ယံးရမံယၤ
၆ ပှၤဘံၣ်ယၤမံၣ်ဖိသ့ၣ်ဧၢ, တၢ်ကီတၢ်ခဲ ဒီးတၢ်နးတၢ်ဖှီၣ် ဒိၣ်ဒိၣ်မုၢ်မုၢ်တခါ လၢအအိၣ်လၢ ကလံၤစိးတခီန့ၣ် ကဟဲဘူးထီၣ်လံ.+
ဃ့ၢ်ပူၤဖျဲးကွံာ်သုသးလၢ ဝ့ၢ်ယရူၤၡလ့ၣ် ဒီးလဲၤအိၣ်လၢ တၢ်အိၣ်သဒၢအလီၢ်တက့ၢ်.
၂ ဝ့ၢ်စံယိၣ်* န့ၣ်လီၤဂာ်ဒ်သိးဒီး ပိာ်မုၣ်လၢ အဃံလၤ ဒီးအသူၣ်ကပုာ် သးကပုာ် ဒိၣ်ကတၢၢ် တဂၤလီၤ.+
၃ ပှၤကွၢ်သိတဖၣ် ကဟဲဝဲဒီး အသိတဖၣ်လီၤ.
အဝဲသ့ၣ် ကဆီလီၤအဒဲတဖၣ် ဝးတရံးဝ့ၢ်စံယိၣ်+
ဒီးအဝဲသ့ၣ်တဂၤစုာ်စုာ် ကဒုးအီၣ် အသိတဖၣ်အဆၣ် တဂၤလၢ အလီၢ်ဒၣ်ဝဲလီၤ.+
၄ “အိၣ်ကတဲာ်ကတီၤသးလၢ ကဒုး ဝ့ၢ်ယရူၤၡလ့ၣ် အဂီၢ်တက့ၢ်.
ဂဲၤဆၢထၢၣ် ဒီးမ်ပလဲၤဒုးအီၤ ဖဲမုၢ်ထူၣ် အဆၢကတီၢ်တက့ၢ်.”
“စဲၤခံလံ, တၢ်ခံးလီၤ ဒိၣ်ထီၣ်မး ဒိၣ်ထီၣ်လီၤ.
အဃိ ပကဘၣ်ကီဘၣ်ခဲ သပှၢ်တၢၢ်လီၤ.”
၅ “ဂဲၤဆၢထၢၣ်ဒီး မ်ပလဲၤဒုးအီၤ ဖဲမုၢ်နၤခီအဆၢကတီၢ်
ဒီးမၤဟးဂီၤကွံာ် အတၢးလၢအကျၢၤတဖၣ်တက့ၢ်.”+
၆ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ
“ကူာ်လီၤသ့ၣ် ဒီးပာ်ပူၣ်ထီၣ် ဟီၣ်ခိၣ် ဒ်သိးကဒုး ဝ့ၢ်ယရူၤၡလ့ၣ် အဂီၢ်တက့ၢ်.+
လၢအပူၤန့ၣ် တၢ်အဂၤတအိၣ် နီတမံၤဘၣ် အိၣ်ထဲ တၢ်ဆီၣ်တံၢ် မၤနၢၤအဃိ+
အမ့ၢ်ဝ့ၢ်လၢ ကဘၣ်တၢ်စံၣ်ညီၣ် အီၤလီၤ.
၇ ဒ်ထံကမါ မ့ၢ်ဝဲတၢ်လီၢ်လၢ အအိၣ်ဒီးထံချံၣ်အသိး
ဝ့ၢ်တဖျၢၣ်အံၤ မ့ၢ်ဝဲတၢ်အၢတၢ်သီ အလီၢ်လီၤ.
ယနၢ်ဟူ တၢ်မၤဆူၣ်မၤစိး ဒီးတၢ်မၤဟးဂီၤတၢ်လၢ ဝ့ၢ်ပူၤ+
ဒီးယထံၣ်ဘၣ်ထဲ တၢ်ဆူးတၢ်ဆါ ဒီးတၢ်နးတၢ်ဖှီၣ်လီၤ.
