တၢ်သံကွၢ် ၇
ဘၣ်ဃးဒီး မုၢ်မဆါတနံၤအံၤန့ၣ် လံာ်စီဆှံ တဲဆိပာ်စၢၤဝဲဒ်လဲၣ်
“ပှၤကလုာ် တဒူၣ်ဒီးတဒူၣ် ကဒုးလိာ်အသး ဒီးဘီမုၢ်တဘ့ၣ်ဒီးတဘ့ၣ် ကဒုးလိာ်အသးလီၤ. . . . တၢ်မၤအသးသ့ၣ်တဖၣ်န့ၣ် ခဲလၢာ်န့ၣ် မ့ၢ်ဒၣ် တၢ်ကိၢ်တၢ်ဂီၤ အခီၣ်ထံးဒံးလီၤ.”
“ဝံအဘျၣ်အါဂၤ ကဟဲအိၣ်ထီၣ် ဒီးကကွဲန့ၢ်လွဲန့ၢ်ဝဲ ပှၤအါဂၤလီၤ. ဒီးမ့ၢ်လၢ တၢ်အၢတၢ်သီ ကအိၣ်အါထီၣ်ဝဲအဃိ ပှၤအါတက့ၢ် အတၢ်အဲၣ်တၢ်ကွံ ကလီၤစှၤဝဲလီၤ.”
“သုကနၢ်ဟူတၢ်ဒုးတၢ်ယၤအသီၣ် ဒီးတၢ်ဒုးတၢ်ယၤအကစီၣ်လီၤ. ပျံၤတၢ်တဂ့ၤ, တၢ်သ့ၣ်တဖၣ်န့ၣ် ကဘၣ်ဟဲကဲထီၣ်အသးလီၤ. ဘၣ်ဆၣ် တၢ်အကတၢၢ်န့ၣ် တတုၤဒံးဘၣ်.”
“ဟီၣ်ခိၣ် ကဟူးဝဲဖးဒိၣ်, တၢ်သၣ်ဝံၤလီၤဒိ ဒီးတၢ်ဆါသံသတြိာ်တဖၣ် ကအိၣ်ထီၣ်ဝဲလၢ တၢ်လီၢ်တတီၤ ဝံၤတတီၤ ဒီးပှၤကထံၣ်ဘၣ် တၢ်လၢ အလီၤပျံၤလီၤဖုးတဖၣ် ဒီးတၢ်ပနီၣ်ဖးဒိၣ်တဖၣ် ကဟဲကဲထီၣ်အသးလၢ မူခိၣ်လီၤ.”
“လၢမုၢ်နံၤခံကတၢၢ်တဖၣ်အပူၤန့ၣ် တၢ်ဆၢကတီၢ်လီၤဆီလၢ အကီအခဲ သပှၢ်တၢၢ်န့ၣ် ကဘၣ်ဝဲလီၤ. ပှၤဟီၣ်ခိၣ် ဖိ ကအဲၣ်လီၤထဲ အနီၢ်ကစၢ်အသး, ကအဲၣ်ကျိၣ်အဲၣ်စ့, ကပတြၢၤလီၤ အသး, ကပာ်ထီၣ်ထီအသး, ကကတိၤ ထီဒါ ကစၢ်ယွၤဒီးပှၤဂၤ, တဒိကနၣ် အမိၢ်အပၢ် အကလုၢ်ဘၣ်, တသ့ၣ်ညါ စံးဘျုးစံးဖှိၣ်တၢ်ဘၣ်, အသးတတီဘၣ်, တအဲၣ်ပှၤဂၤဘၣ်, ကမ့ၢ်ပှၤလၢအခိၣ်ကိၤ, ကတဲဟးဂီၤပှၤဂ့ၢ်, တအိၣ်ဒီး တၢ်ပၢၤသူၣ်ပၢၤသးဘၣ်, ကမ့ၢ်ပှၤလၢ အမၤဆူၣ်မၤစိးတၢ်, တအဲၣ်တၢ်လၢ အဂ့ၤဘၣ်, ကမ့ၢ်ပှၤလၢ အဟ့ၣ်လီၤ ကွံာ်ပှၤဂၤ, ပှၤလၢအမၤဖဲအသး, ပှၤလၢ အပာ်ကဖၢလၢအသး ဒီးလၢကအဲၣ် ကစၢ်ယွၤအလီၢ် ကအဲၣ်ဝဲ တၢ်မုာ်တၢ်ပၠီၣ်လီၤ. ဒီးအဝဲသ့ၣ် တဲဝဲလၢ အဘူၣ်ထီၣ်ဘါထီၣ် ကစၢ်ယွၤ ဘၣ်ဆၣ် အဝဲသ့ၣ် အတၢ်အိၣ်မူန့ၣ် တပာ်ဖျါထီၣ် ဝဲလၢ အဘူၣ်ထီၣ်ဘါထီၣ် ကစၢ်ယွၤဘၣ်.”