢ်မဲာ်ဆှးလီၤ.+
၆ ပှၤတီပှၤလိၤန့ၣ် ကန့ၢ်ဘၣ်တၢ် ဆိၣ်ဂ့ၤတဖၣ်+
မ့မ့ၢ် ပှၤအၢပှၤသီ အထးခိၣ်န့ၣ် ပာ်ခူသူၣ်ဝဲ တၢ်မၤဆူၣ်မၤစိးလၢ အအိၣ်လၢ အသးပူၤလီၤ.
၇ ပှၤတီပှၤလိၤန့ၣ် ကဘၣ်တၢ်သ့ၣ်နီၣ်ထီၣ်က့ၤအီၤ ဒီးအကဒိးန့ၢ်ဘၣ် တၢ်ဆိၣ်ဂ့ၤလီၤ.+
မ့မ့ၢ် ပှၤအၢပှၤသီ အမံၤန့ၣ် ကဘၣ်တၢ်သးပ့ၤနီၣ်ကွံာ်* အီၤလီၤ.+
၈ ပှၤကူၣ်တၢ်သ့န့ၣ် တူၢ်လိာ် တၢ်ဟံးစုနဲၣ်ကျဲတဖၣ်လီၤ.*+
မ့မ့ၢ် ပှၤလၢအတဲကြီတၢ်န့ၣ် ကဘၣ်တၢ်ယီၢ်တံၢ်လီၤအီၤလီၤ.+
၉ ပှၤလၢအမၤတၢ် တီတီလိၤလိၤန့ၣ် ကအိၣ်မူဘၣ် ဘံၣ်ဘံၣ် ဘၢဘၢလီၤ.+
မ့မ့ၢ် ပှၤလၢအမၤတၢ် တတီတလိၤဘၣ်န့ၣ် အတၢ်မၤတဖၣ် ကဖျါထီၣ်ဝဲလီၤ.+
၁၀ ပှၤတဂၤလၢ အဖျးဆံးအမဲာ်လၢ အကလံၣ်န့ၢ်လီန့ၢ်တၢ်န့ၣ် ဒုးအိၣ်ထီၣ် တၢ်သးအုးလီၤ.+
ဒီးပှၤလၢအတဲကြီတၢ်န့ၣ် ကဘၣ်တၢ်ယီၢ်တံၢ်လီၤအီၤလီၤ.+
၁၁ ပှၤတီပှၤလိၤ အထးခိၣ်န့ၣ် မ့ၢ်ဝဲ တၢ်မူအဂံၢ်ခီၣ်ထံးလီၤ.+
မ့မ့ၢ် ပှၤအၢပှၤသီ အထးခိၣ်န့ၣ် ပာ်ခူသူၣ်ဝဲ တၢ်မၤဆူၣ်မၤစိးလၢ အအိၣ်လၢ အသးပူၤလီၤ.+
၁၂ တၢ်သးဟ့ ဒုးအိၣ်ထီၣ် တၢ်အ့ၣ်လိာ်ဆိးက့
မ့မ့ၢ် တၢ်အဲၣ်န့ၣ် ကွၢ်ကပာ်ကွံာ် တၢ်ကမၣ်ခဲလၢာ်လီၤ.+
၁၃ ပှၤလၢ အသ့ပဲာ်ထံနီၤဖးတၢ်န့ၣ် အတၢ်ကတိၤတဖၣ် ပာ်ဖျါထီၣ် တၢ်ကူၣ်သ့လီၤ.+
မ့မ့ၢ် ပှၤလၢအသးတဆးဘၣ်န့ၣ် နီၣ်တီၢ် ကလီၤဘၣ် အပျိၢ်လီၤ.+
၁၄ ပှၤလၢအကူၣ်တၢ်သ့န့ၣ် ပာ်ဖှိၣ်ဃာ် တၢ်သ့ၣ်ညါ ဒ်တၢ်လုၢ်ဒိၣ်ပှ့ၤဒိၣ် အသိးလီၤ.+
မ့မ့ၢ် ပှၤဟးဂီၤဖိ အထးခိၣ်န့ၣ် ဒုးအိၣ်ထီၣ် တၢ်ဟးဂီၤလီၤ.+
၁၅ ပှၤကဲဒိၣ် အတၢ်ထူးတၢ်တီၤတဖၣ်န့ၣ် လီၤဂာ်ဒ်သိးဒီး ဝ့ၢ်လၢ အအိၣ်ဒီး အဒူၣ်လၢအကျၢၤလီၤ.
ပှၤဖှီၣ်ဖိ တုၤလၢတၢ်ဟးဂီၤ ခီဖျိလၢ အတၢ်ဖှီၣ်တၢ်ယာ် အဃိလီၤ.+
၁၆ တၢ်လၢ ပှၤတီပှၤလိၤ မၤဝဲတဖၣ်န့ၣ် ကဲထီၣ်တၢ်မူလီၤ.
ပှၤအၢပှၤသီ သူတၢ်လၢအအိၣ်ဒီးအဝဲသ့ၣ် ဒ်သိးကမၤ တၢ်ဒဲးဘးအဂီၢ်လီၤ.+
၁၇ ပှၤလၢ အတူၢ်လိာ် တၢ်သိၣ်က့ၤသီက့ၤန့ၣ် ကဲထီၣ်တၢ်မူအကျဲလၢ ပှၤဂၤအဂီၢ်လီၤ.*
မ့မ့ၢ် ပှၤလၢ အတကနၣ်ဃုာ် တၢ်သိၣ်ဃီၣ်ဘၣ်န့ၣ် ကဆှၢကမၣ် ပှၤဂၤလီၤ.
၁၈ ပှၤလၢ အပာ်ခူသူၣ် အတၢ်သးဟ့န့ၣ် တဲလံၣ်တဲလီတၢ်လီၤ.+
ဒီးပှၤလၢ အဟးတဲဟးဂီၤ ပှၤဂၤန့ၣ် မ့ၢ်ပှၤဟးဂီၤဖိလီၤ.
၁၉ ပှၤမ့ၢ်တဲတၢ်အါအါန့ၣ် အတပူၤဒီး တၢ်ကမၣ်ဘၣ်.+
မ့မ့ၢ် ပှၤလၢ အပၢၤအထးခိၣ်န့ၣ် ပာ်ဖျါထီၣ်လၢ အအိၣ်ဒီး တၢ်ကူၣ်သ့လီၤ.+
၂၀ ပှၤတီပှၤလိၤ အပျ့ၤန့ၣ် လီၤဂာ်ဒ် စ့ညၣ်လၢ အဂ့ၤကတၢၢ်လီၤ.+
မ့မ့ၢ် ပှၤအၢပှၤသီ အတၢ်ဆိကမိၣ်တဖၣ်န့ၣ်* အဘျုးတအိၣ်ဘၣ်.
၂၁ ပှၤတီပှၤလိၤ အတၢ်ကတိၤန့ၣ် ကဲဘျုး* လၢပှၤအါဂၤအဂီၢ်လီၤ.+
မ့မ့ၢ် ပှၤဟးဂီၤဖိန့ၣ် အသးတဆးဘၣ်အဃိ ကသံဝဲလီၤ.+
၂၂ ယဟိဝၤယွၤ အတၢ်ဆိၣ်ဂ့ၤန့ၣ် မ့ၢ်တၢ်လၢ အဒုးဘီၣ်ထီၣ်ညီထီၣ်ပှၤတၢ်အိၣ်မူ+
ဒီးအတမၤဘၣ်ဒိဘၣ်ထံး ပှၤနီတမံၤဘၣ်.*
၂၃ ပှၤဟးဂီၤဖိ ပာ်ဝဲ တၢ်သကဲာ်ပဝးလၢ အလီၤမဲာ်ဆှးတဖၣ် ဒ်တၢ်လိာ်ကွဲအသိးလီၤ.
မ့မ့ၢ် ပှၤလၢအသ့ပဲာ်ထံနီၤဖးတၢ်န့ၣ် အိၣ်ဒီးတၢ်ကူၣ်သ့လီၤ.+
၂၄ တၢ်လၢပှၤအၢပှၤသီ ပျံၤဝဲန့ၣ် ကလီၤဘၣ်အီၤလီၤ.
မ့မ့ၢ် ပှၤတီပှၤလိၤန့ၣ် တၢ်ကဟ့ၣ်လီၤအီၤ တၢ်လၢအလီကီဝဲ တဖၣ်လီၤ.+
၂၅ ကလံၤမုၢ် ဟဲဝံၤအလီၢ်ခံ ပှၤအၢပှၤသီ တအိၣ်လၢၤဘၣ်.+
မ့မ့ၢ် ပှၤတီပှၤလိၤန့ၣ် အိၣ်သူၣ်လီၤအသး ဂၢၢ်ဂၢၢ်ကျၢၤကျၢၤ လီၤထူလီၤယိာ်လီၤ.+
၂၆ ပှၤကၢၣ်တဂၤ ကကဲထီၣ် တၢ်သးအ့န့လၢ ပှၤလၢအမၢလီၤအီၤ တဂၤအဂီၢ်
ဒ်တၤဆံၣ်ထံလၢ အမၤတဃံၤအမဲ ဒီးဒ်မ့ၣ်အူခုၣ်ဘၣ် အမဲာ်ချံ အသိးလီၤ.
၂၇ ပှၤလၢအပျံၤ ယဟိဝၤယွၤန့ၣ် အသးသမူကထီဝဲလီၤ.+
မ့မ့ၢ် ပှၤအၢပှၤသီန့ၣ် ကသံဝဲဆိဆိလီၤ.+
၂၈ ပှၤတီပှၤလိၤ အတၢ်မုၢ်လၢ်န့ၣ် ဒုးအိၣ်ထီၣ် တၢ်သးခုလီၤ.+
မ့မ့ၢ် ပှၤအၢပှၤသီ အတၢ်မုၢ်လၢ်န့ၣ် ကဟးဂီၤကွံာ်ဝဲလီၤ.+
၂၉ တၢ်လၢ ယဟိဝၤယွၤ မၤဝဲတဖၣ်န့ၣ်* ကဲဝဲတၢ်ဒီသဒၢလၢ ပှၤလၢ ပှၤပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်တဖၣ် အဂီၢ်လီၤ.+
ဘၣ်ဆၣ် အကဲဝဲ တၢ်ဟးဂီၤ လၢပှၤလၢ အမၤတၢ်အၢတၢ်သီတဖၣ် အဂီၢ်လီၤ.+
၃၀ ပှၤတီပှၤလိၤ တလီၤဃံၢ် နီတဘျီဘၣ်.+
မ့မ့ၢ် ပှၤအၢပှၤသီန့ၣ် တအိၣ်လၢ ဟီၣ်ခိၣ်လၢၤဘၣ်.+
၃၁ ပှၤတီပှၤလိၤ အထးခိၣ်န့ၣ် ပှဲၤဒီး တၢ်ကူၣ်သ့.
မ့မ့ၢ် ပျ့ၤလၢအတတီတလိၤဘၣ်န့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.
၃၂ ပှၤတီပှၤလိၤ ကဘၣ်တဲ တၢ်လၢအဘၣ်ပှၤသး ဒ်လဲၣ်န့ၣ် အသ့ၣ်ညါဝဲလီၤ.
မ့မ့ၢ် ပှၤအၢပှၤသီ အတၢ်ကတိၤန့ၣ် တတီတလိၤဘၣ်.
၁၁ စီၤပီၢ်လၢ အတတီဘၣ်န့ၣ် ယဟိဝၤယွၤ သးဘၣ်အၢ ဝဲလီၤ.
မ့မ့ၢ် စီၤပီၢ်သၣ်လၢအတီန့ၣ် ဘၣ်ကစၢ်ယွၤ အသးလီၤ.+
၂ ဖဲပှၤတဂၤ ပာ်ထီၣ်ထီအသးအခါ အကဒိးန့ၢ်ဘၣ် တၢ်မဲာ်ဆှးလီၤ.+
မ့မ့ၢ် ပှၤလၢအဆီၣ်လီၤသးန့ၣ် အိၣ်ဒီး တၢ်ကူၣ်သ့လီၤ.+
၃ ပှၤလၢအသူၣ်ဘျၢသးဘျၢန့ၣ် အတၢ်သးတီ ကဟံးစုနဲၣ်ကျဲအီၤ,+
မ့မ့ၢ် ပှၤလၢအသးတတီဘၣ်န့ၣ် အတၢ်လီတၢ်ဝ့ၤ ကမၤဟးဂီၤအီၤလီၤ.+
၄ ဖဲကစၢ်ယွၤ အတၢ်သးထီၣ် အမုၢ်နံၤန့ၣ် တၢ်ထူးတၢ်တီၤ အဘျုး တအိၣ်ဘၣ်.+
မ့မ့ၢ် တၢ်တီတၢ်လိၤန့ၣ် မ့ၢ်တၢ်လၢ အကမၤပူၤဖျဲးထီၣ်ကွံာ်တၢ်လၢ တၢ်သံလီၤ.+
၅ ပှၤလၢတၢ်ပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်န့ၣ် မၤတၢ်တီတီလိၤလိၤ အဃိ အကျဲလဲၤဝဲ ဘျၢဘျၢလီၤ.
မ့မ့ၢ် ပှၤအၢပှၤသီတဂၤန့ၣ် ကလီၤဃံၢ် ခီဖျိလၢ အနီၢ်ကစၢ် အတၢ်အၢတၢ်သီ အဃိလီၤ.+
၆ ပှၤလၢအသူၣ်ဘျၢသးဘျၢန့ၣ် အ တၢ်တီတၢ်လိၤ ကမၤပူၤဖျဲးအီၤ,+
မ့မ့ၢ် ပှၤလၢအသးတတီဘၣ်န့ၣ် ကဘၣ်ဘျးကဒါက့ၤလၢ အနီၢ်ကစၢ် အတၢ်သူၣ်လီသးကွံ အဃိလီၤ.+
၇ ဖဲပှၤအၢပှၤသီတဂၤ သံဝဲအခါ အတၢ်မုၢ်လၢ် ဟးဂီၤဝဲ
ဒီးအတၢ်သန့ၤအသးလၢ အနီၢ်ကစၢ် အဂံၢ်အဘါန့ၣ် ကကဲထီၣ် တၢ်ခီလီလီလီၤ.+
၈ ပှၤတီပှၤလိၤန့ၣ် ဘၣ်တၢ်မၤပူၤဖျဲးအီၤလၢ တၢ်ကိၢ်တၢ်ဂီၤ
ဒီးပှၤအၢပှၤသီ လီၤဘၣ်က့ၤလၢ ပှၤတီပှၤလိၤ အလီၢ်လီၤ.+
၉ ပှၤလၢအစူးကွံာ်ညိကွံာ်တၢ်နာ်န့ၣ်* အတၢ်ကတိၤ မၤဟးဂီၤ ပှၤလၢအဃၢၤလီၤ.
ပှၤတီပှၤလိၤန့ၣ် အိၣ်ဒီးတၢ်သ့ၣ်ညါအဃိ အဝဲသ့ၣ် ကပူၤဖျဲးလီၤ.+
၁၀ ပှၤတီပှၤလိၤ မၤဂ့ၤတၢ်အဃိ ပှၤဝ့ၢ်ဖိသးခုဝဲလီၤ.
ဖဲပှၤအၢပှၤသီသံအခါ ပှၤသးခုဖးဒိၣ်လီၤ.+
၁၁ ခီဖျိလၢ ပှၤသူၣ်ဘျၢသးဘျၢ န့ၢ်ဘၣ်တၢ်ဆိၣ်ဂ့ၤအဃိ ဝ့ၢ်လဲၤထီၣ်လဲၤထီဝဲလီၤ.+
မ့မ့ၢ် ပှၤအၢပှၤသီ အတၢ်ကတိၤန့ၣ် မၤလီၤပှီၢ်ကွံာ်ဝဲ ဝ့ၢ်လီၤ.+
၁၂ ပှၤလၢအသးတဆးဘၣ်န့ၣ် ပာ်ဆံး ပှၤလၢအဃၢၤလီၤ.
မ့မ့ၢ် ပှၤလၢအသ့ပဲာ်ထံနီၤဖးတၢ်န့ၣ် အိၣ်ဘှ့ၣ်ဝဲလီၤ.+
၁၃ ပှၤလၢအတဲဟးဂီၤ ပှၤဂၤန့ၣ် ဟးတဲဖျါထီၣ် တၢ်ဂ့ၢ်ခူသူၣ်လီၤ.+
မ့မ့ၢ် ပှၤလၢ ပှၤနာ်န့ၢ်အီၤသ့န့ၣ် တတဲဖျါထီၣ် တၢ်ဂ့ၢ်ခူသူၣ်ဘၣ်.
၁၄ ပှၤဟံးစုနဲၣ်ကျဲတၢ်သ့ဂ့ၤဂ့ၤ မ့ၢ်တအိၣ်ဘၣ်န့ၣ် ပှၤဂီၢ်မုၢ် ကလီၤဃံၢ်ဝဲလီၤ.
ပှၤဟ့ၣ်ကူၣ်တၢ် မ့ၢ်အိၣ်အါဂၤန့ၣ် တၢ်ကကဲထီၣ်လိၣ်ထီၣ် ဝဲလီၤ.+
၁၅ ပှၤလၢအအၢၣ်လီၤလၢ အကလိးန့ၢ် ပှၤလၢအတသ့ၣ်ညါဝဲဘၣ်တဂၤ အဒ့ၣ်ကမၢ်န့ၣ် အကဘၣ်ကီဘၣ်ခဲ သပှၢ်ကတၢၢ်လီၤ.+
မ့မ့ၢ် ပှၤလၢအဟးဆှဲး တၢ်အၢၣ်လီၤဒ်န့ၣ်တဖၣ်န့ၣ် ကအိၣ်ဘၣ် ပူၤပူၤဖျဲးဖျဲးလီၤ.
၁၆ ပိာ်မုၣ်လၢ အသညူးသပှၢ်န့ၣ် ပှၤကပာ်ကဲအီၤလီၤ.+
မ့မ့ၢ် ပိာ်ခွါလၢ အသူၣ်အၢသးသီန့ၣ် ဟးဂုာ်န့ၢ် တၢ်ထူးတၢ်တီၤလီၤ.
၁၇ တၢ်လၢ ပှၤလၢအသးဂ့ၤတဂၤ မၤဝဲတဖၣ်န့ၣ် ကဲဘျုးလၢ အနီၢ်ကစၢ်အဂီၢ်စ့ၢ်ကီးလီၤ.+
မ့မ့ၢ် ပှၤလၢအသးအၢန့ၣ် ဒုးအိၣ်ထီၣ်အနီၢ်ကစၢ် အတၢ်ကီ တၢ်ခဲလီၤ.*+
၁၈ ပှၤအၢပှၤသီ န့ၢ်ဘၣ်အဘူးအလဲလၢ အဘျုးတအိၣ်နီၢ်ကီၢ်ဘၣ်.+
ဘၣ်ဆၣ် ပှၤလၢအဖှံလီၤ တၢ်တီတၢ်လိၤန့ၣ် ကန့ၢ်ဘၣ် ခိၣ်ဖး နီၢ်ကီၢ်လီၤ.+
၁၉ ပှၤလၢ အပာ်လီၤသး ဂၢၢ်ဂၢၢ်ကျၢၤကျၢၤလၢ ကမၤတၢ်တီတီလိၤလိၤန့ၣ် ကမူဝဲ,+
မ့မ့ၢ် ပှၤလၢ အလူၤမၤတၢ်အၢန့ၣ် ကသံဝဲလီၤ.
၂၀ ပှၤလၢအသးက့ၣ်န့ၣ် ယဟိဝၤယွၤ သးဘၣ်အၢဝဲလီၤ.+
မ့မ့ၢ် ပှၤလၢ တၢ်ပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်န့ၣ် မၤသးခု ကစၢ်ယွၤ အသးလီၤ.+
၂၁ နာ်သပှၢ်တၢၢ်လၢ ပှၤအၢပှၤသီ ကဘၣ်တၢ်စံၣ်ညီၣ်အီၤ+
ဒီးပှၤတီပှၤလိၤအဖိန့ၣ် ကပူၤဖျဲးတက့ၢ်.
၂၂ ပိာ်မုၣ်လၢအဒိၣ်တၢ်ဂ့ၤ ဘၣ်ဆၣ် အသးတဆးဘၣ်န့ၣ်
လီၤဂာ်ဒ်သိးဒီး နါဒ့ကွီၤထူ တကွီၤလၢ ထိးအနါဒ့လိၤလီၤ.
၂၃ တၢ်လၢ ပှၤတီပှၤလိၤ သးလီဝဲန့ၣ် ဒုးအိၣ်ထီၣ်ထဲ တၢ်ဂ့ၤလီၤ.+
မ့မ့ၢ် တၢ်လၢ ပှၤအၢပှၤသီ မုၢ်လၢ်ဝဲန့ၣ် ဒုးအိၣ်ထီၣ် တၢ်သးဒိၣ်လီၤ.
၂၄ ပှၤလၢအဟ့ၣ်တၢ်ညီန့ၣ် လၢခံ အတၢ်ကအိၣ်အါထီၣ်လီၤ.+
မ့မ့ၢ် ပှၤလၢ အကြၢးဟ့ၣ်တၢ် ဘၣ်ဆၣ် တဟ့ၣ်ဝဲဘၣ်န့ၣ် ကဖှီၣ်လီၤယာ်လီၤဝဲလီၤ.+
၂၅ ပှၤလၢအဟ့ၣ်တၢ်ညီန့ၣ် ကဘီၣ်ထီၣ်ညီထီၣ်ဝဲလီၤ.+
ဒီးပှၤလၢအမၤဆူၣ်ထီၣ် ပှၤဂၤအဂံၢ်အဘါန့ၣ်* အနီၢ်ကစၢ် အဂံၢ်အဘါ ကဆူၣ်ထီၣ်ဝဲ စ့ၢ်ကီးလီၤ.+
၂၆ ပှၤလၢအတထုးထီၣ်ဆါ အဘုဘၣ်န့ၣ် ပှၤကဆိၣ်အၢအီၤလီၤ.
မ့မ့ၢ် ပှၤလၢအထုးထီၣ်ဆါ အဘုန့ၣ် ပှၤကဆိၣ်ဂ့ၤအီၤလီၤ.
၂၇ ပှၤလၢအထဲးဂံၢ်ထဲးဘါလၢ ကမၤတၢ်ဂ့ၤန့ၣ် ကဒိးန့ၢ်ဘၣ် တၢ်သးကညီၤလီၤ.+
မ့မ့ၢ် ပှၤလၢအဃု မၤတၢ်အၢန့ၣ် တၢ်အၢကဘၣ်က့ၤအီၤ သပှၢ်ကတၢၢ်လီၤ.+
၂၈ ပှၤလၢ အသန့ၤအသးလၢ အတၢ်ထူးတၢ်တီၤန့ၣ် ကဘၣ်နးဘၣ်ဖှီၣ်လီၤ.+
မ့မ့ၢ် ပှၤတီပှၤလိၤန့ၣ် ကမဲထီၣ်ဝဲ ဒ်သ့ၣ်လၢ အပှဲၤဒီးအလၣ် အသိးလီၤ.+
၂၉ ပှၤလၢအဒုးအိၣ်ထီၣ် တၢ်ကီတၢ်ခဲလၢ အဟံၣ်ဖိဃီဖိအဂီၢ်န့ၣ် တန့ၢ်သါဘၣ် တၢ်နီတမံၤဘၣ်.*+
ဒီးပှၤလၢအသးတဆးဘၣ်န့ၣ် ကကဲထီၣ်ဝဲ ပှၤကူၣ်တၢ်သ့ အခ့အပှၤလီၤ.
၃၀ တၢ်လၢပှၤတီပှၤလိၤ မၤကဲထီၣ်ဝဲတဖၣ်န့ၣ် လီၤဂာ်ဒ်သိးဒီး သ့ၣ်တၢ်မူတထူၣ်လီၤ.+
ဒီးပှၤလၢ အမၤန့ၢ်ဘၣ် ပှၤသးသမူန့ၣ် မ့ၢ်ပှၤကူၣ်တၢ်သ့လီၤ.+
၃၁ ပှၤတီပှၤလိၤလၢ ဟီၣ်ခိၣ်ချၢ မ့ၢ်ဒိးန့ၢ်ဘၣ် တၢ်လၢအကြၢး ဒိးန့ၢ်ဘၣ်ဝဲန့ၣ်
ပှၤအၢပှၤသီ ဒီးပှၤတၢ်ဒဲးဘးဖိတဖၣ် ကဒိးန့ၢ်ဘၣ်ဝဲ အါန့ၢ်အန့ၣ်လီၤ.+
၁၂ ပှၤလၢအအဲၣ် တၢ်သိၣ်က့ၤ သီက့ၤန့ၣ် အဲၣ်တၢ်သ့ၣ်ညါ,+
မ့မ့ၢ် ပှၤလၢအသးဟ့ တၢ်သိၣ်ဃီၣ်န့ၣ် အတၢ်သ့ၣ်ညါ တအိၣ်ဘၣ်.+
၂ ယဟိဝၤယွၤ ဘၣ်သူၣ်ဘၣ်သးဝဲ ပှၤလၢအမၤတၢ်ဂ့ၤ,
မ့မ့ၢ် ပှၤလၢအကူၣ်ထီၣ် တၢ်အၢန့ၣ် ကစၢ်ယွၤ စံၣ်ညီၣ်ဝဲလီၤ.+
၃ ပှၤလၢအမၤတၢ်အၢတၢ်သီအဃိ အအိၣ်ဘၣ် ပူၤပူၤဖျဲးဖျဲးန့ၣ် တအိၣ်နီတဂၤဘၣ်,+
မ့မ့ၢ် ပှၤတီပှၤလိၤန့ၣ် ကအိၣ်ဘၣ် ပူၤပူၤဖျဲးဖျဲး ထီဘိလီၤ.
၄ မါလၢအဂ့ၤတဂၤန့ၣ် မ့ၢ်အဝၤ အခိၣ်သလုး,+
မ့မ့ၢ် မါလၢအမၤတၢ်လၢ အလီၤမဲာ်ဆှးန့ၣ် လီၤဂာ်ဒ်သိးဒီး တၢ်ဆါတခါလၢ အမၤအုၣ်မၤကျၣ် အဝၤအဃံတဖၣ်လီၤ.+
၅ ပှၤတီပှၤလိၤ အတၢ်ဆိကမိၣ်တဖၣ်န့ၣ် တီဝဲလိၤဝဲ,
မ့မ့ၢ် ပှၤအၢပှၤသီ အတၢ်ဟံးစုနဲၣ်ကျဲန့ၣ် ဆှၢကမၣ် ပှၤဂၤ အတၢ်ဆိကမိၣ်လီၤ.
၆ ပှၤအၢပှၤသီ အတၢ်ကတိၤတဖၣ်န့ၣ် အိၣ်ခိးခူသူၣ်တၢ်လၢ ကမၤသံတၢ်အဂီၢ်,+
မ့မ့ၢ် ပှၤတီပှၤလိၤ အထးခိၣ်န့ၣ် မၤပူၤဖျဲးတၢ်လီၤ.+
၇ ဖဲပှၤအၢပှၤသီ ဘၣ်တၢ်မၤ ဟးဂီၤအီၤအခါ တအိၣ်တ့ၢ် နီတဂၤလၢၤဘၣ်.
မ့မ့ၢ် ပှၤတီပှၤလိၤ အဟံၣ်န့ၣ် ကဆၢထၢၣ် ဂၢၢ်ဂၢၢ်ကျၢၤကျၢၤလီၤ.+
၈ ပှၤလၢ အထးခိၣ် ပာ်ဖျါထီၣ် တၢ်ကူၣ်တၢ်ဆးန့ၣ် ပှၤကပတြၢၤအီၤ,+
မ့မ့ၢ် ပှၤလၢ အသးက့ၣ်န့ၣ် ပှၤကဆိကမိၣ်ဆံးအီၤလီၤ.+
၉ ပှၤတဂၤလၢ ပှၤတပာ်ကဲအီၤ အါအါဘၣ် ဘၣ်ဆၣ် အအိၣ်ဒီး အခ့အပှၤတဂၤန့ၣ်
ဂ့ၤဒိၣ်န့ၢ်ဒံး ပှၤတဂၤလၢ အမၤလၤကပီၤလီၤအသး ဘၣ်ဆၣ် အတၢ်အီၣ်တအိၣ် နီတမံၤဘၣ်လီၤ.+
၁၀ ပှၤတီပှၤလိၤန့ၣ် ကွၢ်ထွဲဝဲ အဆၣ်ဖိကီၢ်ဖိတဖၣ်,+
မ့မ့ၢ် ပှၤအၢပှၤသီန့ၣ် ဆိကမိၣ်ဝဲလၢ အအိၣ်ဒီး တၢ်သးကညီၤ ဘၣ်ဆၣ် နီၢ်ကီၢ်န့ၣ် အသးအၢသံလီၤ.
၁၁ ပှၤလၢအသူၣ်အီၣ်ဖျးအီၣ်တၢ်န့ၣ် ကအီၣ်ဘၣ်တၢ်ဘျဲဘျဲ,+
မ့မ့ၢ် ပှၤလၢအလူၤ တၢ်လၢအဘျုးတအိၣ်ဘၣ်န့ၣ် အသးတဆးဘၣ်.
၁၂ ပှၤအၢပှၤသီသးကွံဝဲ တၢ်လၢ ပှၤသးအၢအဂၤတဖၣ် မၤန့ၢ်ဘၣ်ဝဲ,
မ့မ့ၢ် ပှၤတီပှၤလိၤန့ၣ် လီၤဂာ်ဒ်သိးဒီး သ့ၣ်တထူၣ်လၢ အဂံၢ်စဲၤလီၤသး ယိာ်ယိာ် ဒီးသၣ်ထီၣ် တၤသၣ်တဖၣ်လီၤ.
၁၃ ပှၤလၢအသးအၢတဂၤန့ၣ် ဘၣ်ကီဘၣ်ခဲခီဖျိလၢ အနီၢ်ကစၢ် အတၢ်ကတိၤလၢ အအၢအသီတဖၣ်အဃိ,+
မ့မ့ၢ် ပှၤတီပှၤလိၤတဂၤန့ၣ် ပူၤဖျဲးဒီး တၢ်ကိၢ်တၢ်ဂီၤလီၤ.
၁၄ ပှၤတဂၤ ကဒိးန့ၢ်ဘၣ်က့ၤ တၢ်လၢအဂ့ၤ ခီဖျိအတၢ်ကတိၤတဖၣ်အဃိ+
ဒီးတၢ်လၢအမၤဝဲတဖၣ်န့ၣ် ကကဲထီၣ် ခိၣ်ဖးလၢအဂီၢ်လီၤ.
၁၆ ပှၤဟးဂီၤဖိ ပာ်ဖျါထီၣ် အတၢ်သးအ့န့ တဘျီဃီ,*+
မ့မ့ၢ် ပှၤလၢအအိၣ်ဒီး တၢ်ကူၣ်သ့န့ၣ် ကွၢ်ကပာ်ကွံာ်ဝဲ တၢ်တဲဆါလီၤ.
၁၇ ပှၤအုၣ်အသးလၢ အတီန့ၣ် တဲတၢ်မ့ၢ်တၢ်တီ,
မ့မ့ၢ် ပှၤအုၣ်အသးလၢ အတတီဘၣ်န့ၣ် တဲလံၣ်တဲလီတၢ်လီၤ.
