ဟိၤၡ့

၁ ဖဲယူဒၤအစီၤပၤ+ ဧူးစံယါ, ယိၤသၣ်, အၤဃး ဒီးဃံးစကံယၤ+ အစိၤ ဒီးဖဲအံၣ်စရ့လး အစီၤပၤ ယၤရၤဘၣ်+ လၢအမ့ၢ်စီၤယိးအၣ်​ အဖိခွါအစိၤန့ၣ်​ ယဟိဝၤယွၤ ဟ့ၣ်လီၤ တၢ်ကစီၣ်အံၤလၢ စီၤဘအ့ရံၤ အဖိခွါ စီၤဟိၤၡ့ အအိၣ်လီၤ. ၂ ယဟိဝၤယွၤ တဲတၢ်ဒီး အပှၤဂီၢ်မုၢ် ခီဖျိလၢ စီၤဟိၤၡ့လီၤ. ယဟိဝၤယွၤ တဲဘၣ်​ စီၤဟိၤၡ့လၢ “လဲၤဖျီနသးဒီး ပိာ်မုၣ်လၢ အကမၤထီၣ်အသးဒ် ပိာ်မုၣ်ဆါလီၤအီၣ်သး* တဂၤအသိးတက့ၢ်. ဒီးခီဖျိလၢ အကမၤထီၣ်အသးဒ် ပိာ်မုၣ်ဆါလီၤအီၣ်သးတဂၤ အသိးအဃိ နကန့ၢ်ဘၣ်​ နဖိတဖၣ်လီၤ. တၢ်ကဘၣ်​ ကဲထီၣ်အသးဒ်အံၤ မ့ၢ်လၢ ပှၤလၢကီၢ်တဘ့ၣ်အံၤအပူၤန့ၣ်​ တတီဒီး ယဟိဝၤယွၤလၢၤဘၣ်​ ဒီးအဝဲသ့ၣ်​ မၤအသးဒ် ပိာ်မုၣ်ဆါလီၤအီၣ်သးတဖၣ်အသိး အဃိလီၤ.”+

၃ အဃိ အဝဲလဲၤဖျီအသးဒီး စီၤဒံးဘလဲၣ်​ အဖိမုၣ်​ နီၢ်ကိမၢၤလီၤ. ဒီးနီၢ်ကိမၢၤဒၢထီၣ်​ ဒီးအိၣ်ဖျဲၣ်ထီၣ်န့ၢ်အီၤ ဖိခွါတဂၤလီၤ.

၄ ဒီးယဟိဝၤယွၤ တဲစီၤဟိၤၡ့လၢ “ကိးန့ၢ်အမံၤလၢ စီၤယံးစရ့လး* မ့ၢ်လၢ တယံာ်လၢၤဘၣ်န့ၣ်​ ယကသိၣ်ဃီၣ်​ စီၤယ့ၤဟူ+ အစၢၤအသွဲၣ်​ ခီဖျိလၢ ဝ့ၢ်ယံးစရ့လး အတၢ်မၤသံမၤဝီ အဃိလီၤ. ဒီးယကမၤဟးဂီၤကွံာ် အံၣ်စရ့လး အဘီအမုၢ်လီၤ.+ ၅ ဖဲတၢ်တနံၤန့ၣ်​ ယကဘိးကၢ် အံၣ်စရ့လးအချံၣ်​ လၢယံးစရ့လး အတၢ်တြီၤပူၤလီၤ.”

၆ နီၢ်ကိမၢၤ ဒၢထီၣ်ကဒီး ဒီးအိၣ်ဖျဲၣ်ထီၣ်​ အဖိမုၣ်တဂၤလီၤ. ဒီးကစၢ်ယွၤ တဲစီၤဟိၤၡ့လၢ “ကိးန့ၢ်အမံၤလၢ နီၢ်လိၤရူဃမၤ,* မ့ၢ်လၢ ယတပာ်ဖျါထီၣ်​ တၢ်သးကညီၤ+ လၢအံၣ်စရ့လး အပှၤဂီၢ်မုၢ်* အဖီခိၣ်လၢၤဘၣ်​ အဃိလီၤ. ယကနီဟးထီၣ်ကွံာ် အဝဲသ့ၣ်​ သပှၢ်ကတၢၢ်လီၤ.+ ၇ ဘၣ်ဆၣ်​ ယကပာ်ဖျါထီၣ်​ တၢ်သးကညီၤလၢ ယူဒၤအပှၤဂီၢ်မုၢ်*+ အဖီခိၣ်​ ဒီးယၤ ယဟိဝၤ လၢအမ့ၢ် အဝဲသ့ၣ်​ အကစၢ်ယွၤန့ၣ်​ ယကမၤပူၤဖျဲး အဝဲသ့ၣ်လီၤ.+ ဘၣ်ဆၣ်​ ယတမၤပူၤဖျဲး အဝဲသ့ၣ်​ ခီဖျိလၢ ချံၣ်, နး, တၢ်ဒုးတၢ်ယၤ, ကသ့ၣ်​ ဒီးပှၤဒိးကသ့ၣ်ဖိတဖၣ်​ အဃိဘၣ်.”+

၈ ဖဲနီၢ်လိၤရူဃမၤ ဖှၣ်နုၢ်ဝံၤအလီၢ်ခံ နီၢ်ကိမၢၤ ဒၢထီၣ်​ ဒီးအိၣ်ဖျဲၣ်ထီၣ်​ အဖိခွါတဂၤလီၤ. ၉ ဒီးကစၢ်ယွၤ တဲဝဲလၢ “ကိးန့ၢ်အမံၤလၢ စီၤလိၤဧၣ်မံၤ,* မ့ၢ်လၢ သုတမ့ၢ် ယပှၤဂီၢ်မုၢ်ဘၣ်​ ဒီးယတမ့ၢ် သုကစၢ်ယွၤဘၣ်​ အဃိလီၤ.

၁၀ “ဒီးပှၤအံၣ်စရ့လးဖိတဖၣ်​ အနီၣ်ဂံၢ်န့ၣ်​ ကအိၣ်အါ ထဲသိးဒီး ပီၣ်လဲၣ်အမဲးတဖၣ်လၢ ပှၤဂံၢ်ကွၢ်ဒွးကွၢ်အီၤ တသ့ဘၣ်.+ ဒီးဖဲတၢ်လီၢ်လၢ ယတဲအဝဲသ့ၣ်လၢ ‘သုတမ့ၢ်ယပှၤဂီၢ်မုၢ်ဘၣ်’+ န့ၣ်ယကကိး အဝဲသ့ၣ်လၢ ‘ကစၢ်ယွၤလၢအမူဝဲတဂၤ အဖိခွါတဖၣ်လီၤ.’+ ၁၁ ဒီးယူဒၤ အပှၤဂီၢ်မုၢ် ဒီးအံၣ်စရ့လး အပှၤဂီၢ်မုၢ် ကပာ်ဖှိၣ်ထီၣ်အသး ဃူဃူဖိးဖိး+ ဒီးအဝဲသ့ၣ်​ ကဃုထၢထီၣ်​ အခိၣ်အနၢ်တဂၤ ဒီးကဟးထီၣ်ဝဲလၢ ကီၢ်ပူၤလီၤ. အဝဲန့ၣ်​ ကမ့ၢ်ဝဲ မုၢ်နံၤဖးဒိၣ်တနံၤလၢ ယံးစရ့လး အဂီၢ်လီၤ.+

 ၂ ပာ်ဒ့ၣ်ပာ်ကမၣ်သုမိၢ်, ပာ်ဒ့ၣ်ပာ်ကမၣ်အီၤသၢၤ.

အဝဲတမ့ၢ် ယမါဘၣ်+ ဒီးယတမ့ၢ် အဝၤဘၣ်.

 ၃ မ့တမ့ၢ်ဘၣ်န့ၣ်​ ယကဒုးအိၣ်ဘ့ၣ်ဆ့အီၤ ဒီးယကဒုးကဲထီၣ်အီၤ ဒ်မုၢ်နံၤဖဲအအိၣ်ဖျဲၣ်ထီၣ်အခါ အသိးလီၤ.

 ၇ အဝဲကလူၤ အတၢ်အဲၣ်တီတဖၣ်​ ဘၣ်ဆၣ်​ အလူၤဝဲတချုးဘၣ်.+

အကဃုကွၢ် အဝဲသ့ၣ်​ ဘၣ်ဆၣ်​ အတထံၣ်ဝဲဘၣ်.

ဘၣ်ဆၣ်​ အတတူၢ်လိာ်ဝဲလၢ အမ့ၢ်ယၤဘၣ်.+

၁၀ ဒီးခဲအံၤ ယကဒုးအိၣ်ဘ့ၣ်ဆ့အီၤလၢ အတၢ်အဲၣ်တီတဖၣ်​ အမဲာ်ညါ ပျီပျီလီၤ.

