ပာ်လုၢ်ပာ်ပှ့ၤ တၢ်ဟ့ၣ်လၢအမ့ၢ် ပသးသမူ

ခီဖျိလၢ ပအိၣ်မူဘၣ်အဃိ တၢ်လၢပမၤအီၤသ့ ဒီးကမၤသးခုပသးန့ၣ် အိၣ်ဝဲအါမး. ပမ့ၢ်ထံၣ်ဘၣ်ဒီး တၢ်ကီတၢ်ခဲသနာ်က့ ညီနုၢ်န့ၣ် ပအိၣ်ဒီး တၢ်သးခု လၢပတၢ်အိၣ်မူပူၤသ့ဒံး. အဃိ ပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်ဟ့ၣ်လၢအမ့ၢ် ပသးသမူကသ့ဒ်လဲၣ်. ဒီးဘၣ်မနုၤအဃိ အရ့ဒိၣ်လၢ ပကပာ်လုၢ်ပာ်ပှ့ၤ တၢ်ဟ့ၣ်လၢအမ့ၢ် ပသးသမူလဲၣ်.

၁. ဘၣ်မနုၤအဃိ ပကြၢးပာ်လုၢ်ပာ်ပှ့ၤ ပသးသမူလဲၣ်.

ပသးသမူန့ၣ် အကဲဝဲ တၢ်ဟ့ၣ်တခါလၢ ပပါယဟိဝၤယွၤ ဟ့ၣ်ပှၤအဃိ ပကြၢးပာ်လုၢ်ပာ်ပှ့ၤအီၤ. ကစၢ်ယွၤန့ၣ် အကဲဝဲ “တၢ်မူအဂံၢ်ခီၣ်ထံး” လၢအမ့ၢ် ပှၤတဂၤလၢ အတ့လီၤ တၢ်သးသမူခဲလၢာ်. (စံးထီၣ်ပတြၢၤ ၃၆:၉) ‘ကစၢ်ယွၤ ဟ့ၣ်လီၤ ပှၤခဲလၢာ်လၢ သးသမူ, ဒုးကသါပှၤ ဒီးဟ့ၣ်ပှၤတၢ်အဂၤ ခဲလၢာ်.’ (မၤတၢ် ၁၇:​၂၅, ၂၈) ဒ်သိး ပကဆဲးအိၣ်မူဘၣ်အဂီၢ် ယဟိဝၤယွၤ ဟ့ၣ်လီၤပှၤ တၢ်လၢပလိၣ်ဘၣ်ခဲလၢာ်. တကးဒံးဘၣ် အမၤစၢၤပှၤဒ်သိး ပကအိၣ်ဒီးတၢ်သးခု လၢပတၢ်အိၣ်မူအပူၤ.​—ဖး မၤတၢ် ၁၄:၁၇.

၂. ပပာ်လုၢ်ပာ်ပှ့ၤ ယဟိဝၤယွၤ တၢ်ဟ့ၣ်လၢအမ့ၢ် ပသးသမူန့ၣ် ပပာ်ဖျါထီၣ်အီၤ ကသ့ဒ်လဲၣ်.