၈ အိ ဝ့ၢ်ယရူၤၡလ့ၣ်ဧၢ, ဒိကနၣ် ယတၢ်ဟ့ၣ်ပလီၢ်တက့ၢ်. နမ့ၢ်တဒိကနၣ်ဘၣ်န့ၣ် ယကသးဘၣ်အၢနၤဒီး ဃၣ်ကွံာ်သးလၢနအိၣ်လီၤ.+
ယကဒုးအိၣ်သယုၢ်နၤ ဒီးနကကဲထီၣ်တၢ်လီၢ်လၢ ပှၤတအိၣ်လၢအပူၤ နီတဂၤဘၣ်လီၤ.”+
၉ တၢ်သုးမုၢ်ဂီၢ်မုၢ် အကစၢ်ယဟိဝၤယွၤ တဲဝဲလၢ
“ဒ်ပှၤထၢဖှိၣ်က့ၤ စပံးသၣ်လၢ အအိၣ်တ့ၢ်အလီၢ်ခံကတၢၢ်တဖၣ်အသိး ဒုၣ်ဒါတဖၣ် ကထၢဖှိၣ်က့ၤ ပှၤအံၣ်စရ့လးဖိလၢ အအိၣ်တ့ၢ်ကဒါက့ၤတဖၣ်လီၤ.
ထၢဖှိၣ်အဝဲသ့ၣ် ဒ်ပှၤထၢဖှိၣ် စပံးသၣ်လၢ စပံးမုၢ်တဖၣ်အလိၤ အသိးတက့ၢ်.”
၁၀ “အဝဲသ့ၣ် အနၢ်ကုပံးဃာ်အသး အဃိ အဝဲသ့ၣ် နၢ်ဟူတၢ် တသ့ဘၣ်.+
ယဟိဝၤယွၤ အတၢ်ကတိၤန့ၣ် ကဲထီၣ်တၢ်တခါလၢ အဝဲသ့ၣ် ဒုၣ်ဒွဲၣ်ဝဲ+
ဒီးတဘၣ်သူၣ်ဘၣ်သးဝဲ နီတစဲးဘၣ်.
အဃိ ယကဘၣ်တဲတၢ် ဒီးဟ့ၣ်ပလီၢ် မတဂၤလဲၣ်.
မတဂၤ ကဒိကနၣ်လဲၣ်.
၁၁ အဃိ ယပှဲၤဒီး ယဟိဝၤယွၤ အတၢ်သးဒိၣ်
ဒီးယပၢၤဃာ်အီၤ ယံာ်ယံာ် တကဲလၢၤဘၣ်.”+
“ဘၣ်ဃးဒီး တၢ်သးဒိၣ်အံၤန့ၣ် တဲဖျါထီၣ် ဖိသၣ်တဖၣ်လၢကျဲပူၤ+
ဒီးပိာ်ခွါသးစၢ်တဖၣ်လၢ အပာ်ဖှိၣ်ထီၣ်အသး တပူၤဃီတက့ၢ်.
ပှၤဒီမါဝၤတဖၣ်မ့ၢ်ဂ့ၤ, ပိာ်ခွါသးပှၢ်မ့ၢ်ဂ့ၤ
ဒီးပိာ်ခွါလၢ အသးပှၢ်တဃဲာ်မ့ၢ်ဂ့ၤ ကဘၣ်တၢ်ဖီၣ်န့ၢ် အဝဲသ့ၣ် ကိးဂၤဒဲးလီၤ.+
၁၂ အဝဲသ့ၣ်အဟံၣ်အဃီ ဃုာ်ဒီး အစံာ်ပျီ ဒီးအမါတဖၣ်+
ကကဲထီၣ် ပှၤဂၤအတၢ်လီၤ.