ဒီးပှၤပိာ်ခွါတဖၣ်န့ၣ်​ မၤပူၤဖျဲးအီၤလၢ ယစုပူၤတသ့ နီတဂၤဘၣ်.+

ဒီးအဝဲ သးပ့ၤနီၣ်ကွံာ်ယၤ+ ယဟိဝၤယွၤလီၤ.

၁၉ ယအၢၣ်လီၤလၢ ယကဒုးကဲနၤလၢ ယတလးမူးပိာ်မုၣ်​ ဒ်သိး နကကဲယတၢ် လီၤထူလီၤယိာ် အဂီၢ်လီၤ.

ဒီးတၢ်သ့ၣ်တဖၣ်န့ၣ်​ ကဟ့ၣ်လီၤတၢ်လၢ ယံးစရ့လး* ဃ့ဝဲလီၤ.+

၂၃ ယကဖှံ ယပှၤဂီၢ်မုၢ်* ဒ်တၢ်ချံအသိးလၢ ဟီၣ်ခိၣ်ချၢ လၢယနီၢ်ကစၢ်အဂီၢ်လီၤ.+

ဒီးယကပာ်ဖျါထီၣ်​ တၢ်သးကညီၤလၢ ပှၤလၢ တၢ်တသးကညီၤအီၤဘၣ်တဖၣ်* အဖီခိၣ်လီၤ.

ပှၤလၢအတမ့ၢ် ယပှၤဂီၢ်မုၢ်ဘၣ်န့ၣ်* ယကတဲဘၣ်အဝဲသ့ၣ်လၢ “သုမ့ၢ်ယပှၤဂီၢ်မုၢ်လီၤ.”+

ဒီးအဝဲသ့ၣ်​ ကတဲလၢ “နမ့ၢ်ပကစၢ်ယွၤလီၤ.”’”+

၃ ဒီးယဟိဝၤယွၤ တဲယၤလၢ “ဖဲပှၤအံၣ်စရ့လးဖိတဖၣ်​ ဃၣ်ကွံာ်အသးလၢ ယွၤအဂၤတဖၣ်အအိၣ်+ ဒီးလုၢ်ထီၣ်​ ကိၣ်စပံးသၣ်ဃ့တဖၣ်* မုာ်ဝဲအဆၢကတီၢ် ဒၣ်လဲာ် ယဟိဝၤယွၤ အဲၣ်အဝဲသ့ၣ်ဒံးလီၤ.+ ဒ်န့ၣ်အသိး က့ၤအဲၣ်ကဒါက့ၤ နမါလၢ အဟးအဲၣ်ဘၢနၤ လၢပှၤပိာ်ခွါအဂၤအဲၣ်အီၤ တဂၤန့ၣ်တက့ၢ်.”+

၂ အဃိ ယပှ့ၤက့ၤအီၤလၢ စ့ညၣ်​ ၁၅ ဘ့ၣ်​ ဒီးဘုမုယီၤ တဃိမ့ၢ်* ဒီးတဝာ်လီၤ. ၃ ဒီးယတဲအီၤလၢ “နကဘၣ်ကဲယတၢ် အါနံၤအါသီဒံးလီၤ. နတဘၣ်​ ဆါလီၤအီၣ်နသးဘၣ်.* ဒီးနတဘၣ်မံဃုာ်ဒီး ပှၤပိာ်ခွါအဂၤတဂၤဘၣ်. ဒီးယၤစ့ၢ်ကီး ယတမံဃုာ်ဒီးနၤဘၣ်.”

၄ တၢ်ကမၤအသးဒ်န့ၣ်​ မ့ၢ်လၢ ခါဆူညါန့ၣ်​ ပှၤအံၣ်စရ့လးဖိတဖၣ်​ တအိၣ်ဒီး အစီၤပၤ,+ အပဒိၣ်ဖးဒိၣ်, တၢ်လုၢ်တၢ်ပာ်, လၢၢ်ထူၣ်စီဆှံ, အ့ဖိး+ ဒီးတရၤဖး*+ တၢ်ဂီၤတၢ်ဖှီၣ်တဖၣ်လၢၤဘၣ်​ န့ၣ်ကအိၣ်​ ဖးယံာ်ညါလီၤ. ၅ ဒီးလၢခံ ပှၤအံၣ်စရ့လးဖိတဖၣ်​ ကဟဲက့ၤကဒါက့ၤ ဒီးဃုက့ၤအဝဲသ့ၣ်​ အကစၢ် ယဟိဝၤယွၤ+ ဒီးအဝဲသ့ၣ်​ အစီၤပၤဒၤဝံးလီၤ.+ ဒီးဖဲမုၢ်နံၤလၢခံတဖၣ်​ အတီၢ်ပူၤ အဝဲသ့ၣ်​ ကဟဲက့ၤကဒါက့ၤ လၢယဟိဝၤယွၤအအိၣ်​ လၢတၢ်ကနိးကစုာ်အပူၤ ဒ်သိးကဃုက့ၤ အတၢ်ဆိၣ်ဂ့ၤအဂီၢ်လီၤ.+

၄ ပှၤအံၣ်စရ့လးဖိသ့ၣ်ဧၢ, ကနၣ်တၢ်လၢ ယဟိဝၤယွၤ ကတဲဝဲတက့ၢ်.

ဒီးတၢ်လူလီၤဂၢ်လီၤတၢ်သွံၣ်​ ဟဲအိၣ်ထီၣ်​ တဘျီဝံၤတဘျီလီၤ.+

ဒီးယကမၤဟးဂီၤကွံာ် သုမိၢ်လီၤ.

 ၆ ယပှၤဂီၢ်မုၢ်တဖၣ်န့ၣ်​ ကလီၤမၢ်ကွံာ် မ့ၢ်လၢအဝဲသ့ၣ်​ အတၢ်သ့ၣ်ညါ နၢ်ပၢၢ်တအိၣ်ဘၣ်အဃိလီၤ.

 ၇ အဝဲသ့ၣ်* ဒံးအါထီၣ်န့ၣ်​ အဝဲသ့ၣ်​ မၤကမၣ်ယၤ ဒံးအါထီၣ်​ စ့ၢ်ကီးလီၤ.+

ယကဆီတလဲ အဝဲသ့ၣ်အလၤကပီၤဆူ တၢ်မဲာ်ဆှးလီၤ.*

 ၈ ဖဲယပှၤဂီၢ်မုၢ်တဖၣ်​ မၤတၢ်ဒဲးဘးအခါ အဝဲသ့ၣ်​ အီၣ်ဘၣ် တၢ်ညၣ်လီၤ.

အဝဲသ့ၣ်​ အဲၣ်ဒိးလၢ ပှၤဂီၢ်မုၢ်တဖၣ်​ ကမၤတၢ်ကမၣ်အါထီၣ် အါထီၣ်လီၤ.

 ၉ ပှၤဂီၢ်မုၢ် ဒီးပှၤလုၢ်တၢ်ဒိၣ်တဖၣ်န့ၣ်​ တၢ်ကကဲထီၣ်အသးဒီး အဝဲသ့ၣ်​ ဒ်သိးသိးလီၤ.

ယကဟံးန့ၢ် အရ့လၢ အဝဲသ့ၣ်အတၢ်မၤတဖၣ်အဃိ သပှၢ်ကတၢၢ်လီၤ.

ယကသိၣ်ဃီၣ်​ အဝဲသ့ၣ်လၢ တၢ်လၢအမၤဝဲတဖၣ်​ အဃိလီၤ.+

၁၀ အဝဲသ့ၣ်​ ကအီၣ်တၢ် ဘၣ်ဆၣ်​ အီၣ်ဝဲတဘျဲဘၣ်.+

၁၄ ယတသိၣ်ဃီၣ်​ သုဖိမုၣ်တဖၣ်လၢ အဆါလီၤအီၣ်သး* အဃိဘၣ်.

ဒီးပှၤလၢအတၢ်သ့ၣ်ညါနၢ်ပၢၢ် တအိၣ်ဘၣ်+ ဒ်န့ၣ်တဖၣ်န့ၣ်​ ကတုၤလၢ တၢ်ဟးဂီၤလီၤ.

၁၆ အံၣ်စရ့လး အခိၣ်ကိၤ ဒ်သိးဒီး ကျီၢ်လၢအခိၣ်ကိၤတဒုလီၤ.+

အဃိ ခဲအံၤန့ၣ်​ မ့ၢ်ယဟိဝၤယွၤ ကကွၢ်ထွဲအဝဲသ့ၣ်​ ဒ်သိဖါတဒုလၢ အအိၣ်လၢ တၢ်အီၣ်ဆၣ်အလီၢ် လၢတၢ်ပျီပူၤန့ၣ်ဧါ.