၁၈ တၢ်ကတိၤလၢ ပှၤတဆိကမိၣ်ဆိအီၤဘၣ်ဒီး တဲအီၤန့ၣ် လီၤဂာ်ဒ်သိးဒီး နးလၢအဆဲးတၢ်တဘ့ၣ်,
မ့မ့ၢ် ပှၤကူၣ်တၢ်သ့ အပျ့ၤန့ၣ် မၤဘျါက့ၤတၢ်လီၤ.+
၁၉ တၢ်ကတိၤလၢ အမ့ၢ်အတီန့ၣ် ကအိၣ်ကဆိး လီၤထူလီၤယိာ်,+
မ့မ့ၢ် ပျ့ၤလၢ အလံၣ်တၢ်လီတၢ်န့ၣ် ကအိၣ်ထဲတစိၢ်ဖိလီၤ.+
၂၀ တၢ်လီတၢ်ဝ့ၤ အိၣ်ဝဲလၢ ပှၤလၢအကူၣ်အၢတၢ်တဖၣ် အသးပူၤ,
မ့မ့ၢ် ပှၤလၢအဆီၣ်ထွဲ တၢ်ဃူတၢ်ဖိးန့ၣ် အိၣ်ဒီးတၢ်သးခုလီၤ.+
၂၁ တၢ်ဘၣ်ဒိဘၣ်ထံး တလီၤဘၣ် ပှၤတီပှၤလိၤ နီတမံၤဘၣ်.+
မ့မ့ၢ် ပှၤအၢပှၤသီန့ၣ် အတၢ်အိၣ်မူ ပှဲၤဒီးတၢ်နးတၢ်ဖှီၣ်လီၤ.+
၂၂ ပျုၤလၢအလီတၢ်န့ၣ် မ့ၢ်ဝဲ တၢ်လၢ ယဟိဝၤယွၤသးဘၣ်အၢ,+
မ့မ့ၢ် ပှၤလၢ အမၤတၢ်လၢ တၢ်သးတီအပူၤန့ၣ် ကစၢ်ယွၤ ဘၣ်သူၣ်ဘၣ်သးဝဲလီၤ.
၂၃ ပှၤလၢအအိၣ်ဒီး တၢ်ကူၣ်သ့န့ၣ် ပာ်ခူသူၣ်ဝဲ တၢ်လၢအသ့ၣ်ညါဝဲတဖၣ်,
မ့မ့ၢ် ပှၤဟးဂီၤဖိန့ၣ် တဲဖျိးထီၣ်ဝဲ တၢ်လၢအတကဲဘျုးဘၣ် တဖၣ်န့ၣ်လီၤ.+
၂၅ တၢ်သူၣ်ကိၢ်သးဂီၤလၢ ပှၤတဂၤအသးပူၤန့ၣ် မၤစၢ်လီၤအသးဂံၢ်ဘါ,+
မ့မ့ၢ် တၢ်ကတိၤလၢ အမုာ်န့ၣ် မၤဖှံထီၣ်အသးလီၤ.+
၂၆ ပှၤတီပှၤလိၤ ဃုကွၢ်ဝဲ တၢ်အီၣ်ဆၣ်လီၢ်လၢ အဂ့ၤကတၢၢ်,
မ့မ့ၢ် ပှၤအၢပှၤသီန့ၣ် လဲၤဝဲလၢ အနီၢ်ကစၢ်အကျဲ ဒီးဟးဖျိးဝဲလီၤ.
၂၇ ပှၤကၢၣ်န့ၣ် တလူၤခးအီၣ်တၢ်ဘၣ်,+
မ့မ့ၢ် ပှၤလၢအခုန့ၣ် မ့ၢ်တၢ်ထူးတၢ်တီၤလၢ အလုၢ်ဒိၣ်ပှ့ၤဒိၣ်လီၤ.
၂၈ တၢ်တီတၢ်လိၤအကျဲန့ၣ် ဆှၢပှၤဆူတၢ်မူ+
ဒီးလၢကျဲအံၤအပူၤန့ၣ် တၢ်သံ တအိၣ်ဘၣ်.
၁၃ ဖိခွါလၢ အကူၣ်တၢ်သ့န့ၣ် တူၢ်လိာ်အပၢ် အတၢ်သိၣ်က့ၤသီက့ၤ,+
၂ ပှၤတဂၤ ကဒိးန့ၢ်က့ၤ တၢ်လၢအဂ့ၤခီဖျိ တၢ်လၢ အတဲဝဲတဖၣ်အဃိ,+
မ့မ့ၢ် ပှၤလၢအသးတတီဘၣ်တဖၣ်န့ၣ် လီကီတၢ်စုဆူၣ်ခီၣ်တကးလီၤ.
၃ ပှၤလၢ အပၢၤဃာ် အထးခိၣ်န့ၣ် ဒီသဒၢ အသးသမူ,+
မ့မ့ၢ် ပှၤလၢအအိးထီၣ် အကိာ်ပူၤဖးလဲၢ်န့ၣ် ကတုၤလၢ တၢ်ဟးဂီၤလီၤ.+
၄ ပှၤလၢအကၢၣ်န့ၣ် ဘၣ်သးအီၣ်တၢ် ဘၣ်ဆၣ် အတၢ်တအိၣ် နီတမံၤဘၣ်.+
မ့မ့ၢ် ပှၤလၢအခုန့ၣ် ကအီၣ်ဘၣ်တၢ် ဘျဲဘျဲလီၤ.+
၅ ပှၤတီပှၤလိၤ သးဟ့ တၢ်လံၣ်တၢ်လီတဖၣ်,+
မ့မ့ၢ် ပှၤအၢပှၤသီ အတၢ်မၤတဖၣ်န့ၣ် ဒုးအိၣ်ထီၣ် တၢ်မဲာ်ဆှး ဒီးအလၤကပီၤတအိၣ်ဘၣ်.
၆ တၢ်တီတၢ်လိၤ ဒီသဒၢ ပှၤလၢအ တၢ်ကမၣ် တအိၣ်ဘၣ်တဖၣ်,+
မ့မ့ၢ် ပှၤတၢ်ဒဲးဘးဖိန့ၣ် တၢ်အၢ တၢ်သီ ကမၤဟးဂီၤအီၤလီၤ.
၇ ပှၤတနီၤ ပာ်မၤအသး ဒ်သိးဒီး ပှၤထူးပှၤတီၤ ဘၣ်ဆၣ် အတၢ်တအိၣ် နီတမံၤဘၣ်.+
ပှၤအဂၤတနီၤန့ၣ် ပာ်မၤအသး ဒ်သိးဒီး ပှၤဖှီၣ်ဖိယာ်ဖိ ဘၣ်ဆၣ် အ တၢ်ထူးတၢ်တီၤ အိၣ်ဝဲဒီဒူၣ်လီၤ.
၈ ပှၤကဲဒိၣ်တဂၤ ဟ့ၣ်လီၤတၢ်ထူးတၢ်တီၤလၢ ကမၤပူၤဖျဲး အသးသမူအဂီၢ်,+
မ့မ့ၢ် ပှၤဖှီၣ်ဖိယာ်ဖိန့ၣ် တထံၣ်ဘၣ် တၢ်ဘၣ်ယိၣ်ဒ်န့ၣ် နီတဂၤဘၣ်.+
၉ ပှၤတီပှၤလိၤန့ၣ် လီၤဂာ်ဒ်သိးဒီး မ့ၣ်အူဒၢတဖျၢၣ်လၢ အကပီၤဝဲဒိၣ်မး,+
မ့မ့ၢ် ပှၤအၢပှၤသီန့ၣ် လီၤဂာ်ဒ်သိးဒီး မ့ၣ်အူဒၢတဖျၢၣ်လၢ အကလီၤပံာ်ကွံာ်လီၤ.+
၁၀ တၢ်ပာ်ထီၣ်ထီသးန့ၣ် ဒုးအိၣ်ထီၣ် ထဲတၢ်အ့ၣ်လိာ်ဆိးက့လိာ်,+
မ့မ့ၢ် ပှၤလၢအဃု တၢ်ဟ့ၣ်ကူၣ်ဟ့ၣ်ဖးန့ၣ် အအိၣ်ဒီး တၢ်ကူၣ်သ့လီၤ.+
၁၁ တၢ်ထူးတၢ်တီၤလၢ ပှၤမၤန့ၢ်ဘၣ်အီၤ ချ့မးန့ၣ် ကလီၤစှၤကွံာ်ဝဲ,+
မ့မ့ၢ် ပှၤလၢအပာ်ဖှိၣ်ဃာ် အတၢ်ထူးတၢ်တီၤ တစဲးဘၣ်တစဲးန့ၣ် အတၢ်ထူးတၢ်တီၤ ကအါထီၣ်လီၤ.
၁၂ တၢ်လၢ ပှၤမုၢ်လၢ်ဝဲတဖၣ် ကလၢထီၣ်ပှဲၤထီၣ်အဂီၢ် တၢ်ဆၢကတီၢ် မ့ၢ်ယံာ်တလၢန့ၣ် ပှၤသးကဟးဂီၤဝဲလီၤ.+
ဘၣ်ဆၣ် ဖဲတၢ်လၢပှၤတဂၤ သးလီဝဲတဖၣ် လၢထီၣ်ပှဲၤထီၣ်အခါ လီၤဂာ်ဒ်သိးဒီး သ့ၣ်တၢ်မူတထူၣ်လီၤ.+
၁၃ ပှၤလၢအတပာ်ကဲ တၢ်ဟံးစုနဲၣ်ကျဲဘၣ်န့ၣ် ကတူၢ်ဘၣ်တၢ်လၢ အကပိာ်ထွဲထီၣ်အခံတဖၣ်,+
မ့မ့ၢ် ပှၤလၢအပာ်ကဲ တၢ်မၤလိာ်န့ၣ် ကဒိးန့ၢ်ဘၣ် ခိၣ်ဖးလီၤ.+
၁၄ ပှၤကူၣ်တၢ်သ့ အတၢ်သိၣ်လိန့ၣ် မ့ၢ်တၢ်မူ အထံထီၣ်ပၢၢ်+
ဒီးကမၤစၢၤ ပှၤတဂၤ ဒ်သိးအကပူၤဖျဲးလၢ တၢ်သံအပျံၤသကွီၤ တဖၣ်လီၤ.
၁၅ ပှၤလၢအအိၣ်ဒီး တၢ်နၢ်ပၢၢ် လီၤတံၢ်လီၤဆဲးန့ၣ် ပှၤဂၤဘၣ်သူၣ် ဘၣ်သးအီၤ,
မ့မ့ၢ် ပှၤလၢ အသးတတီဘၣ်န့ၣ် အတၢ်အိၣ်မူ ပှဲၤဒီးတၢ်ကီတၢ်ခဲလီၤ.
၁၇ ပှၤစိာ်တၢ်ကစီၣ်ဖိ လၢအအၢသီန့ၣ် ဒုးအိၣ်ထီၣ် တၢ်ကီတၢ်ခဲ,+
မ့မ့ၢ် ပှၤစိာ်တၢ်ကစီၣ်ဖိလၢ အသးတီန့ၣ် မၤဘျုးတၢ်လီၤ.+
၁၈ ပှၤလၢ အကွၢ်ကပာ် တၢ်သိၣ်က့ၤသီက့ၤန့ၣ် ကဖှီၣ်လီၤယာ်လီၤ ဒီးကဒိးန့ၢ်ဘၣ် တၢ်မဲာ်ဆှး,
မ့မ့ၢ် ပှၤလၢအတူၢ်လိာ် တၢ်သိၣ်ဃီၣ်န့ၣ် ပှၤကပာ်ကဲအီၤလီၤ.+
၁၉ ဖဲတၢ်လၢပှၤတဂၤ သးလီဝဲန့ၣ် ဟဲလၢထီၣ်ပှဲၤထီၣ်အခါ မုာ်ဘၣ်အီၤ,+
မ့မ့ၢ် ပှၤဟးဂီၤဖိန့ၣ် တဘၣ်သး ဃၣ်ကွံာ်အသးလၢ တၢ်အၢ နီတစဲးဘၣ်.+
၂၀ ပှၤလၢ အရ့ဒီး ပှၤကူၣ်တၢ်သ့န့ၣ် ကကဲထီၣ် ပှၤကူၣ်တၢ်သ့,+
မ့မ့ၢ် ပှၤလၢ အဒီသကိးဒီး ပှၤဟးဂီၤဖိန့ၣ် ကထံၣ်ဘၣ် တၢ်ကီတၢ်ခဲလီၤ.+
၂၁ ပှၤလၢ အမၤတၢ်ဒဲးဘးန့ၣ် တၢ်နးတၢ်ဖှီၣ် ကဟဲဘၣ်အီၤ,+
မ့မ့ၢ် ပှၤတီပှၤလိၤန့ၣ် ကဒိးန့ၢ်ဘၣ် တၢ်ဆိၣ်ဂ့ၤ ဒီဒူၣ်လီၤ.+
၂၂ ပှၤလၢ အဂ့ၤန့ၣ် ပာ်တ့ၢ်န့ၢ်ဝဲ တၢ်န့ၢ်သါလၢ အလံၤတဖၣ်အဂီၢ်,
မ့မ့ၢ် ပှၤတၢ်ဒဲးဘးဖိ အတၢ်ထူးတၢ်တီၤန့ၣ် ကဘၣ်တၢ်ပာ်ဖှိၣ်ဃာ်အီၤလၢ ပှၤတီပှၤလိၤ အဂီၢ်လီၤ.+
၂၃ ပှၤဖှီၣ်ဖိယာ်ဖိ အဟီၣ်ခိၣ်န့ၣ် ဟ့ၣ်ထီၣ်တၢ်အီၣ်တၢ်အီ ဒီဒူၣ်,
ဘၣ်ဆၣ် ခီဖျိလၢ ပှၤမၤတၢ် တတီတလိၤဘၣ်အဃိ ဘၣ်တၢ်ဟံးန့ၢ်ကွံာ် အီၤလီၤ.*
၂၄ ပှၤလၢအတသူနီၣ်တီၢ်* ဘၣ်န့ၣ် သးဟ့အဖိခွါ,+
မ့မ့ၢ် ပှၤလၢအအဲၣ်အဖိခွါန့ၣ် သိၣ်က့ၤသီက့ၤအီၤ သပှၢ်တၢၢ်လီၤ.*+
၁၄ ပိာ်မုၣ်လၢ အကူၣ်တၢ်သ့နီၢ်ကီၢ်န့ၣ် မၤဂၢၢ်ထီၣ်ကျၢၤထီၣ် အဟံၣ်အဃီ,+
မ့မ့ၢ် ပိာ်မုၣ်လၢ အဟးဂီၤန့ၣ် မၤလီၤပှီၢ် အဟံၣ်အဃီလၢ အနီၢ်ကစၢ် အစုလီၤ.
၂ ပှၤလၢအမၤတၢ်လၢအဘၣ်န့ၣ် မ့ၢ်ပှၤလၢ အပျံၤယဟိဝၤယွၤ,
မ့မ့ၢ် ပှၤလၢ အလံၣ်အီၣ်လီအီၣ်တၢ်န့ၣ် တပာ်ကဲ ကစၢ်ယွၤဘၣ်.
၃ ပှၤဟးဂီၤဖိ အတၢ်ကတိၤလၢ တၢ်ပာ်ထီၣ်ထီသးအပူၤန့ၣ် လီၤဂာ်ဒ်သိးဒီး နီၣ်တီၢ်,
မ့မ့ၢ် ပှၤကူၣ်တၢ်သ့ အတၢ်ကတိၤန့ၣ် ကဒီသဒၢအီၤလီၤ.
၄ ကျီၢ်တဖၣ် မ့ၢ်တအိၣ်ဘၣ်န့ၣ် အအီၣ်ဆၣ်အကျိး အိၣ်ဝဲ ကဆှဲကဆှီ,
ဘၣ်ဆၣ် ပှၤကူးတၢ်န့ၢ်ဒီဒူၣ် ခီဖျိလၢ ကျီၢ်ဖါအဂံၢ်အဘါ အဃိလီၤ.
၅ ပှၤအုၣ်အသးလၢ အတီန့ၣ် တလံၣ်တၢ်လီတၢ်ဘၣ်,
မ့မ့ၢ် ပှၤအုၣ်အသးလၢ အတတီဘၣ်န့ၣ် တဲထဲတၢ်လံၣ်တၢ်လီလီၤ.+
၆ ပှၤဒုၣ်ဒွဲၣ်တၢ် ဃုထံၣ်န့ၢ် တၢ်ကူၣ်သ့ တသ့နီတဘျီဘၣ်,
မ့မ့ၢ် ပှၤလၢအအိၣ်ဒီး တၢ်သ့ၣ်ညါနၢ်ပၢၢ်န့ၣ် မၤလိန့ၢ် တၢ်ကူၣ်သ့ ညီညီဖိလီၤ.+
၇ နမ့ၢ်ကနၣ် ပှၤဟးဂီၤဖိန့ၣ် နတဒိးန့ၢ်ဘၣ် တၢ်သ့ၣ်ညါဘၣ်+
အဃိ အိၣ်ယံၤယံၤဒီး အီၤတက့ၢ်.
၈ ခီဖျိလၢ တၢ်ကူၣ်သ့အဃိ ပှၤကူၣ်တၢ်သ့ နၢ်ပၢၢ်ဝဲ ကျဲလၢအလဲၤ,
မ့မ့ၢ် ပှၤဟးဂီၤဖိန့ၣ် အတၢ်ဆိကမိၣ် လံၣ်န့ၢ်လီန့ၢ်က့ၤ အနီၢ်ကစၢ်လီၤ.+
၉ ပှၤဟးဂီၤဖိ အတၢ်ကမၣ်မ့ၢ်အိၣ် သနာ်က့ အပာ်ဝဲ ဒ်သိးဒီး တၢ်လိာ်ကွဲ,+
မ့မ့ၢ် ပှၤလၢ အသူၣ်ဘျၢသးဘျၢန့ၣ် သးအိၣ် မၤဃူမၤဖိးက့ၤတၢ်လီၤ.
၁၀ ပှၤတဂၤ အတၢ်သူၣ်ဘၣ်ဒိ သးဘၣ်ထံးန့ၣ် ထဲဒၣ် အနီၢ်ကစၢ်တဂၤ နၢ်ပၢၢ်ဝဲလီၤ.
ဒီးပှၤတဂၤ အတၢ်သးခုန့ၣ် ပှၤအဂၤနၢ်ပၢၢ်ဝဲ တသ့ဘၣ်.
၁၁ ပှၤအၢပှၤသီ အဟံၣ်န့ၣ် ကဟးဂီၤကွံာ်,+
မ့မ့ၢ် ပှၤသူၣ်ဘျၢသးဘျၢ အဒဲန့ၣ် ကဒိၣ်ထီၣ်ထီထီၣ်ဝဲလီၤ.
၁၃ ပှၤတဂၤ မ့ၢ်နံၤသနာ်က့ ဘၣ်သ့ၣ်သ့ၣ် အသးဘၣ်ဒိဝဲလီၤ.
ဒီးလၢအကတၢၢ်န့ၣ် တၢ်သးခု ကဲထီၣ်က့ၤ တၢ်သးအုး သ့ဝဲလီၤ.
၁၄ ပှၤလၢ အသးတတီဘၣ်န့ၣ် ကကူးဘၣ်က့ၤတၢ် ဒ်အအိၣ်မူဝဲအသိး,+
မ့မ့ၢ် ပှၤလၢအဂ့ၤန့ၣ် ကကူးဘၣ်က့ၤ ခိၣ်ဖး ဒ်တၢ်လၢ အမၤဝဲ အသိးလီၤ.+
၁၅ ပှၤလၢ အတၢ်လဲၤခီဖျိ အိၣ်စှၤန့ၣ် နာ်တၢ်ကတိၤ ကိးထံၣ်ဒဲးလီၤ.
မ့မ့ၢ် ပှၤကူၣ်တၢ်သ့န့ၣ် ဆိကမိၣ်ထံ အခီၣ်ခါ ကိးခါဒဲးလီၤ.+
၁၆ ပှၤကူၣ်တၢ်သ့န့ၣ် ပလီၢ်အသး ဒီးဃၣ်ကွံာ်အသးလၢ တၢ်အၢ,
မ့မ့ၢ် ပှၤဟးဂီၤဖိန့ၣ် အတပလီၢ်အသးဘၣ် ဒီးနာ်န့ၢ်လီၤအသး အါတလၢလီၤ.
၁၇ ပှၤလၢ အသးချ့န့ၣ် မၤကြီတၢ်,+
မ့မ့ၢ် ပှၤလၢအဆိကမိၣ်ထံပာ်စၢၤတၢ် လီၤတံၢ်လီၤဆဲးန့ၣ် ပှၤသးဟ့အီၤလီၤ.
၁၈ ပှၤလၢအတၢ်လဲၤခီဖျိစှၤန့ၣ် ကကဲထီၣ် ပှၤဟးဂီၤဖိ သပှၢ်ကတၢၢ်,
မ့မ့ၢ် ပှၤကူၣ်တၢ်သ့န့ၣ် တၢ်သ့ၣ်ညါ မၤဃံမၤလၤအီၤ ဒ်ခိၣ်သလုး အသိးလီၤ.+
၁၉ ပှၤလၢအတဂ့ၤဘၣ်န့ၣ် ကဘၣ်ဆုးလီၤအခိၣ်လၢ ပှၤလၢအဂ့ၤတဖၣ် အမဲာ်ညါ,
ဒီးပှၤအၢပှၤသီန့ၣ် ကဘၣ်ဆုးလီၤအခိၣ်လၢ ပှၤတီပှၤလိၤ အတြဲၤခီၣ်ထံးလီၤ.
၂၁ ပှၤမ့ၢ်ဆိကမိၣ်ဆံး ပှၤလၢအခိၣ်အဃၢၤန့ၣ် မ့ၢ်ဒၣ်အမၤတၢ်ဒဲးဘး,
မ့မ့ၢ် ပှၤလၢအပာ်ဖျါထီၣ် တၢ်သးကညီၤလၢ ပှၤလၢအပတီၢ်ဖုၣ် အဖီခိၣ်န့ၣ် ကသးခုဝဲလီၤ.+
၂၂ ပှၤလၢအကူၣ်ထီၣ် တၢ်အၢန့ၣ် ကဟးဖျိးကျဲ တမ့ၢ်ဧီၤ.
မ့မ့ၢ် ပှၤလၢ အပာ်လီၤအသးလၢ ကမၤတၢ်ဂ့ၤန့ၣ် ပှၤကပာ်ဖျါထီၣ် တၢ်အဲၣ် ဒီးတၢ်သးတီ လၢအဝဲသ့ၣ် အဖီခိၣ်လီၤ.+
၂၃ တၢ်မၤလၢ ပှၤမၤအီၤဆူၣ်ဆူၣ် ကိးမံၤဒဲးန့ၣ် အိၣ်ဒီးအဘျုး
ဘၣ်ဆၣ် အိၣ်ထဲနတဲလဲလဲန့ၣ် နကဖှီၣ်လီၤယာ်လီၤလီၤ.+
၂၄ ပှၤကူၣ်တၢ်သ့ အခိၣ်သလုးန့ၣ် မ့ၢ်အဝဲသ့ၣ် အတၢ်ထူးတၢ်တီၤ,
မ့မ့ၢ် ပှၤဟးဂီၤဖိန့ၣ် ကဆဲးမၤကြီတၢ် ထီဘိလီၤ.+
၂၅ ပှၤအုၣ်အသးလၢ အတီန့ၣ် မၤပူၤဖျဲး ပှၤသးသမူ,
မ့မ့ၢ် ပှၤလၢအတတီဘၣ်န့ၣ် တဲထဲတၢ်လံၣ်တၢ်လီလီၤ.
၂၇ တၢ်ပျံၤ ယဟိဝၤယွၤန့ၣ် မ့ၢ်ဝဲ တၢ်မူအထံထီၣ်ပၢၢ်
ဒီးအမၤပူၤဖျဲး ပှၤတဂၤလၢ တၢ်သံအပျံၤသကွီၤတဖၣ်သ့လီၤ.
၂၈ ပှၤဂီၢ်မုၢ်အါအါဂီၢ်ဂီၢ်န့ၣ် မ့ၢ်ဝဲ စီၤပၤအလၤကပီၤ,+
ဘၣ်ဆၣ် ပှၤပၢတၢ် အထံဖိကီၢ်ဖိ မ့ၢ်တအိၣ်ဘၣ်န့ၣ် အဟးဂီၤကွံာ်ဝဲလီၤ.
၂၉ ပှၤလၢအတသးဒိၣ်ထီၣ်တၢ် ချ့ချ့ဘၣ်န့ၣ် အိၣ်ဒီး တၢ်သ့ပဲာ်ထံနီၤဖးတၢ် ဂ့ၤဂ့ၤ,+
မ့မ့ၢ် ပှၤလၢအသးတစူၤဘၣ်တဂၤန့ၣ် ပာ်ဖျါထီၣ် တၢ်မၤလၢအနါစိၤတဖၣ်လီၤ.+
၃၀ ပှၤအသးလၢအမုာ်အခုၣ်န့ၣ် ဒုးအိၣ်ဆူၣ်အိၣ်ချ့ အနီၢ်ခိ,
မ့မ့ၢ် တၢ်သးက့ၣ်န့ၣ် မ့ၢ်ဝဲ တၢ်ဆါတခါလၢ အမၤအုၣ်မၤကျၣ် ပှၤဃံလီၤ.+
၃၁ ပှၤလၢအလံၣ်အီၣ်လီအီၣ် ပှၤလၢအပတီၢ်ဖုၣ်န့ၣ် ဒုၣ်ဒွဲၣ်စံးအၢ ပှၤလၢအတ့လီၤအီၤ,+
မ့မ့ၢ် ပှၤလၢ အပာ်ဖျါထီၣ် တၢ်သးကညီၤလၢ ပှၤဖှီၣ်ဖိယာ်ဖိ အဖီခိၣ်န့ၣ် မၤလၤကပီၤ ကစၢ်ယွၤလီၤ.+
၃၂ ပှၤအၢပှၤသီန့ၣ် ကလီၤဃံၢ်ဝဲ ခီဖျိလၢ အနီၢ်ကစၢ် တၢ်မၤလၢ အအၢအသီအဃိ,
မ့မ့ၢ် ပှၤတီပှၤလိၤန့ၣ် ကဘၣ်တၢ်ဒီသဒၢအီၤ ခီဖျိလၢ အတၢ်သးတီ အဃိလီၤ.+
၃၃ တၢ်ကူၣ်သ့ အိၣ်ဘှ့ၣ်အိၣ်ဘှီၣ်လၢ ပှၤလၢအအိၣ်ဒီး တၢ်သ့ၣ်ညါနၢ်ပၢၢ်တဂၤ အသးပူၤ,+
မ့မ့ၢ် ပှၤဟးဂီၤဖိန့ၣ် တဲဖျါထီၣ် တၢ်လၢအသ့ၣ်ညါဝဲတဖၣ် ကိးဘျီဒဲးလီၤ.
၃၄ တၢ်တီတၢ်လိၤန့ၣ် ပာ်ထီၣ်ထီ ပှၤဒီတကလုာ်,+
မ့မ့ၢ် တၢ်ဒဲးဘးန့ၣ် မၤမဲာ်ဆှး ပှၤဒီတကလုာ်လီၤ.
၃၅ စီၤပၤ ဘၣ်သူၣ်ဘၣ်သးဝဲ အခ့အပှၤလၢ အမၤတၢ်လၢ တၢ်ကူၣ်သ့ အပူၤ,+
မ့မ့ၢ် အပှၤလၢအမၤတၢ်လၢ အလီၤမဲာ်ဆှးန့ၣ် စီၤပၤသးထီၣ်အီၤလီၤ.+
၁၅ ပှၤစံးဆၢတၢ် မုာ်မုာ်န့ၣ်* မၤခုၣ်လီၤ တၢ်သးဒိၣ်လီၤ.+
မ့မ့ၢ် တၢ်ကတိၤလၢ အဆူၣ်အကိၤန့ၣ် ထိၣ်ဟူးထိၣ်ဂဲၤထီၣ် တၢ်သးထီၣ်လီၤ.+
၂ ပှၤကူၣ်တၢ်သ့ အပျ့ၤန့ၣ် သူဝဲတၢ်သ့ၣ်ညါ ဂ့ၤဂ့ၤဘၣ်ဘၣ်,+
မ့မ့ၢ် ပှၤဟးဂီၤဖိ အထးခိၣ်န့ၣ် ဒုးဖျိးထီၣ် တၢ်လၢအနါစိၤ တဖၣ်လီၤ.
၃ ယဟိဝၤယွၤ အမဲာ်ချံ အိၣ်လၢ တၢ်လီၢ်ကိးပူၤဒဲး
ဒီးကွၢ်ဝဲ ပှၤလၢအမၤတၢ်ဂ့ၤ ဒီးပှၤလၢအမၤတၢ်အၢလီၤ.+
၄ ပျ့ၤလၢအမၤဘျါက့ၤတၢ်န့ၣ် လီၤဂာ်ဒ်သိးဒီး သ့ၣ်တၢ်မူ,+
မ့မ့ၢ် တၢ်ကတိၤလၢ အပှဲၤဒီးတၢ်လံၣ်တၢ်လီန့ၣ် မၤဆါပှၤသးလီၤ.
၅ ပှၤဟးဂီၤဖိန့ၣ် တပာ်ကဲ အပၢ်အတၢ်သိၣ်က့ၤသီက့ၤဘၣ်,+
မ့မ့ၢ် ပှၤကူၣ်တၢ်သ့န့ၣ် တူၢ်လိာ် တၢ်သိၣ်ဃီၣ်လီၤ.+
၆ လၢပှၤတီပှၤလိၤ အဟံၣ်ပူၤန့ၣ် တၢ်လုၢ်ဒိၣ်ပှ့ၤဒိၣ် အိၣ်ဝဲ ဒီဒူၣ်,
မ့မ့ၢ် တၢ်လၢ ပှၤအၢပှၤသီ မၤန့ၢ်ဝဲန့ၣ်* ဒုးအိၣ်ထီၣ် တၢ်ကီတၢ်ခဲ လၢအဂီၢ်လီၤ.+
၈ ပှၤအၢပှၤသီ အတၢ်လုၢ်တၢ်ပာ်န့ၣ် ယဟိဝၤယွၤ သးဘၣ်အၢဝဲ,+
မ့မ့ၢ် ပှၤလၢအသူၣ်ဘျၢသးဘျၢ အတၢ်ထုကဖၣ်န့ၣ် ကစၢ်ယွၤ ဘၣ်သူၣ်ဘၣ်သးဝဲလီၤ.+
၁၀ ပှၤလၢအပာ်တ့ၢ်ကွံာ် ကျဲလၢအဂ့ၤန့ၣ် တဘၣ်သူၣ်ဘၣ်သး တၢ်သိၣ်က့ၤသီက့ၤဘၣ်.+
ဒီးပှၤလၢအသးဟ့ တၢ်သိၣ်ဃီၣ်န့ၣ် ကသံဝဲလီၤ.+
၁၁ ယဟိဝၤယွၤ ထံၣ်ပှၤအိၣ်လၢ တၢ်သွၣ်ခိၣ်* ဒီးတၢ်ဟးဂီၤအလီၢ် မ့ၢ်သ့ပျီပျီန့ၣ်+
အဝဲထံၣ်တၢ်အိၣ်လၢ ပှၤဟီၣ်ခိၣ်ဖိအသးပူၤ သ့ဝဲသပှၢ်တၢၢ်လီၤ.+
၁၂ ပှၤဒုၣ်ဒွဲၣ်တၢ်န့ၣ် တအဲၣ်ပှၤလၢ အသိၣ်ဃီၣ်အီၤဘၣ်.+
အတဃ့ တၢ်ဟ့ၣ်ကူၣ်ဟ့ၣ်ဖးလၢ ပှၤကူၣ်တၢ်သ့ အအိၣ်ဘၣ်.+
၁၃ ပှၤမ့ၢ်သးခုန့ၣ် အမဲာ်သၣ်ပှဲၤဒီး တၢ်နံၤကမှံ,
မ့မ့ၢ် တၢ်သးအုးန့ၣ် မၤဟးဂီၤ ပှၤသးအဂံၢ်အဘါလီၤ.+
၁၅ ပှၤလၢအဘၣ်နးဘၣ်ဖှီၣ်န့ၣ်* အတၢ်အိၣ်မူပှဲၤဝဲဒီး တၢ်သူၣ်ကိၢ်သးဂီၤ ကိးနံၤဒဲးလီၤ.+
မ့မ့ၢ် ပှၤလၢအသးခုန့ၣ် အတၢ်အိၣ်မူ ပှဲၤဝဲဒီး တၢ်သူၣ်ဖှံသးညီ တနံၤဘၣ်တနံၤလီၤ.+
၁၆ ပှၤတဂၤလၢ အတၢ်အိၣ်တစဲး ဒီးပျံၤယဟိဝၤယွၤန့ၣ်+
ဂ့ၤဒိၣ်န့ၢ်ဒံး ပှၤတဂၤလၢ အတၢ်အိၣ်ဒီဒူၣ်ဒီး အိၣ်ဒီးတၢ်သူၣ်ကိၢ် သးဂီၤလီၤ.+
၁၇ ပှၤအီၣ်သကိး တၢ်ဒိးတခွးလၢ တၢ်အဲၣ်တၢ်ကွံအပူၤန့ၣ်+
ဂ့ၤဒိၣ်န့ၢ်ဒံး ပှၤအီၣ်သကိး တၢ်ညၣ်လၢ အဝံၣ်ကတၢၢ်* လၢတၢ်သးဟ့အပူၤလီၤ.+
၁၈ ပှၤလၢအသးထီၣ်တၢ်ချ့န့ၣ် ဒုးအိၣ်ထီၣ် တၢ်အ့ၣ်လိာ်ဆိးက့+
မ့မ့ၢ် ပှၤလၢ တသးထီၣ်တၢ်ချ့ချ့ဘၣ်န့ၣ် မၤလီၤကယး တၢ်အ့ၣ်လိာ်သးလီၤ.+
၁၉ ပှၤကၢၣ်အကျဲန့ၣ် လီၤဂာ်ဒ်သိးဒီး ကရၢတၤဆှုၣ်,+
မ့မ့ၢ် ပှၤလၢအသူၣ်ဘျၢသးဘျၢအကျဲန့ၣ် လီၤဂာ်ဒ်သိးဒီး ကျဲမုၢ်လၢ အပၢၤလီၤ.+
၂၁ ပှၤလၢအသးတဆးဘၣ်န့ၣ် ထံၣ်ဝဲ တၢ်နါစိၤဒ်သိးဒီး တၢ်သးခု,+
မ့မ့ၢ် ပှၤလၢအသ့ပဲာ်ထံနီၤဖးတၢ်န့ၣ် ဟးဝဲဘျၢဘျၢလီၤ.+
၂၂ တၢ်တၢၣ်ပီၣ်တၢၣ်ပီ သကိးလိာ်သး မ့ၢ်တအိၣ်ဘၣ်န့ၣ် တၢ်ရဲၣ်တၢ်ကျဲၤ တကဲထီၣ်လိၣ်ထီၣ်ဘၣ်.
