တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ မိၤၡ့ ၄၈–၅၀
ပှၤသးပှၢ်တဖၣ်န့ၣ် အိၣ်ဒီးတၢ်ဂ့ၢ်အဂ့ၤအါမးလၢ ကသိၣ်လိပှၤ
ဒီပုၢ်ဝဲၢ်မုၣ်ခွါလၢ အသးပှၢ်တဖၣ် ဖဲအတဲပၠးပှၤ “တၢ်လီၤလး” လၢယဟိဝၤယွၤ မၤဝဲလၢ အဝဲသ့ၣ်ထံၣ်ဘၣ်ဝဲလၢ မုၢ်နံၤခံကတၢၢ်တဖၣ်အဂ့ၢ်အခါ ပတၢ်နာ် ယဟိဝၤယွၤ ဒီးအတၢ်စံးပာ်တဖၣ်န့ၣ် ဂၢၢ်ကျၢၤအါထီၣ်ဝဲလီၤ. (စံး. ၇၁:၁၇, ၁၈) လၢနတၢ်အိၣ်ဖှိၣ်အပူၤ ဒီပုၢ်ဝဲၢ်သးပှၢ်လၢ အလုၢ်ဒိၣ်ပှ့ၤဒိၣ်တဖၣ်မ့ၢ်အိၣ်န့ၣ် သံကွၢ်အဝဲသ့ၣ်လၢ
ဖဲနထံၣ်ဘၣ်တၢ်ကီတၢ်ခဲအခါ ဒ်သိးနဆဲးမၤယဟိဝၤယွၤ အတၢ်မၤကန့ၢ်အဂီၢ် ယဟိဝၤယွၤမၤစၢၤနၤဒ်လဲၣ်
ဖဲနထံၣ်ဘၣ်လၢ ပှၤစံၣ်တဲၤတဲလီၤတၢ်ဖိ အနီၣ်ဂံၢ်အါထီၣ်အခါ နတူၢ်ဘၣ်ဒ်လဲၣ်
နနၢ်ပၢၢ်ထီၣ်ဘၣ် လံာ်စီဆှံတၢ်မ့ၢ်တၢ်တီ လီၤတံၢ်လီၤဆဲးအဃိ နတူၢ်ဘၣ်ဒ်လဲၣ်
နထံၣ်ဘၣ် ယဟိဝၤယွၤ အတၢ်ကရၢကရိ အတၢ်လဲၤထီၣ်လဲၤထီ မနုၤတဖၣ်လဲၣ်