ဒီးအပှၤခိၣ်ပှၤနၢ်တဖၣ်န့ၣ်မၤဝဲ တၢ်လၢ အလီၤမဲာ်ဆှးတဖၣ်​ မုာ်ဒိၣ်မးလီၤ.+

၅ “ပှၤလုၢ်တၢ်ဒိၣ်သ့ၣ်ဧၢ,+ ကနၣ်လၢအံၤ.

အိ အံၣ်စရ့လးအပှၤဂီၢ်မုၢ်ဧၢ, ကနၣ်မ့ၢ်ထံ.

ပှၤလၢအအိၣ်လၢနီ* ပူၤသ့ၣ်ဧၢ, ကနၣ်တက့ၢ်.

 ၂ ပှၤလၢအထီဒါတၢ်တဖၣ်န့ၣ်​ မၤသံတၢ် သပှၢ်တၢၢ်လီၤ.

ဒီးယဟ့ၣ်ပလီၢ်* အဝဲသ့ၣ်​ ကိးဂၤဒဲးလံ.

 ၃ ယသ့ၣ်ညါ အ့ဖရဲၣ်လီၤ.*

ဒီးအံၣ်စရ့လးန့ၣ်​ အိၣ်ခူသူၣ်ယၤ တဘၢဘၣ်.

အ့ဖရဲၣ်ဧၢ, နဆါလီၤအီၣ်နသးလံ.*

ဒီးအံၣ်စရ့လး မၤဘၣ်အၢလီၤ အသးလီၤ.+

ခီဖျိတၢ်လၢ အဝဲသ့ၣ်​ မၤဝဲတဖၣ်အဃိ အဝဲသ့ၣ်​ ဟဲက့ၤလၢ အကစၢ်ယွၤအအိၣ်​ တန့ၢ်ဘၣ်.

 ၅ ဒီးအံၣ်စရ့လး အတၢ်ပာ်ထီၣ်ထီအသးန့ၣ်​ ပာ်ဖျါထီၣ်ဝဲလၢ အတၢ်ကမၣ်အိၣ်လီၤ.+

အံၣ်စရ့လး ဒီးအ့ဖရဲၣ်န့ၣ်​ လီၤဃံၢ်ဝဲလၢ အဝဲသ့ၣ်​ အနီၢ်ကစၢ် အတၢ်ကမၣ်​ အဃိလံ.

ဒီးယူဒၤစ့ၢ်ကီး လီၤဃံၢ်ဃုာ်ဒီး အဝဲသ့ၣ်လံ.+

ကစၢ်ယွၤ ဟးထီၣ်ကွံာ်လၢ အဝဲသ့ၣ်အအိၣ်လံ.+

အဃိလၢတလါ အတီၢ်ပူၤန့ၣ်​ တၢ်ကမၤဟးဂီၤကွံာ် အဝဲသ့ၣ်* ဃုာ်ဒီး အဝဲသ့ၣ်​ အတၢ်စုလီၢ် ခီၣ်ခိၣ်တဖၣ်လီၤ.

 ၈ အူထီၣ်ကွဲၤလၢ+ ဝ့ၢ်ကံဘဧၤအပူၤ ဒီးအူထီၣ်ကွဲၤလၢ ဝ့ၢ်ရၤမါ အပူၤသၢၤ.+

လၢဝ့ၢ်ဘ့ၤသအၤဝ့ၣ်​ အပူၤန့ၣ်​ ကိးပသူထီၣ်​ လၢတၢ်ဒုးအတၢ်ကိးပသူထီၣ်+ ဒီးတဲလၢ ဘံၣ်ယၤမံၣ်ဧၢ, လဲၤလၢညါသၢၤ.

 ၉ အိ အ့ဖရဲၣ်ဧၢ, ဖဲတၢ်သိၣ်ဃီၣ်​ အနံၤန့ၣ်​ သုကကဲထီၣ်​ တၢ်လီၤပျံၤလီၤဖုးလၢ ပှၤဂၤအဂီၢ်လီၤ.+

တၢ်လၢ အကကဲထီၣ်အသးဒီး အံၣ်စရ့လး အဒူၣ်တဖၣ်န့ၣ်​ ယဘိးဘၣ်သ့ၣ်ညါပာ်စၢၤ ဝံၤလံ.

၁၀ ယူဒၤအပဒိၣ်တဖၣ်န့ၣ်​ လီၤဂာ်ဒ် ပှၤလၢအသုးအံၣ်လီၤ ပှၤဂၤ အဟီၣ်ခိၣ်​ အဆၢလီၤ.+

ယကလူလီၤ ယတၢ်သးဒိၣ်​ လၢအဝဲသ့ၣ်အလိၤ ဒ်သိးဒီးထံလီၤ.

၁၂ ဒ်တၢ်ဃၢ်တဘ့ၣ်​ မၤဟးဂီၤတၢ်အသိး ယကမၤ အ့ဖရဲၣ်​ ဒ်န့ၣ်လီၤ.

ယကမၤဒ်သိး ယူဒၤအပှၤဂီၢ်မုၢ် ကအုၣ်ဝဲကျၣ်ဝဲအဂီၢ်လီၤ.

၁၄ ဒ်ခ့ယုၢ်ဖိ မၤဝဲအသိး ယကမၤ အ့ဖရဲၣ်ဒ်န့ၣ်လီၤ.

ဒ်ခ့ယုၢ်ဖါတံၢ် မၤဝဲအသိး ယကမၤ ယူဒၤအပှၤဂီၢ်မုၢ် ဒ်န့ၣ်လီၤ.

ယကအ့ၣ်ဖှီလီၤကွံာ် အဝဲသ့ၣ်​ တက့ဘၣ်တက့ ဒီးဟးထီၣ်ကွံာ်လီၤ.+

ယကအ့ၣ်စိာ်ကွံာ် အဝဲသ့ၣ်​ ဒီးပှၤလၢ အကမၤပူၤဖျဲး အဝဲသ့ၣ်န့ၣ်​ တအိၣ်နီတဂၤဘၣ်.+

၁၅ ယကဟးထီၣ်ကွံာ် ဒီးယကက့ၤအိၣ်လၢ ယတၢ်လီၢ်တၢ်ကျဲ တုၤလၢ အဝဲသ့ၣ်​ တူၢ်ဘၣ်တၢ်လၢ အတၢ်ဒဲးဘးအဃိ ဝံၤဝဲတစုလီၤ.

ဒီးဖဲန့ၣ်အခါ အဝဲသ့ၣ်​ ကဃုက့ၤ ယတၢ်ဘၣ်သးလီၤ.+

ဖဲအဝဲသ့ၣ်​ ဘၣ်ကိၢ်ဘၣ်ဂီၤအခါ အဝဲသ့ၣ်​ ကဃုယၤလီၤ.”+

၆ “ဟဲမီၤ, မ်ပဟဲက့ၤကဒါက့ၤလၢ ယဟိဝၤယွၤအအိၣ်တက့ၢ်.

အဝဲအ့ၣ်ဖှီပှၤ တက့ဘၣ်တက့+ ဘၣ်ဆၣ်​ အဝဲကမၤဘျါက့ၤပှၤလီၤ.

အဝဲတီၢ်ပှၤဘၣ်ဆၣ်​ အဝဲကဘိၣ်ထီၣ်​ ပတၢ်ပူၤလီၢ်လီၤ.

 ၃ ပကသ့ၣ်ညါ ယဟိဝၤယွၤ တကးဒံးဘၣ်​ ပကဂုာ်ကျဲးစၢး ဃုသ့ၣ်ညါအါထီၣ်အဂ့ၢ် သပှၢ်တၢၢ်လီၤ.

ဒ်မုၢ်ကဟဲထီၣ်လၢ ဂီၤခီသပှၢ်ကတၢၢ်အသိး အဝဲကဟဲလၢပအိၣ်​ သပှၢ်တၢၢ်လီၤ.

 ၄ “အ့ဖရဲၣ်ဧၢ,* ယကဘၣ်မၤနၤ ဒ်လဲၣ်.

ယူဒၤဧၢ, ယကဘၣ်မၤနၤဒ်လဲၣ်.

ဒီးတၢ်စံၣ်ညီၣ်လၢ အလီၤဘၣ်သုန့ၣ် ကကပီၤဝဲဒ်သိးဒီး တၢ်ကပီၤလီၤ.+

 ၆ ယဘၣ်သူၣ်ဘၣ်သး တၢ်အဲၣ်လၢအတီ ဒီးတမ့ၢ် တၢ်လုၢ်တၢ်ပာ်ဘၣ်.