ဘၣ်ဆၣ် ပှၤဟ့ၣ်ကူၣ်တၢ် မ့ၢ်အိၣ်အါဂၤန့ၣ် တၢ်ကဲထီၣ်လိၣ်ထီၣ်ဝဲလီၤ.+
၂၃ ပှၤလၢအစံးဆၢက့ၤတၢ်လၢ အဘၣ်န့ၣ် ကသးခုဝဲလီၤ.+
ဒီးတၢ်ကတိၤလၢ ပှၤတဲဝဲလၢ တၢ်ဆၢကတီၢ်လၢ အကြၢးအဘၣ်န့ၣ် မုာ်ဝဲဒိၣ်မးလီၤ.+
၂၄ တၢ်မူအကျဲန့ၣ် ပာ်ထီထီၣ် ပှၤလၢအအိၣ်ဒီး တၢ်နၢ်ပၢၢ် လီၤတံၢ်လီၤဆဲး+
ဒ်သိး အသုတလဲၤလီၤလၢ လာ်ခီ ဆူတၢ်သွၣ်ခိၣ် တဂ့ၤအဂီၢ်လီၤ.+
၂၅ ပှၤလၢအပာ်ကဖၢလၢအသး အဟံၣ်န့ၣ် ယဟိဝၤယွၤ ကမၤလီၤပှီၢ်ဝဲ,+
မ့မ့ၢ် မုၣ်ကမဲ အဟီၣ်ခိၣ်လီၢ်အဆၢန့ၣ် အကပာ်ဂၢၢ်ပာ်ကျၢၤဝဲလီၤ.+
၂၆ ယဟိဝၤယွၤ သးဘၣ်အၢဝဲ ပှၤအၢပှၤသီတဖၣ် အတၢ်ကူၣ်အၢ,+
မ့မ့ၢ် တၢ်ကတိၤလၢ အမုာ်တဖၣ်န့ၣ် ကစၢ်ယွၤထံၣ်ဝဲလၢ အကဆှီလီၤ.+
၂၇ ပှၤလၢ အမၤတၢ်တတီတလိၤ ဒ်သိးကန့ၢ်ဘၣ် တၢ်ထူးတၢ်တီၤန့ၣ် ဒုးဘၣ် အဟံၣ်ဖိဃီဖိလၢ တၢ်ကီတၢ်ခဲလီၤ.*+
မ့မ့ၢ် ပှၤလၢအသးဟ့ တၢ်ထီးကျိၣ်ထီးစ့န့ၣ် ကဆဲးမူဝဲလီၤ.+
၂၈ ပှၤတီပှၤလိၤန့ၣ် တချုးလၢ အစံးဆၢတၢ်ဒံးဘၣ်အခါ ဆိကမိၣ်ထံဝဲ,+
မ့မ့ၢ် ပှၤအၢပှၤသီ အထးခိၣ်န့ၣ် တဲဖျိးထီၣ် တၢ်လၢအတဂ့ၤဘၣ်တဖၣ်လီၤ.
၂၉ ယဟိဝၤယွၤ အိၣ်ယံၤဒီး ပှၤအၢပှၤသီ,
မ့မ့ၢ် ပှၤတီပှၤလိၤ အတၢ်ထုကဖၣ်န့ၣ် အနၢ်ဟူဝဲလီၤ.+
၃၀ မဲာ်လၢအပှဲၤဒီး တၢ်နံၤကမှံန့ၣ် မၤသးခုပှၤသး,
မ့မ့ၢ် တၢ်ကစီၣ်လၢအဂ့ၤန့ၣ် မၤဆူၣ်ထီၣ်ပှၤသးလီၤ.+
၃၁ ပှၤလၢအဒိကနၣ် တၢ်သိၣ်ဃီၣ်လၢ အဒုးမူတၢ်န့ၣ်
အိၣ်ဘၣ်လၢ ပှၤကူၣ်တၢ်သ့တဖၣ် အကျါလီၤ.+
၃၂ ပှၤလၢအတတူၢ်လိာ် တၢ်သိၣ်က့ၤသီက့ၤဘၣ်န့ၣ် တပာ်ကဲလီၤ အသးသမူဘၣ်,+
မ့မ့ၢ် ပှၤလၢအတူၢ်လိာ် တၢ်သိၣ်ဃီၣ်န့ၣ် ဒိးန့ၢ်ဘၣ် တၢ်သ့ၣ်ညါ နၢ်ပၢၢ်လီၤ.+
၃၃ တၢ်ပျံၤယဟိဝၤယွၤန့ၣ် သိၣ်လိပှၤ တၢ်ကူၣ်သ့+
ဒီးပှၤလၢအအိၣ်ဒီး တၢ်ဆီၣ်လီၤသးန့ၣ် ကန့ၢ်ဘၣ် တၢ်လၤကပီၤလီၤ.+
၂ တၢ်လၢ ပှၤတဂၤ မၤဝဲန့ၣ် အထံၣ်ဝဲလၢ အဘၣ်ခဲလၢာ်လီၤ.+
ဘၣ်ဆၣ် ယဟိဝၤယွၤ သမံသမိးဝဲ ပှၤတၢ်ပာ်သူၣ်ပာ်သးလီၤ.+
၃ တၢ်လၢနမၤတမံၤဂ့ၤ တမံၤဂ့ၤန့ၣ် အးလီၤအီၤလၢ ယဟိဝၤယွၤအစုပူၤတက့ၢ်.*+
ဒီးနတၢ်ရဲၣ်တၢ်ကျဲၤ ကကဲထီၣ် လိၣ်ထီၣ်လီၤ.
၄ ယဟိဝၤယွၤ မၤဝဲဒ်သိး တၢ်ခဲလၢာ် ကမၤလၢထီၣ်ပှဲၤထီၣ် အတၢ်တိာ်ပာ်အဂီၢ်
ဒီးလၢပှၤအၢပှၤသီ ကဘၣ်တၢ်မၤဟးဂီၤအီၤ ဖဲတၢ်ကီတၢ်ခဲ အမုၢ်နံၤအဂီၢ်လီၤ.+
၅ ယဟိဝၤယွၤ သးဘၣ်အၢ ပှၤလၢအပာ်ကဖၢလၢသး ကိးဂၤဒဲးလီၤ.+
ပှၤလၢ အပာ်ကဖၢလၢသးန့ၣ် အကဘၣ်တၢ်စံၣ်ညီၣ်အီၤ သပှၢ်တၢၢ်လီၤ.
၆ ခီဖျိလၢ တၢ်အဲၣ် ဒီးတၢ်သးတီအဃိ တၢ်ကမၣ် ဘၣ်တၢ်ပျၢ်ကွံာ်အီၤလီၤ.+
ခီဖျိလၢ တၢ်ပျံၤ ယဟိဝၤယွၤအဃိ ပှၤဃၣ်ကွံာ်ပှၤသးလၢ တၢ်အၢလီၤ.+
၇ ယဟိဝၤယွၤ မ့ၢ်ဘၣ်သူၣ်ဘၣ်သး ပှၤတဂၤ အတၢ်အိၣ်မူအကျဲန့ၣ်
ကစၢ်ယွၤ မၤဝဲဒ်သိး ပှၤတဂၤန့ၣ် အဒုၣ်အဒါတဖၣ်ဒၣ်လဲာ် ကအိၣ်ဃူအိၣ်ဖိးက့ၤ ဒီးအီၤလီၤ.+
၈ ပှၤလၢအတၢ်အိၣ်တစဲး ဒီးအမၤတၢ်တီတၢ်လိၤန့ၣ်+
ဂ့ၤဒိၣ်န့ၢ်ဒံး ပှၤလၢအတၢ်အိၣ်ဒီဒူၣ် ဒီးအမၤတၢ်တတီတလိၤဘၣ်လီၤ.+
၉ ပှၤတဂၤ ကူၣ်ထီၣ်ပာ်စၢၤတၢ်လၢ အသးပူၤသ့ဝဲ
ဘၣ်ဆၣ် ယဟိဝၤယွၤ မ့ၢ်ပှၤလၢ အဟံးစုနဲၣ်ကျဲ အခီၣ်ခါလီၤ.+
၁၁ စီၤပီၢ်လၢအတီန့ၣ် ဟဲလၢ ယဟိဝၤယွၤ အအိၣ်+
ဒီးစီၤပီၢ်သၣ် လၢထၢၣ်ပူၤ ခဲလၢာ်န့ၣ် ဟဲလၢ ကစၢ်ယွၤ အအိၣ်လီၤ.
၁၂ တၢ်လၢ ပှၤအၢပှၤသီ မၤဝဲန့ၣ် စီၤပၤတဖၣ် သးဘၣ်အၢဝဲ,+
မ့ၢ်လၢ လီၢ်ပစိာ်န့ၣ် အိၣ်သူၣ်လီၤအသးလၢ တၢ်တီတၢ်လိၤအဖီခိၣ် ဂၢၢ်ဂၢၢ်ကျၢၤကျၢၤ အဃိလီၤ.+
၁၃ တၢ်ကတိၤလၢ အတီအလိၤန့ၣ် စီၤပၤတဖၣ် ဘၣ်သူၣ် ဘၣ်သးဝဲလီၤ.
အဝဲသ့ၣ် အဲၣ်ဝဲ ပှၤလၢအတဲတၢ် တီတီလိၤလိၤလီၤ.+
၁၄ စီၤပၤ အတၢ်သးဒိၣ်န့ၣ် လီၤဂာ်ဒ်သိးဒီး ပှၤစိာ်တၢ်ကစီၣ်ဖိတဂၤလၢ အဟဲစိာ်တၢ်သံ+
ဘၣ်ဆၣ် ပှၤကူၣ်တၢ်သ့တဂၤ မၤခုၣ်လီၤ စီၤပၤအသး ဘၣ်ဝဲလီၤ.+
၁၅ စီၤပၤ မ့ၢ်ဘၣ်သး ပှၤတဂၤန့ၣ် အတၢ်အိၣ်မူ ကလဲၤအသးဂ့ၤဂ့ၤ
ဒီးစီၤပၤ အတၢ်ဘၣ်သးန့ၣ် လီၤဂာ်ဒ်သိးဒီး တၢ်အၢၣ်လၢ အဟဲစိာ် မူခိၣ်ထံဖဲ တၢ်စူၤလီၤသီ အကတီၢ်လီၤ.+
၁၆ ပှၤမ့ၢ်န့ၢ်ဘၣ် တၢ်ကူၣ်သ့န့ၣ် ဂ့ၤဒိၣ်န့ၢ်ဒံး ပှၤန့ၢ်ဘၣ်ထူလီၤ.+
ပှၤမ့ၢ်မၤန့ၢ် တၢ်သ့ၣ်ညါနၢ်ပၢၢ်န့ၣ် ဂ့ၤဒိၣ်န့ၢ်ဒံး ပှၤမၤန့ၢ်စ့ညၣ်လီၤ.+
၁၇ ပှၤလၢအသူၣ်ဘျၢသးဘျၢန့ၣ် ဟးဆှဲး တၢ်အၢတၢ်သီအကျဲလီၤ.
ပှၤလၢအကွၢ်လီၤ အခီၣ်ထံးန့ၣ် မ့ၢ်ဒၣ် အဒီသဒၢလီၤ အသးသမူလီၤ.+
၁၉ နအိၣ်လၢ ပှၤလၢအဆီၣ်လီၤသး အကျါန့ၣ်+
ဂ့ၤဒိၣ်န့ၢ်ဒံး နအိၣ်လၢ ပှၤလၢအပာ်ထီၣ်ထီသး လၢအနီၤလီၤလိာ်သး တၢ်ထူးတၢ်တီၤ* အကျါလီၤ.
၂၀ ပှၤလၢ အပာ်ဖျါထီၣ် လၢအအိၣ်ဒီး တၢ်နၢ်ပၢၢ်လီၤတံၢ်လီၤဆဲး လၢတၢ်ဂ့ၢ်တမံၤမံၤ အဖီခိၣ်န့ၣ် အတၢ်မၤ ကကဲထီၣ်လိၣ်ထီၣ်လီၤ.
ဒီးပှၤလၢ အနာ်န့ၢ် ယဟိဝၤယွၤန့ၣ် ကသးခုဝဲလီၤ.
၂၁ ပှၤလၢအအိၣ်ဒီး တၢ်ကူၣ်သ့န့ၣ် ပှၤကသ့ၣ်ညါအီၤလၢ အအိၣ်ဒီး တၢ်သ့ၣ်ညါနၢ်ပၢၢ်လီၤ.+
ဒီးပှၤလၢအတဲတၢ် မုာ်မုာ်န့ၣ် အအိၣ်ဒီး တၢ်သ့တၢ်ဘၣ်လၢ အကထုးန့ၢ် ပှၤသးလီၤ.+
၂၂ ပှၤလၢအအိၣ်ဒီး တၢ်နၢ်ပၢၢ်လီၤတံၢ်လီၤဆဲးန့ၣ် မ့ၢ်ဝဲ တၢ်မူအထံထီၣ်ပၢၢ် လၢအဂီၢ်လီၤ.
မ့မ့ၢ် ပှၤဟးဂီၤဖိ အတၢ်မၤနါစိၤတဖၣ်န့ၣ် ကဲထီၣ် တၢ်သိၣ်က့ၤသီက့ၤလၢ အနီၢ်ကစၢ် အဂီၢ်လီၤ.
၂၅ ပှၤတဂၤ ဆိကမိၣ်ဝဲလၢ အလဲၤကျဲလၢအဘၣ်,
ဘၣ်ဆၣ် လၢခံကတၢၢ်န့ၣ် အကျဲဆှၢအီၤဆူ တၢ်သံလီၤ.+
၂၆ ပှၤမၤတၢ်ဖိတဂၤ မ့ၢ်လီၤဘဲန့ၣ်* အထိၣ်ဟူးထိၣ်ဂဲၤထီၣ်အီၤလၢ အကမၤတၢ်ဆူၣ်ဆူၣ်
ဒ်သိး အကအီၣ်ဘၣ်တၢ် အဂီၢ်လီၤ.+
၂၇ ပှၤလၢအဘျုးတအိၣ်ဘၣ် တဂၤန့ၣ် ကူၣ်ထီၣ် တၢ်လၢ အတဂ့ၤဘၣ်လီၤ.+
ဒီးအတၢ်ကတိၤန့ၣ် လီၤဂာ်ဒ်သိးဒီး မ့ၣ်အူအီၣ်တၢ်လီၤ.+
၂၈ ပှၤလၢအဟးဒုးအိၣ်ထီၣ် တၢ်ကီတၢ်ခဲန့ၣ် ဒုးအိၣ်ထီၣ် တၢ်အ့ၣ်လိာ်ဆိးက့+
ဒီးပှၤလၢအတဲဟးဂီၤ ပှၤဂၤန့ၣ် မၤလီၤဖး ပှၤဒီတံၤဒီသကိး လၢအရ့လိာ်သး ဘူးဘူးတံၢ်တံၢ် တဖၣ်လီၤ.+
၂၉ ပှၤလၢအမၤဆူၣ်မၤစိးတၢ်န့ၣ် ကွဲန့ၢ်လွဲန့ၢ် ပှၤလၢအဃၢၤ
ဒီးဆှၢအီၤလၢ ကျဲလၢအကမၣ်လီၤ.
၃၀ ဖဲအကူၣ်အၢတၢ်အခါ အဖျးဆံးအမဲာ်
ဒီးဖဲအမၤတၢ်အၢအခါ အပံးတံၢ် အပျုၤလီၤ.
၃၂ ပှၤလၢအတသးဒိၣ်ထီၣ်တၢ် ချ့ချ့ဘၣ်န့ၣ်+ ဂ့ၤဒိၣ်န့ၢ်ဒံး ပှၤလၢအဂံၢ်ဆူၣ်ဘါဆူၣ် တဂၤ
ဒီးပှၤလၢအပၢၤဃာ် အတၢ်သးထီၣ်န့ၣ် ဂ့ၤဒိၣ်န့ၢ်ဒံး ပှၤတဂၤလၢ အမၤန့ၢ် ဝ့ၢ်တဖျၢၣ်လီၤ.+
၁၇ နအီၣ်ကိၣ်ဃ့တက့ လၢဟံၣ်လၢ အအိၣ်ဒီး တၢ်ဃူတၢ်ဖိး အပူၤန့ၣ်+
ဂ့ၤဒိၣ်န့ၢ်ဒံး နအီၣ်ဘၣ် တၢ်အီၣ်ဒီဒူၣ်လၢ* ဟံၣ်လၢအအိၣ်ဒီး တၢ်အ့ၣ်လိာ်ဆိးက့ အပူၤလီၤ.+
၂ ကစၢ် အဖိခွါတဂၤ မ့ၢ်မၤတၢ်လၢ အလီၤမဲာ်ဆှးန့ၣ် ကုၢ်လၢ အအိၣ်ဒီး တၢ်ကူၣ်တၢ်ဆးတဂၤန့ၣ် ကပၢအီၤလီၤ.
ဒီးကုၢ်တဂၤန့ၣ် ကဒိးန့ၢ်ဘၣ် တၢ်န့ၢ်သါ ဃုာ်ဒီး အကစၢ် အဖိခွါတဖၣ်လီၤ.
၃ ထူဒီး စ့ညၣ်န့ၣ် ဘၣ်တၢ်ပှံၢ်စီအီၤလၢ မ့ၣ်အူ+
ဘၣ်ဆၣ် ယဟိဝၤယွၤ သမံသမိးတၢ်အိၣ်လၢ ပှၤတဂၤစုာ်စုာ် အသးပူၤလီၤ.+
၄ ပှၤအၢပှၤသီ သးစၢၢ်ဆၢဝဲ တၢ်ကတိၤလၢ အမၤဘၣ်ဒိဆါတၢ်
ဒီးပှၤလံၣ်တၢ်လီတၢ် ဒိကနၣ်ဝဲ ပျ့ၤလၢ အတဲဟးဂီၤတၢ်လီၤ.+
၅ ပှၤလၢအမၤဆဲးအဲး ပှၤဖှီၣ်ဖိယာ်ဖိန့ၣ် ဒုၣ်ဒွဲၣ်စံးအၢဝဲ ပှၤလၢအတ့လီၤအီၤလီၤ.+
ဒီးပှၤလၢ အသးခုလၢ ပှၤအဂၤတဂၤ ဘၣ်နးဘၣ်ဖှီၣ်အဃိန့ၣ် အကဘၣ်တၢ်စံၣ်ညီၣ်အီၤ သပှၢ်တၢၢ်လီၤ.+
၆ လံၤတဖၣ် လီၤဂာ်ဒ်သိးဒီး ခိၣ်သလုးလၢ ပှၤသးပှၢ်အဂီၢ်
ဒီးဖိတဖၣ် ပာ်ကဖၢလၢအသးလၢ အပၢ်တဖၣ်အဃိလီၤ.
၇ ပှၤဟးဂီၤဖိ မ့ၢ်တဲတၢ်လၢအဘၣ်န့ၣ် အသီၣ်လီၤဆီလီၤ.+
အဃိ ပှၤပၢတၢ်တဂၤ မ့ၢ်တဲတၢ်လံၣ်တၢ်လီန့ၣ် အသီၣ်လီၤဆီ ဒိၣ်န့ၢ်အန့ၣ်လီၤ.+
၈ တၢ်ဟ့ၣ်န့ၣ် လီၤဂာ်ဒ်သိးဒီး လၢၢ်လၢအလုၢ်ဒိၣ်ပှ့ၤဒိၣ်လၢ ပှၤလၢအဟ့ၣ်လီၤတၢ်တဂၤအဂီၢ်+
ဒီးတၢ်လၢအမၤဝဲ တမံၤဂ့ၤတမံၤဂ့ၤန့ၣ် ကဲထီၣ်လိၣ်ထီၣ်ဝဲလီၤ.+
၉ ပှၤတဂၤလၢ အပျၢ်ကွံာ်* တၢ်ကမၣ်န့ၣ် ဃုတၢ်အဲၣ်တၢ်ကွံ+
ဘၣ်ဆၣ် ပှၤတဂၤ မ့ၢ်တဲဝံၤတဲက့ၤ တၢ်ကမၣ်တခါန့ၣ် အဂ့ၢ်န့ၣ် သကိးလၢ အရ့လိာ်သး ဘူးဘူးဒၣ်လဲာ် ကလီၤဖးဝဲလီၤ.+
၁၀ ပှၤလၢအအိၣ်ဒီး တၢ်သ့ၣ်ညါနၢ်ပၢၢ်တဂၤ ပှၤမ့ၢ်သိၣ်အီၤ တထံၣ်န့ၣ် အဝဲန့ၢ် တၢ်မၤလိ ဒိၣ်န့ၢ်ဒံး+
ပှၤဟးဂီၤဖိတဂၤလၢ ပှၤတီၢ်အီၤ အထံၣ်တကယၤလီၤ.+
၁၁ ပှၤအၢပှၤသီတဂၤ အဲၣ်ဒိး ထီဒါတၢ်လဲလဲလီၤ.
ဘၣ်ဆၣ် ပှၤစိာ်တၢ်ကစီၣ်ဖိလၢ အသးအၢတဂၤ ကဟဲစံၣ်ညီၣ်အီၤလီၤ.+
၁၂ ပှၤဘၣ်သဂၢၢ် တၤသူမိၢ်တဒုလၢ ပှၤဟုၣ်န့ၢ်အဖိတဖၣ်န့ၣ်
ဂ့ၤဒိၣ်န့ၢ်ဒံး ပှၤဘၣ်သဂၢၢ်ဒီး ပှၤဟးဂီၤဖိတဂၤ ဖဲအဟးမၤကြီတၢ် အခါလီၤ.+
၁၃ ပှၤမ့ၢ်ဟ့ၣ်ဆၢက့ၤ တၢ်အၢလၢ တၢ်ဂ့ၤအဂီၢ်န့ၣ်
တၢ်အၢ တဟးဖးလၢ အဟံၣ်ဘၣ်.+
၁၄ ပှၤစးထီၣ်တၢ်အ့ၣ်လိာ်န့ၣ် လီၤဂာ် ဒ်သိးဒီး ပှၤပျၢ်လီၤထံတမၢၣ်လီၤ.
တချုးလၢ တၢ်အ့ၣ်လိာ် ကဲထီၣ်ဒံးဘၣ်န့ၣ် ဟးထီၣ်ဆိတက့ၢ်.+
၁၅ ပှၤလၢ အပျဲပူၤ ပှၤအၢပှၤသီ ဒီးပှၤလၢ အစံၣ်ညီၣ် ပှၤတီပှၤလိၤန့ၣ်+
ယဟိဝၤယွၤသးဘၣ်အၢ အဝဲသ့ၣ် ခံဂၤလၢာ်လီၤ.
၁၆ ပှၤဟးဂီၤဖိတဂၤ မၤန့ၢ်တၢ်ကူၣ်သ့ မ့ၢ်သ့ဘၣ်ဆၣ်
အမ့ၢ်တလီကီဝဲဘၣ်န့ၣ် မ့ၢ်အဘျုးအိၣ်တမံၤမံၤဧါ.+
၁၇ တံၤသကိးတံၢ်နီၢ်န့ၣ် ပာ်ဖျါထီၣ် တၢ်အဲၣ်ကိးဆၢကတီၢ်ဒဲး+
ဒီးဖဲတၢ်ကိၢ်တၢ်ဂီၤအိၣ်ဝဲအခါ အကဲထီၣ်ဝဲ နဒီပုၢ်ဝဲၢ်လီၤ.+
၁၈ ပှၤလၢအသးတဆးဘၣ်တဂၤ အၢၣ်လီၤဝဲလၢ အကဟံးန့ၢ်မူဒါ လၢပှၤအဂၤတဂၤ အဒ့ၣ်ကမၢ်အဂီၢ်
ဒီးမၤဝဲလၢ ပှၤလၢအခိၣ်အဃၢၤတဂၤ အမဲာ်ညါလီၤ.+
၁၉ ပှၤလၢအအ့ၣ်လိာ်သးမုာ်န့ၣ် ကမၤကမၣ်တၢ်လီၤ.+
ပှၤလၢအတ့ထီၣ် အတြဲၤဖးထီန့ၣ် ကွဲမုာ်တၢ်ကီတၢ်ခဲဖးဒိၣ်လီၤ.+
၂၀ ပှၤလၢအသးက့ၣ်န့ၣ် မၤတၢ်တကဲထီၣ်လိၣ်ထီၣ်ဘၣ်.+
ဒီးပှၤလၢ အတဲလံၣ်တဲလီတၢ်န့ၣ် ကတုၤလၢ တၢ်ဟးဂီၤလီၤ.
၂၁ ပၢ်တဂၤ အဖိမ့မ့ၢ် ပှၤဟးဂီၤဖိန့ၣ် အကထံၣ်ဘၣ် တၢ်သးအုးလီၤ.
ဒီးပၢ်တဂၤ အဖိမ့မ့ၢ် ပှၤလၢအသး တဆးဘၣ်န့ၣ် အတၢ်သးခု တအိၣ်လၢၤဘၣ်.+
၂၃ တၢ်ထီးကျိၣ်ထီးစ့ လၢပှၤဟ့ၣ်ဝဲ ဒ်သိး ပှၤသုတစံၣ်ညီၣ်တၢ် တီတီလိၤလိၤ တဂ့ၤအဂီၢ်န့ၣ်
ပှၤအၢပှၤသီ ကတူၢ်လိာ် ခူသူၣ်ဝဲလီၤ.+
၂၄ ပှၤလၢ အသ့ပဲာ်ထံနီၤဖးတၢ်န့ၣ် သးစၢၢ်ဆၢလၢ အကမၤန့ၢ် တၢ်ကူၣ်သ့,
မ့မ့ၢ် ပှၤဟးဂီၤဖိ အတၢ်ဆိကမိၣ်န့ၣ်* ဒံဝ့ၤဒံဝီၤဝဲ လၢအံၤလၢန့ၣ်လီၤ.+
၂၅ ဖိခွါလၢ အဟးဂီၤန့ၣ် မၤသးအုး အပၢ်အသး
ဒီးမၤဆါ ပှၤလၢအအိၣ်ဖျဲၣ်လီၤအီၤတဂၤ အသးလီၤ.+
၂၆ ပှၤစံၣ်ညီၣ်* ပှၤတီပှၤလိၤန့ၣ် တဂ့ၤဘၣ်.
ဒီးပှၤတီၢ် ပှၤလၢအလီၤပာ်ကဲန့ၣ် ကမၣ်ဝဲလီၤ.
၂၇ ပှၤလၢအအိၣ်ဒီး တၢ်သ့ၣ်ညါန့ၣ် ကပၢၤဃာ် အထးခိၣ်+
ဒီးပှၤလၢ အသ့ပဲာ်ထံနီၤဖးတၢ်န့ၣ် ကပာ်အသး မုာ်မုာ်ခုၣ်ခုၣ်လီၤ.+
၂၈ ပှၤဟးဂီၤဖိဒၣ်လဲာ် အမ့ၢ်အိၣ်ဘှ့ၣ်န့ၣ် ပှၤကပာ်အီၤဒ် ပှၤကူၣ်တၢ်သ့
ဒီးပှၤတဂၤလၢ အပံးဃာ် အထးခိၣ်န့ၣ် မ့ၢ်ပှၤလၢ အသ့ပဲာ်ထံ နီၤဖးတၢ်လီၤ.
၁၈ ပှၤလၢ အထုးယံၤထီၣ်အသးဒီးပှၤဂၤန့ၣ် အသးစၢၢ်ဆၢထဲလၢ အကမၤလၢပှဲၤ အနီၢ်ကစၢ် တၢ်ဘၣ်သး
ဒီးအတအဲၣ်ဒိးတူၢ်လိာ် တၢ်ဟ့ၣ်ကူၣ်လၢအဂ့ၤ နီတမံၤဘၣ်.
၂ ပှၤဟးဂီၤဖိန့ၣ် တအဲၣ်ဒိး မၤလိန့ၢ်တၢ်လၢ ပှၤဂၤအအိၣ် နီတမံၤဘၣ်.
အဝဲအဲၣ်ဒိး တဲဖျါထီၣ်ထဲ တၢ်လၢ အအိၣ်လၢ အသးပူၤလီၤ.+
၃ ဖဲပှၤအၢပှၤသီ ဟဲအခါ တၢ်သူၣ်ဟ့သးဟ့ ကအိၣ်ထီၣ်ဝဲလီၤ.
ဒီးဖဲပှၤမၤတၢ်လၢ အတလီၤပာ်ကဲဘၣ်အခါ အကဒိးန့ၢ်ဘၣ် တၢ်မဲာ်ဆှးလီၤ.+
၄ ပှၤတဂၤ အတၢ်ကတိၤတဖၣ်န့ၣ် လီၤဂာ်ဒ်သိးဒီး ထံယိာ်လီၤ.+
ဒီးအတၢ်ကူၣ်သ့ အထံထီၣ်ပၢၢ်န့ၣ် လီၤဂာ်ဒ်သိးဒီး ထံကျိဖိလၢ အယွၤလီၤဝဲလီၤ.
