ဘၣ်မနုၤအဃိ ဘၣ်ဟးထီၣ်တဘျီဃီလဲၣ်

ဖဲပအိၣ်ဖှိၣ်ရိဖှိၣ် တချူးပကဟးစံၣ်တဲၤတဲလီၤတၢ်အခါ ညီနုၢ်ပအဲၣ်ဒိးတဲသကိးတၢ်ဒီး ပဒီပုၢ်ဝဲၢ်တဖၣ်လီၤ. ဘၣ်ဆၣ်, တၢ်အိၣ်ဖှိၣ်ရိဖှိၣ်မ့ၢ်ဝံၤန့ၣ် ပကြၢးဟးထီၣ်တဘျီဃီဒီး လဲၤဆူလီၢ်ကဝီၤပူၤလီၤ. မ့ၢ်လၢပတၢ်စံၣ်တဲၤတဲလီၤတၢ်မၤန့ၣ် မ့ၢ်တၢ်လၢအရ့ဒိၣ်အဃိလီၤ. (၂ တံၤ. ၄:၂) ပမ့ၢ်ထုးတၢ်ဆၢကတီၢ်န့ၣ် တၢ်ဆၢကတီၢ် လၢပကမၤတၢ်သးခုကစီၣ်တၢ်မၤအဂီၢ် ကစှၤလီၤဝဲလီၤ. ဖဲပမၤသကိးတၢ်ဒီး ပှၤစံၣ်တဲၤတဲလီၤတၢ်ဖိကဒဲကဒဲလၢ တၢ်သးခုကစီၣ်တၢ်မၤအပူၤအခါန့ၣ် ပကအိၣ်ဒီးတၢ်ခွဲးတၢ်ယာ်အါမးလၢ ပကရ့လိာ်ဘၣ်ပသးဒီး ဟ့ၣ်ဂံၢ်ဟ့ၣ်ဘါလိာ်ပသးလီၤ. ပမ့ၢ်ဟးထီၣ်တဘျီဃီလၢ ပကဟးစံၣ်တဲၤတဲလီၤတၢ်အဂီၢ်န့ၣ် ပပာ်ဖျါထီၣ်လၢ ပအိၣ်ဒီးတၢ်သူၣ်ဆူၣ်သးဆူၣ်လၢ ပကမၤယဟိဝၤယွၤ ဒီးအဖိခွါအတၢ်မၤအဂီၢ်လီၤ.—ရိ. ၁၂:၁၁.