တၢ်လဲၤထီၣ် အတၢ်သးဝံၣ်.
၁၂၁ ယကွၢ်ထီၣ်တၢ်လၢ ကစၢၢ်ကလိတဖၣ်အအိၣ်+
ဒီးတဲလၢ မတဂၤ ကမၤစၢၤယၤလဲၣ်.
၂ ယဟိဝၤယွၤ လၢအမ့ၢ်
ပှၤတဂၤလၢ အတ့လီၤမူခိၣ် ဒီးဟီၣ်ခိၣ်န့ၣ် ကမၤစၢၤယၤလီၤ.+
၃ အဝဲတပျဲလၢ နခီၣ် ကတပျာ် နီတဘျီဘၣ်.+
ပှၤတဂၤလၢ အဒီသဒၢနၤန့ၣ် တမံခ့ဝဲ နီတဘျီဘၣ်.
၄ ကွၢ်မီၤ, ပှၤတဂၤလၢ အဒီသဒၢ အံၣ်စရ့လးန့ၣ်+
အဝဲတမံနီတဘျီဘၣ် ဒီးတမံခ့ဝဲ နီတဘျီဘၣ်.
၅ ယဟိဝၤယွၤ ဒီသဒၢနၤလီၤ.
ယဟိဝၤယွၤ မ့ၢ်ဝဲ တၢ်ကဒုလၢ+ အအိၣ်လၢ နစုထွဲတခီလီၤ.+
၆ လၢမုၢ်ဆါခီန့ၣ် မုၢ်တမၤဆါနၤဘၣ်+
ဒီးလၢမုၢ်နၤခီန့ၣ် လါတမၤဆါနၤဘၣ်.+
၇ ယဟိဝၤယွၤ ကဒီသဒၢနၤလၢ တၢ်လၢကဟဲမၤဘၣ်ဒိနၤ ခဲလၢာ်+
ဒီးအဝဲ ကဒီသဒၢ နသးသမူလီၤ.+
၈ ယဟိဝၤယွၤ ကဒီသဒၢနၤလၢ တၢ်လၢနမၤအီၤခဲလၢာ်အပူၤ
စးထီၣ်ခဲအံၤ ဒီးဆူညါ လီၤထူလီၤယိာ်လီၤ.