၅ ပှၤကွၢ်မဲာ် ပှၤအၢပှၤသီန့ၣ် တဂ့ၤဘၣ်.+
ဒီးပှၤတစံၣ်ညီၣ်န့ၢ်တၢ်လၢ ပှၤတီပှၤလိၤအဂီၢ် တီတီလိၤလိၤဘၣ်န့ၣ် တဂ့ၤဘၣ်.+
၆ ပှၤဟးဂီၤဖိ အတၢ်ကတိၤန့ၣ် ဒုးအိၣ်ထီၣ် တၢ်အ့ၣ်လိာ်ဆိးက့+
ဒီးပှၤအဲၣ်ဒိးထိအီၤ ခီဖျိအတၢ်ကတိၤတဖၣ်အဃိလီၤ.+
၇ ပှၤဟးဂီၤဖိ အကိာ်ပူၤန့ၣ် ဆှၢအီၤလၢ တၢ်ဟးဂီၤ+
ဒီးအတၢ်ကတိၤတဖၣ်န့ၣ် ကဲထီၣ်တၢ်လီၤဘၣ်ယိၣ်လၢ အသးသမူ အဂီၢ်လီၤ.*
၈ ပှၤတဂၤလၢ အတဲဟးဂီၤ ပှၤဂ့ၢ်န့ၣ် အတၢ်ကတိၤတဖၣ် လီၤဂာ်ဒ်သိးဒီး တၢ်အီၣ်လၢ အဝံၣ်အဘဲ+
လၢပှၤယူၢ်လီၤကွံာ်ဝဲ တဘျီဃီ ဒီးလဲၤလီၤဝဲလၢ ပှၤဟၢဖၢပူၤလီၤ.+
၁၀ ယဟိဝၤယွၤ အမံၤန့ၣ် မ့ၢ်ဝဲတၢးထီလၢအကျၢၤတဖျၢၣ်လီၤ.+
ပှၤတီပှၤလိၤ လဲၤဃ့ၢ်နုာ်လၢအပူၤ ဒီးဒိးန့ၢ်ဘၣ် တၢ်ဒီသဒၢလီၤ.+
၁၁ ပှၤကဲဒိၣ် အတၢ်ထူးတၢ်တီၤန့ၣ် လီၤဂာ်ဒ်သိးဒီး ဝ့ၢ်လၢ အအိၣ်ဒီး အဒူၣ်လၢအကျၢၤလီၤ.
အဝဲဆိကမိၣ်ဝဲလၢ အတၢ်ထူးတၢ်တီၤန့ၣ် လီၤဂာ်ဒ်သိးဒီး တၢ်ဒူၣ်လၢ အဒီသဒၢအီၤလီၤ.+
၁၂ ပှၤတဂၤ အတၢ်ပာ်ကဖၢလၢသးန့ၣ် ကဆှၢအီၤလၢ တၢ်ဟးဂီၤလီၤ.+
ဒီးပှၤလၢ အအိၣ်ဒီး တၢ်ဆီၣ်လီၤသးန့ၣ် ကန့ၢ်ဘၣ် တၢ်လၤကပီၤလီၤ.+
၁၃ ပှၤတဂၤလၢ အစံးဆၢတၢ်ချ့ချ့ တချုးလၢ အနၢ်ဟူတၢ်ဂ့ၢ် လီၤတံၢ်လီၤဆဲးဒံးဘၣ်န့ၣ်
မ့ၢ်ဒၣ်အမၤကြီတၢ်ဒီး အကဲထီၣ် တၢ်မဲာ်ဆှး လၢအဂီၢ်လီၤ.+
၁၄ ပှၤတဂၤလၢ အသးဆူၣ်န့ၣ် တူၢ် တၢ်ဆူးတၢ်ဆါ ကကဲဝဲလီၤ.+
ဘၣ်ဆၣ် တၢ်သးဟးဂီၤန့ၣ် မတဂၤ တူၢ်ကကဲလဲၣ်.+
၁၅ ပှၤလၢအသ့ၣ်ညါနၢ်ပၢၢ်တၢ်န့ၣ် မၤန့ၢ်ဝဲ တၢ်သ့ၣ်ညါလီၤ.+
ဒီးပှၤကူၣ်တၢ်သ့န့ၣ် ဒိကနၣ်တၢ် ဒ်သိး ကမၤန့ၢ်ဝဲ တၢ်သ့ၣ်ညါ အဂီၢ်လီၤ.
၁၆ ပှၤတဂၤ မ့ၢ်ဟ့ၣ်တၢ်ဟ့ၣ်န့ၣ် ကျဲကအိးဟိထီၣ်န့ၢ်အီၤလၢ+
အကနုာ်လီၤလၢ ပှၤဖးဒိၣ်တဖၣ် အမဲာ်ညါလီၤ.
၁၇ ပှၤလၢအတဲဖျါထီၣ်ဆိ အတၢ်ဂ့ၢ်န့ၣ် ဖျါလၢအတၢ်ဘၣ်+
ဘၣ်ဆၣ် တုၤလၢ ပှၤအဂၤတဂၤ ဟဲသံကွၢ်သံဒိးအီၤ လီၤတံၢ်လီၤဆဲးန့ၣ် တၢ်ဂ့ၢ်ကဖျါထီၣ် လီၤတံၢ် လီၤဆဲးလီၤ.+
၁၈ ပှၤမၤတၢ်ဖးန့ၣ် မၤကတၢၢ်ကွံာ် တၢ်တဲအါလိာ်သး+
ဒီးမၤဘၣ်ဂီၢ်က့ၤဝဲ ပှၤလၢအအိၣ်ဒီး တၢ်စိတၢ်ကမီၤခံဂၤ အတၢ်ဂ့ၢ်ကီလီၤ.
၁၉ ဒီပုၢ်ဝဲၢ်တဂၤလၢ အသးဆါတၢ်န့ၣ် ပှၤမၤကပုာ်လီၤက့ၤအသး ကီဒိၣ်န့ၢ်ဒံး ပှၤမၤန့ၢ်ဝ့ၢ်လၢ အအိၣ်ဒီး အဒူၣ်လၢအကျၢၤလီၤ.+
ဒီးတၢ်အ့ၣ်လိာ်ဆိးက့လိာ်သးန့ၣ် မၤလီၤဖးပှၤဂၤ ဒ်သိးဒီး တြဲၤလၢအတြီဃာ်တၢ် သ့ဝဲလီၤ.+
၂၀ တၢ်လၢပှၤတဂၤ တဲဝဲလၢ အထးခိၣ်န့ၣ် လီၤဂာ်ဒ်သိးဒီး တၢ်အီၣ်လၢ အမၤပှဲၤအဟၢဖၢ+
ဒီးခီဖျိတၢ်လၢ အတဲဝဲတဖၣ်အဃိ အကတူၢ်ဘၣ်က့ၤဝဲလီၤ.
၂၁ ပျ့ၤန့ၣ် အိၣ်ဒီးတၢ်စိတၢ်ကမီၤလၢ ကမၤသံတၢ် မ့တမ့ၢ် မၤမူတၢ် အဂီၢ်လီၤ.+
ဒီးပှၤလၢအတဲတၢ်မုာ်န့ၣ် ကအီၣ်ဘၣ် အတၤသၣ်လီၤ.+
၂၃ ပှၤဖှီၣ်ဖိယာ်ဖိတဂၤ ဃ့ကညးဝဲ ပှၤကဲဒိၣ်တဂၤလၢ ကမၤစၢၤ အီၤအဂီၢ်
ဘၣ်ဆၣ် ပှၤကဲဒိၣ်တဂၤန့ၣ် တဲဆၢက့ၤအီၤ ဆူၣ်ဆူၣ်ကိၤကိၤလီၤ.
၂၄ တံၤသကိးလၢ အမၤဆါလိာ်သး တဂၤဒီးတဂၤန့ၣ် အိၣ်ဝဲ,+
ဘၣ်ဆၣ် တံၤသကိးလၢ အတီဒီးနၤ ဒိၣ်န့ၢ်ဒံး နဒီပုၢ်ဝဲၢ်န့ၣ် အိၣ်ဝဲ စ့ၢ်ကီးလီၤ.+
၂ ပှၤလၢ အတအိၣ်ဒီး တၢ်သ့ၣ်ညါဘၣ်န့ၣ် တဂ့ၤဘၣ်+
ဒီးပှၤလၢ အမၤကရီတၢ်န့ၣ် မ့ၢ်အမၤ တၢ်ဒဲးဘးလီၤ.
၃ ပှၤတဂၤ အနီၢ်ကစၢ် မၤနါစိၤတၢ်အဃိ အကျဲကမၣ်ဝဲလီၤ.
ဘၣ်ဆၣ် အသးဒိၣ်ထီၣ် ယဟိဝၤယွၤလီၤ.
၄ ပှၤကဲဒိၣ်န့ၣ် အသကိးအိၣ် အါမး,
မ့မ့ၢ် ပှၤဖှီၣ်ဖိယာ်ဖိန့ၣ် အသကိး တဂၤဂ့ၤတဂၤဂ့ၤလၢ အိၣ်ဒီးအီၤဒၣ်လဲာ် ကပာ်တ့ၢ်ကွံာ်အီၤလီၤ.+
၅ ပှၤအုၣ်အသးလၢ အတတီဘၣ်န့ၣ် ကဘၣ်တၢ်စံၣ်ညီၣ်အီၤ သပှၢ်တၢၢ်+
ဒီးပှၤလၢအတဲထဲ တၢ်လံၣ်တၢ်လီန့ၣ် တပူၤဖျဲးဘၣ်.+
၆ ပှၤအါဂၤန့ၣ် မၤဝဲဒ်သိး ကဒိးန့ၢ်ဘၣ် ပှၤဒိၣ်ပှၤပှၢ်* အတၢ်ဘၣ်သး
ဒီးပှၤကိးဂၤဒဲးန့ၣ် ဒီတံၤဒီသကိးဒီး ပှၤလၢအဟ့ၣ် တၢ်ဟ့ၣ်တဖၣ်လီၤ.
အဝဲဟးဃ့တၢ်မၤစၢၤလၢ ပှၤတဖၣ်န့ၣ် အအိၣ် ဘၣ်ဆၣ် အဝဲသ့ၣ် တတဲဆၢအီၤ နီတဂၤဘၣ်.
၈ ပှၤလၢ အအိၣ်ဒီးတၢ်သးဆးန့ၣ် အဲၣ်အသးသမူလီၤ.+
ပှၤလၢ အပာ်လုၢ်ပာ်ပှ့ၤ တၢ်သ့ပဲာ်ထံနီၤဖးတၢ်န့ၣ် မၤတၢ်ကကဲထီၣ်လိၣ်ထီၣ်လီၤ.+
၉ ပှၤအုၣ်အသးလၢ အတတီဘၣ်န့ၣ် ကဘၣ်တၢ်စံၣ်ညီၣ်အီၤ သပှၢ်တၢၢ်
ဒီးပှၤလၢအတဲထဲ တၢ်လံၣ်တၢ်လီန့ၣ် ကဟးဂီၤဝဲလီၤ.+
၁၀ ဒ်ပှၤဟးဂီၤဖိတဂၤ တကြၢးအိၣ်မူဘၣ် တၢ်အိၣ်မူလၢ အပတီၢ်ထီဘၣ်အသိး
ကုၢ်တဂၤ တကြၢးပၢဘၣ် ပှၤခိၣ် ပှၤနၢ်တဖၣ် နီတစဲးဘၣ်.+
၁၁ ပှၤတဂၤလၢ အအိၣ်ဒီး တၢ်နၢ်ပၢၢ်လီၤတံၢ်လီၤဆဲးန့ၣ် အတသးထီၣ်တၢ် ချ့ချ့ဘၣ်.+
ဒီးဖဲအကွၢ်ကပာ်ကွံာ် တၢ်ကမၣ်အခါ အမ့ၢ်တၢ်ဃံတၢ်လၤတမံၤလီၤ.+
၁၂ စီၤပၤလၢ အသးထီၣ်တၢ်တဂၤန့ၣ် လီၤဂာ်ဒ်သိးဒီး ခ့ယုၢ်လၢအကညီၤတၢ်တဒု+
မ့မ့ၢ် အတၢ်သးကညီၤန့ၣ် လီၤဂာ်ဒ်သိးဒီး ပစီၤထံလၢ အလီၤလၢ တၢ်မုၢ်တၢ်ဘိ အလိၤလီၤ.
၁၃ ဖိခွါလၢအဟးဂီၤန့ၣ် ဒုးအိၣ်ထီၣ် တၢ်ကိၢ်တၢ်ဂီၤ လၢအပၢ်အဂီၢ်+
ဒီးမါလၢအတဲအါတၢ်ဆူၣ်န့ၣ် လီၤဂာ်ဒ်သိးဒီး ဟံၣ်ခိၣ်ဒုးလၢ အလီၤစီၤ ထီဘိလီၤ.+
၁၄ ဟံၣ်ဒီး တၢ်ထူးတၢ်တီၤန့ၣ် မ့ၢ်တၢ်န့ၢ်သါ လၢအဟဲလၢ ပၢ်အအိၣ်,
မ့မ့ၢ် မါလၢအကူၣ်တၢ်သ့န့ၣ် ဟဲလၢယဟိဝၤယွၤ အအိၣ်လီၤ.+
၁၅ ပှၤလၢအကၢၣ်န့ၣ် အမံဆူၣ်မး
ဒီးပှၤလၢအကၢၣ်အကျူန့ၣ် ကလီၤဒိလီၤ.+
၁၆ ပှၤလၢအအိၣ်မူမၤထွဲ တၢ်မၤလိာ်န့ၣ် ဒီသဒၢ အသးသမူ,+
မ့မ့ၢ် ပှၤလၢအတပလီၢ်အသး လၢအတၢ်အိၣ်မူပူၤဘၣ်န့ၣ် ကသံဝဲလီၤ.+
၁၇ ပှၤလၢ အပာ်ဖျါထီၣ် တၢ်သးကညီၤလၢ ပှၤပတီၢ်ဖုၣ်အဖီခိၣ်န့ၣ် မ့ၢ်ဒၣ် အဟ့ၣ်လိၢ်တၢ်လၢ ယဟိဝၤယွၤလီၤ.+
ဒီးခီဖျိတၢ်လၢ အမၤဝဲတဖၣ်အဃိ ကစၢ်ယွၤ ကဟ့ၣ်ဆၢက့ၤ အီၤလီၤ.+
၁၈ ဖဲတၢ်မုၢ်လၢ် အိၣ်ဒံးအခါ သိၣ်က့ၤသီက့ၤ နဖိတက့ၢ်.+
နမ့ၢ်တမၤ ဒ်န့ၣ်ဘၣ်န့ၣ် လီၤဂာ်ဒ်သိးဒီး နဆှၢအီၤလၢ တၢ်သံလီၤ.+
၁၉ ပှၤလၢအသးချ့န့ၣ် ကဘၣ်တၢ်အီၣ်လိးအီၤ ဒီးအကဘၣ် ဟ့ၣ်လီၤတၢ်အပှ့ၤလီၤ.
နမ့ၢ်မၤထူၣ်ဖျဲးထီၣ်အီၤန့ၣ် လၢခံနကဘၣ် မၤကဒီးဒ်န့ၣ် တဘျီဝံၤ တဘျီလီၤ.+
၂၀ ဒ်သိး နကကဲထီၣ် ပှၤကူၣ်တၢ်သ့ လၢခါဆူညါအဂီၢ်+
ဒိကနၣ် တၢ်ဟ့ၣ်ကူၣ်ဟ့ၣ်ဖး ဒီးတူၢ်လိာ် တၢ်သိၣ်က့ၤသီက့ၤ တက့ၢ်.+
၂၁ တၢ်လၢ ပှၤကူၣ်ထီၣ်လၢ ပှၤသးပူၤန့ၣ် အိၣ်ဝဲဒီဒူၣ်
ဘၣ်ဆၣ် ယဟိဝၤယွၤ အတၢ်တိာ်ပာ်န့ၣ် ကလၢထီၣ်ပှဲၤထီၣ်လီၤ.+
၂၂ ပှၤတဂၤဖျါဃံဖျါလၤ ခီဖျိလၢ အအိၣ်ဒီး တၢ်အဲၣ်လၢအတီ အဃိလီၤ.+
ဒီးနကဲ ပှၤဖှီၣ်ဖိယာ်ဖိန့ၣ် ဂ့ၤဒိၣ်န့ၢ်ဒံး နကဲ ပှၤလံၣ်တၢ်လီတၢ်တဂၤလီၤ.
၂၄ ပှၤတနီၤ ကၢၣ်တုၤဒၣ်လဲာ် အမ့ၢ်ဘျၢလီၤအစုလၢ လီခီပူၤ သနာ်က့
အကပၢနုာ်တၢ်အီၣ်လၢ အကိာ်ပူၤမး ပၢနုာ်ဝဲတကဲလၢၤဘၣ်.+
၂၅ ဒ်သိး ပှၤလၢ အတၢ်လဲၤခီဖျိစှၤတဂၤ ကကဲထီၣ် ပှၤကူၣ်တၢ်သ့အဂီၢ်+ တီၢ်ပှၤဒုၣ်ဒွဲၣ်တၢ် တဂၤတက့ၢ်.+
ဒီးဒ်သိး ပှၤလၢအအိၣ်ဒီး တၢ်သ့ၣ်ညါနၢ်ပၢၢ်တဂၤ အတၢ်သ့ၣ်ညါ ကအါထီၣ်အဂီၢ် သိၣ်ဃီၣ်အီၤတက့ၢ်.+
၂၆ ဖိခွါလၢ အမၤအၢမၤသီ အပၢ် ဒီးနီဟးထီၣ်ကွံာ်အမိၢ်န့ၣ်
မ့ၢ်ဖိခွါလၢ အဒုးအိၣ်ထီၣ် တၢ်မဲာ်ဆှးလီၤ.+
၂၇ ဖိခွါဧၢ, နမ့ၢ်တဒိကနၣ် တၢ်သိၣ်က့ၤသီက့ၤလၢၤဘၣ်န့ၣ်
နကအိၣ်ယံၤဒီး တၢ်သ့ၣ်ညါ အကျဲလီၤ.
၂၈ ပှၤအုၣ်အသး လၢအဘျုးတအိၣ်ဘၣ်န့ၣ် တပာ်ကဲ တၢ်စံၣ်ညီၣ်တီဘၣ်.+
ဒီးပှၤအၢပှၤသီ အကိာ်ပူၤန့ၣ် ယူၢ်လီၤဝဲ တၢ်အၢတၢ်သီလီၤ.+
၂၉ တၢ်စံၣ်ညီၣ်န့ၣ် ဘၣ်တၢ်ကတဲာ်ကတီၤပာ်စၢၤအီၤလၢ ပှၤဒုၣ်ဒွဲၣ်တၢ်တဖၣ်အဂီၢ်+
ဒီးနီၣ်တီၢ်န့ၣ် လၢပှၤဟးဂီၤဖိ အပျိၢ်အဂီၢ်လီၤ.+
၂၀ လၢစပံးထံအဃိ ပှၤကဲထီၣ် ပှၤနါစိၤ+ ဒီးလၢသံးအဃိ ပှၤကဲထီၣ် ပှၤလၢ အဟးမၤကြီတၢ်လီၤ.+
ပှၤလၢ အဟးမၤကမၣ်တၢ်လၢ အအီသံးအဃိန့ၣ် တမ့ၢ် ပှၤကူၣ်တၢ်သ့ဘၣ်.+
၂ စီၤပၤန့ၣ် လီၤပျံၤဝဲ ထဲသိးဒီး ခ့ယုၢ်လၢ အကညီၤတၢ်တဒုလီၤ.+
ပှၤလၢ အမၤဒိၣ်ထီၣ် စီၤပၤအသးန့ၣ် မ့ၢ်ဒၣ် အဒုးအိၣ်ထီၣ် တၢ်လီၤဘၣ်ယိၣ်လၢ အနီၢ်ကစၢ် အသးသမူ အဂီၢ်လီၤ.+
၃ ပှၤလၢအဟးဆှဲး တၢ်တဲအါလိာ်သးန့ၣ် ကြၢးဒီးတၢ်ယူးယီၣ်ပာ်ကဲ,+
မ့မ့ၢ် ပှၤဟးဂီၤဖိ ကိးဂၤဒဲးန့ၣ် ကလဲၤပၣ်ဃုာ်လၢ ပှၤတဲအါလိာ်သး အကျါလီၤ.+
၄ ပှၤလၢအကၢၣ်န့ၣ် တထဲၣ်တၢ်ဖဲ တၢ်ဂိၢ်ခါဘၣ်.
ဖဲပှၤကူးတၢ် အဆၢကတီၢ်န့ၣ် အတၢ်တအိၣ် နီတမံၤဘၣ်အဃိ အကဟးဃ့အီၣ်တၢ်လီၤ.*+
၅ ပှၤတဂၤ အတၢ်ဆိကမိၣ် လၢအသးပူၤန့ၣ် လီၤဂာ်ဒ်သိးဒီး ထံလၢ ထံယိာ်ပူၤ
ဘၣ်ဆၣ် ပှၤလၢ အသ့ပဲာ်ထံနီၤဖးတၢ် တဂၤန့ၣ် စဲၤထီၣ်ဝဲလီၤ.
၆ ပှၤအါဂၤ တဲလီၤအသးလၢ အအိၣ်ဒီး တၢ်အဲၣ်လၢအတီ,
ဘၣ်ဆၣ် ပှၤလၢအသးတီ နီၢ်ကီၢ်ကီၢ်န့ၣ် ပှၤဃုဘၣ်အီၤ ကီဒိၣ်မးလီၤ.
၇ ပှၤတီပှၤလိၤန့ၣ် လဲၤတၢ်လၢ တၢ်သးတီအပူၤလီၤ.+
၈ ဖဲစီၤပၤ ဆ့ၣ်နီၤလၢ အလီၢ်ပစိာ် ဒ်သိး အကစံၣ်ညီၣ်တၢ်အခါ+
အဝဲကွၢ်တၢ် လီၤတံၢ်လီၤဆဲး ဒ်သိး ကထုးထီၣ်ကွံာ် တၢ်အၢခဲလၢာ်အဂီၢ်လီၤ.+
၁၀ စီၤပီၢ်သၣ်လၢ အတတီဘၣ် ဒီးနီၣ်ထိၣ်လၢ အတတီဘၣ်န့ၣ်
ယဟိဝၤယွၤ သးဘၣ်အၢဝဲ ခံခါလၢာ်လီၤ.+
၁၂ နၢ်ကုလၢ အနၢ်ဟူတၢ် ဒီးမဲာ်ချံလၢ အထံၣ်တၢ်န့ၣ်
ယဟိဝၤယွၤ တ့လီၤဝဲ ခံခါလၢာ်လီၤ.+
၁၃ တဘၣ်မံဆူၣ်ဆူၣ်တဂ့ၤ, နကဖှီၣ်လီၤယာ်လီၤလီၤ.+
ဒီးဒ်သိးနကအီၣ်ဘၣ်တၢ် ဘျဲဘျဲအဂီၢ် အိးထီၣ်နမဲာ်ချံ ဒီးဂဲၤဆၢထၢၣ်တက့ၢ်.+
၁၄ ပှၤပှ့ၤတၢ်ဖိတဂၤတဲဝဲလၢ “တၢ်တခါအံၤ တဂ့ၤလၢၤဧဲၤ, တၢ်တခါအံၤ တဂ့ၤလၢၤဧဲၤ.”
ဝံၤဒီး အက့ၤပတြၢၤလီၤ အသးလီၤ.+
၁၅ ထူဒီးလၢၢ်ဖီ* အိၣ်ဝဲဒီဒူၣ်
ဘၣ်ဆၣ် တၢ်ကတိၤတဖၣ်လၢ အပာ်ဖျါထီၣ် တၢ်သ့ၣ်ညါန့ၣ် အလုၢ်ဒိၣ်ပှ့ၤဒိၣ်န့ၢ်ဒံး တၢ်သ့ၣ်တဖၣ်န့ၣ်လီၤ.+
၁၆ ပှၤပိာ်ခွါလၢ အအၢၣ်လီၤလၢ အကလိးန့ၢ် ပှၤလၢအတသ့ၣ်ညါဝဲဘၣ်တဂၤ အဒ့ၣ်ကမၢ်န့ၣ် ဟံးန့ၢ်အ တၢ်ကူတၢ်ကၤတက့ၢ်.+
ဒီးပှၤပိာ်ခွါတဂၤ မ့ၢ်အၢၣ်လီၤဝဲ ဒ်န့ၣ်လၢ ပိာ်မုၣ်ဟးဂီၤတဂၤ အဂီၢ်န့ၣ် ဟံးဃာ်တၢ်လၢ အဟ့ၣ်လီၤ ဒ်တၢ်အုၣ်အသးလၢ အဝဲကလိးန့ၢ်က့ၤအီၤ အဒ့ၣ်ကမၢ် အဂီၢ်တက့ၢ်.+
၁၇ ကိၣ်လၢပှၤတဂၤ မၤန့ၢ်အီၤ ခီဖျိ တၢ်လံၣ်တၢ်လီန့ၣ် အအီၣ်ဝဲ ဝံၣ်မး,
ဘၣ်ဆၣ် လၢခံကတၢၢ်န့ၣ် အကိာ်ပူၤ ကပှဲၤဝဲဒီးမဲးလီၤ.+
၁၈ တၢ်တၢၣ်ပီၣ်တၢၣ်ပီလိာ်သး မ့ၢ်အိၣ်မး တၢ်ရဲၣ်တၢ်ကျဲၤ ကကဲထီၣ်လီၤ.+
ဖဲနလဲၤဒုးတၢ်အခါ နကဘၣ် မၤထွဲ တၢ်ဟံးစုနဲၣ်ကျဲလၢ အဂ့ၤလီၤ.+
၁၉ ပှၤလၢအတဲဟးဂီၤပှၤဂၤန့ၣ် ဟးတဲဖျါထီၣ် တၢ်ဂ့ၢ်ခူသူၣ်လီၤ.+
ပှၤလၢအတဲအီၣ်ပှၤဂ့ၢ်မုာ်န့ၣ် တဘၣ်ရ့ဒီးအီၤတဂ့ၤ.
၂၀ ပှၤလၢအဆိၣ်အၢ အမိၢ်ဒီးအပၢ်န့ၣ်
ဖဲတၢ်ခံးလီၤအခါ အမ့ၣ်အူဒၢ ကလီၤပံာ်ဝဲလီၤ.+
၂၁ လၢအခီၣ်ထံး ပှၤမ့ၢ်မၤန့ၢ် တၢ်စုလီၢ်ခီၣ်ခိၣ်* ခီဖျိလၢ တၢ်သူၣ်လီသးကွံ သနာ်က့
လၢအကတၢၢ်န့ၣ် အဝဲတဘၣ်ဆိၣ်ဂ့ၤဘၣ်.+
၂၂ တဘၣ်တဲလၢ “ယကဟ့ၣ်ကၣ်အီၤခီဖျိလၢ အမၤအၢယၤအဃိ” န့ၣ်တဂ့ၤ.+
မုၢ်လၢ်တၢ်လၢ ယဟိဝၤယွၤ+ ဒီးအဝဲကမၤပူၤဖျဲးနၤလီၤ.+
၂၃ စီၤပီၢ်သၣ်လၢ အတတီဘၣ်န့ၣ် ယဟိဝၤယွၤ သးဘၣ်အၢဝဲ
ဒီးစီၤပီၢ်လၢ အတတီဘၣ်န့ၣ် တဂ့ၤဘၣ်.
၂၄ ပှၤတဂၤ အခီၣ်ခါန့ၣ် ယဟိဝၤယွၤ ဟံးစုနဲၣ်ကျဲဝဲအဃိ+
ပှၤတဂၤန့ၣ် အနၢ်ပၢၢ်လီၤက့ၤ အနီၢ်ကစၢ် အကျဲ ကသ့ဒ်လဲၣ်.
၂၅ ပှၤတဂၤ မ့ၢ်ကရီမၤ တၢ်အၢၣ်လီၤ ဒီးပာ်စီဆှံ တၢ်တမံၤမံၤလၢ ကစၢ်ယွၤအဂီၢ်+ တချုးလၢ
အဝဲဆိကမိၣ်ထံတၢ်ဒံးဘၣ်န့ၣ် ကကဲထီၣ် ပျံၤသကွီၤ လၢအဂီၢ်လီၤ.+
၂၇ တၢ်လၢပှၤတဲဖျါထီၣ်န့ၣ်* လီၤဂာ်ဒ်သိးဒီး ယဟိဝၤယွၤ အမ့ၣ်အူဒၢ
ဒီးအပာ်ဖျါထီၣ် တၢ်လၢအအိၣ်ခူသူၣ်လၢ ပှၤသူၣ်ကံၢ်သးလဲပူၤလီၤ.
၂၈ တၢ်အဲၣ် ဒီးတၢ်သးတီန့ၣ် ဒီသဒၢ စီၤပၤလီၤ.+
စီၤပၤ မၤဂၢၢ်မၤကျၢၤ အလီၢ်ပစိာ် ခီဖျိလၢ တၢ်အဲၣ်လၢအတီလီၤ.+
၃၀ တၢ်ပူၤလီၢ်ဒီး တၢ်ထီၣ်လုးထီၣ်လါတဖၣ်န့ၣ် မၤစၢၤပှၤဒ်သိး ပသုတမၤတၢ်အၢ လၢၤတဂ့ၤအဂီၢ်လီၤ.+
ဒီးတၢ်တီၢ်တဖၣ်န့ၣ် မၤကဆှီထီၣ် တၢ်အိၣ်လၢ ပသူၣ်ကံၢ် သးလဲပူၤလီၤ.
၂၁ စီၤပၤအသးန့ၣ် လီၤဂာ်ဒ်သိးဒီး ထံကျိဖိတဖၣ်လၢ ယဟိဝၤယွၤ အစုပူၤလီၤ.+
ဖဲအအဲၣ်ဒိးဒုးယွၤလီၤဝဲ တပူၤဂ့ၤတပူၤဂ့ၤန့ၣ် အဒုးယွၤလီၤဝဲလီၤ.+
၂ တၢ်လၢ ပှၤတဂၤ မၤဝဲန့ၣ် အထံၣ်ဝဲလၢ အဘၣ်ခဲလၢာ်လီၤ.+
ဘၣ်ဆၣ် ယဟိဝၤယွၤ သမံသမိးဝဲ ပှၤသးလီၤ.+
၃ ပှၤလၢအမၤတၢ်လၢအဘၣ် ဒီးမၤတၢ်တီတီလိၤလိၤန့ၣ်
ယဟိဝၤယွၤ ဘၣ်သူၣ်ဘၣ်သးဝဲ ဒိၣ်န့ၢ်ဒံး တၢ်လုၢ်တၢ်ပာ်လီၤ.+
၄ တၢ်ပာ်ထီၣ်ထီသး ဒီးတၢ်ပာ်ကဖၢလၢသးန့ၣ်
မ့ၢ်ဝဲပှၤအၢပှၤသီ အမ့ၣ်အူဒၢလၢ အဟံးစုနဲၣ်ကျဲ အဝဲသ့ၣ် ဒီးမ့ၢ်ဝဲ တၢ်ဒဲးဘးလီၤ.+
၅ တၢ်လၢပှၤခုတဖၣ် ရဲၣ်လီၤကျဲၤလီၤဝဲန့ၣ် ကကဲထီၣ်လိၣ်ထီၣ်ဝဲ သပှၢ်တၢၢ်,+
မ့မ့ၢ် ပှၤလၢအမၤကရီတၢ်န့ၣ် ကဖှီၣ်လီၤယာ်လီၤဝဲ သပှၢ်တၢၢ်လီၤ.+
၆ ပှၤလၢအမၤန့ၢ် တၢ်လုၢ်ဒိၣ်ပှ့ၤဒိၣ်တဖၣ် လၢအလံၣ်အီၣ်လီအီၣ်တၢ် အဃိန့ၣ်
လီၤဂာ်ဒ်သိးဒီး ဘှ့ၣ်လၢအလီၤမၢ်ကွံာ် ဒီးပျံၤသကွီၤလၢ အမၤသံတၢ်လီၤ.*+
၇ ပှၤအၢပှၤသီ တအဲၣ်ဒိးမၤတၢ် တီတီလိၤလိၤဘၣ်အဃိ
အဝဲသ့ၣ် အတၢ်မၤဆူၣ်မၤစိးန့ၣ် ကက့ၤမၤဟးဂီၤက့ၤ အဝဲသ့ၣ်လီၤ.+
၈ ပှၤတဂၤလၢ အတၢ်ကမၣ်အိၣ်န့ၣ် အကျဲက့ၣ်ဝဲ,
မ့မ့ၢ် ပှၤလၢအတၢ်ကမၣ် တအိၣ်ဘၣ်န့ၣ် အမၤတၢ်လၢ အဘၣ်လီၤ.+
၉ ပှၤအိၣ်လၢ ဟံၣ်ခိၣ်အနၢၣ်ထံးန့ၣ်
ဂ့ၤဒိၣ်န့ၢ်ဒံး ပှၤအိၣ်ဟံၣ်တဖျၢၣ်ဃီဒီး မါလၢအတဲအါတၢ်ဆူၣ်လီၤ.+
၁၁ ဖဲပှၤစံၣ်ညီၣ် ပှၤလၢအဒုၣ်ဒွဲၣ်တၢ်တဂၤအခါ ပှၤလၢအတၢ်လဲၤခီဖျိစှၤတဂၤ ကူၣ်တၢ်သ့ဒိၣ်ထီၣ်ဝဲလီၤ.
