လါစဲးပတ့ဘၢၣ် ၁၅-၂၁

• ကတိၤ ၃၁:၃၀—မါသ့ၣ်တဖၣ် ဟံးန့ၢ်တၢ်မၤလိလၢ နီၢ်မၤရံအအိၣ် ကသ့ဒ်လဲၣ်. (တၢး၂၃.၀၅ ၂၂ ¶၆)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

ဖိသၣ်တဂၤ သူဝဲ လီတဲဆိ မ့တမ့ၢ် ထဲးဘလဲးန့ၣ် မ့ၢ်နထံၣ်ဘၣ် တဘျီဘျီဧါ. တဘျီတခီၣ်န့ၣ် ဖိသၣ်တဖၣ် ပှၤတသိၣ်လိ အီၤလၢကသူဝဲ အံၣ်လဲးထြီနံး တၢ်ပီးတၢ်လီတဖၣ် သနာ်က့ အဝဲသ့ၣ်န့ၣ် အခိၣ်နူာ်ဖၠဲးဒိၣ်မး အဃိ အဝဲသ့ၣ် ဘၣ်သူဝဲဒ်လဲၣ်န့ၣ် အနီၢ်ကစၢ်သ့ၣ်ညါဝဲ. ဘၣ်ဆၣ် အဝဲသ့ၣ် ကဘၣ်သူ အံၣ်လဲးထြီနံး တၢ်ပီးတၢ်လီတဖၣ် လၢတၢ်ကူၣ်သ့အပူၤဒ်လဲၣ်န့ၣ် အဝဲသ့ၣ် ကလိၣ်ဘၣ်တၢ်မၤစၢၤ. အဃိ နမ့မ့ၢ် မိပါန့ၣ် နကမၤစၢၤနဖိတဖၣ်ဒ်လဲၣ်.

ကွၢ်တၢ်ဂီၤမူ လၢအမ့ၢ် သူတၢ်ဆၢကတီၢ်လၢ အဂ့ၤကတၢၢ်. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• လၢတနံၤအတီၢ်ပူၤ ပကသူ အံၣ်လဲးထြီနံး တၢ်ပီးတၢ်လီတဖၣ် ယံာ်ထဲလဲၣ်န့ၣ် ဘၣ်မနုၤအဃိ ပကဘၣ်ပာ်ပနီၣ်ဃာ် တၢ်ဆၢကတီၢ်လဲၣ်.

  ကွဲးလီၤ​တၢ်စံးဆၢ

• ပကဘၣ် ပာ်ပနီၣ်ဃာ်စ့ၢ်ကီး တၢ်ဆၢကတီၢ်လၢ တၢ်အဂၤမနုၤတဖၣ် အဂီၢ်လဲၣ်.

  ကွဲးလီၤ​တၢ်စံးဆၢ

ဖဲနပာ်လီၤ တၢ်သိၣ်တၢ်သီလၢ နဟံၣ်ဖိဃီဖိအဂီၢ်အခါ ပာ်လီၤတၢ်သိၣ်တၢ်သီလၢ အဒိးသန့ၤထီၣ်သးလၢ လံာ်စီဆှံ တၢ်ဟံးစုနဲၣ်ကျဲ ဒီးတဘၣ်မၤပိာ် မိၢ်ပၢ်အဂၤတဖၣ်အခံတဂ့ၤ. (ကလၤ ၆:၅) အဒိ သံကွၢ်လီၤနသးလၢ–

• မ့ၢ်ယဖိပာ်ဖျါထီၣ်ဝဲလၢ အဝဲအိၣ်ဒီး တၢ်ကီၤသူၣ်ကီၤသး ဒီးတၢ်သ့ဆိကမိၣ် ပဲာ်ထံနီၤဖးတၢ်လၢ ကသူအံၣ်လဲးထြီနံး တၢ်ပီးတၢ်လီ လံဧါ.—၁ ကရံၣ်သူး ၉:၂၅

• မ့ၢ်ယကြၢး ပျဲယဖိလၢ ကသူအံၣ်လဲးထြီနံး တၢ်ပီးတၢ်လီ ဖဲအအိၣ်တဂၤအခါဧါ.—ကတိၤ ၁၈:၁

• ယကပျဲလၢ ယဖိကကွၢ် ဒီးကသူ အဲး (app) မနုၤလဲၣ် ဒီးတပျဲလၢ အကကွၢ် ဒီးကသူအဲး (app) မနုၤဘၣ်လဲၣ်.—အ့း ၅:၃-၅; ဖံလံး ၄:၈, ၉

• ဒ်သိးယဖိကအိၣ်ဒီး တၢ်ဆၢကတီၢ်လၢ ကမၤဘၣ် တၢ်လၢအမၤသးခုအီၤ ဒီးတၢ်အဂၤလၢ အရ့ဒိၣ်တဖၣ်အဂီၢ် ယကဘၣ် ပျဲအဝဲသူ အံၣ်လဲးထြီနံး တၢ်ပီးတၢ်လီ တနံၤယံာ်ထဲလဲၣ်.—စံၣ် ၃:၁