အိၣ်မူဒ် ခရံာ်ဖိအသိး
ပှၤကွၢ်သိလၢ အမၤစၢၤ ယဟိဝၤယွၤ အပှၤဂီၢ်မုၢ်
ပှၤအါဂၤန့ၣ် တအိၣ်ဒီး တၢ်ထံၣ်လၢအဂ့ၤ လၢပှၤလၢအအိၣ်ဒီး တၢ်စိတၢ်ကမီၤတဖၣ် အဖီခိၣ်ဘၣ်. အဝဲသ့ၣ် အိၣ်ဒီး တၢ်ထံၣ်ဒ်န့ၣ်န့ၣ် ပနၢ်ပၢၢ်အီၤသ့. မ့ၢ်လၢ ပမ့ၢ်ကွၢ်က့ၤလၢ တၢ်စံၣ်စိၤတဲစိၤအပူၤန့ၣ် ပထံၣ်ဘၣ်လၢ ပှၤခိၣ်ပှၤနၢ်အါဂၤန့ၣ် အသူကမၣ် အတၢ်စိတၢ်ကမီၤ ဒီးအသူဝဲလၢ အနီၢ်ကစၢ်အဘျုးအဂီၢ်. (မံ ၇:၃) ဘၣ်ဆၣ် မ့မ့ၢ် ပဝဲယဟိဝၤယွၤ အခ့အပှၤတဖၣ်န့ၣ် ပအိၣ်ဒီး တၢ်အိၣ်ဖှိၣ်သးပှၢ်လၢ အသူဝဲ အတၢ်စိတၢ်ကမီၤလၢ ကမၤစၢၤပှၤအဃိ ပသးခုဒိၣ်မး.—အ့ၤ ၁၀:၃; မး ၂၀:၂၅, ၂၆.
တၢ်အိၣ်ဖှိၣ်သးပှၢ်တဖၣ်န့ၣ် တဒ်သိးဒီး ပှၤတၢ်ချၢလၢ အအိၣ်ဒီး တၢ်စိတၢ်ကမီၤတဖၣ်ဘၣ်. အဝဲသ့ၣ် တီခိၣ်ရိၤမဲတၢ် ခီဖျိလၢ အအဲၣ်ယဟိဝၤယွၤ ဒီးယဟိဝၤယွၤ အပှၤဂီၢ်မုၢ်တဖၣ်အဃိ. (ယိၤ ၂၁:၁၆; ၁ ပ့း ၅:၁-၃) တၢ်အိၣ်ဖှိၣ်သးပှၢ် လၢအကဲဝဲ ပှၤကွၢ်သိတဖၣ်အံၤန့ၣ် မၤထွဲဝဲ ယ့ၣ်ၡူးအတၢ်ဟံးစုနဲၣ်ကျဲ ဒ်သိး ကမၤစၢၤ ဒီပုၢ်ဝဲၢ်မုၣ်ခွါတဂၤစုာ်စုာ်လၢ ကတူၢ်ဘၣ်ဝဲလၢ အဝဲသ့ၣ် ပၣ်ဃုာ်လၢ ယဟိဝၤယွၤ အပှၤဟံၣ်ဖိဃီဖိအကျါ ဒီးကဆဲးအိၣ်ဘူးဒီး ယဟိဝၤယွၤအဂီၢ်. ယဟိဝၤယွၤ အသိတဖၣ် မ့ၢ်လိၣ်ဘၣ်တၢ်မၤစၢၤန့ၣ် အဝဲသ့ၣ် ဟ့ၣ်ဂံၢ်ဟ့ၣ်ဘါဝဲ ဒီးအမ့ၢ်ဘၣ်ကူစါယါဘျါအသး သတူၢ်ကလာ် ဒီးန့ဆၢၣ်အတၢ်ဘၣ်ဒိဘၣ်ထံး မ့ၢ်ကဲထီၣ်န့ၣ် အဝဲသ့ၣ် မၤစၢၤဝဲလၢ အဆိအချ့. အဃိ နမ့ၢ်လိၣ်ဘၣ်တၢ်မၤစၢၤန့ၣ် လဲၤဃ့တၢ်မၤစၢၤလၢ တၢ်အိၣ်ဖှိၣ်သးပှၢ်တဖၣ်အအိၣ် ဒီးပျံၤအဝဲသ့ၣ်တဂ့ၤ.—ယၤ ၅:၁၃.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ပှၤကွၢ်သိတဖၣ်လၢ အကဟုကယာ်ဝဲအသိဖိ, ဝံၤဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–
တၢ်အိၣ်ဖှိၣ်သးပှၢ်တဖၣ် မၤစၢၤ မရံယၤနၤ အဃိ ကဲဘျုးလၢ မရံယၤနၤအဂီၢ်ဒ်လဲၣ်.
တၢ်အိၣ်ဖှိၣ်သးပှၢ်တဖၣ် မၤစၢၤ အလဲယၢး အဃိ ကဲဘျုးလၢ အလဲယၢးအဂီၢ်ဒ်လဲၣ်.
နကွၢ်တၢ်ဂီၤမူအံၤဝံၤအလီၢ်ခံ တၢ်လၢတၢ်အိၣ်ဖှိၣ်သးပှၢ်တဖၣ် မၤဝဲန့ၣ် နထံၣ်အီၤဒ်လဲၣ်.