ဒီးဖဲပှၤကူၣ်တၢ်သ့တဂၤ မၤလိအါထီၣ်တၢ်အခါ အတၢ်သ့ၣ်ညါ အါထီၣ်ဝဲလီၤ.+
၁၂ ကစၢ်ယွၤလၢ အတီအလိၤတဂၤန့ၣ် ကွၢ်ပှၤအၢပှၤသီအဟံၣ်
ဒီးအဝဲဒုးထံၣ် ပှၤအၢပှၤသီလၢ တၢ်နးတၢ်ဖှီၣ်လီၤ.+
၁၃ ပှၤလၢ အတကနၣ်ဃုာ် ပှၤလၢ အပတီၢ်ဖုၣ် အတၢ်ကိးပသူထီၣ်ဘၣ်န့ၣ်
အနီၢ်ကစၢ် ကကိးထီၣ်တၢ် ဘၣ်ဆၣ် ပှၤတစံးဆၢအီၤဘၣ်.+
၁၄ တၢ်ဟ့ၣ်တခါလၢ တၢ်ခူသူၣ်အပူၤန့ၣ် ကမၤခုၣ်လီၤ တၢ်သးထီၣ်လီၤ.+
ဒီးတၢ်ထီးခူသူၣ်ကျိၣ်စ့န့ၣ် မၤခုၣ်လီၤ တၢ်သးဒိၣ်လီၤ.
၁၅ ပှၤတီပှၤလိၤ သးခုလၢ အမၤတၢ် တီတီလိၤလိၤအဃိ,+
မ့မ့ၢ် ပှၤလၢအမၤ တၢ်အၢတၢ်သီန့ၣ် သးဘၣ်အၢဝဲ တၢ်မၤလၢ အတီအလိၤတဖၣ်လီၤ.
၁၆ ပှၤလၢ အပာ်တ့ၢ် တၢ်ကူၣ်တၢ်ဆး အကျဲန့ၣ်
ကအိၣ်ဘှံးလၢ ပှၤသံတဖၣ် အကျါလီၤ.+
၁၇ ပှၤလၢအအဲၣ် တၢ်မုာ်တၢ်ပၠီၣ်န့ၣ် ကဖှီၣ်လီၤယာ်လီၤဝဲလီၤ.+
ဒီးပှၤလၢအဘၣ်သူၣ်ဘၣ်သး စပံးထံ ဒီးသိန့ၣ် တထူးထီၣ်တီၤထီၣ်ဘၣ်.
၁၈ ပှၤအၢပှၤသီ မ့ၢ်ဝဲ တၢ်ပှ့ၤက့ၤလၢ ပှၤတီပှၤလိၤ အဂီၢ်
ဒီးလၢပှၤလၢ အသူၣ်ဘျၢသးဘျၢအလီၢ်န့ၣ် တၢ်ကဟံးန့ၢ်က့ၤ ပှၤလၢအသးတတီဘၣ် တဖၣ်လီၤ.+
၁၉ ပှၤအိၣ်လၢ ပှၢ်မုၢ်ကနၢအပူၤန့ၣ်
ဂ့ၤဒိၣ်န့ၢ်ဒံး ပှၤအိၣ်တပူၤဃီဒီး မါလၢအတဲအါတၢ်ဆူၣ် ဒီးအ အ့န့တၢ်ဆူၣ်လီၤ.+
၂၀ တၢ်ထူးတၢ်တီၤ လၢအလုၢ်ဒိၣ်ပှ့ၤဒိၣ် ဒီးသိန့ၣ် အိၣ်ဝဲလၢ ပှၤကူၣ်တၢ်သ့ အဟံၣ်ပူၤ,+
မ့မ့ၢ် ပှၤဟးဂီၤဖိန့ၣ် မၤလၢာ်ဂီၤကွံာ်* တၢ်လၢအအိၣ်ဒီးအီၤလီၤ.+
၂၁ ပှၤတဂၤဂ့ၤတဂၤဂ့ၤ လၢအလူၤ တၢ်တီတၢ်လိၤ ဒီးတၢ်အဲၣ်လၢအတီန့ၣ်
ကကဲထီၣ် ပှၤတီပှၤလိၤ, ကထံၣ်န့ၢ်တၢ်မူ ဒီးတၢ်လၤကပီၤလီၤ.+
၂၂ ပှၤကူၣ်တၢ်သ့တဂၤ ထီၣ်ဝဲ ပှၤအဆူၣ် အဝ့ၢ်ဒူၣ် ပာ်ဝဲလီၤ.
ဒီးဝ့ၢ်ဒူၣ်လၢအကျၢၤလၢ ပှၤအဆူၣ် နာ်န့ၢ်ဝဲတဖၣ်န့ၣ် အဝဲမၤဟးဂီၤဝဲ န့ၢ်စ့ၢ်ကီးလီၤ.+
၂၃ ပှၤလၢ အပၢၤဃာ် အထးခိၣ် ဒီးအပျ့ၤန့ၣ်
ကပူၤဒီး တၢ်ကီတၢ်ခဲလီၤ.+
၂၄ ပှၤလၢအနာ်န့ၢ်လီၤသး, ပာ်ကဖၢလၢသး ဒီးပတြၢၤလီၤသးန့ၣ် ပကိးအီၤလၢ
ပှၤပာ်ထီၣ်ထီသးလၢ အမၤတၢ်ဖဲအသးလီၤ.+
၂၅ ပှၤကၢၣ်န့ၣ် တအဲၣ်ဒိးမၤတၢ်ဘၣ် အဃိ
တၢ်လၢ အမိၣ်န့ၢ်သးလီဝဲန့ၣ် ကမၤသံအီၤလီၤ.+
၂၆ အသူၣ်လီသးကွံတၢ် ဒီတနံၤကျၢၤ,
မ့မ့ၢ် ပှၤတီပှၤလိၤန့ၣ် ဟ့ၣ်တၢ်ညီလီၤ.+
၂၇ ပှၤအၢပှၤသီ အတၢ်လုၢ်တၢ်ပာ်န့ၣ် လီၤသးဘၣ်အၢလီၤ.+
ဒီးဖဲအဟ့ၣ်လုၢ်ထီၣ်တၢ် အိၣ်ဒီး တၢ်တိာ်ပာ်လၢ အအၢအခါ အတၢ်လုၢ်န့ၣ် လီၤသးဘၣ်အၢ ဒိၣ်န့ၢ်အန့ၣ်လီၤ.
၂၈ ပှၤအုၣ်အသး လၢအလံၣ်တၢ်န့ၣ် ကသံဝဲလီၤ.+
မ့မ့ၢ် ပှၤလၢအဒိကနၣ်တၢ် ထံထံဆးဆး ဝံၤဒီးအုၣ်အသးန့ၣ် အတၢ်အုၣ်သးန့ၣ် ပှၤကတူၢ်လိာ်ဝဲလီၤ.
၂၉ ပှၤအၢပှၤသီ ဒုးဆိကမိၣ်ပှၤဂၤလၢ အမ့ၢ်ပှၤလၢ အသးဒူ,+
မ့မ့ၢ် ပှၤလၢအသူၣ်ဘျၢသးဘျၢန့ၣ် ဃုထၢဝဲကျဲလၢ အဘၣ်လီၤ.+
၃၀ တၢ်ကူၣ်သ့, တၢ်သ့ပဲာ်ထံနီၤဖးတၢ် ဒီးတၢ်ဟ့ၣ်ကူၣ် လၢအထီဒါ ယဟိဝၤယွၤန့ၣ် တအိၣ်ဘၣ်.+
၃၁ ကသ့ၣ်န့ၣ် ဘၣ်တၢ်ကတဲာ်ကတီၤ ပာ်စၢၤအီၤလၢ တၢ်ဒုးအဂီၢ်+
ဘၣ်ဆၣ် ယဟိဝၤယွၤ မ့ၢ်ပှၤလၢ အအုၣ်က့ၤခီၣ်က့ၤတၢ်လီၤ.+
၂၂ တၢ်မံၤဂ့ၤသၣ်ဂ့ၤန့ၣ် ဂ့ၤဒိၣ်န့ၢ်ဒံး တၢ်ထူးတၢ်တီၤအါအါ+
ဒီးပှၤမ့ၢ်ပာ်ကဲနၤန့ၣ် ဂ့ၤဒိၣ်န့ၢ်ဒံး နအိၣ်ဒီး စ့ညၣ်ဒီးထူလီၤ.
၂ ပှၤထူးပှၤတီၤ ဒီးပှၤဖှီၣ်ဖိယာ်ဖိန့ၣ် ယဟိဝၤယွၤ တ့လီၤဝဲအဃိ
အဝဲသ့ၣ် လီၤဂာ်လိာ်သးလၢ တၢ်ဂ့ၢ်တခါန့ၣ် အဃိလီၤ.+
၃ ပှၤကူၣ်တၢ်သ့ ထံၣ်ဝဲတၢ်လီၤဘၣ်ယိၣ်ဒီး ဟးဆှဲးဝဲလီၤ.
မ့မ့ၢ် ပှၤလၢအတၢ်လဲၤခီဖျိစှၤန့ၣ် ဆဲးလဲၤဝဲဒီး တူၢ်ဘၣ်တၢ်လၢ အပိာ်ထွဲထီၣ် အခံတဖၣ်လီၤ.
၄ ပှၤတဂၤ မ့ၢ်အိၣ်ဒီး တၢ်ဆီၣ်လီၤသး ဒီးတၢ်ပျံၤ ယဟိဝၤယွၤန့ၣ်
၅ တၤဆှုၣ်တၤမဲ ဒီးပျံၤသကွီၤတဖၣ် အိၣ်ဝဲလၢ ပှၤအၢပှၤသီ အကျဲ,
ဘၣ်ဆၣ် ပှၤလၢအပာ်လုၢ်ပာ်ပှ့ၤ အသးသမူန့ၣ် တလဲၤဘူးဒီး တၢ်သ့ၣ်တဖၣ်န့ၣ်ဘၣ်.+
၆ သိၣ်လိ ပိာ်ခွါဖိ* လၢကျဲလၢ အကြၢးလဲၤတက့ၢ်.+
အသးမ့ၢ်ပှၢ်ထီၣ် သနာ်က့ အတဟးဖးဒီး ကျဲန့ၣ်ဘၣ်.+
၈ ပှၤလၢအဖှံလီၤ တၢ်တတီတလိၤဘၣ်န့ၣ် ကကူးဘၣ် တၢ်နးတၢ်ဖှီၣ်+
ဒီးအတၢ်သးထီၣ် အနီၣ်တီၢ်န့ၣ် ကကၢ်ကွံာ်ဝဲလီၤ.+
၉ ပှၤလၢအဟ့ၣ်တၢ်ညီန့ၣ် နီၤလီၤအတၢ်အီၣ်ဒီး ပှၤဖှီၣ်ဖိယာ်ဖိအဃိ+
အကဘၣ်ဆိၣ်ဂ့ၤလီၤ.
၁၀ နီဟးထီၣ်ကွံာ် ပှၤဒုၣ်ဒွဲၣ်တၢ်တက့ၢ်.
နမ့ၢ်မၤဒ်န့ၣ်မး တၢ်အ့ၣ်လိာ်ဆိးက့ ကလီၤမၢ်ကွံာ်
တကးဒံးဘၣ် တၢ်ဂ့ၢ်လိာ်ဘှီလိာ် ဒီးတၢ်တဲဆါတၢ်န့ၣ် တအိၣ်လၢၤဘၣ်.
၁၁ ပှၤလၢအသးကဆှီ ဒီးအတဲတၢ်ကတိၤလၢ အမုာ်န့ၣ်
အကကဲဘၣ် စီၤပၤ အသကိးလီၤ.+
၁၂ ယဟိဝၤယွၤ ကွၢ်ဝဲဒီးဒီသဒၢဝဲ တၢ်မ့ၢ်တၢ်တီ,*
မ့မ့ၢ် ပှၤလၢ အသးတတီဘၣ်တဖၣ် အတၢ်ကတိၤန့ၣ် အဝဲ မၤဟးဂီၤဝဲလီၤ.+
၁၃ ပှၤကၢၣ်တဂၤ တဲဝဲလၢ “လၢတၢ်ချၢန့ၣ် အိၣ်ဒီးခ့ယုၢ်တဒုမၢၤ.
အကမၤသံ ဘၣ်ဖုးယၤလၢ ကျဲပူၤ.”+
၁၄ ပိာ်မုၣ်ဟးဂီၤ အတၢ်ကတိၤန့ၣ်* လီၤဂာ်ဒ်သိးဒီး တၢ်ပူၤယိာ်လီၤ.+
ဒီးပှၤလၢ ယဟိဝၤယွၤ စံၣ်ညီၣ်အီၤန့ၣ် ကလီၤတဲာ်လၢ တၢ်ပူၤယိာ်န့ၣ်အပူၤလီၤ.
၁၅ ညီနုၢ်န့ၣ် ဖိသၣ်တဖၣ် အဲၣ်ဒိး ဟးမၤကြီတၢ်+
ဘၣ်ဆၣ် တၢ်သိၣ်က့ၤသီက့ၤ အနီၣ်တီၢ်န့ၣ် ကမၤစၢၤအီၤဒ်သိး အသုတဟးမၤကြီတၢ် တဂ့ၤအဂီၢ်လီၤ.+
၁၆ ပှၤလၢ အလံၣ်အီၣ်လီအီၣ် ပှၤဖှီၣ်ဖိယာ်ဖိ ဒ်သိးအက ထူးထီၣ်တီၤထီၣ်အဂီၢ်+
ဒီးပှၤလၢအဟ့ၣ် တၢ်ဟ့ၣ်တဖၣ်လၢ ပှၤထူးပှၤတီၤန့ၣ်
ကဖှီၣ်လီၤယာ်လီၤဝဲလီၤ.
၁၇ ဒ်သိးနကတူၢ်လိာ်တၢ်လၢ ယသိၣ်လိနၤ လၢနသးဒီဖျၢၣ်အဂီၢ်+
ဒိကနၣ် ပှၤကူၣ်တၢ်သ့ အတၢ်ကတိၤတဖၣ် လီၤတံၢ်လီၤဆဲးတက့ၢ်.+
၁၈ နမ့ၢ်ပာ်ဃာ် တၢ်ကတိၤတဖၣ်န့ၣ်လၢ နသးပူၤန့ၣ် ကမုာ်ဝဲလီၤ.+
ဒီးနမ့ၢ်မၤဒ်န့ၣ်န့ၣ် နကအိၣ်ကတဲာ်ကတီၤ ပာ်စၢၤနသးလၢ နကတဲဖျါထီၣ် တၢ်ကတိၤတဖၣ်န့ၣ်အဂီၢ် ထီဘိလီၤ.+
၁၉ ဒ်သိးနကနာ်န့ၢ် ယဟိဝၤယွၤအဂီၢ်
တနံၤညါအံၤ ယဟ့ၣ်လီၤနၤ တၢ်သ့ၣ်ညါလီၤ.
၂၀ ယကွဲးလီၤပာ်စၢၤန့ၢ်နၤ
တၢ်ဟ့ၣ်ကူၣ် ဒီးတၢ်ဟံးစုနဲၣ်ကျဲ ဒီဒူၣ်လံ.
၂၁ တၢ်သ့ၣ်တဖၣ်န့ၣ် ကသိၣ်လိနၤ တၢ်ကတိၤလၢ အမ့ၢ်အတီနီၢ်ကီၢ်
ဒ်သိး နကဟဲက့ၤ တဲဖျါထီၣ် တၢ်ဂ့ၢ်လၢအဘၣ် လၢပှၤလၢ အမၢလီၤနၤတဂၤန့ၣ် အအိၣ်အဂီၢ်လီၤ.
၂၂ ပှၤဖှီၣ်ဖိယာ်ဖိန့ၣ် အဖှီၣ်သနာ်က့ တဘၣ်ဟုၣ်အတၢ်တဂ့ၤ.+
ဒီးလၢဝ့ၢ်အတြဲၤန့ၣ် တဘၣ်ဆီၣ်တံၢ်မၤနၢၤ ပှၤလၢအပတီၢ်ဖုၣ်တဂ့ၤ.+
၂၃ ယဟိဝၤယွၤ အနီၢ်ကစၢ်ဒၣ်ဝဲ ကစံၣ်ညီၣ်န့ၢ်တၢ်လၢ အဝဲသ့ၣ်အဂီၢ်+
ဒီးအကမၤဟးဂီၤကွံာ် ပှၤလၢအလံၣ်အီၣ်လီအီၣ် အဝဲသ့ၣ်လီၤ.
၂၄ တဘၣ်ရ့ဒီး ပှၤလၢအသးချ့တဂ့ၤ
ဒီးတဘၣ်မၤဘၣ်ထွဲနသးဒီး ပှၤလၢအသးထီၣ်တၢ်ချ့တဂ့ၤ.
၂၅ နမ့ၢ်ရ့ဒီးအီၤန့ၣ် နကလီၤဂာ် ဘၣ်ဖုးအီၤ
ဒီးအကကဲထီၣ် ပျံၤသကွီၤလၢ နဂီၢ်လီၤ.+
၂၆ ပှၤလၢအအၢၣ်လီၤလၢ အကဟံးန့ၢ်မူဒါလၢ
ပှၤဂၤအဒ့ၣ်ကမၢ်တဖၣ်အဂီၢ်န့ၣ် တဘၣ်ပၣ်ဃုာ်လၢ အဝဲသ့ၣ် အကျါတဂ့ၤ.+
၂၇ ခဲကၢာ် နစ့မ့ၢ်တအိၣ်လၢ နကလိးက့ၤအီၤအဂီၢ်ဘၣ်န့ၣ်
နလီၢ်မံခိၣ်ဒၣ်လဲာ် ပှၤကဟံးန့ၢ်ကွံာ်အီၤလီၤ.
၂၈ ဟီၣ်ခိၣ်လီၢ်လၢ နမိၢ်ပၢ်ဖံဖု လၢပျၢၤတဖၣ် ပာ်ပနီၣ်တ့ၢ်ဝဲ အဆၢန့ၣ်
တဘၣ်သုးကွံာ်အီၤတဂ့ၤ.+
၂၉ ပှၤတဂၤလၢ အမၤအတၢ်မၤသ့ ဂ့ၤဂ့ၤန့ၣ်
အကမၤန့ၢ်တၢ်လၢ စီၤပၤအဂီၢ်+
ဒီးအတမၤန့ၢ်တၢ်လၢ ပှၤမုၢ်ဆ့ၣ်မုၢ်ဂီၤဖိအဂီၢ်ဘၣ်.
၂၃ ဖဲနဆ့ၣ်နီၤ အီၣ်တၢ်ဒီး စီၤပၤအခါ
ပလီၢ်နသးတက့ၢ်.
၂ ဒီးနမ့မ့ၢ်ပှၤလၢ အကိာ်ပူၤဝံၣ်န့ၣ်
ပၢၤနသးတက့ၢ်.*
၃ ဒ်သိး အတၢ်အီၣ် သုတကဲထီၣ် တၢ်ကွဲန့ၢ်လွဲန့ၢ်နၤ တဂ့ၤအဂီၢ်
တဘၣ် လီကီအီၣ် အတၢ်အီၣ်လၢ အဝံၣ်အဘဲတဖၣ်တဂ့ၤ.
၄ မၤလီၤဘှံးနသးလၢ နကန့ၢ်ဘၣ် တၢ်ထူးတၢ်တီၤတဂ့ၤ.+
မၤဒ်န့ၣ်လၢၤတဂ့ၤ. အိၣ်ဒီး တၢ်သ့ၣ်ညါနၢ်ပၢၢ်တက့ၢ်.
၅ ဖဲနကွၢ်အီၤအခါ အတအိၣ်လၢၤဘၣ်.+
အကသလၣ်ထီၣ် အဒံး ဒ်လံာ်ကြီကြာ်အသိး ဒီးယူၤထီၣ်ကွံာ်လၢ မူခိၣ် သပှၢ်တၢၢ်လီၤ.+
၆ တဘၣ်အီၣ် ပှၤပံဒံ အတၢ်အီၣ်တဂ့ၤ.
ဒီးတဘၣ် လီကီအီၣ် အတၢ်အီၣ်လၢ အဝံၣ်အဘဲတဖၣ်တဂ့ၤ.
၇ အဝဲကတဲနၤလၢ “ဟဲအီၣ်တၢ်အီတၢ်သၢၤ.” ဘၣ်ဆၣ် လၢအသးပူၤန့ၣ် တမ့ၢ်ဒ်န့ၣ်ဘၣ်.
ဒီးအကလီၤဂာ်ဒ်သိးဒီး အကွဲးနီၣ်ကွဲးဃါ တၢ်လၢနအီၣ်တဖၣ် ခဲလၢာ်လီၤ.
၈ နကဘှိးထီၣ် တၢ်လၢနအီၣ်တ့ၢ်အီၤ
ဒီးနပတြၢၤ ပှၤတဂၤန့ၣ် သနာ်က့ အကကဲထီၣ် တၢ်ခီလီလီလီၤ.
၉ တဲဃုာ်တၢ်ဒီး ပှၤဟးဂီၤဖိတဂ့ၤ.+
အကပာ်ဆံး နတၢ်ကတိၤတဖၣ်လၢ အအိၣ်ဒီး တၢ်ကူၣ်သ့လီၤ.+
၁၀ တဘၣ် သုးကွံာ် ဟီၣ်ခိၣ်လီၢ်အဆၢ+
မ့တမ့ၢ် ဂုာ်န့ၢ်ဆူၣ် ပှၤဖိၣ်ဃဲဖိ အစံာ်လီၢ်တဂ့ၤ.
၁၂ တူၢ်လိာ် တၢ်သိၣ်က့ၤသီက့ၤ လၢနသးဒီဖျၢၣ်
ဒီးဒိကနၣ် တၢ်ကတိၤလၢ အအိၣ်ဒီး တၢ်ကူၣ်သ့တက့ၢ်.
၁၃ တဘၣ် မၤယံာ်မၤနီၢ်သးလၢ နကသိၣ်က့ၤသီက့ၤ ပိာ်ခွါဖိ* တဂ့ၤ.+
နမ့ၢ်တီၢ်အီၤဒီး နီၣ်တီၢ်သနာ်က့ အတသံဘၣ်.
၁၄ ဒ်သိး နကမၤပူၤဖျဲးအီၤလၢ တၢ်သံအဂီၢ်
နကြၢး တီၢ်အီၤဒီး နီၣ်တီၢ်လီၤ.
၁၆ နထးခိၣ် မ့ၢ်တဲတၢ်လၢအဘၣ်န့ၣ်
ယကသးခုလၢ ယသးဒီဖျၢၣ်ညါလီၤ.
၁၇ တဘၣ်သးက့ၣ် ပှၤတၢ်ဒဲးဘးဖိတဖၣ်တဂ့ၤ.+
ပျံၤယဟိဝၤယွၤ ထီဘိတက့ၢ်.+
၁၈ အန့ၣ်မး နတၢ်အိၣ်မူလၢ ခါဆူညါ ကဂ့ၤဝဲ+
ဒီးနတၢ်မုၢ်လၢ် တဟးဂီၤကွံာ်ဘၣ်.
၁၉ ဖိခွါဧၢ, ဒိကနၣ် ဒီးကဲထီၣ် ပှၤကူၣ်တၢ်သ့
ဒီးနဲၣ်လိနသး ဒ်သိး နကလဲၤကျဲလၢ အဘၣ်အဂီၢ်တက့ၢ်.
၂၁ ပှၤအီမူၤသံးတဖၣ် ဒီးပှၤလၢအအီၣ်တၢ် အါတလၢန့ၣ် ကဖှီၣ်လီၤယာ်လီၤဝဲလီၤ.+
ဒီးအဝဲသ့ၣ် မံဆူၣ်အဃိ ခဲကၢာ် အကဘၣ်ကူကၤဝဲ တၢ်ကံးညာ် ညာ်ပြဲးတဖၣ်လီၤ.
၂၂ နပၢ်လၢ နအိၣ်မူဘၣ်လၢ အဃိန့ၣ် ဒိကနၣ် အကလုၢ်တက့ၢ်.
ဒီးတဘၣ် ဆိကမိၣ်ဆံးနမိၢ် ခီဖျိလၢ အသးပှၢ်ထီၣ်အဃိန့ၣ်တဂ့ၤ.+
၂၃ ပှ့ၤ* တၢ်မ့ၢ်တၢ်တီ, တၢ်ကူၣ်သ့, တၢ်သိၣ်က့ၤသီက့ၤ ဒီးတၢ်သ့ၣ်ညါနၢ်ပၢၢ်တက့ၢ်.+
ဒီးတဘၣ်ဆါကွံာ်အီၤ နီတဘျီတဂ့ၤ.+
၂၄ ပှၤတီပှၤလိၤတဂၤ အပၢ်န့ၣ် ကသးခု သပှၢ်တၢၢ်လီၤ.
ပၢ်တဂၤလၢ အဖိခွါ ကူၣ်တၢ်သ့န့ၣ် အကသးခုလၢ အဖိခွါအဃိလီၤ.
၂၅ နမိၢ်ဒီးနပၢ်န့ၣ် ကသးခု,
နမိၢ်လၢ အအိၣ်ဖျဲၣ်လီၤနၤတဂၤန့ၣ် ကပှဲၤဒီးတၢ်သးခုလီၤ.
၂၆ ဖိခွါဧၢ, ဒိကနၣ်ယၤ ထံထံဆးဆးတက့ၢ်.
နကွၢ်လိမၤဒိးယၤအဃိ မ်အကမ့ၢ်တၢ်လၢ အမၤမုာ်နသးတက့ၢ်.+
၂၇ ပိာ်မုၣ်ဆါလီၤအီၣ်သး တဂၤန့ၣ် လီၤဂာ်ဒ်သိးဒီး တၢ်ပူၤယိာ်
ဒီးပိာ်မုၣ်လၢ အသကဲာ်ပဝးတဂ့ၤဘၣ် တဂၤန့ၣ် လီၤဂာ်ဒ်သိးဒီး ထံကမျၢ* လၢအပူၤအံၣ်လီၤ.+
၂၈ အဝဲအိၣ်ခိးခူသူၣ်တၢ် ဒ်သိးဒီးတမျာ်+
ဒီးအဝဲမၤဝဲဒ်သိး ပှၤပိာ်ခွါအါဂၤ ကကဲထီၣ် ပှၤလၢအသး တတီဘၣ်လီၤ.
၂၉ မတဂၤဘၣ်ကီဘၣ်ခဲလဲၣ်. မတဂၤ ဘၣ်ကိၢ်ဘၣ်ဂီၤလဲၣ်.
မတဂၤအိၣ်ဒီး တၢ်အ့ၣ်လိာ်ဆိးက့ ဒီးပှၤဂၤလဲၣ်. မတဂၤ ကဒူး ကဒ့ၣ်တၢ်လဲၣ်.
မတဂၤ အိၣ်ဒီး တၢ်ပူၤလီၢ်တဖၣ် ဘၣ်ဆၣ် တသ့ၣ်ညါထွဲဝဲလၢ အဟဲကဲထီၣ်အသးဒ်လဲၣ်ဘၣ်န့ၣ်လဲၣ်. မတဂၤ အမဲာ်ဘံၣ်ခ့လဲၣ်.
၃၀ မ့ၢ်ဝဲ ပှၤလၢအသူလၢာ်ဂီၤ တၢ်ဆၢကတီၢ်လၢ ကအီစပံးထံအါအါ+
ဒီးမ့ၢ်ဝဲပှၤလၢ အဃုအီဝဲ စပံးထံလၢ အသဟီၣ်ဆူၣ်လီၤ.
၃၁ စပံးထံလၢ အလွဲၢ်ဂီၤလၢ အဖျါကပြုၢ်ကပြီၤလၢ ထံခွးပူၤန့ၣ်
ပှၤအီအီၤ မ့ၢ်ဝံၣ်ဒိၣ်မးသနာ်က့ တဘၣ်ပျဲ အထုးန့ၢ်နသးတဂ့ၤ.
၃၂ လၢခံကတၢၢ်န့ၣ် ကအ့ၣ်နၤ ဒ်ဂုၢ်အသိး
ဒီးကပျၢ်လီၤတၢ်စုၣ် ဒ်ဂုၢ်ဘၣ်အၢအသိးလီၤ.
၃၃ နကဟးထံၣ်တမှံကြီတၢ်
ဒီးနကဟးတဲကြီတၢ်လီၤ.+
၃၄ နကလီၤဂာ်ဒ် ပှၤတဂၤလၢ အမံနီၤလၢ ပီၣ်လဲၣ်ခၢၣ်သး
ဒီးလီၤဂာ်ဒ် ပှၤတဂၤလၢ အမံနီၤလၢ ကဘီအခိၣ်လီၤ.
၃၅ နကတဲလၢ “ပှၤတီၢ်ယၤ ဘၣ်ဆၣ် ယတတူၢ်ဘၣ်နီတမံၤဘၣ်.
ပှၤထိယၤ ဘၣ်ဆၣ် ယတသ့ၣ်ညါဘၣ်.
ယကပၢၢ်ထီၣ် ဆံးယံာ်လဲၣ်.+
ယကဃုအီကဒီး အသီတခွးလီၤ.”
၂၄ သူၣ်က့ၣ်သးကါ ပှၤအၢပှၤသီတဖၣ်တဂ့ၤ.
ဒီးတဘၣ်လီကီ ရ့လိာ်သးဒီး အဝဲသ့ၣ်တဂ့ၤ.+
၂ အဝဲသ့ၣ် ဆိကမိၣ်ထံ ဘၣ်ဃးဒီး တၢ်မၤဆူၣ်မၤစိး
ဒီးအဝဲသ့ၣ် တဲတၢ်ဘၣ်ဃးဒီး တၢ်လၢအကဒုးအိၣ်ထီၣ် တၢ်ကီတၢ်ခဲ လၢပှၤဂၤအဂီၢ်လီၤ.
၃ ဟံၣ်တဖျၢၣ် ကဘၣ်တၢ်သူၣ်ထီၣ်အီၤ* ခီဖျိလၢတၢ်ကူၣ်သ့+
ဒီးအကအိၣ်ဂၢၢ်ဆိးကျၢၤ ခီဖျိလၢ တၢ်သ့ၣ်ညါနၢ်ပၢၢ်လီၤ.
၄ ခီဖျိလၢ တၢ်သ့ၣ်ညါအဃိ အဒၢးဖိတဖၣ်န့ၣ် ကပှဲၤဝဲဒီး
တၢ်ထူးတၢ်တီၤ လၢအဂ့ၤ ဒီးအလုၢ်ဒိၣ်ပှ့ၤဒိၣ် အကလုာ်ကလုာ်လီၤ.+
၅ ပှၤကူၣ်တၢ်သ့န့ၣ် အစိကမီၤဒိၣ်မး+
ဒီးအဝဲမၤအါထီၣ် အတၢ်စိတၢ်ကမီၤ ခီဖျိလၢ တၢ်သ့ၣ်ညါလီၤ.
၆ ဖဲနလဲၤဒုးတၢ်အခါ နကဘၣ် မၤထွဲ တၢ်ဟံးစုနဲၣ်ကျဲလၢ အဂ့ၤလီၤ.+
ဒီးပှၤဟ့ၣ်ကူၣ်တၢ် မ့ၢ်အိၣ်အါဂၤန့ၣ် နဒုးတၢ်ကနၢၤလီၤ.+
၇ ပှၤဟးဂီၤဖိ မၤန့ၢ်ဝဲ တၢ်ကူၣ်သ့နီၢ်ကီၢ် တသ့ဘၣ်.+
ဒီးဖဲဝ့ၢ်အတြဲၤန့ၣ် အတဲတၢ် တဘၣ် နီတမံၤဘၣ်.
