“အဝၤဆ့ၣ်နီၤဝဲလၢ ပဲတြီအပူၤ, . . . ဒီး, ပှၤသ့ၣ်ညါအီၤလီၤ”

မါလၢအကူၣ်တၢ်သ့န့ၣ် အဝၤဘၣ်တၢ်စံးပတြၢၤ လၢအဝဲအဃိလီၤ. ဖဲစီၤပၤလမူၤအ့လးအစိၤ ပှၤမ့ၢ်အိၣ်ဒီးမါလၢအကူၣ်တၢ်သ့န့ၣ် “ဆ့ၣ်နီၤဝဲလၢ ပဲတြီအပူၤ, . . . ဒီး, ပှၤသ့ၣ်ညါအီၤလီၤ.” (ကတိၤ. ၃၁:၂၃) မုၢ်မဆါတနံၤအံၤ ပှၤပိာ်ခွါလၢအလီၤပာ်ကဲတဖၣ် ကဲဝဲတၢ်အိၣ်ဖှိၣ်သးပှၢ် မ့တမ့ၢ် တၢ်အိၣ်ဖှိၣ်အပှၤမၤစၢၤတၢ်လီၤ. အဝဲသ့ၣ်မ့မ့ၢ်ပှၤလၢ အဆီဟံၣ်ဆီဃီဝံၤန့ၣ် ဒ်သိးအတၢ်မၤ ကကဲထီၣ်လိၣ်ထီၣ်အဂီၢ် ဒိးသန့ၤထီၣ်အသးလၢ အမါအသကဲာ်ပဝးလၢအဂ့ၤ ဒီးအတၢ်ဆီၣ်ထွဲမၤစၢၤအဖီခိၣ်လီၤ. (၁ တံၤ. ၃:၄, ၁၁) မါလၢအကူၣ်တၢ်သ့န့ၣ် ကြၢးဒိးန့ၢ်အဝၤအတၢ်စံးပတြၢၤ တကးဒံးဘၣ်တၢ်အိၣ်ဖှိၣ် အတၢ်စံးပတြၢၤစ့ၢ်ကီးလီၤ.

မါလၢအကူၣ်တၢ်သ့န့ၣ် မၤစၢၤအဝၤခီဖျိ . . .

• ဟ့ၣ်ဂံၢ်ဟ့ၣ်ဘါအီၤလၢ တၢ်ကတိၤလၢအပှဲၤဒီးတၢ်အဲၣ်တၢ်ကွံ.—ကတိၤ. ၃၁:၂၆

• သးအိၣ်လၢအဝၤ ကဟ့ၣ်တၢ်ဆၢကတီၢ်လၢ တၢ်အိၣ်ဖှိၣ်အဂီၢ်.—၁ သ့း. ၂:၇, ၈

• သူၣ်မံသးမံဝဲလၢ တၢ်လၢအအိၣ်ဒီးအီၤ.—၁ တံၤ. ၆:၈

• တသံကွၢ်အဝၤလၢ တၢ်အိၣ်ဖှိၣ်တၢ်ဂ့ၢ်ခူသူၣ်တဖၣ်ဘၣ်.—၁ တံၤ. ၂:၁၁, ၁၂; ၁ ပ့း. ၄:၁၅