အိၣ်မူဒ် ခရံာ်ဖိအသိး
ကွၢ်လိမၤဒိးစီၤယိၤသး ဒီးဃ့ၢ်ဟးဆှဲးကွံာ် တၢ်မၤကမၣ်မုၣ်ကမၣ်ခွါတက့ၢ်
ပမ့ၢ်ဘၣ် တၢ်လ့ပစီလၢ ပကမၤကမၣ်မုၣ်ကမၣ်ခွါအဂီၢ်န့ၣ် စီၤယိၤသး မ့ၢ်ပှၤဒိဂ့ၤတဲာ်ဘၣ်လၢပဂီၢ်လီၤ. ဖဲအကစၢ်အမါ လ့ပစီအီၤ တဘျီလၢ်လၢ်န့ၣ် အဝဲဂ့ၢ်လိာ်ကွံာ်ဝဲ ကိးဘျီဒဲးလီၤ. (၁ မိၤ. ၃၉:၇-၁၀) အဝဲအတၢ်ကတိၤလၢ “ယကမၤ တၢ်အၢတၢ်သီအဒိၣ်အယိာ်တမံၤအံၤ, ဒီးမၤကမၣ်ဘၣ်ယွၤဒ်လဲၣ်” န့ၣ်ပာ်ဖျါဝဲလၢ အဝဲသ့ၣ်ညါ ပာ်စၢၤဝဲဘၣ်ဃးဒီး ပှၤနီၢ်ဒီမါဝၤတဖၣ်န့ၣ် အရ့ဒိၣ်လၢ ကဘၣ်တီလိာ်အသးတဂၤဒီးတဂၤန့ၣ်လီၤ. ခီဖျိလၢ အဝဲသ့ၣ်ညါပာ်ဝဲ တၢ်ဂ့ၢ်အံၤအဃိ ဖဲအဘၣ်တၢ်လ့ပစီလၢ ကမၤကမၣ်မုၣ်ကမၣ်ခွါအခါ အဝဲတဆဲးအိၣ်ဝဲဖဲန့ၣ် ဒီးပျဲဝဲလၢပိာ်မုၣ်အံၤ ကမၤကီမၤခဲအီၤလၢ ကမၤတၢ်လၢအဘၣ်အဂီၢ်ဘၣ်. လၢတၢ်န့ၣ်အလီၢ် အဝဲဃ့ၢ်ကွံာ်ဝဲလၢအယံၤလီၤ.—၁ မိၤ. ၃၉:၁၂; ၁ ကရံၣ်. ၆:၁၈.
ကွၢ်တၢ်ဂီၤမူလၢ အခိၣ်တီမ့ၢ်ဝဲ “ဃ့ၢ်ဟးဆှဲး တၢ်မၤကမၣ်မုၣ်ကမၣ်ခွါတက့ၢ်” ဒီးစံးဆၢတၢ်သံကွၢ်လၢ လာ်တဖၣ်အံၤ–
ကၠ့ထံၣ်ဘၣ်ဒီး တၢ်အိၣ်သးမနုၤလဲၣ်.
ဖဲမံခ့ယီ ဃ့အီၤတၢ်မၤစၢၤလၢ လံာ်တၢ်ဒွးအဂီၢ်အခါ ကၠ့သံကွၢ်လီၤအသးလၢ တၢ်သံကွၢ်မနုၤလဲၣ်.
ဖဲမံခ့ယီ ဃ့အီၤတၢ်မၤစၢၤအခါ အဝဲတူၢ်ဘၣ်ဝဲဒ်လဲၣ်.
ကၠ့ဒိးန့ၢ်ဘၣ် တၢ်မၤစၢၤဒ်လဲၣ်.
ကၠ့ကဃ့ၢ်ဟးဆှဲးကွံာ် တၢ်မၤကမၣ်မုၣ်ကမၣ်ခွါအဂီၢ် မၤဝဲတၢ်မနုၤလဲၣ်.
လၢတၢ်ဂီၤမူအံၤအပူၤ နမၤလိန့ၢ်ဘၣ်တၢ်မနုၤလဲၣ်.