ပာ်ဖျါထီၣ်လၢ နပာ်လုၢ်ပာ်ပှ့ၤတၢ်လၢ ယဟိဝၤယွၤ ဒီးယ့ၣ်ၡူး မၤတ့ၢ်ဝဲလၢနဂီၢ်

နသကိးမ့ၢ်ဟ့ၣ်နၤ တၢ်ဟ့ၣ်လၢအဂ့ၤန့ၣ် နသးကမၤသးဒ်လဲၣ်. နကသးခုဒိၣ်မး အဃိ တၢ်ဟ့ၣ်လၢအဟ့ၣ်နၤန့ၣ် နကပာ်လုၢ်ပာ်ပှ့ၤအီၤ. ယဟိဝၤယွၤ ဒီးယ့ၣ်ၡူး ဟ့ၣ်ပှၤတၢ်ဟ့ၣ် လၢအဂ့ၤဒိၣ်န့ၢ်ဒံး တၢ်ဟ့ၣ်အဂၤခဲလၢာ်. တၢ်ဟ့ၣ်တခါန့ၣ် အကဲတၢ်ဟ့ၣ်မနုၤလဲၣ်. ဒီးပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်ဟ့ၣ်တခါန့ၣ် ကသ့ဒ်လဲၣ်.

၁. ပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်လၢ ကစၢ်ယွၤ ဒီးယ့ၣ်ၡူး မၤတ့ၢ်ဝဲလၢပဂီၢ် ကသ့ဒ်လဲၣ်.

လံာ်စီဆှံ အၢၣ်လီၤဝဲလၢ “ပှၤလၢ အစူၢ်က့ၤနာ်က့ၤ [ယ့ၣ်ၡူး]” န့ၣ်ကအိၣ်မူဘၣ် လီၤထူလီၤယိာ်. (ယိၤဟၣ် ၃:၁၆) ပပာ်ဖျါထီၣ်လၢ ပစူၢ်က့ၤနာ်က့ၤ ယ့ၣ်ၡူးကသ့ဒ်လဲၣ်. ပပာ်ဖျါထီၣ် သ့ခီဖျိ ပနာ်ယ့ၣ်ၡူး တကးဒံးဘၣ် ပဘၣ်ပာ်ဖျါထီၣ် ပတၢ်နာ် ခီဖျိ ပတၢ်ဃုထၢ ဒီးတၢ်လၢပမၤတဖၣ်. (ယၤကိာ် ၂:၁၇) ပမ့ၢ်ပာ်ဖျါထီၣ် ပတၢ်နာ် ခီဖျိ တၢ်လၢပတဲ ဒီးတၢ်လၢပမၤန့ၣ် ပမၤဂၢၢ်ကျၢၤထီၣ် ပတၢ်ရ့လိာ်သးဒီး ယ့ၣ်ၡူး ဒီးအပါယဟိဝၤယွၤ.​—ဖး ယိၤဟၣ် ၁၄:၂၁.

၂. ပပာ်လုၢ်ပာ်ပှ့ၤ တၢ်လၢ ယဟိဝၤယွၤ ဒီးယ့ၣ်ၡူး မၤတ့ၢ်ဝဲလၢပဂီၢ်န့ၣ် ပပာ်ဖျါထီၣ်သ့လၢ အဆၢကတီၢ်ဖဲလဲၣ်.

တချုးလၢ ယ့ၣ်ၡူးသံဒံးဘၣ်အနၤန့ၣ် အဝဲတဲဘၣ် အပျဲၢ်အဘီၣ်တဖၣ်လၢ အကဘၣ် တူၢ်သံအသး ဒီးအဝဲသ့ၣ် ကဘၣ်ပာ်ဖျါထီၣ် တၢ်စံးဘျုးစံးဖှိၣ်က့ၤလၢ ယ့ၣ်ၡူး အတၢ်တူၢ်သံသးအံၤ ဒ်လဲၣ်အဂ့ၢ်. ယ့ၣ်ၡူးမၢအဝဲသ့ၣ် ပာ်ဖှိၣ်ထီၣ်အသး တပူၤဃီ လၢကမၤဝဲ ဘူၣ်လီၤဆီတခါလၢ လံာ်စီဆှံကိးဝဲလၢ “ကစၢ်ဟါတၢ်အီၣ်.” ဒီးဘူၣ်တခါအံၤ ပှၤသ့ၣ်ညါစ့ၢ်ကီးဝဲ လၢအမ့ၢ် တၢ်မၤတၢ်သ့ၣ်နီၣ်ထီၣ်က့ၤ ယ့ၣ်ၡူးခရံာ်အတၢ်သံ. (၁ ကရံၣ်သူး ၁၁:၂၀) ယ့ၣ်ၡူးအဲၣ်ဒိးလၢ အတၢ်မၢဖိတဖၣ် ဒီးခရံာ်ဖိအမ့ၢ်အတီ လၢခံတဖၣ် ကသ့ၣ်နီၣ်ထီၣ်က့ၤလၢ အဟ့ၣ်လီၤအသးသမူ လၢပဂီၢ်. ဘၣ်ဃးဒီး ဘူၣ်လီၤဆီတခါအံၤ ယ့ၣ်ၡူးမၤလိာ်ဝဲလၢ “ဆဲးမၤဒ်အံၤလၢ တၢ်သ့ၣ်နီၣ်ထီၣ်က့ၤယၤ အဂီၢ်တက့ၢ်.” (လူၤကၣ် ၂၂:၁၉) အဃိ နမ့ၢ်ဟဲထီၣ် တၢ်သ့ၣ်နီၣ်ထီၣ်က့ၤအမူးန့ၣ် မ့ၢ်ဝဲ နပာ်ဖျါထီၣ်လၢ နပာ်လုၢ်ပာ်ပှ့ၤ ယဟိဝၤယွၤ ဒီးယ့ၣ်ၡူး အတၢ်အဲၣ်ဖးဒိၣ် လၢပဖီခိၣ်.

