တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | စံးထီၣ်ပတြၢၤ ၃၄–၃၇
သန့ၤနသးလၢ ယဟိဝၤယွၤဒီး မၤဂ့ၤတၢ်တက့ၢ်
“တဘၣ်သးက့ၣ်ပှၤမၤအၢမၤသီတၢ်တဂ့ၤ”
တဘၣ်ဟ့ၣ်အခွဲးလၢ ပှၤအၢပှၤသီအတၢ်လဲၤထီၣ်လဲၤထီ တစိၢ်တလီၢ်အံၤ ကမၤဟးဂီၤနတၢ်သးစၢၢ်ဆၢလၢ နမၤယဟိဝၤယွၤအတၢ်မၤတဂ့ၤ. လၢတၢ်န့ၣ်အလီၢ် ဆဲးသးစၢၢ်ဆၢ နီၢ်သးအတၢ်ဆိၣ်ဂ့ၤတဖၣ် ဒီးနီၢ်သးဖီတၢၣ်တဖၣ်တက့ၢ်
“သန့ၤနသးလၢယွၤ, ဒီးမၤဂ့ၤတၢ်တက့ၢ်”
နာ်လၢ ယဟိဝၤယွၤကမၤစၢၤနၤ ဖဲနအိၣ်ဒီးတၢ်သးဒ့ဒီ ဒီးတၢ်သူၣ်ကိၢ်သးဂီၤအခါတက့ၢ်. အဝဲကမၤစၢၤနၤဒ်သိး နကဆဲးတီဒီးအီၤအဂီၢ်လီၤ
ဂုာ်ကျဲးစၢးလၢ တၢ်စံၣ်တဲၤတဲလီၤ ယွၤအဘီမုၢ်တၢ်သးခုကစီၣ် တၢ်မၤအပူၤန့ၣ်တက့ၢ်
“မုာ်လၤ. . .တၢ်လၢယွၤအပူၤတက့ၢ်”
အိၣ်ဒီးတၢ်ရဲၣ်တၢ်ကျဲၤလၢ ကဖးလံာ်စီဆှံဒီး ဆိကမိၣ်ထံအီၤအဂီၢ်တက့ၢ်. အိၣ်ဒီးတၢ်တိာ်ပာ်လၢ ကဃုသ့ၣ်ညါအါထီၣ် ယဟိဝၤယွၤအဂ့ၢ်တက့ၢ်
“တလ့ၣ်နကျဲနကပူၤလၢ ယွၤအလိၤတက့ၢ်”
နာ်လၢ ယဟိဝၤယွၤကမၤစၢၤနၤသပှၢ်ကတၢၢ် ဒ်သိးနဘှါဆှဲ နတၢ်ကီတၢ်ခဲကန့ၢ်အဂီၢ်တက့ၢ်
မ့ၢ်ကွၢ်ဆၢၣ်မဲာ်ဘၣ် တၢ်ထီဒါ, တၢ်မၤနးမၤဖှီၣ် မ့တမ့ၢ် တၢ်ကတိၤဒုၣ်ဒွဲၣ်န့ၣ် ဆဲးပၢၤဃာ်တၢ်သကဲာ်ပဝးလၢ အဂ့ၤတက့ၢ်
“အိၣ်ဘှီၣ်ကလာ်လၢ ယွၤအပူၤ, ဒီးကွၢ်လၢ်အကျဲတက့ၢ်”
ဟးဆှဲးတၢ်လၢ ကမၤဘၣ်ဒိ ပနီၢ်သးဒီး ပတၢ်သူၣ်ခုသးခုအဂီၢ်န့ၣ်တက့ၢ်
“ပှၤလၢအသးစူၤ ကန့ၢ်ဘၣ်သါထံဧိၤကီၢ်ဧိၤ”
ပှၤလၢအသူၣ်စူၤသးစူၤ ဒီးဆီၣ်လီၤအသးတဖၣ် အိၣ်ခိးဝဲယဟိဝၤယွၤလၢ ကမၤဟါမၢ်ကွံာ် တၢ်တတီတလိၤလၢ အဝဲသ့ၣ်ကွၢ်ဆၢၣ်မဲာ်ဘၣ်ဝဲခဲလၢာ်န့ၣ်လီၤ
ဆီၣ်ထွဲမၤစၢၤ ပှၤစူၢ်တၢ်နာ်တၢ်ကဒဲကဒဲတက့ၢ်. တဲဘၣ်ပှၤလၢအသူၣ်အုးသးအုးတဖၣ်လၢ ကစၢ်ယွၤအတၢ်စံးပာ်ဟီၣ်ခိၣ်သီ ဒီးမၤမုာ်ထီၣ်က့ၤအဝဲသ့ၣ်အသးတက့ၢ်
ခီဖျိမ့းၡံအၤအဘီအမုၢ်အဃိ ပကဒိးန့ၢ်ဘၣ်တၢ်ဆိၣ်ဂ့ၤဒီဒူၣ်