“မ့ၢ်ယွၤအကလုၢ်ကထါအစိအကမီၤကဲဘျုးလၢနတၢ်အိၣ်မူအပူၤဧါ”

ပ “ဂံၢ်စဲၤလီၤ” ဒီး ပ “အိၣ်ဂၢၢ်ဆိးကျၢၤလၢတၢ်နာ်အပူၤ” သ့ခီဖျိလၢ ပဖးလံာ်စီဆှံကိးနံၤဒဲးန့ၣ်လီၤ. (ကလီး. ၂:၆, ၇) ဘၣ်ဆၣ်သနာ်က့ ဒ်သိးယဟိဝၤယွၤ အကလုၢ်ကထါ အစိအကမီၤကကဲဘျုးလၢ ပတၢ်အိၣ်မူပူၤအဂီၢ် ပကဘၣ်ဃုသ့ၣ်ညါလံာ်စီဆှံ အတၢ်သိၣ်တၢ်သီမိၢ်ပှၢ်တဖၣ် လီၤတံၢ်လီၤဆဲး ဒီးမၤပိာ်ထွဲအီၤလီၤ. (ဧ့ၤ. ၄:၁၂;ယၤ. ၁:၂၂-၂၅) ဒ်သိးပတၢ်ဖးလံာ်စီဆှံ ကကဲဘျုးအဂီၢ် ယိၤၡူ ၁:၈ ပာ်ဖျါထီၣ်ဝဲလၢ ပကဘၣ်မၤပိာ်ထွဲတၢ်ဂ့ၢ်သၢခါ– (၁) ဖးလံာ်စီဆှံ “လၢမုၢ်ဆါဒီးလၢမုၢ်နၤ” တက့ၢ်. (၂) ဖးအီၤလၢတၢ်လီၢ်လၢအဘှ့ၣ်အဘှီၣ်ဒီး “ဆိကမိၣ်” ထံ တၢ်ဂ့ၢ်လၢနဖးအီၤတဖၣ်န့ၣ်တက့ၢ်. (၃) ဂုာ်ကျဲးစၢးမၤပိာ်ထွဲ “ကယဲၢ်တၢ်ကွဲးအသး” တဖၣ်တက့ၢ်. နမ့ၢ်မၤဒ်လံာ်စီဆှံ အတၢ်ဟ့ၣ်ကူၣ်အသိးန့ၣ် နက “ဘီၣ်ထီၣ် ညီထီၣ်” ဒီး နကအိၣ်ဒီး “တၢ်ကူၣ်သ့” လၢနတၢ်အိၣ်မူကိးနံၤဒဲးအပူၤလီၤ.