ယဟိဝၤယွၤ သးအိၣ်နၤ စးထီၣ်လၢ နမိဒၢထီၣ်နၤ သီသီအခါလံ. စီၤဒၤဝံးလၢ အမ့ၢ် ပှၤလၢအဘူၣ်ထီၣ်ဘါထီၣ် ယဟိဝၤယွၤန့ၣ် လၢအတၢ်ထုကဖၣ်အပူၤ အတဲဝဲလၢ “ဖဲယမ့ၢ်ဒံး ဖိသၣ်ကိၣ်လိၣ်အခါ နမဲာ်ထံၣ်တ့ၢ်ယၤလီၤ.” (စံးထီၣ်ပတြၢၤ ၁၃၉:၁၆) လၢယဟိဝၤယွၤ အမဲာ်ညါန့ၣ် နသးသမူ မ့ၢ်တၢ်လၢ အလုၢ်ဒိၣ်ပှ့ၤဒိၣ် ဒိၣ်မး. (ဖး မးသဲ ၁၀:​၂၉-၃၁.) အဃိ ပှၤတဂၤ မ့ၢ်မၤသံ ပှၤအဂၤတဂၤ မ့တမ့ၢ် အမ့ၢ်မၤသံလီၤ အနီၢ်ကစၢ်အသးန့ၣ် ယဟိဝၤယွၤ ကသးဘၣ်ဒိဒိၣ်မး.a (၂ မိၤၡ့ ၂၀:၁၃) မ့ၢ်တလိၣ်လၢ ပဒုးအိၣ်ထီၣ် တၢ်ဘၣ်ယိၣ်အလီၢ်လၢ ပသးသမူအဂီၢ်ဘၣ် သနာ်က့ ပမ့ၢ်ဒုးအိၣ်ထီၣ်တၢ်ဘၣ်ယိၣ်အလီၢ်လၢ ပသးသမူအဂီၢ် မ့တမ့ၢ် လၢပှၤဂၤအသးသမူအဂီၢ်န့ၣ် ယဟိဝၤယွၤ ကသးဘၣ်ဒိစ့ၢ်ကီး. အဃိ ပမ့ၢ်ပာ်ကဲ ပသးသမူ ဒီးပှၤဂၤအသးသမူန့ၣ် မ့ၢ်ဒၣ် ပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်ဟ့ၣ်လၢအလီၤလိၢ်လီၤလး လၢအမ့ၢ် တၢ်သးသမူ.

ဃုသ့ၣ်ညါအါထီၣ်

၃. ကွၢ်ထွဲ နတၢ်အိၣ်ဆူၣ်အိၣ်ချ့

ခရံာ်ဖိလၢ အဒိးဘျၢထံဝံၤတဂၤန့ၣ် အၢၣ်လီၤဝဲလၢ အကမၤ ယဟိဝၤယွၤအတၢ်ဘၣ်သးထီဘိ လၢအတၢ်အိၣ်မူ ဒီတစိၤညါလီၤ. ဒီးအလီၤဂာ်ဒ်သိးဒီး အဝဲသ့ၣ် ဟ့ၣ်လုၢ်ထီၣ်အနီၢ်ခိ ဒ်တၢ်လုၢ်အသိး လၢကစၢ်ယွၤအအိၣ်. ဖး ရိမ့ၤ ၁၂:​၁, ၂ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ဘၣ်မနုၤအဃိ နကြၢးကွၢ်ထွဲ နတၢ်အိၣ်ဆူၣ်အိၣ်ချ့လဲၣ်.

• နကွၢ်ထွဲ နတၢ်အိၣ်ဆူၣ်အိၣ်ချ့ ကသ့ဒ်လဲၣ်.

၄. ဒ်သိးနၤဒီးပှၤဂၤ သုတဘၣ်ဒိဘၣ်ထံး ဒီးသုတသံတဂ့ၤအဂီၢ် မၤတၢ်လၢ တၢ်ပလီၢ်သးအပူၤ

လံာ်စီဆှံ ဟ့ၣ်ပလီၢ်ပှၤလၢ ပကဘၣ်ဟးဆှဲး တၢ်မၤလၢ အလီၤဘၣ်ယိၣ်တဖၣ်. ဒ်သိး နကသ့ၣ်ညါဘၣ်လၢ နကဘၣ်မၤတၢ်လၢ တၢ်ပလီၢ်သးအပူၤဒ်လဲၣ်အဂီၢ် ကွၢ်တၢ်ဂီၤမူ.

တၢ်ဂီၤမူ– မၤတၢ်လၢ တၢ်ပလီၢ်သးအပူၤ (၈:၃၄)

ဖး ကတိၤဒိ ၂၂:၃ ဝံၤဒီး တဲသကိး တၢ်အိၣ်သး လၢလာ်တဖၣ်အံၤ.

• လၢပဟံၣ်န့ၣ် ပမၤတၢ်လၢ တၢ်ပလီၢ်သးအပူၤ ကသ့ဒ်လဲၣ်.

• လၢပတၢ်မၤလီၢ်န့ၣ် ပမၤတၢ်လၢ တၢ်ပလီၢ်သးအပူၤ သ့ဒ်လဲၣ်.