ယဘၣ်သူၣ်ဘၣ်သးလၢ ပှၤကအိၣ်ဒီး တၢ်သ့ၣ်ညါယွၤ ဒီးယတဘၣ်သူၣ်ဘၣ်သး တၢ်လုၢ်ဒွဲၣ်အူ တဖၣ်ဘၣ်.+

 ၇ ဘၣ်ဆၣ်​ ယပှၤဂီၢ်မုၢ် မၤဟးဂီၤ တၢ်အၢၣ်လီၤအီလီၤ ဒ်ပှၤဟီၣ်ခိၣ်ဖိ မၤဝဲအသိးလီၤ.+

ဒီးအဝဲသ့ၣ်​ မၤဟးဂီၤအတၢ်သးတီဒီးယၤ ဖဲတၢ်လီၢ်တဖၣ်အံၤလီၤ.

 ၉ ပှၤလုၢ်တၢ်ဒိၣ်တဖၣ်​ မၤတၢ်ဒ်သိးဒီး တမျာ်တဒူၣ်လၢ အအိၣ်ခိးခူသူၣ်​ ပှၤတဂၤဂၤလီၤ.

၁၀ ယထံၣ်ဘၣ်​ တၢ်အၢတၢ်သီဖးဒိၣ်တခါ လၢအံၣ်စရ့လးအပှၤဂီၢ်မုၢ်အကျါလီၤ.

၁၁ ယူဒၤဧၢ, ယပာ်ပနီၣ်​ တၢ်ဆၢကတီၢ်လၢသုဂီၢ်လံ. သုကဘၣ်တၢ်ပာ်ဖှိၣ်က့ၤသုဒ် ပှၤပာ်ဖှိၣ်တၢ်ဖဲ ပှၤကူးတၢ်အဆၢကတီၢ် အခါ အသိးလီၤ.

ယကကိးဖှိၣ်က့ၤ ယပှၤဂီၢ်မုၢ်လၢ အဘၣ်တၢ်က့ၤဖီၣ်တ့ၢ်အီၤတဖၣ်လီၤ.”+

 ၂ ဘၣ်ဆၣ်​ ယကတိၢ်နီၣ်​ အဝဲသ့ၣ်​ အတၢ်အၢတၢ်သီခဲလၢာ်န့ၣ်​ အဝဲသ့ၣ်တဆိကမိၣ်ဝဲဘၣ်.+

 ၄ အဝဲသ့ၣ်​ ခဲလၢာ်န့ၣ်​ မ့ၢ်ဝဲ ပှၤအဲၣ်ဘၢမါအဲၣ်ဘၢဝၤလီၤ.

စီၤပၤ ဒီတံၤဒီသကိးဒီး ပှၤဒုၣ်ဒွဲၣ်စံးအၢတၢ်တဖၣ်လီၤ.

 ၆ မ့ၣ်အူအီၣ်တၢ်လၢ အဝဲသ့ၣ်အသးပူၤ လီၤဂာ်ဒ် ဖၣ်ကပူၤ အသိးလီၤ.

 ၈ အ့ဖရဲၣ်န့ၣ်​ ကျဲၣ်ကျီလိာ်အသးဒီး ပှၤကလုာ်တဖၣ်လီၤ.+

အ့ဖရဲၣ်န့ၣ်​ လီၤဂာ်ဒီး ကိၣ်ကရံၣ်ဒံၣ်တဘ့ၣ်လၢ တၢ်ဃိအီၤထဲ တကပၤလီၤ.

 ၉ ပှၤထံဂၤကီၢ်ဂၤဖိတဖၣ်​ မၤဟးဂီၤကွံာ် အဂံၢ်အဘါ+ ဘၣ်ဆၣ်​ အတသ့ၣ်ညါဝဲဘၣ်.

ဒီးအခိၣ်ဆူၣ်တဖၣ်​ ဝါထီၣ်လၢာ်လံ ဘၣ်ဆၣ်​ အတသ့ၣ်ညါလီၤ အသးဘၣ်.

၁၀ ဒီးအံၣ်စရ့လး အတၢ်ပာ်ထီၣ်ထီအသးန့ၣ်​ ပာ်ဖျါထီၣ်ဝဲလၢ အတၢ်ကမၣ်အိၣ်လီၤ.+

ဘၣ်ဆၣ်​ အဝဲသ့ၣ်​ တဟဲက့ၤကဒါက့ၤလၢ အကစၢ် ယဟိဝၤယွၤ အအိၣ်ဘၣ်.+

တၢ်သ့ၣ်တဖၣ်အံၤခဲလၢာ် ကဲထီၣ်အသး ဒီးအဝဲသ့ၣ်​ ဘၣ်ဆၣ်​ အဝဲသ့ၣ်​ တဃုအီၤ ဒ်သိးကန့ၢ်ဘၣ်​ တၢ်မၤစၢၤအဂီၢ်ဘၣ်.

၁၁ အ့ဖရဲၣ်​ မၤသးဒ် ထိၣ်လွံၢ်တဘ့ၣ်လၢ အသးတဆးဘၣ်​ ဒီးအတၢ်နၢ်ပၢၢ် တအိၣ်ဘၣ်အသိးလီၤ.+

အဝဲသ့ၣ်​ ဃ့ထီၣ်တၢ်မၤစၢၤလၢ ကီၢ်အဲၤကူပတူးအအိၣ်+ ဒီးအဝဲသ့ၣ်​ လဲၤလၢ ကီၢ်အၤၡူၢ်လီၤ.+

၁၂ အဝဲသ့ၣ်​ မ့ၢ်လဲၤလၢ တၢ်လီၢ်တပူၤဂ့ၤတပူၤဂ့ၤ ဘၣ်ဆၣ်​ ယကကွံာ်လီၤ ပှာ်ဧိၤစၤဧိၤ လၢအဝဲသ့ၣ်အဖီခိၣ်

ဒီးယကဖီၣ်န့ၢ်အဝဲသ့ၣ်​ ဒ်ပှၤဖီၣ်န့ၢ်ထိၣ်လၢ မူခိၣ်အသိးလီၤ.

ယကသိၣ်က့ၤသီက့ၤ အဝဲသ့ၣ်ဒ် ယဟ့ၣ်ပလီၢ် အဝဲသ့ၣ်​ အတၢ်အိၣ်ဖှိၣ်​ အသိးလီၤ.+

၁၃ အဝဲသ့ၣ်​ ဃ့ၢ်ထီၣ်ကွံာ်လၢ ယအိၣ်အဃိ ကလီၤသးအုးလၢ အဝဲသ့ၣ်အဂီၢ်ထဲလဲၣ်.

အဝဲသ့ၣ်​ မၤကမၣ်ယၤအဃိ အဝဲသ့ၣ်​ ကတုၤလၢ တၢ်ဟးဂီၤလီၤ.

ယကဲပှၤလၢ အပှ့ၤက့ၤအဝဲသ့ၣ်​ ဘၣ်ဆၣ်​ အဝဲသ့ၣ်​ တဲလံၣ်တဲလီ ယဂ့ၢ်လီၤ.+

ဒ်သိးကန့ၢ်ဘၣ်​ ဘုဒီးစပံးထံအသီအဂီၢ် အဝဲသ့ၣ်​ ကူးလီၤ အနီၢ်ကစၢ်အသးလီၤ.

အဝဲသ့ၣ်​ ထီဒါက့ၤယၤလီၤ.

၁၆ အဝဲသ့ၣ်​ ဆီတလဲအသးဘၣ်ဆၣ်​ အဝဲသ့ၣ်​ တဟဲက့ၤလၢ တၢ်လၢ အအိၣ်ထီၣ်ထီ* အအိၣ်ဘၣ်.

အဝဲသ့ၣ်​ လီၤဂာ်ဒ် ချံၣ်လၢ အပျံၤတဖ့ၣ်ဆၢဘၣ်​ အဃိ ယနာ်န့ၢ်အဝဲသ့ၣ်​ တသ့ဘၣ်.+

အဝဲသ့ၣ်​ အပဒိၣ်တဖၣ်​ ကလီၤဃံၢ်လၢနး ခီဖျိလၢ အဝဲသ့ၣ်​ အပျ့ၤလၢ အထီဒါတၢ်အဃိလီၤ.

ဒီးအဝဲသ့ၣ်​ ကကဲထီၣ်​ တၢ်ဒုၣ်ဒွဲၣ်အလီၢ်လၢ ကီၢ်အဲၤကူပတူး အပူၤလီၤ.”+

၈ “ပာ်ကွဲၤလၢ နထးခိၣ်​ ဒ်သိးနက အူအီၤ အဂီၢ်တက့ၢ်.+

 ၂ ယပှၤဂီၢ်မုၢ် ကိးထီၣ်လၢ ယအိၣ်လၢ ‘ပကစၢ်ယွၤဧၢ, ပဝဲအံၣ်စရ့လး အပှၤဂီၢ်မုၢ်န့ၣ်​ ပသ့ၣ်ညါနၤလီၤ.’+

 ၄ အဝဲသ့ၣ်​ ပာ်ထီၣ်​ စီၤပၤတဖၣ်​ ဘၣ်ဆၣ်​ အတဟဲ ခီဖျိလၢယၤဘၣ်.

