အိၣ်မူဒ် ခရံာ်ဖိအသိး
ဖဲနရဲၣ်လီၤကျဲၤလီၤတၢ်လၢ တၢ်တ့တၢ်ဖျီအဂီၢ်အခါ ဟးဆှဲးဟီၣ်ခိၣ်အတၢ်ပာ်သူၣ်ပာ်သးတက့ၢ်
ခရံာ်ဖိလၢကဖျီအသးခံဂၤ ကဘၣ်မၤတၢ်ဆၢတဲာ်အါမးလၢ ဘၣ်ဃးဒီး တၢ်ရဲၣ်လီၤကျဲၤလီၤတၢ်လၢ တၢ်တ့တၢ်ဖျီအဂီၢ်လီၤ. ဘၣ်သ့ၣ်သ့ၣ် အဝဲသ့ၣ်ကဘၣ်တၢ်ဆီၣ်သနံးအီၤ လၢကမၤဝဲတၢ်တ့တၢ်ဖျီအမူး လီၤဘီလီၤမုၢ် ဒ်ပှၤလၢအခိၣ်အဃၢၤတဖၣ်မၤဝဲ အသိးလီၤ. တံၤသကိး ဒီးဟံၣ်ဖိဃီဖိလၢ အိၣ်ဒီးတၢ်သူၣ်ဘျၢသးဘျၢတဖၣ်စ့ၢ်ကီး ကဟ့ၣ်ကူၣ်ပှၤလၢ ပကဘၣ်ရဲၣ်လီၤကျဲၤလီၤ တၢ်တ့တၢ်ဖျီအမူးဒ်လဲၣ်န့ၣ်လီၤ. ပှၤလၢအကတဲာ်ကတီၤအသးလၢ ကဖျီအသးအဂီၢ်တဖၣ်န့ၣ် ဒ်သိးအဝဲသ့ၣ်ကအိၣ်ဒီး သးလၢအသ့ၣ်ညါဒၣ်တၢ်လၢအကဆှီ ဒီးသုတပီၢ်ယၢ်လီၤက့ၤဘၣ်အသးတဂ့ၤအဂီၢ် လံာ်စီဆှံအတၢ်ဟံးစုနဲၣ်ကျဲလၢ ကမၤစၢၤအဝဲသ့ၣ်န့ၣ် မ့ၢ်မနုၤလဲၣ်.
ကွၢ်တၢ်ဂီၤမူလၢ အခိၣ်တီမ့ၢ်ဝဲ တၢ်တ့တၢ်ဖျီလၢ အကဲထီၣ်တၢ်လၤကပီၤလၢ ယဟိဝၤယွၤအဂီၢ် ဒီးစံးဆၢက့ၤ တၢ်သံကွၢ်လၢ လာ်တဖၣ်အံၤတက့ၢ်–
လံာ်စီဆှံ အတၢ်ဟံးစုနဲၣ်ကျဲလၢ လာ်တဖၣ်အံၤ မၤစၢၤ နံးခ် ဒီး ကၠူလယၢၤနၤ ဒ်လဲၣ်.
ပှၤလၢအသ့ၣ်နံၤဖးသီလၢ ကဖျီအသးအဂီၢ်ဝံၤတဖၣ် ဘၣ်မနုၤအဃိ ကြၢးဃုထၢဝဲ ဒီပုၢ်ဝဲၢ်လၢအဒိၣ်တုာ်ခိၣ်ပှဲၤ လၢနီၢ်သးတခီလၢ ကမၤဝဲ “မူးခိၣ်” အဂီၢ်လဲၣ်.—ယိၤ. ၂:၉, ၁၀.
ဖဲ နံးခ် ဒီးကၠူလယၢၤနၤ ကတဲာ်ကတီၤတၢ်လၢ တၢ်တ့တၢ်ဖျီအဂီၢ်အခါ တၢ်ဂ့ၢ်မနုၤအိၣ်လၢ အဝဲသ့ၣ်ကဘၣ်မၤတၢ်ဆၢတဲာ်လၢ အနီၢ်ကစၢ်ဒၣ်ဝဲလဲၣ်.
ဘၣ်ဃးဒီး တၢ်တ့တၢ်ဖျီအမူး ဒီးတၢ်တူၢ်လိာ်တမှံၤအဂီၢ် ပှၤလၢကဘၣ်မၤ တၢ်ဆၢတဲာ်လၢအလီၢ်ခံကတၢၢ်န့ၣ် မ့ၢ်မတၤလဲၣ်.—w06–E 10/15 25 ¶10.