တၢ်မ့ၢ်တၢ်တီန့ၣ် ကဲထီၣ်တၢ်မၤစၢၤ လၢနဂီၢ်ဒ်လဲၣ်
ကစၢ်ယွၤလၢအကတိၤ တၢ်မ့ၢ်တၢ်တီထီဘိတဂၤအံၤန့ၣ် အၢၣ်လီၤလၢအကဟ့ၣ်ပှၤ တၢ်မုၢ်လၢ်လၢအမ့ၢ် “တၢ်မူအထူအယိာ်” န့ၣ်လီၤ.—ယိၤဟၣ် ၃:၁၆.
နကြၢးမၤ တၢ်မနုၤလဲၣ်
မၤလိယွၤအကလုၢ်ကထါ တၢ်မ့ၢ်တၢ်တီအံၤတက့ၢ်.—ယိၤဟၣ် ၁၇:၃, ၁၇.
ဒိကနၣ် ကစၢ်ယွၤအကလုၢ်တက့ၢ်.—၅ မိၤၡ့ ၃:၁၉, ၂၀.
မၤထွဲကစၢ်ယွၤ အတၢ်ဟံးစုနဲၣ်ကျဲလၢ နတၢ်အိၣ်မူအပူၤတက့ၢ်.—ယၤကိာ် ၁:၂၅.
ယဟိဝၤပှၤအုၣ်အသးလၢ ဟီၣ်ခိၣ်ဒီဘ့ၣ်န့ၣ် ဒိးန့ၢ်ဘၣ်တၢ်ဘျုးတၢ်ဖှိၣ် ခီဖျိလၢအဝဲသ့ၣ်မၤလိဝဲ လံာ်စီဆှံတၢ်မ့ၢ်တၢ်တီအဃိန့ၣ်လီၤ. ယဟိဝၤပှၤအုၣ်အသးလၢ ဟီၣ်ခိၣ်ဒီဘ့ၣ်န့ၣ် သ့ၣ်ညါဘၣ်ဝဲလၢ တၢ်မၤလိလံာ်စီဆှံတၢ်မ့ၢ်တၢ်တီန့ၣ် ကဲဘျုးလၢအဝဲသ့ၣ်အဂီၢ်ဒိၣ်မးလီၤ. အဃိ တၢ်ဂ့ၢ်လၢအဝဲသ့ၣ် မၤလိဘၣ်ဝဲတဖၣ်န့ၣ် အဲၣ်ဒိးဒုးသ့ၣ်ညါဘၣ်သုလီၤ.
ဒ်သိး နကသ့ၣ်ညါအါထီၣ် တၢ်မ့ၢ်တၢ်တီလၢ လံာ်စီဆှံပူၤအဂီၢ် ကွၢ်ဘရိၣ်ခၠၣ် လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု လၢယဟိဝၤပှၤအုၣ်အသးတဖၣ် ထုးထီၣ်ဝဲ မ့တမ့ၢ် နဒိးန့ၢ်အီၤသ့လၢ www.jw.org/ksw အပူၤလီၤ.