အဝဲသ့ၣ်​ ပာ်ထီၣ်​ ပဒိၣ်ဖးဒိၣ်တဖၣ်​ ဘၣ်ဆၣ်​ ယတတူၢ်လိာ်ဘၣ်.

 ၅ အိ ၡၤမရံဧၢ,+ ကျီၢ်ဖိအဂီၤလၢ သုဘူၣ်ထီၣ်ဘါထီၣ်အီၤန့ၣ်​ ယတတူၢ်လိာ်ဘၣ်.

ယသးဒိၣ်ထီၣ်သု ဒိၣ်မးလီၤ.+

သုကမၤကဆှီထီၣ်က့ၤသုသး ဆံးယံာ်လဲၣ်.

 ၆ ကျီၢ်ဖိအဂီၤ တဒုအံၤ ဟဲလၢ အံၣ်စရ့လးအအိၣ်လီၤ.

ဒီးပှၤစုသ့ဖိ တ့ထီၣ်အီၤ ဒီးအတမ့ၢ် ကစၢ်ယွၤဘၣ်.

ၡၤမရံ အကျီၢ်ဖိအဂီၤတဒုအံၤန့ၣ်​ ကဘၣ်တၢ်မၤ လီၤကလဲကွံာ်အီၤလီၤ.

ဘုအထူၣ်တဖၣ်​ တသၣ်ထီၣ်​ အသၣ်တုၤလၢ အမံဘီဘၣ်.+

တၢ်လၢအဟဲမဲထီၣ်ဝဲ တမံၤဂ့ၤတမံၤဂ့ၤန့ၣ်​ တဒုးကဲထီၣ်​ ကိၣ်ကမူၣ်ဘၣ်.

အမ့ၢ်ဒုးကဲထီၣ်​ ကိၣ်ကမူၣ်​ သနာ်က့ ပှၤထံဂၤကီၢ်ဂၤဖိတဖၣ်​ ကအီၣ်လၢာ်ကွံာ်အီၤလီၤ.+

 ၈ တၢ်ကယူၢ်လီၤကွံာ် အံၣ်စရ့လးလီၤ.+

 ၉ အဝဲသ့ၣ်လဲၤလၢ ကီၢ်အၤၡူၢ်+ ဒ်သိးဒီး ကသ့ၣ်ယီၤတဒုလၢ အလဲၤတၢ်ဖဲအသးလီၤ.

အ့ဖရဲၣ်* လဲၤဝဲလၢပိာ်မုၣ်​ ဆါလီၤအီၣ်သးတဖၣ်အအိၣ်လီၤ.+

တယံာ်ဘၣ်န့ၣ်​ အဝဲသ့ၣ်​ ကတူၢ်ဘၣ်တၢ်+ ခီဖျိလၢ တၢ်ဝံတၢ်ယိးလၢ စီၤပၤဒီး ပဒိၣ်ဖးဒိၣ်တဖၣ်​ ပာ်ထီၣ်ဝဲလၢ အဝဲသ့ၣ်အလိၤ အဃိလီၤ.

၁၁ အ့ဖရဲၣ်​ တ့အါထီၣ်​ တၢ်လုၢ်လီၢ်တဖၣ်လၢ ကမၤတၢ်ဒဲးဘး အဂီၢ်လီၤ.+

ဒီးအဝဲသ့ၣ်သူဝဲ အတၢ်လုၢ်လီၢ်တဖၣ်အံၤ လၢကမၤတၢ်ဒဲးဘးအဂီၢ်လီၤ.+

၁၃ အဝဲသ့ၣ်​ လုၢ်ထီၣ်တၢ်လုၢ်တဖၣ်​ လၢယအိၣ်​ ဒီးအဝဲသ့ၣ်​ အီၣ်တၢ်ညၣ်လီၤ.

အဝဲသ့ၣ်​ ဆဲးအီၣ်ဝဲတၢ်လၢ ယၤ, ယဟိဝၤယွၤ တဘၣ်သူၣ်ဘၣ်သး နီတစဲးဘၣ်.+

ယကသ့ၣ်နီၣ်ထီၣ်​ အဝဲသ့ၣ်​ အတၢ်ကမၣ်​ ဒီးစံၣ်ညီၣ်အဝဲသ့ၣ်​ လၢအတၢ်ဒဲးဘးအဃိလီၤ.+

ဒီးအဝဲသ့ၣ်​ ဃၣ်ကဒါက့ၤ အသးလၢ ကီၢ်အဲၤကူပတူးအအိၣ်လီၤ.+

၁၄ အံၣ်စရ့လးန့ၣ်​ သးပ့ၤနီၣ်​ ပှၤလၢအတ့လီၤအီၤ+ ဒီးတ့ထီၣ်ဝဲ တၢ်လုၢ်ဟံၣ်တဖၣ်လီၤ.+

ဒီးမ့မ့ၢ် ယူဒၤန့ၣ်​ တ့အါထီၣ်ဝဲ ဝ့ၢ်တဖၣ်လၢ အအိၣ်ဒီး အဒူၣ်လၢ အကျၢၤလီၤ.+

၉ “အိ အံၣ်စရ့လးဧၢ, သူၣ်ဖှံသးညီတဂ့ၤ.+

သူၣ်ဖှံသးညီ ဒ်သိးဒီး ပှၤကလုာ်ဂၤတဖၣ်​ အသိးတဂ့ၤ.

သုဃၣ်ကွံာ်သုသးလၢ သုကစၢ်ယွၤအအိၣ်​ ခီဖျိ သုဆါလီၤအီၣ်သုသး* အဃိလီၤ.+

တၢ်ဆါလီၤအီၣ်သး အဘူးအလဲလၢ သုန့ၢ်ဘၣ်အီၤလၢ ကြဲၢ်ကိးဘ့ၣ်ဒဲး အပူၤန့ၣ်​ သုဘၣ်သူၣ်ဘၣ်သးအီၤဒိၣ်မး.+

 ၂ ဘၣ်ဆၣ်​ ကြဲၢ်ဒီးစပံးထံအကျီးန့ၣ်​ တဒုးအီၣ်ဒုးအီသုလၢၤဘၣ်.

ဒီးစပံးထံအသီ တအိၣ်ဒီးသု လၢၤဘၣ်.+

 ၃ သုတဆဲးအိၣ်လၢ ယဟိဝၤယွၤ အကီၢ်ပူၤလၢၤဘၣ်.+

 ၄ ဒီးအဝဲသ့ၣ်​ တလူလီၤ စပံးထံလၢ တၢ်လုၢ်ထီၣ်တၢ်လၢ ယဟိဝၤယွၤ အအိၣ်လၢၤဘၣ်.+

အဝဲသ့ၣ်​ အတၢ်လုၢ်တဖၣ်န့ၣ်​ တဘၣ်​ ကစၢ်ယွၤ အသးလၢၤဘၣ်.+

တၢ်လုၢ်တဖၣ်န့ၣ်​ လီၤဂာ်ဒ်သိးဒီး တၢ်သးအုးအကိၣ်လီၤ.

 ၆ အဝဲသ့ၣ်​ ကဘၣ်ဃ့ၢ်ကွံာ် ခီဖျိလၢ တၢ်မၤဟးဂီၤအဃိလီၤ.+

အဲၤကူပတူး ကပာ်ဖှိၣ်ထီၣ်အဝဲသ့ၣ်+ ဒီးကခူၣ်လီၤကွံာ် အဝဲသ့ၣ်​ ဖဲတၢ်လီၢ်လၢအမ့ၢ် မဲဖ့းန့ၣ်လီၤ.+

လးဆါအထူၣ်​ ကမဲထီၣ်ဒီး ကဒိၣ်ဘၢကွံာ် အဝဲသ့ၣ်​ အတၢ်ဖိတၢ်လံၤလၢ အမ့ၢ် စ့ညၣ်လၢ အလုၢ်ဒိၣ်ပှ့ၤဒိၣ်တဖၣ်လီၤ.

သပှီာ်တၤဆှုၣ်​ ကမဲထီၣ်လၢ အဝဲသ့ၣ်​ အဒဲတဖၣ်အပူၤလီၤ.

မ်အံၣ်စရ့လး သ့ၣ်ညါ တၢ်ဂ့ၢ်တခါအံၤတက့ၢ်.

မ့ၢ်လၢ သုတၢ်ကမၣ်တဖၣ်​ အိၣ်အါဝဲအဃိ တၢ်သးဒိၣ်လၢ သုဖီခိၣ်​ အိၣ်အါဝဲလီၤ.