ယကယၤထီၣ်ယစု ဒ်သိးကထီဒါ ပှၤလၢအအိၣ်လၢ တၢ်လီၢ်ဖဲန့ၣ်လီၤ.” ယဟိဝၤယွၤ တဲဝဲဒ်န့ၣ်လီၤ.
၁၃ “စးထီၣ်လၢ ပှၤအဒိၣ်ကတၢၢ် တုၤလီၤလၢ ပှၤအဆံးကတၢၢ်န့ၣ် အဝဲသ့ၣ် မၤတၢ်တတီတလိၤ ဒ်သိးအကမၤန့ၢ်ဘၣ် တၢ်လၢအနီၢ်ကစၢ် အဂီၢ်လီၤ.+
ဒီးစးထီၣ်လၢဝံ တုၤလီၤလၢ ပှၤလုၢ်တၢ်ဒိၣ်တဖၣ်န့ၣ် အဝဲသ့ၣ် လံၣ်အီၣ်လီအီၣ်တၢ်လီၤ.+
၁၄ ယပှၤဂီၢ်မုၢ် ဘၣ်ဒိဘၣ်ထံးလၢာ်လံ ဘၣ်ဆၣ် အဝဲသ့ၣ် အဲၣ်ဒိးမၤဘျါယပှၤဂီၢ်မုၢ် ထဲလၢအဘ့ၣ်ခိၣ် ခီဖျိ တဲအီၤယိယိဖိလၢ
‘တၢ်ခဲလၢာ် အိၣ်ဝဲမုာ်မုာ်ခုၣ်ခုၣ်, တၢ်ခဲလၢာ် အိၣ်ဝဲမုာ်မုာ်ခုၣ်ခုၣ်လီၤ.’
ဘၣ်ဆၣ် နီၢ်ကီၢ်န့ၣ် တၢ်တမုာ်တခုၣ် နီတစဲးဘၣ်.+
၁၅ မ့ၢ်အဝဲသ့ၣ် တူၢ်ဘၣ်တၢ်မဲာ်ဆှး ခီဖျိလၢတၢ်လီၤသးဘၣ်အၢလၢ အဝဲသ့ၣ် မၤဝဲတဖၣ်အဃိန့ၣ်ဧါ.
အဝဲသ့ၣ် တမဲာ်ဆှးဘၣ်.
အဝဲသ့ၣ် တသ့ၣ်ညါ တၢ်မဲာ်ဆှး နီတစဲးဘၣ်+
အဃိ အဝဲသ့ၣ် ကလီၤဃံၢ်ဒ်သိးဒီး ပှၤလၢအလီၤဃံၢ်တ့ၢ်တဖၣ်လီၤ.
ဖဲယစံၣ်ညီၣ် အဝဲသ့ၣ်အခါ အဝဲသ့ၣ် ကလီၤဃံၢ်ဝဲလီၤ.” ယဟိဝၤယွၤ တဲဝဲဒ်န့ၣ်လီၤ.
၁၆ ယဟိဝၤယွၤ တဲအဝဲသ့ၣ်လၢ
“ဆၢထၢၣ် ဖဲကျဲတဖၣ်ခီတဲာ်လိာ်သးအလီၢ် ဒီးကွၢ်တၢ်တက့ၢ်.
သံကွၢ်ဘၣ်ဃးဒီး ကျဲလၢပျၢၤ တဖၣ်အဂ့ၢ်,
သံကွၢ်လၢ ကျဲလၢအဂ့ၤအိၣ်ဖဲလဲၣ် ဒီးလဲၤတၢ်လၢအပူၤ+
ဒီးသုကထံၣ်န့ၢ် တၢ်အိၣ်ဘှံးအလီၢ်လၢ သုဂီၢ်လီၤ.”
