ဒ်တၢ်အကတၢၢ် ဟဲဘူးထီၣ်အသိး ပာ်လီၤနသးလၢ နကတီဒီးယဟိဝၤယွၤတက့ၢ်

ဘၣ်မနုၤအဃိ အရ့ဒိၣ်– တယံာ်လၢၤဘၣ်န့ၣ်​ တၢ်မၤအသးလၢ အလီၤတိၢ်လီၤဆီ ကကဲထီၣ်အသး ဒီးဖဲန့ၣ်အတီၢ်ပူၤ ပကလိၣ်ဘၣ်​ တၢ်သူၣ်ဒူသးဒူ ဒီးတၢ်နာ်န့ၢ် ယဟိဝၤယွၤ အါန့ၢ်ဒံးလၢညါလီၤ. တၢ်နးတၢ်ဖှီၣ်ဖးဒိၣ်​ ကစးထီၣ်အသးလၢ တၢ်မၤဟးဂီၤ တၢ်ဘူၣ်တၢ်ဘါ အကမၣ်န့ၣ်လီၤ. (မး. ၂၄:၂၁; လီၣ်. ၁၇:၁၆, ၁၇) ဖဲတၢ်တၢထီၣ်တၢလီၤ အတီၢ်ပူၤ ဘၣ်သ့ၣ်သ့ၣ်​ ပကဘၣ်​ စံၣ်တဲၤတဲလီၤ တၢ်စံၣ်ညီၣ်အကစီၣ်လၢ တၢ်သူၣ်ဒူသးဒူအပူၤလီၤ. (လီၣ်. ၁၆:၂၁) စီၤကိးလၢ ကီၢ်မါကူး ကဒုးပှၤလီၤ. (ဃ့း. ၃၈:၁၀-၁၂, ၁၄-၁၆) ဒ်သိးယဟိဝၤယွၤ ကဒီသဒၢဝဲ အပှၤဂီၢ်မုၢ်အဂီၢ် အဝဲကစးထီၣ်ဝဲ “တၢ်ဒုးတၢ်ယၤ ဘၣ်ဃးဒီးယွၤလၢ အသ့တၢ်လၢာ် အနံၤဖးဒိၣ်” လီၤ. (လီၣ်. ၁၆:၁၄, ၁၆) ဒ်သိးပကအိၣ်ဒီး တၢ်သူၣ်ဒူသးဒူလၢ ခါဆူညါ တၢ်ကမၤအသးတဖၣ်အံၤအဂီၢ် ဆၢကတီၢ်ခဲအံၤ ဖဲပတၢ်နာ် ဘၣ်တၢ်မၤကွၢ်အီၤအခါ လိၣ်လၢပကဘၣ်​ အိၣ်ဒီးတၢ်သးတီလီၤ.

ပမၤကသ့ဒ်လဲၣ်–

• အိၣ်မူဒ် ယဟိဝၤယွၤ အတၢ်သိၣ်တၢ်သီ ဒီးဒီသဒၢအီၤ. —ၡါ. ၅:၂၀

• ဆဲးဘူၣ်ထီၣ်ဘါထီၣ်ယွၤ ဒီးခရံာ်ဖိကဒဲကဒဲတဖၣ်. —ဧ့ၤ. ၁၀:၂၄, ၂၅

• အိၣ်ကတဲာ်ကတီၤနသး ထီဘိလၢ နကမၤထွဲ တၢ်ဟံးစုနဲၣ်ကျဲလၢ အဟဲလၢ ယဟိဝၤယွၤ အတၢ်ကရၢကရိ.—ဧ့ၤ. ၁၃:၁၇

• ဆိကမိၣ်ထံ လၢအပူၤကွံာ် ယဟိဝၤယွၤ မၤပူၤဖျဲးထီၣ်​ အပှၤဂီၢ်မုၢ်တဖၣ်အဂ့ၢ်.—၂ ပ့း ၂:၉

• ဃ့ဘါထုကဖၣ်လၢ ယဟိဝၤယွၤအအိၣ်.—စံး. ၁၁၂:၇, ၈

ကွၢ်တၢ်ဂီၤမူလၢ အခိၣ်တီမ့ၢ်ဝဲ ခါဆူညါ ပမ့ၢ်ထံၣ်ဘၣ်​ တၢ်မၤအသးတဖၣ်အံၤအခါ ပကလိၣ်ဘၣ်တၢ်သးဒူ—အကူာ် ဒီးစံးဆၢ တၢ်သံကွၢ်တဖၣ်အံၤ–

• 

  ဖဲတၢ်အိၣ်ဖှိၣ်တဖု ဘၣ်တၢ်ပာ်ဖှိၣ်အီၤဒီး တၢ်အိၣ်ဖှိၣ်အဂၤတဖုအခါ ပှၤစံၣ်တဲၤတဲလီၤတၢ်ဖိတဖၣ်​ အတၢ်ဒိကနၣ်​ ဘၣ်တၢ်မၤကွၢ်အီၤဒ်လဲၣ်.

• 

  တၢ်သူၣ်ဒူသးဒူ ဒီးတၢ်ဒိကနၣ်​ ဘၣ်ထွဲလိာ်အသးဒ်လဲၣ်.

• 

  ဖဲအၢ်မက့းဒိၣ်​ ဟဲအခါ ဘၣ်မနုၤအဃိ ပကလိၣ်ဘၣ်​ တၢ်သူၣ်ဒူသးဒူလဲၣ်.

• 

  ဒ်သိးပတၢ်နာ်လၢ ယဟိဝၤယွၤ မၤပူၤဖျဲးပှၤသ့ ကဂၢၢ်ကျၢၤအါထီၣ်အဂီၢ် လံာ်စီဆှံ အတၢ်ကွဲးနီၣ်​ မနုၤမၤစၢၤပှၤသ့လဲၣ်.—၂ ကွဲး. ၂၀:၁-၂၄