ဒီးဖဲန့ၣ်အခါ သုဝံတဖၣ်န့ၣ်​ ကဖျါဒ်သိးဒီး ပှၤနါစိၤ ဒီးပှၤလၢ အတဲလီၤအသးလၢ အတဲတၢ်လၢ ကစၢ်ယွၤအခၢၣ်စးန့ၣ်​ ကဖျါဒ်သိးဒီး ပှၤပျုၢ်လီၤ.”

 ၈ လၢညါန့ၣ်​ အ့ဖရဲၣ်​ အပှၤခိးကွၢ်တၢ်ဖိတဖၣ်+ တီဒီးကစၢ်ယွၤလီၤ.+

ဘၣ်ဆၣ်​ ခဲအံၤ တၢ်လၢဝံတဖၣ်​ မၤဝဲခဲလၢာ်န့ၣ်+ လီၤဂာ်ဒ်သိးဒီး ပှၤဖီၣ်ထိၣ်ဖိ အပျံၤသကွီၤတဖၣ်လီၤ.

တၢ်သးဟ့ အိၣ်ထီၣ်ဝဲလၢ ကစၢ်ယွၤ အဟံၣ်ပူၤလီၤ.

 ၉ ဒ်ပှၤလၢအအိၣ်လၢ ဝ့ၢ်ကံဘဧၤ အပူၤ မၤတ့ၢ်ဝဲအသိး အံၣ်စရ့လးအပှၤဂီၢ်မုၢ် မၤတၢ်အၢတၢ်သီ အါမးလီၤ.+

ကစၢ်ယွၤ ကသ့ၣ်နီၣ်​ အဝဲသ့ၣ်​ အတၢ်ကမၣ်​ ဒီးကစံၣ်ညီၣ်​ အဝဲသ့ၣ်​ လၢအတၢ်ဒဲးဘး အဃိလီၤ.+

၁၀ ကစၢ်ယွၤတဲဝဲလၢ “လၢညါန့ၣ်​ ယထံၣ်န့ၢ် အံၣ်စရ့လး ဒ်စပံးသၣ်တဖၣ်လၢ ပှၢ်မုၢ်ကနၢ အသိးလီၤ.+

ဒီးယထံၣ်​ သုမိၢ်ပၢ်ဖံဖု လၢပျၢၤတဖၣ်​ ဒ်ချၢဒၢအသၣ်လၢ အသၣ်ထီၣ်​ အဆိကတၢၢ်လီၤ.

ဘၣ်ဆၣ်​ အဝဲသ့ၣ်​ လဲၤလၢ ဘဧၤလးပဧိၢ် အအိၣ်လီၤ.+

၁၁ အ့ဖရဲၣ်​ အလၤကပီၤ ကယူၤကွံာ် ဒ်သိးဒီး ထိၣ်တဘ့ၣ်လီၤ.

ပှၤပိာ်မုၣ်တဖၣ်​ တဒၢထီၣ်​ ဒီးတအိၣ်ဖျဲၣ်ထီၣ်အဖိ နီတဂၤဘၣ်.+

နီၢ်ကီၢ်န့ၣ်​ ဖဲယပာ်တ့ၢ်ကွံာ် အဝဲသ့ၣ်အခါ ကလီၤသးအုး လၢအဝဲသ့ၣ်​ အဂီၢ်ထဲလဲၣ်.+

၁၃ အ့ဖရဲၣ်​ လၢအဘၣ်တၢ်သူၣ်လီၤအီၤလၢ တၢ်အီၣ်ဆၣ်အလီၢ်န့ၣ်​ လီၤဂာ်ဘၣ်ယၤ ဒ်သိးဒီး ဝ့ၢ်စိၢ်လီၤ.+

ဘၣ်ဆၣ်​ ခဲအံၤန့ၣ်​ အ့ဖရဲၣ်​ ကဘၣ်လဲၤဆှၢအဖိခွါတဖၣ်​ လၢတၢ်ကမၤသံအီၤ အဂီၢ်လီၤ.”

၁၄ အိ ယဟိဝၤယွၤဧၢ, ဟ့ၣ်အဝဲသ့ၣ်​ တၢ်လၢနကြၢးဟ့ၣ်​ အဝဲသ့ၣ်တက့ၢ်.

မ်အဝဲသ့ၣ်​ အဖိလီၤတဲာ် ဒီးအနုၢ်ထံ ဃ့ထီတက့ၢ်.

၁၅ “အဝဲသ့ၣ်​ မၤတၢ်အၢတၢ်သီခဲလၢာ်လၢ ဝ့ၢ်ကံးလကၤလးအပူၤလီၤ.+ လၢတၢ်ဂ့ၢ်အံၤအဃိ ယစးထီၣ် သးဟ့ အဝဲသ့ၣ်လီၤ.

မ့ၢ်လၢ အဝဲသ့ၣ်​ အတၢ်မၤလၢ အအၢအသီတဖၣ်အဃိ ယကနီဟးထီၣ်ကွံာ် အဝဲသ့ၣ်​ လၢယဟံၣ်လီၤ.+

ယတအဲၣ်အဝဲသ့ၣ်လၢၤဘၣ်.+

အဝဲသ့ၣ်​ အပဒိၣ်တဖၣ်န့ၣ်​ အခိၣ်ကိၤကိးဂၤဒဲးလီၤ.

အဝဲသ့ၣ်​ မ့ၢ်အိၣ်ဖျဲၣ်ထီၣ်အဖိ သနာ်က့ ယကမၤသံကွံာ် အဖိလၢ အဝဲသ့ၣ်​ ပာ်လုၢ်ပာ်ပှ့ၤဝဲ တဖၣ်အံၤလီၤ.”

ဒီးအဝဲသ့ၣ်​ ကလီၤမုၢ်ပြံပြါလၢ ပှၤကလုာ်တဖၣ်​ အကျါလီၤ.+

၁၀ “အံၣ်စရ့လးန့ၣ်​ လီၤဂာ်ဒ် စပံးမုၢ်လၢအတဂ့ၤဘၣ်​ လၢအသၣ်ထီၣ်တၤသၣ်လီၤ.+

အသၣ်ဒံးအါထီၣ်န့ၣ်​ အတ့ထီၣ်​ အတၢ်လုၢ်လီၢ် ဒံးအါထီၣ်လီၤ.+

ဒီးအထံအကီၢ် ဒံးဂ့ၤထီၣ်န့ၣ်​ အမၤဃံမၤလၤထီၣ်​ အလၢၢ်ထူၣ်တဖၣ်​ ဒံးအါထီၣ်လီၤ.+

ပှၤအိၣ်ဝဲတဂၤလၢ အကမၤလီၤပှီၢ် အဝဲသ့ၣ်​ အတၢ်လုၢ်လီၢ်တဖၣ်​ ဒီးကမၤဟးဂီၤ အလၢၢ်ထူၣ်စီဆှံ တဖၣ်လီၤ.

 ၃ ခဲအံၤ အဝဲသ့ၣ်ကတဲလၢ ‘မ့ၢ်လၢပတပျံၤ ယဟိဝၤယွၤဘၣ်​ အဃိ ပစီၤပၤ တအိၣ်လၢၤဘၣ်.+

ပစီၤပၤ မ့ၢ်အိၣ်သနာ်က့ အမၤန့ၢ်ပှၤ တၢ်မနုၤ ကသ့လဲၣ်.’

 ၄ အဝဲသ့ၣ်​ တဲတၢ်ကတိၤလၢ အခီပညီ တအိၣ်ဘၣ်, အၢၣ်လီၤတၢ် တတီတလိၤ+ ဒီးမၤတၢ်အၢၣ်လီၤအီလီၤ တဖၣ်လီၤ.

အဃိ အဝဲသ့ၣ်​ စံၣ်ညီၣ်တၢ်န့ၣ်​ လီၤဂာ်ဒ်သိးဒီး တၢ်မုၢ်တၢ်ဘိ တဖၣ်လၢ အအိၣ်ဒီး အစုၣ်အပျၢ်လၢ အမဲထီၣ်ဝဲလၢ စံာ်ပျီပူၤလီၤ.+

 ၅ ပှၤလၢအအိၣ်လၢ ၡၤမရံအပူၤန့ၣ်​ ကပျံၤတၢ်လၢ ဝ့ၢ်ဘ့ၤသအၤဝ့ၣ်​ အကျီၢ်ဖိအဂီၤ အဃိလီၤ.+

ဒီးယွၤလၢအကမၣ်​ အပှၤလုၢ်တၢ်ဒိၣ်တဖၣ်​ လၢအသူၣ်ဖှံသးညီလၢ ကျီၢ်ဖိအဂီၤအံၤ ဒီးအလၤကပီၤအဃိန့ၣ်​ ကသူၣ်အုးသးအုးဝဲလီၤ.

