တၢ်လုၢ်ဒိၣ်ပှ့ၤဒိၣ်တဖၣ် လၢလံာ်စီဆှံ အပူၤ | ကတိၤဒိ ၂၇–၃၁
လံာ်စီဆှံပာ်ဖျါထီၣ်ဝဲ မါလၢအကူၣ်တၢ်သ့အဂ့ၢ်
ဖဲကတိၤဒိ ၃၁ အပူၤန့ၣ် ပၣ်ဃုာ်ဒီးစီၤပၤလမူၤအ့လး အတၢ်ကတိၤအရ့ဒိၣ်လၢ အမိၢ်ဟ့ၣ်လီၤအီၤန့ၣ်လီၤ. အမိၢ်အတၢ်ဟ့ၣ်ကူၣ်မၤစၢၤအီၤ ဒ်သိးဃုထံၣ်န့ၢ်မါလၢ အကူၣ်တၢ်သ့ကသ့အဂီၢ်လီၤ.
မါလၢအကူၣ်တၢ်သ့န့ၣ် မ့ၢ်ပိာ်မုၣ်လၢပှၤနာ်န့ၢ်အီၤသ့
ဖဲအဝဲသ့ၣ်ကဘၣ်ဆၢတဲာ်တၢ်လၢ ဟံၣ်ဃီပူၤအခါ အဝဲပာ်ဖျါထီၣ် အတၢ်ဟ့ၣ်ကူၣ်လၢ အလုၢ်ဒိၣ်ပှ့ၤဒိၣ် ဘၣ်ဆၣ်ဆဲးဒိးပၢအသးလၢ ဟံၣ်ခိၣ်အဖီလာ်
အဝၤနာ်န့ၢ်အီၤလၢ အကဆၢတဲာ်တၢ်လၢ တၢ်ကူၣ်သ့အပူၤအဃိ ဖဲအဝဲကမၤတၢ်ကိးမံၤဒဲးအခါ အဝၤတမၢအဃ့ဆိတၢ်အခွဲးလၢ အအိၣ်ဘၣ်.
မါလၢအကူၣ်တၢ်သ့န့ၣ် မ့ၢ်ပိာ်မုၣ်လၢအခု
ဒ်သိးအဟံၣ်ဖိဃီဖိ ကကူဘၣ်ကၤဘၣ်ဂ့ၤဂ့ၤ, ကဖျါဖဲအကြၢးအဘၣ် ဒီးကအီၣ်ဘၣ်အီဘၣ် လၢလၢပှဲၤပှဲၤအဂီၢ် လၢတၢ်ကူၣ်သ့အပူၤ အဝဲဂုာ်ကျဲးစၢးကဲထီၣ်ပှၤလၢ အသူကျိၣ်စ့သ့ ဒီးသူၣ်မံသးမံလၢ တၢ်လၢအအိၣ်ဒီးအီၤလီၤ.
အဝဲမၤတၢ်ဆူၣ်ဆူၣ် ဒီးကွၢ်ထွဲအဟံၣ်ဖိဃီဖိထီဘိ
မါလၢအကူၣ်တၢ်သ့န့ၣ် အသးဆူၣ်လၢ နီၢ်သးတခီ
အဝဲပျံၤယွၤဒီး မၤဂၢၢ်ကျၢၤထီၣ်အတၢ်ရ့လိာ်သးဒီးယွၤ