လါဒံၣ်စ့ဘၢၣ် ၂၂-၂၈
ဝံယၡါယၤ ၁၁-၁၃
တၢ်သးဝံၣ် ၁၄ ဒီးတၢ်ဃ့ထုကဖၣ် | တၢ်ကတိၤအိးထီၣ် (၁ မံးနံး)
၁. ဘၣ်ဃးဒီး မ့းၡံအၤန့ၣ် လံာ်စီဆှံတဲဝဲဒ်လဲၣ်
(၁၀ မံးနံး)
မ့းၡံအၤ ကဟဲလီၤစၢၤလီၤသွဲၣ်လၢ စီၤယံးၡဲ အဖိခွါ စီၤဒၤဝံး (ၡါ ၁၁:၁; ip-1-E ၁၅၉ ¶၄-၅)
အဝဲကအိၣ်ဒီး ယွၤအသးစီဆှံ ဒီးတၢ်ပျံၤယဟိဝၤယွၤ (ၡါ ၁၁:၂, ၃; ip-1-E ၁၅၉ ¶၆; တၢး၂၃.၀၆ ၁၅ ¶၅)
အဝဲ ကစံၣ်ညီၣ်တၢ် တီတီလိၤလိၤ ဒီးလၢတၢ်သးကညီၤအပူၤ (ၡါ ၁၁:၃-၅; ip-1-E ၁၆၀ ¶၉; ၁၆၁ ¶၁၁)
လၢပကဆိကမိၣ်ထံအီၤအဂီၢ်– ဘၣ်မနုၤအဃိ ယ့ၣ်ၡူးန့ၣ် မ့ၢ်ပှၤလၢ အဂ့ၤဒိၣ်န့ၢ်ဒံး ပှၤဟီၣ်ခိၣ်ဖိလၢ အပၢတၢ်သ့ၣ်တဖၣ်လဲၣ်.
၂. နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(၁၀ မံးနံး)
ၡါ ၁၁:၉, ၁၀—ဒ်လံာ်စီဆှံအဆၢအံၤ ပာ်ဖျါဝဲအသိး ဟီၣ်ခိၣ်သီခဲကၢာ်န့ၣ် တၢ်သိၣ်လိ အတၢ်ရဲၣ်တၢ်ကျဲၤ ကအိၣ်ဝဲဒ်လဲၣ်. (တၢး၂၂.၀၉ ၂၀ ¶၂)
တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.
၃. တၢ်ဖးလံာ်စီဆှံ
(၄ မံးနံး) ၡါ ၁၁:၁-၁၂ (th တၢ်မၤလိ ၁၁)
၄. စးထီၣ်တဲသကိးတၢ်ဒီးပှၤဂၤ
(၃ မံးနံး) တဟံၣ်ဘၣ်တဟံၣ်. (lmd တၢ်မၤလိ ၂ တၢ်ဂ့ၢ် ၅)
၅. က့ၤကဒါက့ၤလၢအဝဲသ့ၣ်အိၣ်
(၄ မံးနံး) တၢ်စံၣ်တဲၤတဲလီၤတၢ် တပူၤလၢ်လၢ်. သူ jw.org လၢနကစံးဆၢက့ၤ အတၢ်သံကွၢ်. (lmd တၢ်မၤလိ ၈ တၢ်ဂ့ၢ် ၃)
၆. ဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်
(၅ မံးနံး) မၤစၢၤ နပှၤမၤလိလံာ်စီဆှံဖိ လၢကအိၣ်ကတဲာ်ကတီၤအသးလၢ ကလဲၤစံၣ်တဲၤတဲလီၤတၢ်ဒီးနၤ တဟံၣ်ဘၣ်တဟံၣ်. (lmd တၢ်မၤလိ ၁၁ တၢ်ဂ့ၢ် ၄)
တၢ်သးဝံၣ် ၅၇
၇. မ့ၢ်န “စံၣ်ညီၣ်တၢ် တီတီလိၤလိၤ” ဧါ
(၁၅ မံးနံး) တၢ်တဲသကိးတၢ်.