ဘၣ်ဆၣ် အဝဲသ့ၣ်တဲဝဲလၢ “ပတလဲၤလၢ ကျဲတဘိန့ၣ် အပူၤဘၣ်.”+
ဘၣ်ဆၣ် အဝဲသ့ၣ်တဲဝဲ “ပတဒိကနၣ်ဘၣ်.”+
၁၈ “အိ ပှၤကလုာ်တဖၣ်သ့ၣ်ဧၢ, ဒိကနၣ်တက့ၢ်.
အိ ပှၤဂီၢ်မုၢ်သ့ၣ်ဧၢ,
တၢ်ကမၤသးဒီး အဝဲသ့ၣ်ဒ်လဲၣ်န့ၣ် သ့ၣ်ညါတက့ၢ်.
၁၉ ပှၤကလုာ်လၢ ဟီၣ်ခိၣ်ချၢသ့ၣ်ဧၢ, ကနၣ်တက့ၢ်.
မ့ၢ်လၢ ယပှၤဂီၢ်မုၢ် တကနၣ်ဃုာ် ယတၢ်ကတိၤတဖၣ် နီတစဲးဘၣ်
ဒီးတတူၢ်လိာ် ယတၢ်သိၣ် တၢ်သီဘၣ်* အဃိ
ယကဒုးလီၤဘၣ် တၢ်ကီတၢ်ခဲလၢ အဝဲသ့ၣ်အလိၤ+
ဒ်တၢ်စံၣ်ညီၣ်လၢ အဝဲသ့ၣ် အတၢ်ကူၣ်အၢ အဂီၢ်အသိးလီၤ.”
၂၀ “လီၢ်ဘၣ်* လၢသုဟဲက့ၤစိာ်လၢ ၡဘၤဘီမုၢ်
ဒီးဂ့ၢ်နၢမူလၢ သုဟဲက့ၤစိာ်လၢ တၢ်လီၢ်လၢအယံၤန့ၣ် အရ့တဒိၣ်လၢ ယဂီၢ်ဘၣ်.
သုတၢ်လုၢ်ဒွဲၣ်အူတဖၣ်န့ၣ် ယတတူၢ်လိာ်ဘၣ်
ဒီးသုတၢ်လုၢ်တၢ်ပာ်တဖၣ်န့ၣ် တဘၣ်ယသးဘၣ်.”+
၂၁ အဃိ ယဟိဝၤယွၤ တဲဝဲလၢ
“လၢပှၤဂီၢ်မုၢ်တဖၣ်အံၤ အဂီၢ်န့ၣ် ယကပာ်လီၤ တၢ်လီၤဃံၢ်အလီၢ်တဖၣ်
ဒီးခီဖျိလၢ တၢ်လီၤဃံၢ်အလီၢ်တဖၣ်အံၤအဃိ အဝဲသ့ၣ် ကလီၤဃံၢ်လီၤ.
၂၂ ယဟိဝၤယွၤ တဲဝဲလၢ
“ကွၢ်တထံၣ်, ပှၤဂီၢ်မုၢ်တဒူၣ် လၢအအိၣ်လၢ ကီၢ်လၢကလံၤစိးတခီန့ၣ် ကဟဲဝဲ
ဒီးပှၤကလုာ်ဖးဒိၣ်တကလုာ် လၢအအိၣ်လၢ တၢ်လီၢ်လၢ အယံၤကတၢၢ်န့ၣ် ကဟူးထီၣ်ဝဲလီၤ.+
၂၃ ဝ့ၢ်စံယိၣ်ဧၢ, အဝဲသ့ၣ် ကဟံးထီၣ် ချံၣ်ဒီးဘီဖိ,
အဝဲသ့ၣ် သူၣ်အၢသးသီ ဒီးအတၢ်သးကညီၤ တအိၣ်ဘၣ်.
အဝဲသ့ၣ် အကလုၢ် ကသီၣ်လီၤဂာ် ဒ်ပီၣ်လဲၣ်သီၣ်ဝဲ အသိးလီၤ.
