ဟိၤၡ့
၁၂ “အ့ဖရဲၣ်* မၤတၢ်အၢၣ်လီၤအီလီၤဒီး ကီၢ်အၤၡူၢ်+ ဒီးလဲၤဆှၢန့ၢ် ကီၢ်အဲၤကူပတူး လၢသိဧိၤ ချါဧိၤလီၤ.+
အဃိ လီၤဂာ်ဒ် အ့ဖရဲၣ် အီၣ်ဝဲကလံၤ
ဒီးလူၤဖီၣ်ဝဲ မုၢ်ထီၣ်အကလံၤ ဒီတနံၤလီၤ.
အဝဲသ့ၣ် မၤအါထီၣ် တၢ်လံၣ်တၢ်လီ ဒီးတၢ်မၤဆူၣ်မၤစိးလီၤ.
၂ ယဟိဝၤယွၤ ကစံၣ်ညီၣ် ယူဒၤ+
ဒီးအကသိၣ်ဃီၣ် စီၤယၤကိာ်အစၢၤအသွဲၣ်တဖၣ် ဒ်အဝဲသ့ၣ်အတၢ်မၤ အိၣ်ဝဲအသိး
ဒီးကစၢ်ယွၤ ကဟ့ၣ်ကၣ်က့ၤ အဝဲသ့ၣ် ဒ်တၢ်လၢ အဝဲသ့ၣ် မၤဝဲတဖၣ် အသိးလီၤ.+
၃ ဖဲစီၤယၤကိာ်အိၣ်လၢ အမိၢ်ဒၢလီၢ်ပူၤအခါ အဖီၣ်ဃာ်ဝဲ အဒီပုၢ်ဝဲၢ်ခွါ အခီၣ်နၢၣ်ခံ+
ဒီးကနိလိာ်အသးဒီး ကစၢ်ယွၤ လၢတၢ်သူၣ်ဆူၣ်သးဆူၣ်အပူၤလီၤ.+
၄ အဝဲ ဆဲးကနိလိာ်အသးဒီး မူခိၣ်ကလူး ဒီးမၤနၢၤတၢ်လီၤ.
အဝဲဟီၣ်ဝဲ ဒီးဃ့ကညးဝဲ ဒ်သိးအကန့ၢ်ဘၣ် တၢ်ဆိၣ်ဂ့ၤလီၤ.”+
ကစၢ်ယွၤ ထံၣ်န့ၢ်အီၤလၢ ဝ့ၢ်ဘ့ၤသ့လး ဒီးတဲတၢ်ဒီးပှၤလီၤ.+
၆ “ဟဲက့ၤဆူ ကစၢ်ယွၤအအိၣ်,+
ဆဲးအိၣ်ဒီး တၢ်အဲၣ်လၢအတီ ဒီးတၢ်တီတၢ်လိၤ+
ဒီးမုၢ်လၢ်တၢ်လၢ ကစၢ်ယွၤအအိၣ် ထီဘိတက့ၢ်.
၇ ဘၣ်ဆၣ် ပှၤပနံာ်တၢ်ကၤတၢ်ဖိတဖၣ် သူဝဲစီၤပီၢ် လၢအတတီတလိၤဘၣ်
ဒီးအဝဲသ့ၣ် လံၣ်အီၣ်လီအီၣ်ပှၤဂၤ မုာ်မးလီၤ.+
ဘၣ်ဆၣ် လၢတၢ်လၢယမၤအီၤ ခဲလၢာ်အကျါန့ၣ် အဝဲသ့ၣ် ဃုယတၢ်ကမၣ် ဒီးယတၢ်ဒဲးဘးတဘၣ် နီတမံၤဘၣ်.’
၉ စးထီၣ်လၢ သုအိၣ်လၢ ကီၢ်အဲၤကူပတူးအပူၤ လံၤလံၤန့ၣ် ယမ့ၢ် သုကစၢ် ယဟိဝၤယွၤလီၤ.+
ယကဒုးအိၣ်ကဒီးသုလၢ ဒဲတဖၣ်အပူၤ
ဒ်တၢ်ဆၢကတီၢ်လၢ ဘၣ်တၢ်ပာ်ပနီၣ်တ့ၢ်အီၤ အသိးလီၤ.*
၁၀ ယတဲတၢ် ဒီးဝံသ့ၣ်တဖၣ်+
ဒီးယဒုးထံၣ် အဝဲသ့ၣ် တၢ်ထံၣ်လၢညါခီတဖၣ်ဒီဒူၣ်
ဒီးယတဲစ့ၢ်ကီး တၢ်ကတိၤဒိတဖၣ် ခီဖျိလၢ ဝံတဖၣ်လီၤ.
၁၁ တၢ်လီတၢ်ဝ့ၤ* အိၣ်ဝဲလၢ ကံးလဧး အဟီၣ်ကဝီၤပူၤ+ ဒီးပှၤမၤတၢ် တတီတလိၤဘၣ်.
ဒီးလၢ ဝ့ၢ်ကံးလကၤလး အပူၤန့ၣ် ပှၤလုၢ်ထီၣ် ကျီၢ်ဖါတဖၣ်+
ဒီးအဝဲသ့ၣ် အတၢ်လုၢ်လီၢ်တဖၣ်န့ၣ် လီၤဂာ်ဒ်သိးဒီး လၢၢ်အပူၣ်တဖၣ်လၢ အအိၣ်ဝဲလၢ ထဲၣ်အကျိၤတဖၣ်လၢ စံာ်ပျီပူၤလီၤ.+
၁၂ စီၤယၤကိာ် ဘၣ်လဲၤဃ့ၢ်အိၣ်လၢ အရၣ်အဟီၣ်ကဝီၤ,*+
စီၤအံၣ်စရ့လး+ ဘၣ်မၤတၢ် ဒ်သိး ကန့ၢ်ဘၣ် အမါအဂီၢ်+
ဒီးအဘၣ်ကွၢ်သိလၢ ကန့ၢ်ဘၣ် အမါအဂီၢ်လီၤ.+
၁၃ ယဟိဝၤယွၤ ထုးထီၣ်က့ၤ အံၣ်စရ့လးလၢ ကီၢ်အဲၤကူပတူးအပူၤ ခီဖျိလၢ ဝံတဂၤ+
ဒီးကစၢ်ယွၤ သူဝဲဝံတဂၤန့ၣ် ဒ်သိး ကကဟုကယာ်အဝဲသ့ၣ် အဂီၢ်လီၤ.+
၁၄ အ့ဖရဲၣ် မၤဘၣ်ဒိဆါ ကစၢ်ယွၤ ဒိၣ်မးလီၤ.+
တၢ်သွံၣ်တပူၤဒီး အခိၣ်ဒံးဘၣ်.
လၢအ့ဖရဲၣ်အဃိ ကစၢ်ယွၤ ဘၣ်တၢ်ဒုၣ်ဒွဲၣ်အီၤလီၤ. အဃိ အကစၢ်ယွၤ ကဟ့ၣ်ကၣ်က့ၤအီၤလီၤ.”+