၈ ပှၤတဂၤဂ့ၤ တဂၤဂ့ၤ လၢအကူၣ်ထီၣ် တၢ်အၢန့ၣ်
ပှၤကကိးအီၤလၢ ပှၤကူၣ်အၢတၢ် ကစၢ်လီၤ.+
၉ ပှၤဟးဂီၤဖိ အတၢ်ကူၣ်အၢန့ၣ် မ့ၢ်တၢ်ဒဲးဘး
ဒီးပှၤသးဟ့ ပှၤလၢအ ဒုၣ်ဒွဲၣ်တၢ်လီၤ.+
၁၀ ဖဲတၢ်ကိၢ်တၢ်ဂီၤ အဆၢကတီၢ် နသးဂံၢ်ဘါမ့ၢ်လီၤစၢ်န့ၣ်
နဂံၢ်နဘါ တအိၣ်အါအါလၢၤဘၣ်.
၁၁ ပှၤတဂၤလၢ ပှၤလဲၤကိးအီၤလၢ ပှၤကမၤသံအီၤ အဂီၢ်န့ၣ် မၤပူၤဖျဲးအီၤတက့ၢ်.
ပှၤတဂၤလၢ ကဘၣ်လဲၤလၢ တၢ်ကမၤသံအီၤအလီၢ်န့ၣ် မၤစၢၤအီၤတက့ၢ်.+
၁၂ နမ့ၢ်တဲလၢ “ဘၣ်ဃးဒီး တၢ်ဂ့ၢ်အံၤန့ၣ် ယတသ့ၣ်ညါနီတမံၤဘၣ်” န့ၣ်
ပှၤတဂၤလၢ အသမံသမိးပှၤသးန့ၣ် ပဲာ်ဖးနီၤဖးတၢ် တဘၣ်ဧီၤ.+
ပှၤလၢအကွၢ်နၤန့ၣ် ကသ့ၣ်ညါဝဲ
ဒီးကဟ့ၣ်ဆၢက့ၤ ပှၤတဂၤစုာ်စုာ် ဒ်တၢ်လၢအမၤဝဲ အသိးလီၤ.+
၁၃ ဖိခွါဧၢ, ကနဲစီန့ၣ် ဂ့ၤလၢနဂီၢ်အဃိ အီၣ်အီၤတက့ၢ်.
ကနဲစီစဲၤစဲၤန့ၣ် ဆၢဒိၣ်မးလီၤ.
၁၄ ဒ်န့ၣ်အသိး သ့ၣ်ညါလၢ တၢ်ကူၣ်သ့န့ၣ် ဂ့ၤလၢနဂီၢ်တက့ၢ်.+
နမ့ၢ်မၤန့ၢ်အီၤန့ၣ် နတၢ်အိၣ်မူလၢ ခါဆူညါ ကဂ့ၤဝဲ
ဒီးနတၢ်မုၢ်လၢ် တဟးဂီၤကွံာ်ဘၣ်.+
၁၅ အိၣ်ခိးခူသူၣ်တၢ်ဘူးဒီး ပှၤတီပှၤလိၤအဟံၣ် ဒ်သိးနကမၤ တၢ်အၢတၢ်သီအဂီၢ် န့ၣ်တဂ့ၤ.
မၤဟးဂီၤ အတၢ်အိၣ်တၢ်ဆိးအလီၢ်တဂ့ၤ,
၁၆ မ့ၢ်လၢ ပှၤတီပှၤလိၤ မ့ၢ်ဘၣ်ကီ ဘၣ်ခဲ နွံဘျီဘၣ်ဆၣ် အဂံၢ်ကဆူၣ်ထီၣ်ကဒါက့ၤ ထီဘိလီၤ.+
မ့မ့ၢ် ပှၤအၢပှၤသီန့ၣ် အဝဲသ့ၣ် ကထံၣ်ဘၣ် တၢ်ကီတၢ်ခဲဒီး ကလီၤဃံၢ်ဝဲ သပှၢ်တၢၢ်လီၤ.+
၁၇ ဖဲနဒုၣ်နဒါ လီၤဃံၢ်အခါ တဘၣ်သူၣ်ဖှံသးညီတဂ့ၤ
ဒီးဖဲအခီၣ်ဘၣ်တိၢ်အခါ တဘၣ်သးခုတဂ့ၤ.+
၁၈ နမ့ၢ်သးခုန့ၣ် ယဟိဝၤယွၤ ကထံၣ်ဝဲ ဒီးအတဘၣ်သးဝဲဘၣ်.
ဒီးကစၢ်ယွၤ တသးထီၣ် နဒုၣ်နဒါလၢၤဘၣ်.+
၁၉ တဘၣ် သးတံာ်တာ်လၢ ပှၤအၢ ပှၤသီတဖၣ် အဃိတဂ့ၤ.
ဒီးတဘၣ် သးက့ၣ် ပှၤအၢပှၤသီတဂ့ၤ,
၂၀ မ့ၢ်လၢ ပှၤအၢပှၤသီန့ၣ် အတၢ်မုၢ်လၢ်လၢ ခါဆူညါတအိၣ်ဘၣ်.+
ဒီးပှၤအၢပှၤသီန့ၣ် လီၤဂာ်ဒ်သိးဒီး မ့ၣ်အူဒၢတဖျၢၣ်လၢ အက လီၤပံာ်ကွံာ်လီၤ.+
၂၁ ဖိခွါဧၢ, ပျံၤယဟိဝၤယွၤ ဒီးစီၤပၤတက့ၢ်.+
ဒီးပှၤခံဂၤန့ၣ်* ကသိၣ်ဃီၣ်အဝဲသ့ၣ်ထဲလဲၣ်န့ၣ် မတဂၤ ကသ့ၣ်ညါဝဲလဲၣ်.+
၂၃ တၢ်ကတိၤ လၢလာ်တဖၣ်အံၤ မ့ၢ်ဝဲ ပှၤကူၣ်တၢ်သ့တဖၣ် အတၢ်ကတိၤလီၤ.
ဖဲပှၤတဂၤ စံၣ်ညီၣ်တၢ်အခါ အမ့ၢ်ကွၢ်မဲာ်တၢ်န့ၣ် တဂ့ၤဘၣ်.+
၂၄ ပှၤတဂၤဂ့ၤ တဂၤဂ့ၤလၢအတဲ ပှၤအၢပှၤသီတဂၤလၢ “နကဲပှၤတီပှၤလိၤ”+ န့ၣ်
ပှၤဂီၢ်မုၢ် ကဆိၣ်အၢအီၤ ဒီးပှၤကလုာ်တဖၣ် ကဒုၣ်ဒွဲၣ် စံးအၢအီၤလီၤ.
၂၅ မ့မ့ၢ် ပှၤလၢ အသိၣ်ဃီၣ် ပှၤအၢပှၤသီတဂၤန့ၣ် တၢ်ကလဲၤအသးဒီး အဝဲသ့ၣ် ဂ့ၤဂ့ၤဘၣ်ဘၣ်+
ဒီးအဝဲသ့ၣ် ကဒိးန့ၢ်ဘၣ် တၢ်ဆိၣ်ဂ့ၤတဖၣ်လီၤ.+
၂၆ ပှၤလၢ အတဲဆၢတၢ် တီတီလိၤလိၤန့ၣ် ပှၤကနၢမူအီၤလီၤ.*+
၂၈ တၢ်ဂ့ၢ်မ့ၢ်တအိၣ်နီၢ်ကီၢ်ဘၣ်န့ၣ် တဘၣ် အုၣ်နသးထီဒါ ပှၤလၢနဃၢၤတဂ့ၤ.+
တဘၣ်လံၣ်န့ၢ်လီန့ၢ် ပှၤဂၤတဂ့ၤ.+
၂၉ တဘၣ်တဲလၢ “ယကမၤအီၤဒ် အမၤယၤအသိး,
ယကမၤကၣ်က့ၤအီၤ ဒ်အမၤယၤ အသိး” န့ၣ်တဂ့ၤ.+
၃၀ ယလဲၤဘၣ်ကျဲလၢ ပှၤကၢၣ်တဂၤ အပျီပူၤ+
ဒီးပှၤလၢ အသးတဆးဘၣ်တဂၤ အစပံးကျီး ကပၤလီၤ.
၃၁ ယထံၣ်ဘၣ်ထဲ နီၣ်လဲလဲ,
ဟီၣ်ခိၣ်လိၤန့ၣ် အိၣ်ပှဲၤဝဲဒီး လးဆါအထူၣ်တဖၣ်
ဒီးအတၢ်ဒူၣ်လၢ အတ့ဝဲလၢလၢၢ်န့ၣ် လီၤပှီၢ်ကွံာ်ဝဲလီၤ.+
၃၂ ယကွၢ်တၢ်အိၣ်သး တခါအံၤ ဒီးယဆိကမိၣ်ထံလၢ ယသးပူၤလီၤ.
ယကွၢ်ထံ ဒီးယန့ၢ်ဘၣ်တၢ်မၤလိ ဒ်လၢလာ်အံၤအသိးလီၤ.
၃၃ နမံတစဲးစဲး, မံခ့တစဲးစဲး,
သံၣ်ထီၣ်စုဒီး အိၣ်ဘှံးတစဲးစဲးဒု
၃၄ တၢ်ဖှီၣ်တၢ်ယာ် ကချုးန့ၢ်နၤ
ဒ်တမျိၤတမျာ် လၢအအိၣ်ဒီး စုကဝဲၤအသိးလီၤ.+
၂၅ စီၤၡလိၤမိၤ အတၢ်ကတိၤဒိတဖၣ်+ လၢယူဒၤအစီၤပၤဃံးစကံယၤ+ အပှၤတဖၣ် ကွဲးကူဝဲန့ၣ် အိၣ်ဝဲဒ် လၢလာ်အံၤအသိးလီၤ.
၂ ကစၢ်ယွၤ ပာ်ခူသူၣ် တၢ်ဂ့ၢ်န့ၣ် ကဲထီၣ်တၢ်လၤကပီၤ လၢအဂီၢ်လီၤ.+
စီၤပၤတဖၣ် မ့ၢ်ဃုသ့ၣ်ညါ တၢ်ဂ့ၢ်တမံၤ လီၤတံၢ်လီၤဆဲးန့ၣ် အဝဲသ့ၣ် ဒိးန့ၢ်ဘၣ် တၢ်လၤကပီၤလီၤ.
၃ ဒ်မူခိၣ်ထီဝဲ ဒီးဟီၣ်ခိၣ်ယိာ်ဝဲအသိး
စီၤပၤအသးန့ၣ် ပှၤနၢ်ပၢၢ်ဝဲ တသ့ဘၣ်.
၄ ထုးထီၣ်ကွံာ် တၢ်လၢအတကဆှီဘၣ်တဖၣ် လၢစ့ညၣ်အလိၤတက့ၢ်.
ဒီးစ့ညၣ် ကကဆှီထီၣ် သပှၢ်တၢၢ်လီၤ.+
၅ ထုးထီၣ်ကွံာ် ပှၤအၢပှၤသီလၢ စီၤပၤအမဲာ်ညါတက့ၢ်.
ဒီးစီၤပၤ အတၢ်ပၢ ကအိၣ်ဂၢၢ်ဆိးကျၢၤ လၢတၢ်တီတၢ်လိၤ အပူၤလီၤ.+
၆ တဘၣ် မၤလၤကပီၤလီၤနသးလၢ စီၤပၤအမဲာ်ညါတဂ့ၤ.+
ဒီးတဘၣ်ဆ့ၣ်နီၤလၢ ပှၤလၢအမံၤဒိၣ် အကျါတဂ့ၤ.+
၇ စီၤပၤမ့ၢ်တဲနၤလၢ “ဟဲထီၣ်လၢအံၤ” န့ၣ်ဂ့ၤဒိၣ်န့ၢ်ဒံး
အမၤမဲာ်ဆှးနၤလၢ ပှၤဒိၣ်ပှၤပှၢ် အမဲာ်ညါလီၤ.+
၈ တဘၣ်တီၣ်ထီၣ် တၢ်ဂ့ၢ်လၢ စံၣ်ညီၣ်ကွီၢ်အရူ ချ့ချ့တဂ့ၤ.
ခဲကၢာ်ပှၤတဂၤ မ့ၢ်ပာ်ဖျါထီၣ် လၢနတၢ်ကမၣ်အိၣ်ဝဲန့ၣ် နကမၤက့ၤဒ်လဲၣ်.+
၁၀ နမ့ၢ်တဲဖျါထီၣ်န့ၣ် ပှၤလၢအနၢ်ဟူတၢ်တဂၤ ကမၤမဲာ်ဆှးဘၣ်ဖုးနၤ
ဒီးနကရၤလီၤဘၣ်ဖုး တၢ်ကစီၣ်လၢ အတဂ့ၤဘၣ်လၢ နထုးက့ၤအီၤ တန့ၢ်နီတဘျီလၢၤဘၣ်.
၁၁ တၢ်ကတိၤလၢ ပှၤတဲဝဲလၢ တၢ်ဆၢကတီၢ်လၢ အကြၢးအဘၣ်န့ၣ်+
လီၤဂာ်ဒ်သိးဒီး ဖီသၣ်ထူတဖၣ်လၢ အအိၣ်လၢ လီခီစ့အပူၤလီၤ.
၁၂ ပှၤကူၣ်တၢ်သ့ အတၢ်သိၣ်ဃီၣ်န့ၣ် လီၤဂာ်ဒ်သိးဒီး နၢ်ဒံးထူ ဒီးတၢ်ကယၢကယဲလၢ ဘၣ်တၢ်တ့အီၤလၢ ထူစီ
လၢပှၤလၢအသးအိၣ်ဒိကနၣ်တၢ် အဂီၢ်န့ၣ်လီၤ.+
၁၃ ပှၤစိာ်တၢ်ကစီၣ်ဖိလၢ အသးတီန့ၣ်
မၤဆူၣ်ထီၣ်က့ၤ ပှၤလၢအဆှၢလီၤအီၤတဂၤအသး,
၁၄ ပှၤလၢအတဲဂ့ၤလီၤအသးလၢ အကဟ့ၣ်တၢ်ဟ့ၣ်တမံၤ ဘၣ်ဆၣ် တဟ့ၣ်ဝဲ နီတဘျီဘၣ်န့ၣ်+
လီၤဂာ်ဒ်တၢ်အၢၣ်တဖၣ် ဒီးကလံၤလၢ အတဟဲစိာ်မူခိၣ်ထံဘၣ် အသိးလီၤ.
၁၆ နမ့ၢ်ထံၣ်န့ၢ် ကနဲစီန့ၣ် အီၣ်အီၤ ဖဲအကြၢးတက့ၢ်.
နမ့ၢ်အီၣ်အီၤ အါတလၢန့ၣ် နကဘှိးထီၣ်ကဒါက့ၤလီၤ.+
၁၇ ဒ်သိးပှၤလၢနဃၢၤ သုတသးလၢာ်နၤ ဒီးသးဟ့နၤတဂ့ၤအဂီၢ်
တဘၣ်လဲၤအိၣ်သကိးအီၤ အါတလၢတဂ့ၤ.
၁၈ ပှၤလၢ အအုၣ်အသးကဘျံးကဘျၣ် ဘၣ်ဃးဒီးပှၤလၢအဃၢၤန့ၣ်+
လီၤဂာ်ဒ်သိးဒီး နီၣ်ဒိ, နး ဒီးပျၢ်ခိၣ်လၢ အကနၣ်အ့ၣ်လီၤ.
၁၉ ဖဲတၢ်ကီတၢ်ခဲအဆၢကတီၢ် တၢ်သန့ၤသးလၢ ပှၤလၢပှၤနာ်န့ၢ်အီၤ တသ့ဘၣ်တဂၤ အအိၣ်န့ၣ်
လီၤဂာ်ဒ် ပှၤတဂၤ အ့ၣ်အီၣ်တၢ်လၢ အမဲလၢအကၢ်တဘ့ၣ် ဒီးပှၤဟးလၢ အခီၣ်လၢ အတကျၢၤဘၣ်တခီ အသိးလီၤ.
၂၀ ပှၤလၢအသးဝံၣ်န့ၢ်တၢ်လၢ ပှၤလၢအသးအုးတဂၤ အဂီၢ်န့ၣ်+
လီၤဂာ်ဒ် ပှၤတဂၤလၢ အဘ့ၣ်လီၤကွံာ် အဆ့ကၤလၢ တၢ်ဂိၢ်အနံၤ
ဒီးဒ်ပှၤလူလီၤတၤဆံၣ်ထံလၢ အံသၣ်အဖီခိၣ် အသိးလီၤ.
၂၁ နဒုၣ်နဒါ* မ့ၢ်လီၤဘဲန့ၣ်* ဒုးအီၣ်အီၤကိၣ်တက့ၢ်.
ဒီးအဝဲ မ့ၢ်အဲၣ်ဒိးအီထံန့ၣ် ဒုးအီအီၤတက့ၢ်.+
၂၃ ကလံၤလၢ အဟဲလၢ ကလံၤစိးန့ၣ် ဒုးစူၤလီၤမူခိၣ်ဖးဒိၣ်
ဒီးတၢ်တဲအီၣ်ပှၤဂ့ၢ်န့ၣ် မၤဒိၣ်ထီၣ် ပှၤဂၤအသးလီၤ.+
၂၄ ပှၤအိၣ်လၢ ဟံၣ်ခိၣ်အနၢၣ်ထံးန့ၣ်
ဂ့ၤဒိၣ်န့ၢ်ဒံး ပှၤအိၣ်ဟံၣ်တဖျၢၣ်ဃီဒီး မါလၢအ တဲအါတၢ်ဆူၣ်လီၤ.+
၂၅ တၢ်ကစီၣ်လၢအဂ့ၤ လၢအဟဲလၢ တၢ်လီၢ်ဖးယံၤန့ၣ်+
လီၤဂာ်ဒ်သိးဒီး ထံချံၣ်တခွးလၢ ပှၤလၢအလီၤဘှံးတဂၤ အဂီၢ်လီၤ.
၂၆ ပှၤတီပှၤလိၤတဂၤလၢ အဟ့ၣ်အၡူလၢ ပှၤအၢပှၤသီတဂၤဂၤအဃိန့ၣ်
လီၤဂာ်ဒ်ထံထီၣ်ပၢၢ်လၢ အဘၣ်အၢဘၣ်သီ ဒီးထံကမျၢလၢ* အထံတဂ့ၤလၢၤဘၣ် အသိးလီၤ.
၂၆ ပှၤဟးဂီၤဖိတဂၤ မ့ၢ်ဒိးန့ၢ်ဘၣ် တၢ်လၤကပီၤန့ၣ်
အလီၤဂာ်ဒ် မူခိၣ်ဖီလီၤလၢ တၢ်ကိၢ်ခါ ဒီးတၢ်ဟဲစူၤလီၤလၢ ကူးဘုအဆၢကတီၢ် အသိးလီၤ.+
၂ တၢ်ဂ့ၢ်မ့ၢ်တအိၣ်ဘၣ်န့ၣ် ထိၣ်ဒီးထိၣ်ဘျ့ၣ်ဘျီၣ်တဖၣ် တယူၤကွံာ်ဝဲဘၣ်.
ဒ်န့ၣ်အသိး တၢ်ဂ့ၢ်မ့ၢ်တအိၣ်ဘၣ်န့ၣ် တၢ်ဆိၣ်အၢတလီၤဝဲဘၣ်.
၃ နီၣ်ဖျ့န့ၣ် မ့ၢ်ဝဲဒၣ်လၢပှၤကဖျ့ကသ့ၣ်အဂီၢ်, ထးအ့ၣ်န့ၣ် မ့ၢ်ဝဲဒၣ် လၢပှၤကဒုးအ့ၣ်ထီၣ် ကသ့ၣ်ယီၤအဂီၢ်+
ဒီးနီၣ်တီၢ်န့ၣ် မ့ၢ်ဝဲဒၣ်လၢပှၤကတီၢ် ပှၤဟးဂီၤဖိအပျိၢ် အဂီၢ်လီၤ.+
၄ တဘၣ်တဲဆၢ ပှၤဟးဂီၤဖိတဂၤလၢ တၢ်ကတိၤနါစိၤ ဒ်ပှၤဟးဂီၤဖိ အသိးတဂ့ၤ,
နမ့ၢ်မၤဘၣ်ဖုး ဒ်န့ၣ်န့ၣ် နကလီၤဂာ်ဒီးအီၤလီၤ.
၅ ဒ်သိးပှၤဟးဂီၤဖိ သုတဆိကမိၣ်လၢ အကူၣ်တၢ်သ့တဂ့ၤအဂီၢ်
ဖဲနတဲဆၢအီၤအခါ ပာ်ဖျါထီၣ်လၢ အသးတဆးဘၣ်တက့ၢ်.+
၆ ပှၤလၢအအးလီၤ မူဒါလၢ ပှၤဟးဂီၤဖိတဂၤ အစုပူၤန့ၣ်
လီၤဂာ်ဒ်သိးဒီး ပှၤတဂၤန့ၣ် မၤဟးဂီၤ အနီၢ်ကစၢ်အခီၣ် ဒီးမၤဘၣ်ဒိလီၤအသးလီၤ.
၇ ပှၤဟးဂီၤဖိတဂၤ မ့ၢ်တဲတၢ်ကတိၤဒိတခါန့ၣ်
လီၤဂာ်ဒ် ပှၤလၢအခီၣ်ဟးဂီၤတဂၤ အခီၣ်လၢအလီၤစၢ်ကွံာ်ဝဲ အသိးလီၤ.+
၉ ပှၤဟးဂီၤဖိတဂၤ မ့ၢ်တဲတၢ်ကတိၤဒိတခါန့ၣ်
လီၤဂာ်ဒ်သိးဒီး တၤဆှုၣ်တၤမဲလၢ ပှၤမူၤသံးဖိတဂၤ အစုပူၤလီၤ.
၁၀ တၢ်မၤကစၢ်တဂၤလၢ အငါပှၤဟးဂီၤဖိတဂၤ မ့တမ့ၢ် ပှၤလၢအလဲၤတၢ်က့ၤတၢ် ဖဲန့ၣ်တဂၤဂ့ၤ တဂၤဂ့ၤန့ၣ်
လီၤဂာ်ဒ်သိးဒီး ပှၤခးချံၣ်ဖိတဂၤလၢ အဟးခးကြီ ကယဲၢ်ပှၤလၢ အထံၣ်ဝဲတဖၣ်လီၤ.
၁၁ ဒ်ထွံၣ် က့ၤအီၣ်ကဒါက့ၤ တၢ်လၢအဘှိးထီၣ်ဝဲအသိး
ပှၤဟးဂီၤဖိတဂၤ ဟးမၤကြီတၢ် တဘျီဝံၤတဘျီလီၤ.+
၁၂ မ့ၢ်နထံၣ်ဘၣ် ပှၤလၢအဆိကမိၣ်လီၤအသးလၢ အကူၣ်တၢ်သ့ တဘျီဘျီဧါ.+
နမၤစၢၤ ပှၤဟးဂီၤဖိန့ၣ် ညီဒိၣ်န့ၢ်ဒံး နမၤစၢၤအီၤလီၤ.
၁၃ ပှၤကၢၣ်တဂၤ တဲဝဲလၢ “လၢကျဲပူၤန့ၣ် အိၣ်ဒီး ခ့ယုၢ်ဖိတဒု
ဒီးလၢတၢ်ဆါတၢ်ပှ့ၤအလီၢ်န့ၣ် အိၣ်ဒီးခ့ယုၢ်တဒုမၢၤ.”+
၁၄ ဒ်ပဲတြီတဘ့ၣ် ဝံၢ်တရံးအသးလၢ အနီၣ်တရံးတဖၣ်အလိၤ အသိးန့ၣ်
ပှၤကၢၣ်တဂၤ ဃၣ်ဝံၤဃၣ်က့ၤအသးလၢ အလီၢ်မံခိၣ် ဒ်န့ၣ်စ့ၢ်ကီးလီၤ.+
၁၅ ပှၤတနီၤ ကၢၣ်တုၤဒၣ်လဲာ် အမ့ၢ်ဘျၢလီၤအစုလၢ လီခီပူၤ သနာ်က့
အကပၢနုာ်တၢ်အီၣ်လၢ အကိာ်ပူၤမး ပၢနုာ်ဝဲတကဲလၢၤဘၣ်.+
၁၆ ပှၤကၢၣ်တဂၤ ဆိကမိၣ်လီၤအသးလၢ အကူၣ်တၢ်သ့ ဒိၣ်န့ၢ်ဒံး
ပှၤနွံဂၤလၢ အတဲဆၢက့ၤတၢ်လၢ တၢ်ကူၣ်သ့အပူၤလီၤ.
၁၇ ပှၤတဂၤ* လၢအသးပှံၢ်ထီၣ်တၢ် ဘၣ်ဃးဒီး ပှၤဂၤအတၢ်တဲအါ လိာ်သးန့ၣ်+
လီၤဂာ်ဒ်သိးဒီး ပှၤတဂၤလၢ အဖီၣ်စှီၤ ထွံၣ်တဒုအနၢ်ကုလီၤ.
၁၈ ပှၤပျုၢ်တဂၤန့ၣ် ဟးခးပျၢ်မ့ၣ်အူတဖၣ် ဒီးကွံာ်ဘီဖိတဖၣ် လၢအမၤသံတၢ်သ့လီၤ.
၁၉ ဒီးပှၤလၢ အလံၣ်န့ၢ်လီန့ၢ် ပှၤလၢအခိၣ်အဃၢၤတဂၤ ဝံၤဒီးတဲဝဲလၢ “အိၣ်ဒၣ် ယမၤလိာ်ကွဲတၢ်လီၤ” န့ၣ်လီၤဂာ်ဒ်သိးဒီး ပှၤပျုၢ် တဂၤန့ၣ်လီၤ.+
၂၀ သ့ၣ်မုၣ် မ့ၢ်တအိၣ်ဘၣ်န့ၣ် မ့ၣ်အူကလီၤပံာ်ကွံာ်ဝဲလီၤ.
ဒ်န့ၣ်အသိး ပှၤလၢအတဲဟးဂီၤပှၤဂ့ၢ် မ့ၢ်တအိၣ်ဘၣ်န့ၣ် တၢ်အ့ၣ်လိာ်ဆိးက့ ကလီၤမၢ်ကွံာ်လီၤ.+
၂၁ ဒ်သွဲၣ်လး မၤကဲၤထီၣ် မ့ၣ်အူအ့ၣ် ဒီးသ့ၣ်မုၣ် မၤကဲၤထီၣ်မ့ၣ်အူအသိး
ပှၤလၢအတဲအါတၢ်ဆူၣ်န့ၣ် ဒုးအိၣ်ထီၣ် တၢ်အ့ၣ်လိာ်ဆိးက့လီၤ.+
၂၂ ပှၤတဂၤလၢ အတဲဟးဂီၤ ပှၤဂ့ၢ်န့ၣ် အတၢ်ကတိၤတဖၣ် လီၤဂာ်ဒ်သိးဒီး တၢ်အီၣ်လၢ အဝံၣ်အဘဲ
လၢပှၤယူၢ်လီၤကွံာ်ဝဲ တဘျီဃီ ဒီးလဲၤလီၤဝဲလၢ ပှၤဟၢဖၢပူၤလီၤ.+
၂၃ ပှၤလၢအသးအၢ မ့ၢ်တဲတၢ်ကတိၤလၢ အမုာ်န့ၣ်+
လီၤဂာ်ဒ်သိးဒီး သပၢၤဟီၣ်ခိၣ်လၢ အသ့ၣ်ဖးတက့လၢ ပှၤထူးကတြ့ၣ်ထီၣ်အီၤလၢ စ့ညၣ်အထံလီၤ.
၂၄ ပှၤလၢအသးဟ့ပှၤဂၤန့ၣ် သူတၢ်ကတိၤလၢ အမၤဘၢဃာ် အတၢ်သးဟ့
ဘၣ်ဆၣ် လၢအသးပူၤန့ၣ် အပာ်ခူသူၣ်ဃာ် တၢ်လံၣ်တၢ်လီလီၤ.
၂၅ လၢအသးပူၤန့ၣ် အိၣ်ဒီး တၢ်လၢအလီၤသးဘၣ်အၢ နွံခါအဃိ*
အမ့ၢ်တဲတၢ်ကတိၤလၢ အမုာ်သနာ်က့ တဘၣ်နာ်န့ၢ်အီၤတဂ့ၤ.
၂၆ အမ့ၢ်တဲလံၣ်တၢ် ဒ်သိး ကပာ်ခူသူၣ် အတၢ်သးဟ့ သနာ်က့
အတၢ်မၤလၢအအၢန့ၣ် ကအိၣ်ဖျါထီၣ်လၢ ပှၤဂၤအမဲာ်ညါလီၤ.
၂၇ ပှၤတဂၤလၢ အခူၣ်လီၤ တၢ်ပူၤန့ၣ် အကလီၤတဲာ်က့ၤလၢ တၢ်ပူၤလီၤ.
ဒီးပှၤလၢ အတလ့ၣ်ကွံာ်လၢၢ်န့ၣ် လၢၢ်ကဟဲက့ၤ ရံးဘၣ်က့ၤ အီၤလီၤ.+
၂၈ ပှၤလၢအလံၣ်တၢ်န့ၣ် သးဟ့ပှၤလၢ အမၤဘၣ်ဒိဝဲတဂၤန့ၣ်
ဒီးပှၤလၢအတဲမုာ်ပှၤနၢ်န့ၣ် မၤဟးဂီၤ ပှၤဂၤလီၤ.+
၂၇ ခဲမုၢ်ဆ့ၣ် တၢ်ကမၤအသးဒ်လဲၣ်န့ၣ် နတသ့ၣ်ညါဘၣ်အဃိ+
တဘၣ်တဲဂ့ၤလီၤနသးဘၣ်ဃးဒီး တၢ်လၢနကမၤလၢ ခဲမုၢ်ဆ့ၣ်န့ၣ်တဂ့ၤ.
၂ မ်နထးခိၣ် သုတစံးပတြၢၤ နနီၢ်ကစၢ်တဂ့ၤ. မ်ပှၤအဂၤတဂၤ စံးပတြၢၤနၤတက့ၢ်.
ပတြၢၤလီၤနသးတဂ့ၤ, မ်ပှၤဂၤ ပတြၢၤနၤတက့ၢ်.+
၃ လၢၢ်န့ၣ်ဃၢဝဲ ဒီးမဲးန့ၣ် အတယၢၢ်ဃၢဝဲ
ဘၣ်ဆၣ် တၢ်သးအ့န့လၢ ပှၤဟးဂီၤဖိ ဒုးအိၣ်ထီၣ်ဝဲန့ၣ် ကဲထီၣ်တၢ်ဝံဃၢဒိၣ်န့ၢ် တၢ်ခံမံၤန့ၣ်ဒံးလီၤ.+
၄ တၢ်သူၣ်ဒိၣ်သးဖျိးန့ၣ် အၢဝဲသီဝဲ ဒီးတၢ်သးထီၣ်န့ၣ် မၤဟးဂီၤတၢ် ဒ်ထံလုၢ်ဘၢတၢ်အသိးလီၤ.
ဘၣ်ဆၣ် တၢ်သူၣ်က့ၣ်သးကါန့ၣ် မတဂၤ တူၢ်ဝဲကပှဲၤလဲၣ်.+
၅ ပှၤသိၣ်ဃီၣ်တၢ် ပျီပျီန့ၣ် ဂ့ၤဒိၣ်န့ၢ်ဒံး ပှၤလၢအအိၣ်ဒီးတၢ်အဲၣ် ဘၣ်ဆၣ် တပာ်ဖျါထီၣ်ဝဲဘၣ်လီၤ.+
၆ နမ့ၢ်ကဘၣ်ဒိ သနာ်က့ နသကိးတဂၤလၢ အသးတီဒီးနၤန့ၣ် ကသိၣ်ဃီၣ်နၤ,+
မ့မ့ၢ် ဒုၣ်ဒါတဂၤ အတၢ်နၢမူန့ၣ် အိၣ်ဝဲဒီဒူၣ်လီၤ.*
၇ ပှၤလၢအဟၢဖၢကးတဂၤန့ၣ်* တအဲၣ်ဒိးအီၣ် ကနဲစီစဲၤစဲၤလၢၤဘၣ်,
မ့မ့ၢ် ပှၤလၢအလီၤဘဲ* တဂၤန့ၣ် တၢ်လၢအခၣ်ဒၣ်လဲာ် ဆၢဘၣ်အီၤလီၤ.