• ဖဲပလိာ်ကွဲအခါ ပအိၣ်ဒီးတၢ်ပလီၢ်သး ကသ့ဒ်လဲၣ်.

• ဖဲပနီကါ, ဒိးကါမ့ၢ်ဂ့ၤ, စဲးကဲးမ့ၢ်ဂ့ၤ ဒီးဖဲပဒိးတၢ်အဂၤ တမံၤဂ့ၤတမံၤဂ့ၤအခါ ပအိၣ်ဒီး တၢ်ပလီၢ်သး ကသ့ဒ်လဲၣ်.

၅. ပာ်လုၢ်ပာ်ပှ့ၤ ဖိသၣ်လၢ အတအိၣ်ဖျဲၣ်ထီၣ်ဒံးဘၣ် အသးသမူ

စီၤဒၤဝံး တဲဖျါထီၣ်ဝဲလၢ ဖဲဖိသၣ်တဂၤအိၣ်လၢ အမိဒၢလီၢ်ပူၤအခါ အဝဲဒိၣ်ထီၣ်ဝဲ ကယီကယီဒ်လဲၣ်န့ၣ် ယဟိဝၤယွၤ ပာ်သူၣ်ပာ်သးဝဲ. ဖး စံးထီၣ်ပတြၢၤ ၁၃၉:​၁၃-၁၇ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• လၢယဟိဝၤယွၤ အတၢ်ထံၣ်န့ၣ် မ့ၢ်ပှၤတဂၤ အတၢ်အိၣ်မူ စးထီၣ်အသး ဖဲအမိဒၢထီၣ်အီၤ သီသီအခါဧါ မ့တမ့ၢ် ဖဲအမိ အိၣ်ဖျဲၣ်ထီၣ်အီၤ သီသီအခါဧါ.

ယဟိဝၤယွၤ အတၢ်သိၣ်တၢ်သီ လၢအဟ့ၣ်လီၤဝဲ ပှၤအံၣ်စရ့လးဖိ လၢပျၢၤတဖၣ်န့ၣ် ကဲထီၣ် တၢ်ဒီသဒၢလၢ မိအဂီၢ် ဒီးအဖိလၢ အတအိၣ်ဖျဲၣ်ထီၣ်ဒံးဘၣ်တဖၣ်အဂီၢ်. ဖး ၂ မိၤၡ့ ၂၁:​၂၂, ၂၃ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• လၢတၢ်တပာ်သူၣ်ပာ်သးအပူၤ ပှၤတဂၤ မ့ၢ်မၤသံဘၣ် ဖိသၣ်လၢ အတအိၣ်ဖျဲၣ်ထီၣ်ဒံးဘၣ်န့ၣ် ယဟိဝၤယွၤ ထံၣ်ဝဲဒ်လဲၣ်.

• ပှၤတဂၤ မ့ၢ်မၤလီၤတဲာ် အဖိန့ၣ် ယဟိဝၤယွၤ ကထံၣ်ဝဲဒ်လဲၣ်.b

• ဘၣ်ဃးဒီး ကစၢ်ယွၤ အတၢ်ထံၣ်အံၤ နဆိကမိၣ်ဒ်လဲၣ်.

ကွၢ်တၢ်ဂီၤမူ.

တၢ်ဂီၤမူ– ပာ်လုၢ်ပာ်ပှ့ၤသးသမူဒ် ယွၤပာ်လုၢ်ပာ်ပှ့ၤဝဲအသိး (၅:၀၀)

ပိာ်မုၣ်တဂၤလၢ အပာ်လုၢ်ပာ်ပှ့ၤ သးသမူန့ၣ် ဘၣ်သ့ၣ်သ့ၣ် အကတူၢ်ဘၣ်လၢ အတၢ်ဃုထၢ အိၣ်ထဲတခါလၢ အကဘၣ်မၤလီၤတဲာ်အဖိ. ဖး ယၡါယၤ ၄၁:၁၀ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ပိာ်မုၣ်တဂၤ ပှၤမ့ၢ်မၢဆူၣ်အီၤလၢ အကမၤလီၤတဲာ်အဖိန့ၣ် အကြၢးဃ့တၢ်မၤစၢၤလၢမတဂၤအအိၣ်လဲၣ်. ဘၣ်မနုၤအဃိလဲၣ်.

