လါမ့ၤ ၅-၁၁

• ကတိၤ ၁၂:၁၆—ဒ်လံာ်စီဆှံတဆၢအံၤ တဲဝဲအသိး ဖဲနထံၣ်ဘၣ် တၢ်ကီတၢ်ခဲအခါ တၢ်မနုၤကမၤစၢၤနၤ ဒ်သိး နကဆဲးအိၣ်ဒီး တၢ်တူၢ်န့ၢ်ခီၣ်ကဲအဂီၢ်လဲၣ်. (ijwyp-E တၢ်ကွဲးဖုၣ် ၉၅ ¶၁၀-၁၁)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

နဘၣ်ယိၣ်လၢ နဃုတၢ်မၤတဘၣ်ဘၣ်ဧါ, နဘၣ်ယိၣ်လၢ နတၢ်မၤတအိၣ်လၢၤဘၣ်ဧါ မ့တမ့ၢ် နဘၣ်ယိၣ်လၢ နကျိၣ်စ့တယၢ လၢခဲအံၤ ဒီးဖဲနသးပှၢ်ထီၣ်အခါဧါ. မုၢ်မဆါတနံၤအံၤ မုၢ်ကျိၤဝဲၤကွာ် (စံပွါယ့) တဂၢၢ်တကျၢၤဘၣ်. ဘၣ်ဆၣ် ယဟိဝၤယွၤ အၢၣ်လီၤပှၤလၢ ပမ့ၢ်ပာ်ဆိအီၤ လၢနီၣ်ဂံၢ်တၢန့ၣ် အဝဲကဟ့ၣ်ပှၤ တၢ်လၢပလိၣ်ဘၣ်ထီဘိ. ဒီးခီဖျိလၢ ပတၢ်အိၣ်သး ဆီတလဲအဃိ ပမ့ၢ်ထံၣ်ဘၣ်ဒီး ကျိၣ်စ့တၢ်ကီတၢ်ခဲနာ်က့ အဝဲကအိၣ်ဒီးပှၤ.—စံး ၄၆:၁-၃; ၁၂၇:၂; မး ၆:၃၁-၃၃.

ကွၢ်တၢ်ဂီၤမူ လၢအမ့ၢ် ယဟိဝၤယွၤ တပာ်တ့ၢ်ပှၤနီတဘျီဘၣ်. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• ပဒိးန့ၢ်ဘၣ် တၢ်မၤလိမနုၤလၢ ဒီပုၢ်ဝဲၢ်ခွါ အဲၤဘရါဒိၤ အတၢ်လဲၤခီဖျိလဲၣ်.

  ကွဲးလီၤ​တၢ်စံးဆၢ

ဖး ၁ တံၤမသ့း ၅:၈. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• ဒ်လံာ်စီဆှံတဆၢအံၤ ပာ်ဖျါထီၣ်ဝဲအသိး ယဟိဝၤယွၤ ကကွၢ်ထွဲ အဟံၣ်ဖိဃီဖိ လၢအဘူၣ်ထီၣ်ဘါထီၣ်အီၤ ထီဘိန့ၣ် ပသ့ၣ်ညါဘၣ်ဒ်လဲၣ်.

  ကွဲးလီၤ​တၢ်စံးဆၢ

ဆိကမိၣ်ကွၢ် လံာ်စီဆှံ အတၢ်ဟံးစုနဲၣ်ကျဲတနီၤ လၢကမၤစၢၤနၤ ဒ်သိးနလဲၤခီဖျိ ကျိၣ်စ့တၢ်ကီတၢ်ခဲ ကန့ၢ်အဂီၢ်–

• အိၣ်မူယိယိဖိ. မ့ၢ်သ့န့ၣ် တဘၣ်မၤထီၣ် ကမၢ်တဂ့ၤ ဒီးပှ့ၤတၢ်လၢ နတလိၣ်ဘၣ်တဂ့ၤ.—မး ၆:၂၂

• ဃုထၢတၢ်မၤ ဒီးတၢ်ကူၣ်ဘၣ်ကူၣ်သ့လၢ ကဟ့ၣ်နၤအခွဲးလၢ နပာ်နီၢ်သး အတၢ်ဖံးတၢ်မၤလၢ နီၣ်ဂံၢ်တၢသ့.—ဖံလံး ၁:၉-၁၁

• အိၣ်ဒီးတၢ်ဆီၣ်လီၤသး ဒီးမၤတၢ်ဆီတလဲ ဒ်တၢ်အိၣ်သး အိၣ်ဝဲအသိး. နဃုတၢ်မၤ မ့ၢ်ကီန့ၣ် နမ့ၢ်ထံၣ် တၢ်မၤလၢ အပတီၢ်ဖုၣ်နာ်က့ နမၤအီၤသ့ ဒီးတဘၣ်ယွ့တၢ်မၤတဂ့ၤ. နမ့ၢ်မၤ ဒ်န့ၣ်န့ၣ် နလုၢ်အီၣ်လုၢ်အီ နဟံၣ်ဖိဃီဖိကသ့.—ကတိၤ ၁၄:၂၃

• နတၢ်မ့ၢ်တအိၣ် အါအါဘၣ်နာ်က့ သးအိၣ်မၤစၢၤပှၤဂၤ.—ဧ့ၤ ၁၃:၁၆