 ၆ တၢ်ဂီၤတၢ်ဖှီၣ်အဝဲအံၤန့ၣ်​ ပှၤကလဲၤစိာ်အီၤလၢ ကီၢ်အၤၡူၢ် အစီၤပၤဖးဒိၣ်အအိၣ်​ ဒ်တၢ်ဟ့ၣ်အသိးလီၤ.+

 ၇ ၡၤမရံဒီးအစီၤပၤန့ၣ်​ ကလီၤမၢ်ကွံာ် သပှၢ်ကတၢၢ်လီၤ.+

ဒီးအကလီၤဂာ်ဒီး သ့ၣ်ဒ့ဖိတဒ့ လၢအကၢ်ကွံာ် လၢအအိၣ်လၢ ထံဖီခိၣ်အသိးလီၤ.

 ၈ ဝ့ၢ်ဘ့ၤသအၤဝ့ၣ်​ အတၢ်လီၢ်ထီၣ်ထီ+ လၢအဒုးအိၣ်ထီၣ်​ အံၣ်စရ့လး အတၢ်ဒဲးဘးန့ၣ်+ ကဘၣ်​ တၢ်မၤဟးဂီၤကွံာ်အီၤလီၤ.+

တၤဆှုၣ်တၤမဲ ဒီးနီၣ်ဧိၤမံၤဧိၤန့ၣ်​ ကမဲထီၣ်လၢ အဝဲသ့ၣ်​ အတၢ်လုၢ်လီၢ်တဖၣ်​ အလိၤလီၤ.+

ပှၤဂီၢ်မုၢ်တဖၣ်​ ကတဲကစၢၢ်တဖၣ်လၢ ‘လီၤတဲာ်လၢပလိၤမီၤ.’

ဒီးကတဲဘၣ်​ တၢ်လူၢ်တဖၣ်လၢ ‘ကျၢၢ်ဘၢကွံာ်ပှၤမီၤ.’+

 ၉ အိ အံၣ်စရ့လးဧၢ, စးထီၣ်လၢ တၢ်ကဲထီၣ်အသးဖဲ ဝ့ၢ်ကံဘဧၤ လံၤလံၤန့ၣ်​ သုမၤတၢ်ဒဲးဘးလီၤ.+

ဒီးသုမၤအီၤ တုၤလၢခဲအံၤလီၤ.

ဖဲပှၤဒုး ပှၤတတီတလိၤ အဖိခွါတဖၣ်​ လၢဝ့ၢ်ကံဘဧၤအခါ ပှၤတမၤဟးဂီၤကွံာ် အဝဲသ့ၣ်ခဲလၢာ်ဘၣ်.

၁၀ ယကသိၣ်က့ၤသီက့ၤ အဝဲသ့ၣ်​ ဖဲယအဲၣ်ဒိးသိၣ်အခါလီၤ.

ဘၣ်ဆၣ်​ ခဲအံၤ ယကဒုးဒိးထီၣ်​ ပှၤတဂၤလၢ အ့ဖရဲၣ်​ အလိၤလီၤ.+

ယူဒၤန့ၣ်​ ကထဲၣ်တၢ်* ဒီးမ့မ့ၢ် ယၤကိာ်န့ၣ်​ ကမၤလီၤကလဲ ဟီၣ်ခိၣ်ကိၣ်လိၣ်​ လၢပှၤတဂၤန့ၣ်​ အဂီၢ်လီၤ.

ဖဲန့ၣ်အခါ မိၢ်တဖၣ်​ ဘၣ်တၢ်မၤသံ အဝဲသ့ၣ်​ ဆှုၣ်မဲာ်ကဲၤမဲာ် ဃုာ်ဒီး အဖိတဖၣ်လီၤ.

၁၅ အိ ဝ့ၢ်ဘ့ၤသ့လးဧၢ,+ တၢ်ကမၤအသးဒီးနၤဒ်န့ၣ်​ မ့ၢ်လၢ နတၢ်အၢတၢ်သီန့ၣ်​ အါတလၢအဃိလီၤ.

ဖဲမုၢ်ဝါထီၣ်န့ၣ်​ အံၣ်စရ့လးအစီၤပၤ ကလီၤမၢ်ကွံာ်ဝဲလီၤ.”+

 ၃ ယမ့ၢ်ပှၤလၢ အဒုးဟးလိထီၣ်အ့ဖရဲၣ်*+ ဒီးယစိာ်အီၤလၢ ယစုလီၤ.+

ဘၣ်ဆၣ်​ အဝဲသ့ၣ်​ တတူၢ်လိာ်ဝဲလၢ ယမၤဘျါ အဝဲသ့ၣ်ဘၣ်.

 ၄ ဒ်သိး ယကမူၤဃီၤ အဝဲသ့ၣ်​ လၢယအိၣ်အဂီၢ် ယသူတၢ်သူၣ်ဂ့ၤသးဝါ ဒီးတၢ်အဲၣ်တၢ်ကွံ ဒ်ပျံၤတဖၣ်လီၤ.*+

 ၇ ယပှၤဂီၢ်မုၢ်တဖၣ်​ တအဲၣ်ဒိး တီဒီးယၤဘၣ်.+

ပှၤကိးဟဲက့ၤ အဝဲသ့ၣ်ဆူ တၢ်လၢအအိၣ်ထီၣ်ထီအအိၣ်* ဘၣ်ဆၣ်​ အဝဲသ့ၣ်​ တဆၢထၢၣ်​ နီတဂၤဘၣ်.

 ၈ အိ, အ့ဖရဲၣ်ဧၢ, ယတူၢ်ၡူကွံာ်နၤ ကကဲဧါ.+

အိ, အံၣ်စရ့လးဧၢ, ယဟ့ၣ်လီၤကွံာ်နၤ ကကဲဧါ.

ယမၤနၤဒ်သိး ဝ့ၢ်အၤဒမၤ ကလီၤဧါ.

ယမၤနၤဒ်သိး ဝ့ၢ်စဘိအံၣ်​ ကလီၤဧါ.+

ယဆီတလဲ ယတၢ်ပာ်သူၣ်ပာ်သးလံ.

ဒီးတကတီၢ်ဃီန့ၣ်​ ယတၢ်သးကညီၤ ဟဲအိၣ်ထီၣ်လၢ နဖီခိၣ်လံ.+

 ၉ ယတပျၢ်ထီၣ်​ ယတၢ်သးထီၣ် လၢၤဘၣ်.

၁၀ အဝဲသ့ၣ်​ ကဘူၣ်ထီၣ်ဘါထီၣ်ကဒီး ယဟိဝၤယွၤ ဒီးကစၢ်ယွၤ ကကညီၤထီၣ်​ ဒ်သိးဒီး ခ့ယုၢ်လီၤ.+

ဖဲအကညီၤထီၣ်အခါ အဖိတဖၣ်လၢ အအိၣ်လၢ မုၢ်နုာ်တခီန့ၣ်​ ကဟဲဝဲလၢ တၢ်ကနိးကစုာ် အပူၤလီၤ.+

ဒီးယကဒုးအိၣ်​ အဝဲသ့ၣ်​ လၢအဝဲသ့ၣ်အဟံၣ်တဖၣ်​ အပူၤလီၤ.” ယဟိဝၤယွၤ တဲဝဲဒ်န့ၣ်လီၤ.+

၁၂ “အ့ဖရဲၣ်* မၤတၢ်အၢၣ်လီၤအီလီၤဒီး ကီၢ်အၤၡူၢ်+ ဒီးလဲၤဆှၢန့ၢ် ကီၢ်အဲၤကူပတူး လၢသိဧိၤ ချါဧိၤလီၤ.+

အဝဲသ့ၣ်​ မၤအါထီၣ်​ တၢ်လံၣ်တၢ်လီ ဒီးတၢ်မၤဆူၣ်မၤစိးလီၤ.

 ၄ အဝဲ ဆဲးကနိလိာ်အသးဒီး မူခိၣ်ကလူး ဒီးမၤနၢၤတၢ်လီၤ.

အဝဲဟီၣ်ဝဲ ဒီးဃ့ကညးဝဲ ဒ်သိးအကန့ၢ်ဘၣ်​ တၢ်ဆိၣ်ဂ့ၤလီၤ.”+

ကစၢ်ယွၤ ထံၣ်န့ၢ်အီၤလၢ ဝ့ၢ်ဘ့ၤသ့လး ဒီးတဲတၢ်ဒီးပှၤလီၤ.+

ဘၣ်ဆၣ်​ လၢတၢ်လၢယမၤအီၤ ခဲလၢာ်အကျါန့ၣ်​ အဝဲသ့ၣ်​ ဃုယတၢ်ကမၣ်​ ဒီးယတၢ်ဒဲးဘးတဘၣ်​ နီတမံၤဘၣ်.’