တၢ်ဂ့ၢ်လၢအရ့ဒိၣ်

ပသးသမူန့ၣ် မ့ၢ်ဝဲ ယဟိဝၤယွၤအတၢ်ဟ့ၣ် ဒီးလံာ်စီဆှံ သိၣ်လိပှၤလၢ ပကဘၣ်အဲၣ်, ပာ်လုၢ်ပာ်ပှ့ၤ ဒီးဒီသဒၢ ပနီၢ်ကစၢ်အသးသမူ ဒီးပှၤဂၤအသးသမူ.

တၢ်ကွၢ်ကဒါက့ၤ

• ဘၣ်မနုၤအဃိ ပှၤဟီၣ်ခိၣ်ဖိ အသးသမူန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢ ယဟိဝၤယွၤအဂီၢ်လဲၣ်.

• ပှၤတဂၤ မ့ၢ်မၤသံလီၤအသးမ့ၢ်ဂ့ၤ အမ့ၢ်မၤသံပှၤဂၤမ့ၢ်ဂ့ၤ ယဟိဝၤယွၤ ကတူၢ်ဘၣ်ဝဲဒ်လဲၣ်.

• ဘၣ်ဃးဒီး တၢ်ဟ့ၣ်လၢအမ့ၢ် ပသးသမူန့ၣ် ဘၣ်မနုၤအဃိ နပာ်လုၢ်ပာ်ပှ့ၤအီၤလဲၣ်.

ဃုသ့ၣ်ညါ

ပပာ်ဖျါထီၣ်လၢ ပစံးဘျုး ယဟိဝၤယွၤ လၢအဟ့ၣ်ပှၤ တၢ်ဟ့ၣ်လၢအမ့ၢ် ပသးသမူန့ၣ် ကသ့ဒ်လဲၣ်.

တၢ်သးဝံၣ် ၁၄၁​—သးသမူအတၢ်လီၤလး (၂:၄၁)

ပိာ်မုၣ်တဂၤလၢ အမၤလီၤတဲာ်ဘၣ် အဖိလၢအပူၤကွံာ်န့ၣ် မ့ၢ်ကစၢ်ယွၤ ကပျၢ်ကွံာ်အတၢ်ကမၣ်ဧါ. ဖးကွၢ် တၢ်သံကွၢ်တဖျၢၣ်အံၤ အတၢ်စံးဆၢ.

“ဘၣ်ဃးဒီး တၢ်မၤလီၤတဲာ်ဖိန့ၣ် လံာ်စီဆှံတဲဝဲဒ်လဲၣ်” (တၢ်မၤလိလၢ အအိၣ်လၢ online အဖီခိၣ်)

ဖးကွၢ် ဘၣ်ဃးဒီး ကစၢ်ယွၤ အတၢ်ထံၣ် လၢအဘၣ်ဃးဒီး ပသးသမူန့ၣ် ကြၢးမၤစၢၤပှၤ လၢပကဃုထၢ တၢ်မၤမုာ်မၤဖှံသးလၢ အတကဲထီၣ် တၢ်လီၤဘၣ်ယိၣ်လၢ ပသးသမူအဂီၢ်ဘၣ်.

“တၢ်လိာ်ကွဲလၢ ကဲထီၣ်တၢ်ဘၣ်ယိၣ်လၢ ပသးသမူအဂီၢ်န့ၣ် ကြၢးနလိာ်ကွဲအီၤဧါ” (ပၢၢ်ထီၣ်! လါအီးကထိဘၢၣ် ၈, ၂၀၀၀)

ပှၤတဂၤ မ့ၢ်ဆိကမိၣ်ထီၣ်လၢ အကမၤသံလီၤအသးန့ၣ် လံာ်စီဆှံ မၤစၢၤအီၤကသ့ဧါ.

“ယအဲၣ်ဒိးသံ​—ဖဲယဆိကမိၣ်လၢ ယကမၤသံလီၤသးအခါ လံာ်စီဆှံ မၤစၢၤယၤသ့ဧါ” (တၢ်မၤလိလၢ အအိၣ်လၢ online အဖီခိၣ်)