ကိးနံၤဒဲးန့ၣ် ပစံၣ်ညီၣ်ပှၤဂၤ ဒီးတဘျီတခီၣ်န့ၣ် ပမးတပာ်သူၣ်ပာ်သးဘၣ်. အါဘျီန့ၣ် ပစံၣ်ညီၣ်ပှၤဂၤ ဒ်တၢ်လၢပထံၣ်အီၤလၢ ပမဲာ်ချံအသိး. ဘၣ်ဆၣ် ယ့ၣ်ၡူးလၢ ပအဲၣ်ဒိး ကွၢ်လိအီၤန့ၣ် အတမၤဝဲဒ်န့ၣ်ဘၣ်. (ၡါ ၁၁:၃, ၄) ယ့ၣ်ၡူးန့ၣ် အထံၣ်တၢ်အိၣ်လၢ ပှၤသးပူၤ, သ့ၣ်ညါ ပှၤတၢ်ဆိကမိၣ် ဒီးတၢ်ပာ်သူၣ်ပာ်သး. မ့မ့ၢ် ပဝဲန့ၣ် ပတအိၣ်ဒီး တၢ်သ့တၢ်ဘၣ် ဒ်န့ၣ်ဘၣ်. ဘၣ်ဆၣ် ပဂုာ်ကျဲးစၢးလၢ ပကကွၢ်လိ ယ့ၣ်ၡူးသ့. ယ့ၣ်ၡူးတဲဝဲလၢ “တဘၣ်စံၣ်ညီၣ်တၢ် ဒ်တၢ်အိၣ်ဖျါ လၢခိအသိး လၢၤတဂ့ၤ, စံၣ်ညီၣ်တၢ် တီတီလိၤလိၤတက့ၢ်.”—ယိၤ ၇:၂၄.
ပမ့ၢ်စံၣ်ညီၣ်ပှၤဂၤ ဒ်တၢ်လၢ ပထံၣ်အီၤအသိးန့ၣ် ပတၢ်သးဆူၣ် လၢတၢ်စံၣ်တဲၤတဲလီၤတၢ်မၤအပူၤ ကစှၤလီၤ. ဘၣ်သ့ၣ်သ့ၣ် နတဘၣ်သး လဲၤစံၣ်တဲၤတဲလီၤတၢ် လၢပှၤကလုာ်ဂၤကျါ, ပှၤသးဆူၣ်လၢ နီၢ်ကစၢ် တၢ်ဘူၣ်တၢ်ဘါ အကျါ, ပှၤကဲဒိၣ် မ့တမ့ၢ် ပှၤဖှီၣ်ဖိယာ်ဖိအကျါဘၣ်. ဘၣ်သ့ၣ်သ့ၣ် နကကွၢ် တၢ်လၢအဖျါလၢခိ ဒီးနကဆိကမိၣ်ဘၣ်လၢ ပှၤတဂၤအံၤ တသးအိၣ် တၢ်မ့ၢ်တၢ်တီဘၣ်. ကစၢ်ယွၤ အဲၣ်ဒိးဝဲလၢ “ပှၤကိးကလုာ်ဒဲး ကဒိးန့ၢ်ဘၣ် တၢ်အုၣ်က့ၤခီၣ်က့ၤဒီး ကသ့ၣ်ညါထီၣ် တၢ်မ့ၢ်တၢ်တီ လီၤတံၢ်လီၤဆဲးလီၤ.”—၁ တံၤ ၂:၄.
ကွၢ်တၢ်ဂီၤမူ လၢအမ့ၢ် တၢ်မၤလိလၢ တၢးထီခိးတၢ်အပူၤ—တဘၣ်စံၣ်ညီၣ်တၢ်ဒ် တၢ်လၢပထံၣ်အီၤလၢ ပမဲာ်အသိးတဂ့ၤ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–
တၢ်ဂီၤမူအံၤအပူၤ ပထံၣ်ဘၣ်လၢ ပှၤကွၢ်တလီၤလိာ်သးလၢ တၢ်ဂ့ၢ်မနုၤတဖၣ် အဃိလဲၣ်.
ပမ့ၢ်ကွၢ်တလီၤ ပဒီပုၢ်ဝဲၢ်မုၣ်ခွါတဖၣ်န့ၣ် ကမၤဘၣ်ဒိ တၢ်အိၣ်ဖှိၣ်ဒ်လဲၣ်.
တၢ်မနုၤမၤစၢၤ ပဒီပုၢ်ဝဲၢ်လၢ တၢ်ဂီၤမူပူၤတဖၣ် ဒ်သိး အတစံၣ်ညီၣ်တၢ် ဒ်တၢ်လၢ အအိၣ်ဖျါလၢခိ အသိးဘၣ်လဲၣ်.
လၢ တၢးထီခိးတၢ် တၢ်မၤလိအပူၤ နဒိးန့ၢ်ဘၣ် တၢ်မၤလိ မနုၤလဲၣ်.
၈. တၢ်အိၣ်ဖှိၣ်တၢ်မၤလိ လံာ်စီဆှံ
(၃၀ မံးနံး) lfb တၢ်မၤလိ ၄၆-၄၇