ဃုသ့ၣ်ညါအါထီၣ်

၃. ပအိၣ်ဒီး တၢ်စံးဘျုးစံးဖှိၣ်န့ၣ် ပပာ်ဖျါထီၣ် ကသ့ဒ်လဲၣ်.

ထံၣ်တမှံကွၢ်လၢ နလီၤအုးထံ ဒီးပှၤတဂၤဟဲမၤစၢၤနၤ. တၢ်လၢ ပှၤတဂၤန့ၣ် မၤန့ၢ်နၤန့ၣ် နကသးပ့ၤနီၣ်ကွံာ်အီၤ ညီညီလီၤဧါ. မ့တမ့ၢ်ဘၣ်န့ၣ် မ့ၢ်နကဃုကျဲလၢ နကစံးဘျုးစံးဖှိၣ်က့ၤအီၤဧါ.

ခီဖျိလၢ ယဟိဝၤယွၤ အတၢ်သးကညီၤအဃိ ပအိၣ်ဒီး တၢ်ခွဲးတၢ်ယာ် လၢပကဒိးန့ၢ်ဘၣ် တၢ်အိၣ်မူအထူအယိာ်. ဖး ၁ ယိၤဟၣ် ၄:​၈-၁၀ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ယ့ၣ်ၡူး တူၢ်သံအသးန့ၣ် ဘၣ်မနုၤအဃိ အကဲဝဲ တၢ်ဟ့ၣ်လၢ အလုၢ်ဒိၣ်ပှ့ၤဒိၣ်ကတၢၢ် တခါလဲၣ်.

• နမ့ၢ်ဆိကမိၣ်ထံ တၢ်လၢ ယဟိဝၤယွၤ ဒီးယ့ၣ်ၡူး မၤတ့ၢ်ဝဲ လၢနဂီၢ်န့ၣ် နသးမၤအသးဒ်လဲၣ်.

ပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်လၢ ယဟိဝၤယွၤ ဒီးယ့ၣ်ၡူး မၤတ့ၢ်ဝဲလၢပဂီၢ် ကသ့ဒ်လဲၣ်. ဖး ၂ ကရံၣ်သူး ၅:၁၅ ဒီး ၁ ယိၤဟၣ် ၄:၁၁; ၅:၃. ဖးလံာ်စီဆှံတဆၢ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ. ဝံၤဒီး ဖးလံာ်စီဆှံ လၢခံတဆၢ ဒီးတဲသကိးကဒီး တၢ်သံကွၢ် လၢလာ်တဖျၢၣ်အံၤ–

• ဒ်လံာ်စီဆှံတဆၢအံၤ ပာ်ဖျါထီၣ်ဝဲအသိး ပပာ်ဖျါထီၣ် ပတၢ်စံးဘျုးစံးဖှိၣ်က့ၤ ကသ့ဒ်လဲၣ်.

၄. ကွၢ်လိ ယ့ၣ်ၡူး

ကျဲအဂၤတဘိလၢ ပပာ်ဖျါထီၣ် ပတၢ်စံးဘျုးစံးဖှိၣ်န့ၣ် မ့ၢ်ဝဲ ပကွၢ်လိယ့ၣ်ၡူး. ဖး ၁ ပ့းတရူး ၂:၂၁ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• နယီၢ် ယ့ၣ်ၡူးအခီၣ်လီၢ် ဘူးဘူးတံၢ်တံၢ်န့ၣ် နပာ်ဖျါထီၣ် ကသ့ဒ်လဲၣ်.

၅. လဲၤထီၣ် တၢ်မၤသ့ၣ်နီၣ်ထီၣ်က့ၤ ယ့ၣ်ၡူးခရံာ်အတၢ်သံအမူး

ဖဲပှၤမၤ ကစၢ်ဟါတၢ်အီၣ် အဆိကတၢၢ်တဘျီအခါ ပှၤမၤဝဲဒ်လဲၣ်န့ၣ် ဒ်သိး နကသ့ၣ်ညါဘၣ်အဂီၢ် ဖး လူၤကၣ် ၂၂:​၁၄, ၁၉, ၂၀. ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ဖဲပှၤမၤ ကစၢ်ဟါတၢ်အီၣ်အခါ ပှၤမၤဝဲဒ်လဲၣ်.