အဝဲသ့ၣ် ဒိးကသ့ၣ်တဖၣ်+
ဒီးကဆီလီၤအသး ဒ်သိးဒီး ပှၤသုးဖိတဖၣ်လၢ ကဒုးနၤ အဂီၢ်လီၤ.”
၂၄ ပနၢ်ဟူဘၣ် ဘၣ်ဃးဒီး တၢ်ဂ့ၢ် အဝဲန့ၣ်လီၤ.
၂၅ မ့ၢ်လၢ ဒုၣ်ဒါ အိၣ်ဒီးအနး
ဒီးတၢ်ပျံၤတၢ်ဖုး အိၣ်ဝဲ ဝးဝးအဃိ
တဘၣ်လဲၤလီၤလၢ ပျီပူၤ
ဒီးတဘၣ်ဟးလၢ ကျဲပူၤတဂ့ၤ.
အဃိ ကူထီၣ်ကၤထီၣ် ထၢၣ်တၢ်ကံးညာ်*+ ဒီးထိၣ်တလ့ၣ်သုသးလၢ ဖၣ်ဆါကျါတက့ၢ်.
ဟီၣ်တၢ်ယၢၤတၢ်နးနး ဒ်သိးဒီး ပှၤလၢ အဟီၣ်ဝဲလၢ အဖိခွါ အိၣ်ထဲတဂၤ သံဝဲအဃိ န့ၣ်တက့ၢ်.+
၂၇ “ယကဒုးကဲထီၣ်နၤ* ဒ်သိးဒီး ပှၤပှံၢ်စီစ့ညၣ် တဂၤလၢ ယပှၤဂီၢ်မုၢ် အကျါလီၤ.
နကဘၣ် ပာ်သူၣ်ပာ်သး အဝဲသ့ၣ်
ဒီးအဝဲသ့ၣ် မၤဝဲတၢ်မနုၤလဲၣ်န့ၣ် နကဘၣ်ကွၢ် လီၤတံၢ်လီၤဆဲးလီၤ.
အဝဲသ့ၣ်န့ၣ် ကိၤဝဲဒ်သိးဒီး တိၢ်ဘီ ဒီးထး
ဒီးအဝဲသ့ၣ် ခဲလၢာ်န့ၣ် အသကဲာ်ပဝး ဟးဂီၤဝဲလီၤ.
၂၉ ပှၤတဂၤ ဂုာ်ကျဲးစၢးဆူၣ်ဆူၣ် ဒ်သိး ကပှံၢ်စီ အဝဲသ့ၣ်အဂီၢ်
ဒီးအဝဲ သူဝဲဃိ* ဒီးအူဝဲမ့ၣ်အူ ဒ်သိး မ့ၣ်အူကဆူၣ်ထီၣ်ဝဲအဂီၢ် ဘၣ်ဆၣ် မ့ၣ်အူအီၣ်ကွံာ်ဝဲ ဃိလီၤ.
ပှၤတဂၤန့ၣ် ဂုာ်ကျဲးစၢး ပှံၢ်စီအဝဲသ့ၣ် ဘၣ်ဆၣ် အဝဲသ့ၣ်ခဲလၢာ်န့ၣ် အၢဝဲသီဝဲ+ အဃိ တကဲဘျုး နီတမံၤဘၣ်.+
ဒီးတၢ်လၢ အဟးထီၣ်လၢ မ့ၣ်အူကျါန့ၣ် အိၣ်ထဲစၢၢ်ထးလီၤ.
၃၀ ဒီးမ့ၢ်လၢ ယၤ, ယဟိဝၤယွၤ တတူၢ်လိာ် အဝဲသ့ၣ်ဘၣ်အဃိ
ပှၤကကိးအဝဲသ့ၣ်လၢ စ့ညၣ်လၢ တၢ်တတူၢ်လိာ်အီၤဘၣ်.”+