၈ ပှၤလၢအအိၣ်ယံၤဒီး အအိၣ်တၢ်လီၢ်န့ၣ်
လီၤဂာ်ဒ်သိးဒီး ထိၣ်လၢအအိၣ်ယံၤဒီး အသွံလီၤ.
၉ သကိးလၢ အဟ့ၣ်ကူၣ်တၢ်လၢ တၢ်သူၣ်ဘျၢသးဘျၢအပူၤန့ၣ်+
လီၤဂာ်ဒ်သိးဒီး သိဒီးတၢ်နၢမူ လၢအမၤသးခု ပှၤသးလီၤ.
၁၀ တဘၣ်ပာ်တ့ၢ်ကွံာ် နသကိး မ့တမ့ၢ် နပၢ်အသကိးတဂ့ၤ.
ဖဲနဘၣ်ကီဘၣ်ခဲအနံၤန့ၣ် တဘၣ်လဲၤလၢ နဒီပုၢ်ဝဲၢ်ခွါ အဟံၣ်တဂ့ၤ.
ပှၤလၢနဃၢၤ လၢအအိၣ်ဘူးဒီးနၤန့ၣ် ဂ့ၤဒိၣ်န့ၢ်ဒံး နဒီပုၢ်ဝဲၢ်ခွါလၢ အအိၣ်ဖးယံၤလီၤ.+
၁၂ ပှၤကူၣ်တၢ်သ့ ထံၣ်ဝဲတၢ်လီၤဘၣ်ယိၣ်ဒီး ဟးဆှဲးဝဲလီၤ.+
မ့မ့ၢ် ပှၤလၢအတၢ်လဲၤခီဖျိစှၤန့ၣ် ဆဲးလဲၤဝဲဒီး တူၢ်ဘၣ်တၢ်လၢ အပိာ်ထွဲထီၣ် အခံတဖၣ်လီၤ.
၁၃ ပှၤပိာ်ခွါလၢ အအၢၣ်လီၤလၢ အကလိးန့ၢ် ပှၤလၢအတသ့ၣ်ညါဝဲဘၣ်တဂၤ အဒ့ၣ်ကမၢ်န့ၣ် ဟံးန့ၢ် အတၢ်ကူတၢ်ကၤတက့ၢ်.
ဒီးပှၤပိာ်ခွါတဂၤ မ့ၢ်အၢၣ်လီၤဝဲ ဒ်န့ၣ်လၢ ပိာ်မုၣ်ဟးဂီၤတဂၤ အဂီၢ်န့ၣ် ဟံးဃာ်တၢ်လၢ အဟ့ၣ်လီၤ ဒ်တၢ်အုၣ်အသးလၢ အဝဲကလိးန့ၢ်က့ၤအီၤ အဒ့ၣ်ကမၢ် အဂီၢ်တက့ၢ်.+
၁၄ ပှၤတဂၤလၢ အဆၢဂ့ၤဆၢဝါ* အသကိး ဖဲဂီၤခီဂီၤဂီၤ လၢအကလုၢ်ဒိၣ်ဒိၣ်န့ၣ်
အသကိးတဂၤန့ၣ် ကပာ်ဝဲဒ် တၢ်ဆိၣ်အၢအသိးလီၤ.
၁၅ မါလၢအတဲအါတၢ်ဆူၣ်န့ၣ် လီၤဂာ်ဒ်သိးဒီး ဟံၣ်ခိၣ်ဒုးလၢ အလီၤစီၤ ထီဘိ ဖဲတၢ်စူၤအနံၤလီၤ.+
၁၆ ပှၤလၢအပၢၤ ပိာ်မုၣ်တဂၤအံၤ မ့ၢ်န့ၢ်န့ၣ် အပၢၤကလံၤန့ၢ်ဝဲ
ဒီးအဖီၣ်ဃာ်သိလၢ အစုထွဲတခီ န့ၢ်ဝဲစ့ၢ်ကီးလီၤ.
၁၈ ပှၤလၢ အကွၢ်ကတီၤ ချၢၣ်ဒၢထူၣ်န့ၣ် ကအီၣ်ဘၣ် အသၣ်လီၤ.+
ဒီးပှၤလၢ အကွၢ်ထွဲ အကစၢ်န့ၣ် ပှၤကယူးယီၣ်ပာ်ကဲအီၤလီၤ.+
၁၉ နမ့ၢ်ကွၢ်လီၤထံန့ၣ် နကထံၣ်လီၤက့ၤ နမဲာ်လီၤ.
ဒ်န့ၣ်အသိး တၢ်အိၣ်လၢ ပှၤတဂၤအသးပူၤန့ၣ် ပာ်ဖျါထီၣ်ဝဲ တၢ်အိၣ်လၢ ပှၤအဂၤတဖၣ် အသးပူၤလီၤ.
၂၀ ပှၤတဂၤ အမဲာ်ချံအတၢ်သးကွံန့ၣ်
လီၤဂာ်ဒ်သိးဒီး တၢ်သွၣ်ခိၣ်* ဒီးတၢ်ဟးဂီၤအလီၢ်လၢ အတပှဲၤထီၣ် နီတဘျီဘၣ်.+
၂၁ ထူဒီးစ့ညၣ်န့ၣ် ဘၣ်တၢ်ပှံၢ်စီအီၤလၢ မ့ၣ်အူ,+
မ့မ့ၢ် ပှၤတဂၤန့ၣ် ဘၣ်တၢ်မၤကွၢ်အီၤခီဖျိလၢ တၢ်စံးပတြၢၤတဖၣ်လၢ အဒိးန့ၢ်ဘၣ်ဝဲလီၤ.
၂၂ နမ့ၢ်ဒိမ့ၢ်တီၢ် ပှၤဟးဂီၤဖိတဂၤ
ဒ်နတိၢ်ဘျဲး ဘုလၢ ဆၢၣ်တိၢ်အပူၤအသိး သနာ်က့
အသးလၢ အအဲၣ်ဒိး မၤကြီတၢ်န့ၣ် တဟးထီၣ်လၢ အပူၤဘၣ်.
၂၃ နသိ အတၢ်အိၣ်သး အိၣ်ဒ်လဲၣ်န့ၣ် နကြၢးသ့ၣ်ညါအီၤ ဂ့ၤဂ့ၤလီၤ.
ကွၢ်ထွဲနသိ ဂ့ၤဂ့ၤတက့ၢ်.+
၂၄ တၢ်ထူးတၢ်တီၤန့ၣ် တအိၣ်လီၤစိၤလီၤထီဘၣ်.+
ဒီးခိၣ်သလုးစ့ၢ်ကီး ပှၤတဟ့ၣ်လီၤဝဲလၢ ပှၤလၢခံတစိၤဘၣ်တစိၤ လီၤစိၤလီၤထီဘၣ်.
၂၅ နီၣ်လါဟ့ လီၤမၢ်ကွံာ်ဒီး နီၣ်လၢအသီ ဟဲထီၣ်ဝဲလီၤ.
ဒီးတၢ်မုၢ်တၢ်ဘိ လၢကစၢၢ်ခိၣ်န့ၣ် ပှၤပာ်ဖှိၣ်ဝဲ လၢကဒုးအီၣ် ဆၣ်ဖိကီၢ်ဖိအဂီၢ်လီၤ.
၂၆ သိဖါတဖၣ် ကဲထီၣ်တၢ်ကူတၢ်သိး လၢနဂီၢ်သ့ဝဲ
ဒီးနပှ့ၤဟီၣ်ခိၣ်လၢ စ့လၢနမၤန့ၢ်အီၤ ခီဖျိ နဆါကွံာ် မဲာ်တဲးလဲးဖါတဖၣ်န့ၣ် သ့ဝဲလီၤ.
၂၇ ဒီးမဲာ်တဲးလဲးနုၢ်ထံ ကယၢ* လၢနၤ,
နဟံၣ်ဖိဃီဖိ ဒီးနကုၢ်ပိာ်မုၣ်တဖၣ် ကအီဘျဲဘျဲအဂီၢ်လီၤ.
၂၈ ပှၤအၢပှၤသီန့ၣ် ပှၤတလူၤအီၤနီတဂၤဘၣ် သနာ်က့ အဃ့ၢ်ဝဲ,
မ့မ့ၢ် ပှၤတီပှၤလိၤန့ၣ် အသးဒူဝဲ ဒ်သိးဒီးခ့ယုၢ်လီၤ.+
၂ ဖဲတၢ်ကမၣ်အိၣ်ဝဲလၢ ကီၢ်ပူၤအခါ ပဒိၣ်ကထီၣ်ဝဲ တဂၤဝံၤ တဂၤလီၤ.+
ဘၣ်ဆၣ် ပဒိၣ်တဂၤမ့ၢ်အိၣ်ဒီး ပှၤဟ့ၣ်ကူၣ်တၢ်လၢ အအိၣ်ဒီးတၢ်ကူၣ်သ့ ဒီးတၢ်သ့ၣ်ညါနၢ်ပၢၢ် လၢအမၤစၢၤအီၤန့ၣ် အဝဲကပၢတၢ် ဖးယံာ်လီၤ.+
၃ ပှၤဖှီၣ်ဖိယာ်ဖိလၢ အလံၣ်အီၣ်လီအီၣ် ပှၤလၢအပတီၢ်ဖုၣ်န့ၣ်+
လီၤဂာ်ဒ်သိးဒီး မူခိၣ်စူၤထံလၢ အမၤပျီကွံာ် တၢ်အီၣ်ခဲလၢာ်လီၤ.
၄ ပှၤလၢအပာ်တ့ၢ်ကွံာ် တၢ်သိၣ်တၢ်သီန့ၣ် စံးပတြၢၤဝဲ ပှၤအၢပှၤသီ,
မ့မ့ၢ် ပှၤလၢအမၤထွဲ တၢ်သိၣ်တၢ်သီန့ၣ် သးထီၣ်ဝဲ ပှၤလၢအပာ်တ့ၢ်ကွံာ် တၢ်သိၣ်တၢ်သီလီၤ.+
၆ ပှၤဖှီၣ်ဖိယာ်ဖိတဂၤလၢ အလဲၤတၢ်လၢ တၢ်သးတီအပူၤန့ၣ်
ဂ့ၤဒိၣ်န့ၢ်ဒံး ပှၤထူးပှၤတီၤတဂၤလၢ အမၤတၢ်တတီတလိၤလီၤ.+
၇ ဖိခွါတဂၤလၢ အနၢ်ပၢၢ်တၢ်န့ၣ် မၤထွဲတၢ်သိၣ်တၢ်သီလီၤ.
မ့မ့ၢ် ပှၤတဂၤလၢ အဒီတံၤဒီသကိးဒီး ပှၤလၢအအီၣ်တၢ် အါတလၢန့ၣ် မၤမဲာ်ဆှးအပၢ်လီၤ.+
၈ ပှၤလၢအမၤအါထီၣ် အတၢ်ထူးတၢ်တီၤ ခီဖျိ အဃ့စ့အအ့ၣ် အါအါန့ၣ်+
အတၢ်ထူးတၢ်တီၤတဖၣ် ကကဲထီၣ်က့ၤ ပှၤလၢအသးကညီၤ ပှၤဖှီၣ်ဖိယာ်ဖိတဖၣ် အတၢ်လီၤ.+
၉ ပှၤလၢ အတအဲၣ်ဒိး ဒိကနၣ် တၢ်သိၣ်တၢ်သီဘၣ်န့ၣ်
အတၢ်ထုကဖၣ် လီၤသးဘၣ်အၢဝဲလီၤ.+
၁၀ ပှၤလၢအဆှၢကမၣ် ပှၤလၢအသူၣ်ဘျၢသးဘျၢလၢ တၢ်အၢတၢ်သီအကျဲန့ၣ် အကဟးဂီၤကဒါက့ၤလၢ အနီၢ်ကစၢ် အတၢ်အၢတၢ်သီ အဃိလီၤ.+
မ့မ့ၢ် ပှၤလၢ တၢ်ပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်န့ၣ် ကန့ၢ်သါဘၣ် တၢ်ဂ့ၤလီၤ.+
၁၁ ပှၤထူးပှၤတီၤတဂၤ ဆိကမိၣ်လီၤအသးလၢ အကူၣ်တၢ်သ့+
ဘၣ်ဆၣ် ပှၤဖှီၣ်ဖိယာ်ဖိတဂၤလၢ အအိၣ်ဒီး တၢ်သ့ပဲာ်ထံနီၤဖးတၢ်န့ၣ် ကွၢ်အတၢ်အိၣ်သး ဖျါခဲလၢာ်လီၤ.+
၁၂ ဖဲပှၤတီပှၤလိၤ မၤနၢၤတၢ်အခါ တၢ်သးခုဖးဒိၣ် အိၣ်ဝဲလီၤ.
ဘၣ်ဆၣ် ဖဲပှၤအၢပှၤသီတဖၣ် န့ၢ်တၢ်စိတၢ်ကမီၤအခါ ပှၤလဲၤအိၣ်ခူသူၣ်ဝဲလီၤ.+
၁၃ ပှၤလၢအပာ်ခူသူၣ် အတၢ်ကမၣ်တဖၣ်န့ၣ် တဘီၣ်ထီၣ်ညီထီၣ်ဘၣ်.+
မ့မ့ၢ် ပှၤလၢ အအၢၣ်လီၤအတၢ်ကမၣ် ဒီးတမၤဝဲလၢၤဘၣ်န့ၣ် ကဒိးန့ၢ်ဘၣ် တၢ်သးကညီၤလီၤ.+
၁၄ ပှၤလၢအပလီၢ်အသးထီဘိန့ၣ် ကသးခုဝဲလီၤ.
မ့မ့ၢ် ပှၤလၢအခိၣ်ကိၤန့ၣ်* ကဘၣ်နးဘၣ်ဖှီၣ်လီၤ.+
၁၅ ပှၤအၢပှၤသီ မ့ၢ်ပၢပှၤလၢ အမၤစၢၤလီၤအသး တသ့နီတမံၤဘၣ်န့ၣ်+
အလီၤဂာ်ဒ် ခ့ယုၢ်တဒုလၢ အကညီၤတၢ် ဒီးဒ်တၤသူတဒုလၢ အသဖှိအ့ၣ်တၢ်အသိးလီၤ.
၁၆ ခိၣ်နၢ်တဂၤလၢ အတသ့ပဲာ်ထံနီၤဖးတၢ် ဂ့ၤဂ့ၤဘၣ်န့ၣ် သူကမၣ် အတၢ်စိတၢ်ကမီၤလီၤ.+
မ့မ့ၢ် ပှၤလၢအသးဟ့ တၢ်အီၣ်ကျိၣ်အီၣ်စ့န့ၣ် အသးသမူကထီဝဲလီၤ.+
၁၇ ပှၤတဂၤလၢ အမၤသံပှၤအဂၤတဂၤ ဒီးတၢ်သွံၣ်လီၤတီလၢ အခိၣ်လိၤန့ၣ် ကဃ့ၢ်တစိၤသးတုၤ အတုၤလၢ တၢ်သွၣ်ခိၣ်လီၤ.+
တဘၣ်မၤစၢၤအီၤ နီတဂၤတဂ့ၤ.
၁၈ ပှၤလၢအလဲၤတၢ် တီတီလိၤလိၤန့ၣ် ကပူၤဖျဲးဝဲလီၤ.+
မ့မ့ၢ် ပှၤလၢအတလဲၤတၢ် တီတီလိၤလိၤဘၣ်န့ၣ် ကဟးဂီၤဝဲ သတူၢ်ကလာ်လီၤ.+
၁၉ ပှၤလၢအသူၣ်အီၣ်ဖျးအီၣ်တၢ်လၢ အဟီၣ်ခိၣ်န့ၣ် ကအိၣ်ဒီးတၢ်အီၣ် ဒီဒူၣ်လီၤ.
မ့မ့ၢ် ပှၤလၢ အလူၤတၢ်ကလီကလီန့ၣ် ကဖှီၣ်လီၤယာ်လီၤ သပှၢ်တၢၢ်လီၤ.+
၂၀ ပှၤလၢအသးတီန့ၣ် ကဒိးန့ၢ်ဘၣ် တၢ်ဆိၣ်ဂ့ၤဒီဒူၣ်,+
မ့မ့ၢ် ပှၤလၢအအဲၣ်ဒိး ထူးထီၣ်တီၤထီၣ် ချ့ချ့န့ၣ် အတပူၤဒီး တၢ်ကမၣ်ဘၣ်.+
၂၁ တၢ်ကွၢ်မဲာ် ပှၤကညီန့ၣ် တဂ့ၤဘၣ်.+
ဘၣ်ဆၣ် ဘၣ်သ့ၣ်သ့ၣ် ပှၤတဂၤကမၤကမၣ်တၢ်ဒ်န့ၣ် လၢကန့ၢ်ဘၣ် တၢ်အီၣ်တစဲးတမွဲး အဂီၢ်လီၤ.
၂၂ ပှၤလၢအသးကွံတၢ် အါတလၢန့ၣ် အသးဆူၣ်လၢ ကထူးထီၣ်တီၤထီၣ်,
ဘၣ်ဆၣ် အဝဲကဖှီၣ်လီၤယာ်လီၤန့ၣ် အတသ့ၣ်ညါဝဲဘၣ်.
၂၄ ပှၤတဂၤဂ့ၤ တဂၤဂ့ၤ လၢအဟုၣ် အမိၢ်ဒီးအပၢ်အတၢ် ဒီးတဲဝဲလၢ “အတကမၣ်ဘၣ်”+ န့ၣ်
လီၤဂာ်ဒ် အဒီသကိးဒီး ပှၤလၢအ ဒုးအိၣ်ထီၣ် တၢ်ဟးဂီၤလီၤ.+
၂၅ ပှၤလၢအသးကွံတၢ် အါတလၢန့ၣ်* အဒုးအိၣ်ထီၣ် တၢ်အ့ၣ်လိာ်ဆိးက့,
မ့မ့ၢ် ပှၤလၢအသန့ၤအသးလၢ ယဟိဝၤယွၤန့ၣ် ကဘီၣ်ထီၣ်ညီထီၣ်လီၤ.+
၂၆ ပှၤတဂၤဂ့ၤ တဂၤဂ့ၤလၢ အနာ်န့ၢ်လီၤအသးန့ၣ် မ့ၢ်ပှၤဟးဂီၤဖိ,+
မ့မ့ၢ် ပှၤလၢ အမၤတၢ်လၢ တၢ်ကူၣ်သ့အပူၤန့ၣ် ကပူၤဖျဲးဝဲလီၤ.+
၂၇ ပှၤလၢအဟ့ၣ်မၤစၢၤ ပှၤဖှီၣ်ဖိယာ်ဖိတဖၣ်န့ၣ် ကဒိးန့ၢ်ဘၣ်ဝဲ တၢ်လၢအလိၣ်ဘၣ် ခဲလၢာ်လီၤ.+
မ့မ့ၢ် ပှၤလၢ အတကနၣ်ဃုာ် ပှၤဖှီၣ်ဖိယာ်ဖိတဖၣ်ဘၣ်န့ၣ် ကဘၣ်ဆိၣ်အၢအါမံၤလီၤ.
၂၈ ဖဲပှၤအၢပှၤသီတဖၣ် န့ၢ်တၢ်စိတၢ်ကမီၤအခါ ပှၤအိၣ်ခူသူၣ်ဝဲလီၤ.
ဘၣ်ဆၣ် ဖဲပှၤအၢပှၤသီတဖၣ် ဟးဂီၤအခါ ပှၤတီပှၤလိၤ အါထီၣ်ဝဲလီၤ.+
၂၉ ဖဲပှၤသိၣ်က့ၤသီက့ၤ ပှၤတဂၤ အါဘျီဝံၤဒီး အခိၣ်မ့ၢ်ကိၤဒံးန့ၣ်+
အဝဲကဟးဂီၤကွံာ် သတူၢ်ကလာ် ဒီးအပူၤဖျဲး တသ့လၢၤဘၣ်.+
၂ ဖဲပှၤတီပှၤလိၤ အိၣ်ဝဲဒီဒူၣ်အခါ ပှၤဂီၢ်မုၢ် သးခုဝဲ,
ဘၣ်ဆၣ် ဖဲပှၤအၢပှၤသီ ပၢတၢ်အခါ ပှၤဂီၢ်မုၢ် ကအုကစွါဝဲလီၤ.+
၃ ပှၤလၢအအဲၣ် တၢ်ကူၣ်သ့န့ၣ် မၤသးခုအပၢ်အသး,+
မ့မ့ၢ် ပှၤလၢအရ့ဒီး ပိာ်မုၣ်ဆါလီၤအီၣ်သးန့ၣ် မၤလၢာ်ဂီၤ အတၢ်ထူးတၢ်တီၤလီၤ.+
၄ စီၤပၤ မ့ၢ်စံၣ်ညီၣ်တၢ် တီတီလိၤလိၤန့ၣ် ထံကီၢ်တၢ်အိၣ်သး ကဂၢၢ် ကကျၢၤလီၤ.+
မ့မ့ၢ် ပှၤတဂၤလၢ အလီကီ တၢ်ထီးကျိၣ်ထီးစ့န့ၣ် အဝဲကမၤဟးဂီၤ အထံအကီၢ်လီၤ.
၅ ပှၤလၢအတဲမုာ် ပှၤလၢအခိၣ်အဃၢၤအနၢ်န့ၣ်
လီၤဂာ်ဒ်သိးဒီး အဒါလီၤစၤ လၢပှၤလၢအခိၣ်အဃၢၤ အဂီၢ်လီၤ.+
၆ ပှၤအၢပှၤသီ အတၢ်ကမၣ် ကဲထီၣ်ပျံၤသကွီၤ လၢအဂီၢ်,+
မ့မ့ၢ် ပှၤတီပှၤလိၤန့ၣ် ကိးပသူထီၣ်လၢ တၢ်သးခု ဒီးတၢ်သူၣ်ဖှံသးညီ အပူၤလီၤ.+
၇ ပှၤတီပှၤလိၤတဂၤ ပာ်ကဲဝဲ ပှၤဖှီၣ်ဖိယာ်ဖိ အတၢ်ခွဲးတၢ်ယာ် တဖၣ်လီၤ.+
မ့မ့ၢ် ပှၤအၢပှၤသီန့ၣ် တပာ်ကဲဝဲ ပှၤဖှီၣ်ဖိယာ်ဖိ အတၢ်ခွဲးတၢ်ယာ်တဖၣ် နီတစဲးဘၣ်.+
၉ ဖဲပှၤကူၣ်တၢ်သ့တဂၤ မ့ၢ်အိၣ်ဒီး တၢ်မူးတၢ်ရၢ်ဒီး ပှၤဟးဂီၤဖိ တဂၤန့ၣ်
တၢ်တဲအါတၢ် ဒီးတၢ်တဲဆါတၢ် ကအိၣ်ဝဲအဃိ တၢ်တကဲထီၣ်လိၣ်ထီၣ် နီတမံၤဘၣ်.+
၁၀ ပှၤမၤသံတၢ်ဖိတဖၣ် သးဟ့ ပှၤတဂၤဂ့ၤ တဂၤဂ့ၤလၢ အတၢ်ကမၣ်တအိၣ်ဘၣ်+
ဒီးအဝဲသ့ၣ် ဃုမၤသံ ပှၤလၢ အသူၣ်ဘျၢသးဘျၢတဖၣ်လီၤ.*
၁၁ ပှၤဟးဂီၤဖိတဖၣ်န့ၣ် ပာ်ဖျါထီၣ် အတၢ်သူၣ်ဒိၣ်သးဖျိး* ခဲလၢာ်,+
မ့မ့ၢ် ပှၤကူၣ်တၢ်သ့တဂၤန့ၣ် ပၢၤအသး ဒီးပာ်အသး မုာ်မုာ်ခုၣ်ခုၣ်လီၤ.+
၁၂ ဖဲပှၤပၢတၢ်တဂၤ ဒိကနၣ်ဝဲ တၢ်လံၣ်တၢ်လီတဖၣ်အခါ
အခ့အပှၤခဲလၢာ် ကအၢကသီဝဲလီၤ.+
၁၃ ပှၤဖှီၣ်ဖိယာ်ဖိ ဒီးပှၤလၢအဆီၣ်တံၢ်မၤနၢၤတၢ်န့ၣ်
ယဟိဝၤယွၤ ဒုးကပီၤထီၣ် အဝဲသ့ၣ် အမဲာ်ချံ* အဃိ အဝဲသ့ၣ် လီၤဂာ်လိာ်သးလၢ တၢ်ဂ့ၢ်တခါန့ၣ် အဃိလီၤ.
၁၄ ဖဲစီၤပၤတဂၤ စံၣ်ညီၣ်န့ၢ်တၢ် လၢပှၤဖှီၣ်ဖိယာ်ဖိအဂီၢ် တီတီလိၤလိၤအခါ+
အလီၢ်ပစိာ် ကအိၣ်ဂၢၢ်အိၣ်ကျၢၤဝဲ ထီဘိလီၤ.+
၁၅ နီၣ်တီၢ် ဒီးတၢ်သိၣ်က့ၤသီက့ၤန့ၣ် ဟ့ၣ်လီၤ တၢ်ကူၣ်သ့,+
မ့မ့ၢ် ဖိသၣ်လၢ ပှၤပျဲအီၤလၢအကမၤဖဲအသးန့ၣ် ကမၤမဲာ်ဆှး အမိၢ်လီၤ.
၁၆ ဖဲပှၤအၢပှၤသီ အါထီၣ်အခါ တၢ်ကမၣ် ကအါထီၣ်ဝဲလီၤ.
ဘၣ်ဆၣ် ပှၤတီပှၤလိၤ ကထံၣ်ဘၣ် အဝဲသ့ၣ် ဟးဂီၤလီၤ.+
၁၇ သိၣ်က့ၤသီက့ၤ နဖိခွါတက့ၢ်, အကမၤမုာ်ထီၣ်က့ၤနၤ
ဒီးအကဟ့ၣ်နၤ တၢ်သူၣ်မံသးမုာ် အါအါလီၤ.+
၁၈ တၢ်ထံၣ်လၢညါခီ* မ့ၢ်တအိၣ်ဘၣ်န့ၣ် ပှၤဂီၢ်မုၢ် ကမၤဖဲအသး,+
ဘၣ်ဆၣ် ပှၤလၢ အအိၣ်မူမၤထွဲ တၢ်သိၣ်တၢ်သီန့ၣ် ကသးခုဝဲလီၤ.+
၁၉ ကုၢ်တဂၤ ပှၤဘှီဘၣ်ထီၣ်အီၤလၢ တၢ်ကတိၤတဖၣ် တန့ၢ်ဘၣ်.
အနၢ်ပၢၢ်ဝဲ ဘၣ်ဆၣ် တကနၣ်တၢ်ဘၣ်.+
၂၀ မ့ၢ်နထံၣ်ဘၣ် ပှၤလၢအကရီတဲတၢ် တဘျီဘျီဧါ.+
နမၤစၢၤ ပှၤဟးဂီၤဖိန့ၣ် ညီဒိၣ်န့ၢ်ဒံး နမၤစၢၤအီၤလီၤ.+
၂၁ ကုၢ်တဂၤ ပှၤမ့ၢ်လူၤဘၣ်အသး စးထီၣ်လၢ အသးစၢ်ခါလံၤလံၤန့ၣ်
လၢခံ အကကဲထီၣ် ပှၤလၢ အတသ့ၣ်ညါဆၢက့ၤ တၢ်ဘျုးတၢ်ဖှိၣ်ဘၣ်.
၂၂ ပှၤလၢအသးထီၣ်တၢ်ချ့န့ၣ် ဒုးအိၣ်ထီၣ် တၢ်အ့ၣ်လိာ်ဆိးက့လီၤ.+
ဒီးပှၤတဂၤဂ့ၤ တဂၤဂ့ၤလၢ အသးချ့န့ၣ် မၤကမၣ်တၢ်ဒီဒူၣ်လီၤ.+
၂၃ ပှၤတဂၤ မ့ၢ်အိၣ်ဒီး တၢ်ပာ်ထီၣ်ထီသးန့ၣ် ခဲကၢာ် အတၢ်ပာ်ထီၣ်ထီသး ကဆီၣ်လီၤအီၤ.+
ဘၣ်ဆၣ် ပှၤလၢအဆီၣ်လီၤအသးန့ၣ် ကန့ၢ်ဘၣ် တၢ်လၤကပီၤလီၤ.+
၂၄ ပှၤလၢ အမၤစၢၤ တၢ်ဘျၣ်တဂၤန့ၣ် ဒုးအိၣ်ထီၣ် အနီၢ်ကစၢ် အတၢ်ကီတၢ်ခဲလီၤ.
အဝဲနၢ်ဟူ တၢ်ဘိးဘၣ်သ့ၣ်ညါလၢ ပှၤကဘၣ်ဟဲအုၣ်အသး* ဘၣ်ဆၣ် အတဟဲတဲဖျါထီၣ် တၢ်နီတမံၤဘၣ်.+
၂၅ တၢ်ပျံၤပှၤကညီန့ၣ် မ့ၢ်ဝဲပျံၤသကွီၤ,+
မ့မ့ၢ် ပှၤလၢအနာ်န့ၢ် ယဟိဝၤယွၤန့ၣ် ကဒိးန့ၢ်ဘၣ် တၢ်ဒီသဒၢလီၤ.+
၂၆ ပှၤအါဂၤ အဲၣ်ဒိးလၢ ပှၤပၢတၢ် ကဘၣ်သူၣ်ဘၣ်သး အဝဲသ့ၣ်,
ဘၣ်ဆၣ် တၢ်စံၣ်ညီၣ်တီန့ၣ် ဟဲလၢ ယဟိဝၤယွၤ အအိၣ်လီၤ.+
၃၀ တၢ်ဂ့ၢ်အရ့ဒိၣ် လၢလာ်အံၤန့ၣ် မ့ၢ်ဝဲ စီၤယၤက့ၣ်အဖိခွါ စီၤအၤကူၢ် အတၢ်ကတိၤတဖၣ်လၢ အတဲဘၣ် စီၤအံၤသအ့လး ဒီးစီၤအူးကါလးလီၤ.
၂ ယတၢ်နၢ်ပၢၢ် စှၤန့ၢ်ဒံးပှၤဂၤခဲလၢာ်+
ဒီးတၢ်လၢ ပှၤတဂၤ ကြၢးသ့ၣ်ညါနၢ်ပၢၢ်ဝဲန့ၣ် ယတသ့ၣ်ညါနၢ်ပၢၢ်ဘၣ်.
၃ ယတမၤလိဘၣ် တၢ်ကူၣ်သ့ဘၣ်,
ဒီးယတအိၣ်ဒီး တၢ်စီဆှံဒိၣ်ကတၢၢ်တဂၤ အတၢ်သ့ၣ်ညါဘၣ်.
၄ မ့ၢ်မတဂၤ လဲၤထီၣ်လၢမူခိၣ် ဝံၤဒီး ဟဲက့ၤလီၤဝဲလဲၣ်.+
မ့ၢ်မတဂၤ ဖီၣ်န့ၢ်ဝဲ ကလံၤလၢ အစုညါသးခံခီလၢာ်လဲၣ်.
မ့ၢ်မတဂၤ ဘိၣ်ထီၣ် ထံလၢ အတၢ်ကူတၢ်ကၤ အပူၤလဲၣ်.+
မ့ၢ်မတဂၤ ပာ်လီၤ ဟီၣ်ခိၣ် အဆၢလဲၣ်.+
အမံၤဒ်လဲၣ်. အဖိခွါအမံၤဒ်လဲၣ်. မ့ၢ်နသ့ၣ်ညါဧါ.
၅ ကစၢ်ယွၤ အတၢ်ကတိၤ ကိးထံၣ်ဒဲးန့ၣ် စီဆှံဝဲလီၤ.*+
အဝဲမ့ၢ်ကတီၤတဘ့ၣ်လၢ ပှၤလၢအသန့ၤအသးလၢအီၤ ကိးဂၤဒဲး အဂီၢ်လီၤ.+
၆ တဘၣ်မၤအါထီၣ် အတၢ်ကတိၤ နီတစဲးတဂ့ၤ.+
နမ့ၢ်မၤဒ်န့ၣ်န့ၣ် အဝဲကသိၣ်ဃီၣ်နၤ
ဒီးအကပာ်ဖျါထီၣ်လၢ နမ့ၢ် ပှၤလံၣ်တၢ်လီတၢ်ဖိတဂၤလီၤ.
