စံးထီၣ်ပတြၢၤ
လၢတၢ်သူၣ်ဝံၣ်သးဆၢအခိၣ်အဂီၢ်, ဒ်ကၤသး* အသီၣ် အိၣ်ဝဲအသိး. စီၤဒၤဝံးအထါ.
၈ အိ ပကစၢ် ယဟိဝၤယွၤဧၢ, နမံၤန့ၣ် လီၤကဟုကညီၢ်ဒိၣ်မးလၢ ဟီၣ်ခိၣ်ဒီဘ့ၣ်ညါလီၤ.
နတၢ်လၤတၢ်ကပီၤန့ၣ် ဒိၣ်န့ၢ်ထီန့ၢ် မူခိၣ်ဒံးလီၤ.+
၂ လၢနဒုၣ်နဒါတဖၣ်အဃိ နပာ်ဖျါထီၣ် နဂံၢ်နဘါခီဖျိ
တၢ်ကတိၤတဖၣ်လၢ အဟဲထီၣ်လၢဖိသၣ် ဒီးဖိသၣ်အီနုၢ်တဖၣ် အထးခိၣ်+
ဒ်သိး နကမၤဘှ့ၣ် ပှၤသူၣ်အၢသးသီလၢ အထီဒါနၤတဖၣ်အဂီၢ်လီၤ.
၃ ဖဲယကွၢ်ထီၣ်မူခိၣ် လၢနတ့လီၤအီၤ
ဒီးလါဒီးဆၣ်တဖၣ်လၢ အမ့ၢ်နစု အတၢ်ဘၣ်တ့တဖၣ်အခါ+
၄ ယဆိကမိၣ်ထီၣ်လၢ ပှၤဟီၣ်ခိၣ်ဖိ မ့ၢ်တၢ်မနုၤလၢ နကသ့ၣ်နီၣ် အီၤလဲၣ်
ဒီးပှၤကညီဖိခွါ မ့ၢ်တၢ်မနုၤလၢ နကကွၢ်ထွဲအီၤအဂီၢ်လဲၣ်.+
၅ နဒုးကဲထီၣ်အီၤလၢ အပတီၢ်ဖုၣ်န့ၢ်ဒံး မူခိၣ်ကလူးတဖၣ်တစဲး
ဒီးနဟ့ၣ်လီၤအီၤလၢ တၢ်လၤကပီၤဒီး တၢ်ကဟုကညီၢ်လီၤ.
၆ ဒီးနပာ်ထီၣ်အီၤလၢ နစုတၢ်ဘၣ်တ့တဖၣ် အဖီခိၣ်လီၤ.+
ဒီးနပာ်လီၤ တၢ်ခဲလၢာ်လၢ အခီၣ် အဖီလာ်,
၇ သိ, မဲာ်တဲးလဲး ဒီးကျီၢ်ခဲလၢာ်,
၈ ဒီးထိၣ်လၢအယူၤလၢ တၢ်ဖးဖီ, ညၣ်လၢအအိၣ်လၢ ပီၣ်လဲၣ်ပူၤ
ဒီးတၢ်ခဲလၢာ်လၢ အဟူးအဂဲၤလၢ ပီၣ်လဲၣ်ပူၤလီၤ.
၉ အိ ပကစၢ် ယဟိဝၤယွၤဧၢ, နမံၤန့ၣ် လီၤကဟုကညီၢ်ဒိၣ်မးလၢ ဟီၣ်ခိၣ်ဒီဘ့ၣ်ညါလီၤ.