 ၉ စးထီၣ်လၢ သုအိၣ်လၢ ကီၢ်အဲၤကူပတူးအပူၤ လံၤလံၤန့ၣ်​ ယမ့ၢ် သုကစၢ် ယဟိဝၤယွၤလီၤ.+

၁၁ တၢ်လီတၢ်ဝ့ၤ* အိၣ်ဝဲလၢ ကံးလဧး အဟီၣ်ကဝီၤပူၤ+ ဒီးပှၤမၤတၢ် တတီတလိၤဘၣ်.

၁၄ အ့ဖရဲၣ်​ မၤဘၣ်ဒိဆါ ကစၢ်ယွၤ ဒိၣ်မးလီၤ.+

တၢ်သွံၣ်တပူၤဒီး အခိၣ်ဒံးဘၣ်.

လၢအ့ဖရဲၣ်အဃိ ကစၢ်ယွၤ ဘၣ်တၢ်ဒုၣ်ဒွဲၣ်အီၤလီၤ. အဃိ အကစၢ်ယွၤ ကဟ့ၣ်ကၣ်က့ၤအီၤလီၤ.”+

ဘၣ်ဆၣ်​ ခီဖျိလၢ အဘူၣ်ထီၣ်ဘါထီၣ်​ ဘဧၤလးအဃိ+ အတၢ်ကမၣ်​ အိၣ်ထီၣ်ဝဲ ဒီးအသံဝဲလီၤ.

တၢ်ဂီၤတၢ်ဖှီၣ်တဖၣ်​ လၢပှၤစုသ့ဖိ တ့ဝဲန့ၣ်​ အဝဲသ့ၣ်​ တ့ထီၣ်ဝဲ သ့သ့ဘၣ်ဘၣ်လီၤ.

ဒီးအဝဲသ့ၣ်​ တဲဝဲလၢ ‘မ်ပှၤပိာ်ခွါလၢ အလုၢ်ထီၣ်တၢ်တဖၣ်​ နၢမူကျီၢ်ဖိအဂီၤတဖၣ်​ တက့ၢ်.’+

 ၄ စးထီၣ်လၢ သုအိၣ်လၢ ကီၢ်အဲၤကူပတူးအပူၤ လံၤလံၤန့ၣ်​ ယမ့ၢ် သုကစၢ် ယဟိဝၤယွၤလီၤ.+

သုသ့ၣ်ညါလၢ ယွၤလၢအလီၤဂာ်ယၤန့ၣ်​ တအိၣ်နီတဂၤဘၣ်.

ဒီးမ့တမ့ၢ်ယၤဘၣ်န့ၣ်​ ပှၤလၢအမၤပူၤဖျဲးတၢ် တအိၣ်နီတဂၤဘၣ်.+

 ၅ ယကွၢ်ထွဲသုဖဲ တၢ်လီၢ်လၢ အဃ့ထီလၢ ပှၢ်မုၢ်ကနၢအပူၤလီၤ.+

 ၆ အဝဲသ့ၣ်​ အိၣ်ဒီးတၢ်အီၣ်​ လၢလၢ ပှဲၤပှဲၤအဃိ အဝဲသ့ၣ်​ အီၣ်ဘၣ်တၢ်အီၣ်​ ဘျဲဘျဲလီၤ.+

အဝဲသ့ၣ်​ အီၣ်ဘၣ်တၢ်ဘျဲဘျဲအဃိ အဝဲသ့ၣ်​ ပာ်ထီၣ်ထီအသးလီၤ.

ဒီးအဝဲသ့ၣ်​ သးပ့ၤနီၣ်ကွံာ်ယၤလီၤ.+

 ၇ ဒ်ခ့ယုၢ်ဖိ မၤဝဲအသိး ယကမၤ အဝဲသ့ၣ်​ ဒ်န့ၣ်လီၤ.+

ယကအိၣ်ခိးခူသူၣ်​ အဝဲသ့ၣ်လၢကျဲ ဒ်ခ့စံၣ်ပိၣ်​ တဒုအသိးလီၤ.

လၢညါန့ၣ်​ သုတဲလၢ ‘ဟ့ၣ်လီၤယၤ စီၤပၤတဂၤ ဒီးပဒိၣ်တဖၣ်သၢၤ.’+

၁၁ အဃိ လၢတၢ်သးဒိၣ်အပူၤ ယဟ့ၣ်လီၤသု စီၤပၤတဂၤလီၤ.+

ဒီးလၢတၢ်သးထီၣ်အပူၤ ယက ထုးထီၣ်ကွံာ်အီၤလီၤ.+

၁၂ အ့ဖရဲၣ်​ အတၢ်ကမၣ်န့ၣ်​ ဘၣ်တၢ်ဘိၣ်ထီၣ်ပာ်စၢၤအီၤလံ.

ဒီးအတၢ်ဒဲးဘးန့ၣ်​ ဘၣ်တၢ်ပာ်ဖှိၣ်ထီၣ်ဃာ်အီၤလံ.

၁၃ ဒီးအကတူၢ်ဘၣ်တၢ်ဒ် ပိာ်မုၣ်လၢ အဟၢဖၢဆါ ဖဲအကအိၣ်ဖျဲၣ်ထီၣ်​ အဖိအခါလီၤ.

ဒီးအမ့ၢ်ဖိသၣ်လၢ အတၢ်ကူၣ်သ့ တအိၣ်ဘၣ်.

ဒီးဖဲအကဘၣ်​ အိၣ်ဖျဲၣ်ထီၣ်အခါ အတအဲၣ်ဒိး ဟဲအိၣ်ဖျဲၣ်ထီၣ်ဘၣ်.

တၢ်သံဧၢ, နစုၣ်နပျၢ် အိၣ်ဖဲလဲၣ်.+

ဒီးတၢ်သွၣ်ခိၣ်ဧၢ, နတၢ်စိတၢ်ကမီၤလၢ နကမၤဟးဂီၤတၢ်အဂီၢ်န့ၣ်​ အိၣ်ဖဲလဲၣ်.+

ဘၣ်ဆၣ်​ ခဲအံၤန့ၣ်​ ယတပာ်ဖျါထီၣ်​ တၢ်သးကညီၤဒံးဘၣ်.

ဒီးပှၤတဂၤန့ၣ်​ ကဂုာ်န့ၢ်ဆူၣ်​ အတၢ်လုၢ်ဒိၣ်ပှ့ၤဒိၣ်ခဲလၢာ် လၢအတၢ်ပာ်ဖှိၣ်​ အလီၢ်န့ၣ်လီၤ.+

၁၆ မ့ၢ်လၢ ၡၤမရံ ထီဒါက့ၤအကစၢ်ယွၤ+ အဃိ တၢ်ကပာ်ပနီၣ်အီၤလၢ အတၢ်ကမၣ်အိၣ်လီၤ.+

ဒီးပကလုၢ်ထီၣ်​ ပထးခိၣ်​ အတၢ်လုၢ်စံးထီၣ်ပတြၢၤ+ ဒ်ပလုၢ်ထီၣ်​ ကျီၢ်ဖါတဖၣ်အသိးလီၤ.

 ၃ ကီၢ်အၤၡူၢ် မၤပူၤဖျဲးပှၤ တသ့ဘၣ်.+

ပတသန့ၤပသးလၢ ကသ့ၣ် တဖၣ်လၢၤဘၣ်.+

 ၄ ယကမၤဘျါကွံာ် အဝဲသ့ၣ်​ ဒီးအဝဲသ့ၣ်​ တအိၣ်ဒီး တၢ်သးတတီဘၣ်လၢၤဘၣ်.+

 ၇ အဝဲသ့ၣ်​ ကအိၣ်ဘၣ်ကဒီးလၢ အတၢ်ကဒု* အဖီလာ်လီၤ.

 ၈ ဒီးအ့ဖရဲၣ်* ကတဲဝဲလၢ ‘တၢ်ဂီၤတၢ်ဖှီၣ်တဖၣ်အံၤ ဘၣ်ဃးဒီးယၤ ဒ်လဲၣ်.’+

 ၉ မတဂၤ အိၣ်ဒီး တၢ်ကူၣ်သ့လဲၣ်, မ်အနၢ်ပၢၢ် တၢ်ဂ့ၢ်တဖၣ်အံၤတက့ၢ်.

မတဂၤ အိၣ်ဒီး တၢ်သူၣ်ဆးသးဆးလဲၣ်, မ်အသ့ၣ်ညါ တၢ်သ့ၣ်တဖၣ်အံၤတက့ၢ်.

မ့မ့ၢ်ပှၤမၤကမၣ်တၢ်ဖိတဖၣ်န့ၣ်​ ကလီၤဃံၢ်လၢ ကျဲတဖၣ်အံၤ အပူၤလီၤ.