၇ အိ ကစၢ်ယွၤဧၢ, တချုးလၢ ယသံဒံးဘၣ်န့ၣ် ယတလီကီ တၢ်အဂၤ နီတမံၤဘၣ်.
ယကဃ့နၤ ထဲတၢ်ခံမံၤအံၤလီၤ.
၈ ဒ်သိး ယသုတတဲ တၢ်တမ့ၢ်တတီ ဒီးတၢ်လံၣ်တၢ်လီတဂ့ၤအဂီၢ် မၤစၢၤယၤတက့ၢ်.+
ဒီးတၢ်ဖှီၣ်တၢ်ယာ်မ့ၢ်ဂ့ၤ, တၢ်ထူးတၢ်တီၤမ့ၢ်ဂ့ၤ ဟ့ၣ်လီၤယၤတဂ့ၤ.
ဟ့ၣ်လီၤယၤ တၢ်အီၣ်ဖဲ အယၢအီၣ်တက့ၢ်.*+
၉ ယမ့ၢ်န့ၢ်ဘၣ် တၢ်လၢယလီကီခဲလၢာ်န့ၣ် ယကပာ်တ့ၢ်ဘၣ်ဖုးနၤ ဒီးတဲလၢ “ယဟိဝၤယွၤ မ့ၢ်မတဂၤလဲၣ်.”+
ယကစၢ်ယွၤဧၢ, တဘၣ်ပျဲလၢ ယကဖှီၣ်လီၤဒီး ဟုၣ်တၢ်ဒီး မၤဘၣ်ဒိ နမံၤတဂ့ၤ.
၁၀ တဘၣ်တဲဟးဂီၤ ကုၢ်တဂၤအဂ့ၢ်လၢ အကစၢ်အမဲာ်ညါတဂ့ၤ,
ကုၢ်တဂၤန့ၣ် ကဆိၣ်အၢဘၣ်ဖုးနၤ ဒီးပှၤကထံၣ်နၤလၢ နတၢ်ကမၣ်အိၣ်လီၤ.+
၁၃ ပှၤလၢ အပာ်ထီၣ်ထီအသးဒိၣ်မး
ဒီးအဝဲသ့ၣ် ထံၣ်ဆံးပှၤဂၤ သပှၢ်တၢၢ်န့ၣ် အိၣ်ဝဲတဒူၣ်လီၤ.+
၁၄ ပှၤလၢအမဲ လီၤဂာ်ဒ်သိးဒီးနး
ဒီးအခၣ် လီၤဂာ်ဒ် ဒီတဖၣ်န့ၣ် အိၣ်ဝဲတဒူၣ်လီၤ.
ဒီးပှၤလၢအပတီၢ်ဖုၣ်လၢ ဟီၣ်ခိၣ်ချၢ
ဒီးပှၤဖှီၣ်ဖိယာ်ဖိလၢ ပှၤဟီၣ်ခိၣ်ဖိ အကျါန့ၣ် အဝဲသ့ၣ် ယူၢ်လီၤကွံာ်ဝဲလီၤ.+
၁၅ တလံၤတဖၣ် အဖိမုၣ်အိၣ်ဝဲခံဘိလၢ အကိးထီၣ်ဝဲလၢ “ဟ့ၣ်ယၤသၢၤ, ဟ့ၣ်ယၤသၢၤ.”
တၢ်လၢအသးတမံ နီတဘျီဘၣ်န့ၣ် အိၣ်ဝဲသၢမံၤ
ဒီးတၢ်လၢအတတဲဝဲလၢ “ပှဲၤန့ၣ်ဘၣ်လံ” နီတဘျီဘၣ်န့ၣ် အိၣ်ဝဲ လွံၢ်မံၤလီၤ.
ဒီးမ့ၣ်အူလၢ အတတဲဝဲလၢ “ပှဲၤန့ၣ်ဘၣ်လံ” နီတဘျီဘၣ်လီၤ.
၁၇ ပှၤလၢအတဲဆဲးအဲးအပၢ် ဒီးတဒိကနၣ် အမိၢ်အကလုၢ်ဘၣ်န့ၣ်+
စိးဝၣ်ဃးလၢ တၢ်တြီၤပူၤတဖၣ် ကစိးခွဲးထီၣ်အမဲာ်ချံ
ဒီးလံာ်ကြီကြာ်ဖိတဖၣ် ကအီၣ်ကွံာ်ဝဲလီၤ.+
၁၈ တၢ်လၢ ယနၢ်ပၢၢ်အီၤတသ့ဘၣ်န့ၣ်* အိၣ်ဝဲသၢမံၤ
ဒီးတၢ်လၢ ယတနၢ်ပၢၢ်အီၤဘၣ်န့ၣ် အိၣ်ဝဲလွံၢ်မံၤလီၤ.
၁၉ တၢ်လွံၢ်မံၤန့ၣ် မ့ၢ်ဝဲ လံာ်ကြီကြာ်လၢ အယူၤလၢမူခိၣ်,
ဂုၢ်လၢအဘျိၣ်လၢ လၢၢ်အလိၤ,
ကဘီလၢ အလဲၤတၢ်လၢ ပီၣ်လဲၣ်အပူၤ
ဒီးပှၤပိာ်ခွါတဂၤ အတၢ်အိၣ်ထီၣ် အိၣ်လီၤ ဖဲအအိၣ်ဒီး ပိာ်မုၣ်တဂၤ အခါလီၤ.
၂၀ အဝဲအံၤ မ့ၢ်ဝဲ တၢ်လၢပိာ်မုၣ်လၢ အအဲၣ်ဘၢတၢ်တဂၤ မၤဝဲလီၤ.
အဝဲအီၣ်တၢ်, ထွါကွံာ် အထးခိၣ်
ဝံၤဒီးအတဲဝဲလၢ “ယတမၤကမၣ်တၢ် နီတမံၤဘၣ်.”+
၂၁ တၢ်လၢအဒုးကနိး ဟီၣ်ခိၣ်န့ၣ် အိၣ်ဝဲသၢမံၤ
ဒီးတၢ်လၢ ပှၤဟီၣ်ခိၣ်ဖိ တူၢ်တကဲဘၣ်န့ၣ် အိၣ်ဝဲလွံၢ်မံၤလီၤ.
၂၂ တၢ်လွံၢ်မံၤန့ၣ် မ့ၢ်ဝဲ ဖဲကုၢ်တဂၤ ပၢတၢ်ဒ်စီၤပၤအခါ,+
ဖဲပှၤဟးဂီၤဖိ အီၣ်တၢ်အါတလၢအခါ,
၂၃ ဖဲပိာ်မုၣ်လၢ ပှၤသးဟ့အီၤတဂၤ န့ၢ်အဝၤအခါ
ဒီးဖဲကုၢ်မုၣ်တဂၤ ထီၣ်အကစၢ်မုၣ် အလီၢ်အခါလီၤ.+
၂၅ တၢၢ်သ့ၣ်တဖၣ်န့ၣ် အဂံၢ်အဘါ တဆူၣ်ဘၣ်
ဘၣ်ဆၣ် အဝဲသ့ၣ် ကတဲာ်ကတီၤပာ်စၢၤ အတၢ်အီၣ်လၢ တၢ်ကိၢ်ခါလီၤ.+
၂၈ တိတဲာ်န့ၣ်+ အစုအခီၣ် ဖီၣ်တၢ်ဘုးတာ်
ဒီးလဲၤနုာ်လီၤဝဲလၢ စီၤပၤ အနီပူၤလီၤ.
၂၉ တၢ်လၢ ပှၤကွၢ်အီၤဂ့ၤဖဲ အဟးအခါန့ၣ် အိၣ်ဝဲသၢမံၤ
ဒီးတၢ်လၢအဖျါ လီၤထုးန့ၢ်သူၣ်ထုးန့ၢ်သး ဖဲအဟးအခါန့ၣ် အိၣ်ဝဲလွံၢ်မံၤလီၤ.
၃၀ တၢ်သ့ၣ်တဖၣ်န့ၣ်မ့ၢ်ဝဲ ခ့ယုၢ်လၢ အဂံၢ်ဆူၣ်ဘါဆူၣ် ဒိၣ်ကတၢၢ်လၢ ဆၣ်ဖိကီၢ်ဖိအကျါ
လၢအတဃၣ်ကွံာ်အသးလၢ တၢ်နီတမံၤဘၣ်,+
၃၁ ထွံၣ်လၢအဃ့ၢ်ချ့, မဲာ်တဲးလဲးဖါ
ဒီးစီၤပၤတဂၤလၢ အသုးမုၢ် အိၣ်ဒီးအီၤလီၤ.
၃၂ နမ့ၢ်ပာ်ထီၣ်ထီသး ဒ်ပှၤနါစိၤဖိ မၤဝဲအသိး+
မ့တမ့ၢ် နမ့ၢ်ကူၣ်ထီၣ်လၢ နကမၤဒ်န့ၣ်န့ၣ်
ပံးနထးခိၣ် ဒီးအိၣ်ဘှ့ၣ်တက့ၢ်.+
၃၃ ပှၤမ့ၢ်ဝ့ၤတၢ်နုၢ်ထံန့ၣ် အကဲထီၣ် ထီပးလီၤ.
ပှၤမ့ၢ်ဘံး ပှၤနါဒ့န့ၣ် အသွံၣ် ကလီၤဝဲလီၤ.
ဒ်န့ၣ်အသိး ပှၤမ့ၢ်ထိၣ်ဂဲၤထီၣ် တၢ်သးထီၣ်န့ၣ် တၢ်အ့ၣ်လိာ်သး ကအိၣ်ထီၣ်ဝဲလီၤ.+
၃၁ တၢ်ဂ့ၢ်အရ့ဒိၣ် လၢလာ်အံၤန့ၣ် မ့ၢ်ဝဲ စီၤပၤလမူၤအ့လး အတၢ်ကတိၤ လၢအမိၢ် ဟံးစုနဲၣ်ကျဲအီၤလီၤ.+
၂ ဖိခွါဧၢ, ယဒၢလီၢ် အတၤသၣ်ဧၢ,
ယဖိခွါလၢ ယဒိးန့ၢ်ဘၣ် ခီဖျိ ယတၢ်အၢၣ်လီၤတဖၣ်ဧၢ,+
ယကဘၣ် တဲနၤဒ်လဲၣ်.
၃ တဘၣ် မၤလၢာ်ဂီၤ နဂံၢ်နဘါလၢ ပိာ်မုၣ်တဖၣ်တဂ့ၤ.+
ဒီးတဘၣ် ပိာ်ကျဲလၢ အမၤဟးဂီၤ စီၤပၤတဖၣ်တဂ့ၤ.+
၄ စီၤလမူၤအ့လးဧၢ, စီၤပၤတဖၣ် တကြၢးအီ စပံးထံဘၣ်
ဒီးပှၤလၢအပၢတၢ်တဖၣ် တကြၢးတဲလၢ “ယသံး အိၣ်ဖဲလဲၣ်”+ န့ၣ်ဘၣ်.
စီၤပၤတဖၣ် တကြၢးမၤ ဒ်န့ၣ်ဘၣ်.
၅ အဝဲသ့ၣ် မ့ၢ်မၤဒ်န့ၣ်န့ၣ် အဝဲသ့ၣ် ကသးပ့ၤနီၣ်ဘၣ်ဖုး တၢ်သိၣ်တၢ်သီ
ဒီးမၤဟးဂီၤ ပှၤလၢအပတီၢ်ဖုၣ်တဖၣ် အတၢ်ခွဲးတၢ်ယာ်လီၤ.
၆ ပှၤလၢ အဘူးထီၣ် ကသံတဖၣ်န့ၣ် ဟ့ၣ်ဒုးအီ အဝဲသ့ၣ် သံးတက့ၢ်.+
ဒီးပှၤလၢ အဘၣ်ကိၢ်ဘၣ်ဂီၤ နးမးန့ၣ် ဟ့ၣ်ဒုးအီ အဝဲသ့ၣ် စပံးထံတက့ၢ်.+
၇ အဝဲသ့ၣ်ကအီ ဒီးကသးပ့ၤနီၣ်ကွံာ် အတၢ်ဖှီၣ်တၢ်ယာ်
ဒီးအဝဲသ့ၣ်တသ့ၣ်နီၣ်ထီၣ်က့ၤ အတၢ်ကီတၢ်ခဲလၢၤဘၣ်.
၈ တဲန့ၢ်တၢ်လၢ ပှၤလၢအတဲတၢ်တသ့ဘၣ်တဖၣ်အဂီၢ်
ဒီးဒီသဒၢန့ၢ် ပှၤလၢအဘူးထီၣ် ကသံတဖၣ် အတၢ်ခွဲးတၢ်ယာ်တက့ၢ်.+
၉ ဒီသဒၢန့ၢ် ပှၤလၢအပတီၢ်ဖုၣ် ဒီးပှၤဖှီၣ်ဖိယာ်ဖိ အတၢ်ခွဲးတၢ်ယာ်,+
တဲန့ၢ်တၢ်လၢ အဝဲသ့ၣ်အဂီၢ် ဒီး စံၣ်ညီၣ်တၢ် တီတီလိၤလိၤတက့ၢ်.
א*
၁၀ မတဂၤ ဃုထံၣ်န့ၢ် မါလၢအဂ့ၤ သ့လဲၣ်.+
မါတဂၤန့ၣ် အလုၢ်အပှ့ၤ ဒိၣ်န့ၢ်ဒံး လၢၢ်ဖီတဖၣ်လီၤ.*
ב
၁၁ အဝၤ နာ်န့ၢ်အီၤလၢ အသးဒီဖျၢၣ်
ဒီးတၢ်လၢအလိၣ်ဘၣ်န့ၣ် အိၣ်ဒီးအီၤ ခဲလၢာ်လီၤ.
ג
၁၂ လၢမါတဂၤအံၤအတၢ်အိၣ်မူ ဒီတစိၤန့ၣ်
အမၤဂ့ၤအဝၤ ဒီးတမၤအၢအီၤဘၣ်.
ד
၁၃ အဝဲ မၤန့ၢ်သိဆူၣ် ဒီးတၢ်ကံးညာ်လၢအညၣ်ဂ့ၤ
ဒီးအခုဖံးခုမၤလီၤ.+
ה
ו
၁၅ တချုးလၢ မုၢ်ဝါထီၣ်ဒံးဘၣ်န့ၣ် အဝဲဂဲၤဆၢထၢၣ်
ကတဲာ်ကတီၤ တၢ်အီၣ်လၢ အဟံၣ်ဖိဃီဖိအဂီၢ်
ဒီးလၢအကုၢ်မုၣ်တဖၣ် အဂီၢ်လီၤ.+
ז
၁၆ အဝဲကွၢ်ဆိကမိၣ်ဝဲ ဟီၣ်ခိၣ်တကဝီၤ ဝံၤဒီးပှ့ၤဝဲဒၣ်လီၤ.
ဒီးအသူဝဲ အတၢ်ဟဲနုာ်* ဒ်သိး ကသူၣ်လီၤ စပံးကျီး အဂီၢ်လီၤ.
ח
ט
י
כ
၂၀ အဝဲမၤစၢၤ ပှၤလၢအပတီၢ်ဖုၣ်
ဒီးအဝဲသးအိၣ်ဟ့ၣ်တၢ်လၢ ပှၤဖှီၣ်ဖိယာ်ဖိလီၤ.+
ל
၂၁ ဖဲတၢ်ဂိၢ်ခါ အဆၢကတီၢ် အဟံၣ်ဖိဃီဖိကိးဂၤဒဲး ကၤဘၣ် ဆ့ကၤလၢၤ အဃိ
အဝဲတကိၢ်တၢ်လၢ အဟံၣ်ဖိဃီဖိ အဂီၢ်ဘၣ်.
מ
၂၂ အဝဲဆးန့ၢ်ဝဲ အလီၢ်မံဒါတဖၣ် လၢအနီၢ်ကစၢ်လီၤ.
ဒီးအတၢ်ကူတၢ်ကၤန့ၣ် အဆးန့ၢ်ဝဲလၢ တၢ်ကံးညာ်လၢအညၣ်ဂ့ၤ ဒီးသိဆူၣ်လၢ အလွဲၢ်လုးလီၤ.
נ
ס
၂၄ အဝဲဆးဝဲ တၢ်ကူတၢ်ကၤလၢ အညၣ်ဂ့ၤ ဒီးဆါဝဲ
ဒီးဆါန့ၢ်ဝဲ ယီၢ်တကိးလၢ ပှၤပှ့ၤတၢ်ဆါတၢ်ဖိတဖၣ်အအိၣ် ဒီဒူၣ်လီၤ.
ע
၂၅ အဂံၢ်အဘါဆူၣ်ဝဲ ဒီးပှၤပာ်ကဲအီၤလီၤ.
ဒီးတဘၣ်ယိၣ်တၢ်လၢ ကကွၢ်ဆၢၣ်မဲာ်ဒီး တၢ်လၢကမၤအသးလၢ ခါဆူညါအဂီၢ်ဘၣ်.
פ
צ
ק
၂၈ အဖိတဖၣ် ဆၢထၢၣ် ဒီးစံးပတြၢၤအီၤ
ဒီးအဝၤ ဆၢထၢၣ် ဒီးစံးပတြၢၤအီၤလီၤ.
ר
၂၉ ပိာ်မုၣ်လၢအဂ့ၤန့ၣ် အိၣ်ဝဲအါမး
ဘၣ်ဆၣ် နဂ့ၤဒိၣ်န့ၢ် အဝဲသ့ၣ် ခဲလၢာ်လီၤ.
ש
၃၀ တၢ်လီၤအဲၣ်လီၤကွံန့ၣ် လီန့ၢ်တၢ်သ့ ဒီးတၢ်ဃံတၢ်လၤန့ၣ် လီၤမၢ်ကွံာ် ချ့ချ့ သ့ဝဲလီၤ.+
မ့မ့ၢ် ပိာ်မုၣ်လၢ အပျံၤ ယဟိဝၤယွၤန့ၣ် ကဘၣ်တၢ်စံးပတြၢၤ အီၤလီၤ.+
ת
၃၁ ဟ့ၣ်အီၤခိၣ်ဖး ခီဖျိ တၢ်လၢအမၤဝဲတဖၣ်အဃိတက့ၢ်.+
ဒီးအဝဲကြၢးဒိးန့ၢ်ဘၣ် တၢ်စံးပတြၢၤ လၢဝ့ၢ်အတြဲၤ ခီဖျိလၢ အမၤတၢ်ဆူၣ်အဃိလီၤ.+
မ့ၢ်စ့ၢ်ကီး “သိၣ်လိနဲၣ်လိသု.”
မ့ၢ်စ့ၢ်ကီး “တၢ်လၢအတီ.”
မ့ၢ်စ့ၢ်ကီး “တၢ်သိၣ်တၢ်သီ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “တဘၣ်ယီၢ် အဝဲသ့ၣ်အခီၣ်လီၢ်တဂ့ၤ.”
အခီပညီလိၤလိၤ “ယသး.” ဘၣ်သ့ၣ်သ့ၣ် အဲၣ်ဒိးတဲဝဲ တၢ်ကူၣ်သ့လၢ အဟဲခီဖျိလၢကစၢ်ယွၤ အသးစီဆှံ.
အခီပညီလိၤလိၤ “သကိးဘူးဘူးတံၢ်တံၢ်.”
မ့ၢ်စ့ၢ်ကီး “တၢ်သိၣ်တၢ်သီ.”
ကွၢ် တၢ်ကတိၤအခီပညီ.
ဖျါလၢအဲၣ်ဒိးတဲဝဲ ကစၢ်ယွၤ အတၢ်ဂ့ၤတၢ်ဝါတဖၣ် လၢအဘၣ် တၢ်ပာ်ဖျါထီၣ်တ့ၢ်အီၤလၢ အဆၢဖိလၢ အမဲာ်ညါတဖၣ်အပူၤ.
မ့ၢ်စ့ၢ်ကီး “တၢ်စိတၢ်ကမီၤ မ့ၢ်အိၣ်လၢနစုပူၤ.”
မ့ၢ်စ့ၢ်ကီး “ပှၤလၢအကြၢး န့ၢ်ဘၣ်.”
မ့ၢ်စ့ၢ်ကီး “တၢ်သိၣ်တၢ်သီ.”
ဘၣ်သ့ၣ်သ့ၣ် ကမ့ၢ် “ဆိကမိၣ်ထံ လီၤတံၢ်လီၤဆဲး.”
အခီပညီလိၤလိၤ “ထးခိၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ထံပူၤ.”
မ့ၢ်စ့ၢ်ကီး “မၤမူၤနသး.”
မ့ၢ်စ့ၢ်ကီး “တၢ်သိၣ်တၢ်သီ.”
မ့ၢ်စ့ၢ်ကီး “ကဟံးစုနဲၣ်ကျဲနၤ.”
အခီပညီလိၤလိၤ “ပှၤလၢအဲၣ်ဘၢအမါ.”
အခီပညီလိၤလိၤ “မ်ပအီသကိး တၢ်အဲၣ်ဘျဲဘျဲ တုၤလၢဂီၤခီတက့ၢ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
အခီပညီလိၤလိၤ “တၢ်ကဝီၤ.”
မ့ၢ်စ့ၢ်ကီး “ပာ်လီၤ တၢ်အခီၣ်ထံးတဖၣ်လၢ ဟီၣ်ခိၣ်အဂီၢ်.”
မ့ၢ်စ့ၢ်ကီး “စိးပျၤထီၣ်.”
မ့ၢ်ဝဲ တၢ်ကူၣ်သ့.
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
အခီပညီလိၤလိၤ “အုၣ်သံကျၣ်သံ.”
အခီပညီလိၤလိၤ “တၢ်မၤလိာ်တဖၣ်.”
ဘၣ်သ့ၣ်သ့ၣ် ကမ့ၢ် “အအိၣ်လၢ တၢ်မူအကျဲ.”
အခီပညီလိၤလိၤ “သး.”
မ့ၢ်စ့ၢ်ကီး “နဲၣ်ကျဲ.”
မ့ၢ်စ့ၢ်ကီး “တၢ်ကီတၢ်ခဲ.”
အခီပညီလိၤလိၤ “ကျဲ.”
မ့ၢ်စ့ၢ်ကီး “ပှၤလၢအတပာ်ကဲယွၤဘၣ်.”
မ့ၢ်စ့ၢ်ကီး “တၢ်မဲာ်ဆှး.”
အခီပညီလိၤလိၤ “လူလီၤထံ.”
အခီပညီလိၤလိၤ “န့ၢ်သါဘၣ်ကလံၤ.”
မ့ၢ်စ့ၢ်ကီး “တသီဃီ.”
မ့ၢ်စ့ၢ်ကီး “တၢ်ဘှီဘၣ်ထီၣ်က့ၤ.”
မ့ၢ်စ့ၢ်ကီး “အဝဲ.”
မ့ၢ်စ့ၢ်ကီး “တၢ်သိၣ်က့ၤသီက့ၤ, တၢ်စံၣ်ညီၣ်.”
ဘၣ်သ့ၣ်သ့ၣ် ကမ့ၢ် “လၢအဆိအချ့.”
မ့ၢ်စ့ၢ်ကီး “သၣ်ဝံၤ.”
မ့ၢ်စ့ၢ်ကီး “ကပုာ်လုး.”
မ့ၢ်စ့ၢ်ကီး “တၢ်ဟဲနုာ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ပှၤလၢအသးအုး.”
အခီပညီလိၤလိၤ “ကျီၢ်ဖါလၢအဘီၣ်အသိတဒု.”
မ့ၢ်စ့ၢ်ကီး “တၢ်မဲာ်ဆှး.”
မ့ၢ်စ့ၢ်ကီး “တၢ်စံးဆၢ လၢအဘၣ်.”
အခီပညီလိၤလိၤ “တလ့ၣ်နတၢ်မၤတဖၣ် လၢယဟိဝၤယွၤအအိၣ်.”
မ့ၢ်စ့ၢ်ကီး “နီၤလီၤသကိး တၢ်ထူးတၢ်တီၤလၢ ဘၣ်တၢ်ဂုာ်န့ၢ်လၢ ပှၤဂၤအအိၣ်.”
မ့ၢ်စ့ၢ်ကီး “သၣ်ဝံၤ.”
အခီပညီလိၤလိၤ “တၢ်လုၢ်တၢ်ပာ်.”
အခီပညီလိၤလိၤ “ကျၢၢ်ဘၢ.”
အခီပညီလိၤလိၤ “မဲာ်ချံ.”
မ့ၢ်စ့ၢ်ကီး “အီၣ်လိး.”
အခီပညီလိၤလိၤ “အထးခိၣ် မ့ၢ်ဝဲ ပျံၤသကွီၤ လၢအသးသမူအဂီၢ်.”
မ့ၢ်စ့ၢ်ကီး “ပှၤလၢအဟ့ၣ်တၢ်ညီ.”
ဘၣ်သ့ၣ်သ့ၣ် ကမ့ၢ် “အဝဲ ကဟးဃုတၢ် ဖဲပှၤကူးတၢ်အဆၢကတီၢ် ဘၣ်ဆၣ် အတထံၣ်န့ၢ် တၢ်နီတမံၤဘၣ်.”
အခီပညီလိၤလိၤ “ဖိခွါတဖၣ်.”
ကွၢ် တၢ်ကတိၤအခီပညီ.
အခီပညီလိၤလိၤ “တၢ်န့ၢ်သါ.”
အခီပညီလိၤလိၤ “ပှၤဟီၣ်ခိၣ်ဖိ အတၢ်ကသါ.”
ဘၣ်သ့ၣ်သ့ၣ် ကမ့ၢ် “လၢပှၤလၢအဃု တၢ်သံအဂီၢ်.”
အခီပညီလိၤလိၤ “ယူၢ်လီၤ.”
အခီပညီလိၤလိၤ “တၢ်ထူးတၢ်တီၤ.”
မ့ၢ်စ့ၢ်ကီး “ဖိသၣ်, သးစၢ်.”
အခီပညီလိၤလိၤ “တၢ်သ့ၣ်ညါ.”
အခီပညီလိၤလိၤ “ထးခိၣ်.”
အခီပညီလိၤလိၤ “ပာ်ဒီလၢ နကိာ်ယုၢ်ဘိလိၤ.”
အခီပညီလိၤလိၤ “ပှၤပှ့ၤက့ၤတၢ်.”
မ့ၢ်စ့ၢ်ကီး “ဖိသၣ်, သးစၢ်.”
မ့ၢ်စ့ၢ်ကီး “မၤန့ၢ်.”
မ့ၢ်စ့ၢ်ကီး “ထံပူၤ.”
မ့ၢ်စ့ၢ်ကီး “ဟံၣ်ဖိဃီဖိတဒူၣ် ကဆူၣ်ထီၣ်.”
မ့ၢ်စ့ၢ်ကီး “ပှၤလၢအလီကီ တၢ်ဆီတလဲ.”
မ့ၢ်ဝဲ ယဟိဝၤယွၤ ဒီးစီၤပၤ.
ဘၣ်သ့ၣ်သ့ၣ် ကမ့ၢ် “ပှၤမ့ၢ်တဲဆၢတၢ် လိၤလိၤန့ၣ် လီၤဂာ်ဒ်သိးဒီး တၢ်နၢမူတထံၣ်.”
မ့ၢ်စ့ၢ်ကီး “ဟံၣ်ဖိဃီဖိ.”
အခီပညီလိၤလိၤ “မူခိၣ်ဖီခုၣ်.”
မ့ၢ်စ့ၢ်ကီး “ကပုာ်လုး.”
အခီပညီလိၤလိၤ “ပှၤလၢအသးဟ့နၤတဂၤ.”
မ့ၢ်စ့ၢ်ကီး “သၣ်ဝံၤ.”
မ့ၢ်ဝဲ ကမၤခုၣ်လီၤ ပှၤတဂၤအံၤအသး ဒီးကမၤကပုာ်လီၤအသး.
မ့ၢ်စ့ၢ်ကီး “ထံပူၤ.”
မ့ၢ်စ့ၢ်ကီး “ပှၤလၢအပၢၤအသး တန့ၢ်ဘၣ်.”
မ့ၢ်ဝဲ ပျံၤလၢ ပှၤသူအီၤဒ်သိး ကကွံာ်လၢၢ်အဂီၢ်.
မ့ၢ်စ့ၢ်ကီး “ပှၤလၢ အလဲၤဘၣ်ကျဲဖဲန့ၣ်.”
မ့ၢ်စ့ၢ်ကီး “မ့ၢ်လၢ အသးန့ၣ် လီၤသးဘၣ်အၢ သပှၢ်တၢၢ်.”
မ့ၢ်စ့ၢ်ကီး “တမ့ၢ်လၢ တၢ်သူၣ်ဘျၢသးဘျၢ အပူၤဘၣ်.”
မ့ၢ်စ့ၢ်ကီး “ဟၢဖၢပှဲၤ.”
မ့ၢ်စ့ၢ်ကီး “သၣ်ဝံၤ.”
အခီပညီလိၤလိၤ “ဆိၣ်ဂ့ၤ.”
အခီပညီလိၤလိၤ “ကျ့အ့ၣ်ထီၣ် အသကိး အမဲာ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ကလၢ.”
အခီပညီလိၤလိၤ “မၤကိၤထီၣ်အသး.”
ဘၣ်သ့ၣ်သ့ၣ် ကမ့ၢ် “ပှၤလၢအပာ်ထီၣ်ထီသး.”
ဘၣ်သ့ၣ်သ့ၣ် ကမ့ၢ် “ဘၣ်ဆၣ် ပှၤလၢအသူၣ်ဘျၢသးဘျၢတဖၣ် ဂုာ်ကျဲးစၢး ဒီသဒၢ အသးသမူလီၤ.”
မ့ၢ်စ့ၢ်ကီး “အတၢ်တူၢ်ဘၣ်.”
မ့ၢ်ဝဲ ကစၢ်ယွၤ ဟ့ၣ်အဝဲသ့ၣ် တၢ်မူ.
မ့ၢ်စ့ၢ်ကီး “တၢ်ဟံးစုနဲၣ်ကျဲလၢ အဟဲလၢ ကစၢ်ယွၤအအိၣ်.”
မ့ၢ်စ့ၢ်ကီး “တၢ်အၢၣ်လီၤလၢ အပၣ်ဃုာ်ဒီး တၢ်ဆိၣ်အၢ.”
မ့ၢ်စ့ၢ်ကီး “ဘၣ်တၢ်မၤကွၢ်အီၤလၢ မ့ၣ်အူ.”
မ့ၢ်စ့ၢ်ကီး “လၢအီၣ်.”
အခီပညီလိၤလိၤ “ပှၤအိၣ်ဝဲတစိၤ.”
အခီပညီလိၤလိၤ “တၢ်အ့ၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်လၢအလီၤကမၢကမၣ် ဒိၣ်တလၢ လၢယဂီၢ်.”
ယုၢ်ၡဖၣ်န့ၣ် မ့ၢ်ဝဲ ဆၣ်ဖိကီၢ်ဖိ တကလုာ် လၢအလီၤဂာ်ဒ် ပဒဲအသိး ဒီးအခံမဲၢ်တအိၣ်ဘၣ် ဒီးအဝဲသ့ၣ်အိၣ်လၢ လၢၢ်ကဆူးလ့ကဆူး.
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် လံာ်စီဆှံတတီၤအံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
ကွၢ် တၢ်ကတိၤအခီပညီ.
အခီပညီလိၤလိၤ “စုအတၤသၣ်.”
အခီပညီလိၤလိၤ “အမ့ၣ်အူဒၢ တလီၤပံာ်လၢ မုၢ်နၤခီဘၣ်.”
ပှၤသူနီၣ်လ့ၢ်ဘဲ ဒီးလုၣ်ထွံ ဒ်သိးကထါ တၢ်ကံးညာ်တဖၣ်အဂီၢ်.
မ့ၢ်စ့ၢ်ကီး “ဖဲအသိၣ်လိတၢ်အခါ အတဲတၢ်လၢ တၢ်အဲၣ်တၢ်ကွံအပူၤ.”