• ကိၣ်ဒီးစပံးထံန့ၣ် ဒိလီၤဝဲ မနုၤလဲၣ်.​—ကွၢ် အဆၢဖိ ၁၉ ဒီး ၂၀.

တနံၣ်တဘျီန့ၣ် ယ့ၣ်ၡူးအဲၣ်ဒိးဝဲလၢ အပျဲၢ်အဘီၣ်တဖၣ် ကမၤတၢ်သ့ၣ်နီၣ်ထီၣ်က့ၤ အတၢ်သံအမူး ဖဲအသံတနံၤန့ၣ်. အဃိ ဒ်ယ့ၣ်ၡူး မၤလိာ်တ့ၢ်ဝဲအသိး ကိးနံၣ်ဒဲးန့ၣ် ယဟိဝၤပှၤအုၣ်အသးတဖၣ် ပာ်ဖှိၣ်ထီၣ်အသး ဒီးမၤဝဲ တၢ်မၤသ့ၣ်နီၣ်ထီၣ်က့ၤ ယ့ၣ်ၡူးခရံာ်အတၢ်သံအမူး. ဒ်သိး နကသ့ၣ်ညါအါထီၣ် ဘၣ်ဃးဒီး မုၢ်နံၤလၢ အရ့ဒိၣ်အံၤအဂီၢ် ကွၢ်တၢ်ဂီၤမူ. ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ.

တၢ်ဂီၤမူ– သ့ၣ်နီၣ်ထီၣ်က့ၤ ယ့ၣ်ၡူးအတၢ်သံ (၁:၄၁)

• တၢ်မၤတၢ်သ့ၣ်နီၣ်ထီၣ်က့ၤ ယ့ၣ်ၡူးခရံာ်အတၢ်သံအမူးန့ၣ် ပှၤမၤဝဲဒ်လဲၣ်.

ကိၣ်ဒီးစပံးထံန့ၣ် ကဲဝဲတၢ်အဒိ. ကိၣ်န့ၣ် ဒိလီၤဝဲ ယ့ၣ်ၡူးအနီၢ်ခိ လၢအလၢအပှဲၤ လၢအဟ့ၣ်လုၢ်ထီၣ်ဝဲ လၢပဂီၢ်. စပံးထံန့ၣ် ဒိလီၤဝဲ ယ့ၣ်ၡူးအသွံၣ်

တၢ်ဂ့ၢ်လၢအရ့ဒိၣ်

ပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်လၢယ့ၣ်ၡူးမၤတ့ၢ် လၢပဂီၢ် သ့ခီဖျိ ပစူၢ်က့ၤနာ်က့ၤအီၤ ဒီးလဲၤထီၣ် တၢ်သ့ၣ်နီၣ်ထီၣ်က့ၤ ယ့ၣ်ၡူးခရံာ်အတၢ်သံအမူး.

တၢ်ကွၢ်ကဒါက့ၤ

• ပစူၢ်က့ၤနာ်က့ၤယ့ၣ်ၡူးန့ၣ် ပပာ်ဖျါထီၣ် ကသ့ဒ်လဲၣ်.

• နပာ်လုၢ်ပာ်ပှ့ၤ တၢ်လၢယဟိဝၤယွၤ ဒီးယ့ၣ်ၡူး မၤတ့ၢ်ဝဲလၢနဂီၢ်န့ၣ် နအဲၣ်ဒိးပာ်ဖျါထီၣ်ဒ်လဲၣ်.

• ဘၣ်မနုၤအဃိ အရ့ဒိၣ်လၢ ပကဘၣ်လဲၤထီၣ် တၢ်သ့ၣ်နီၣ်ထီၣ်က့ၤယ့ၣ်ၡူးခရံာ်အတၢ်သံအမူးလဲၣ်.

ဃုသ့ၣ်ညါ

ယ့ၣ်ၡူးတူၢ်သံအသးအဃိ ထိၣ်ဟူးထိၣ်ဂဲၤ ထီၣ်ပှၤလၢ ပကမၤမနုၤလဲၣ်.

ယ့ၣ်ၡူး သူဝဲအနီၢ်ခိလၢ ကမၤလၤ ကပီၤ ယဟိဝၤယွၤ (၉:၂၈)

မၤလိအါထီၣ် ဘၣ်ဃးဒီးတၢ်နာ်အဂ့ၢ် ဒီးပမၤဂၢၢ်ကျၢၤထီၣ် ပတၢ်နာ် ကသ့ဒ်လဲၣ်.

“မၤဂၢၢ်ကျၢၤထီၣ်နတၢ်နာ် ဘၣ်ဃး ယဟိဝၤယွၤအတၢ်စံးပာ်တဖၣ် န့ၣ်တက့ၢ်” (တၢ်ဂ့ၢ်လၢ အအိၣ်လၢ တၢးထီခိးတၢ် အပူၤ)

ဖးကွၢ် တၢ်အိၣ်မူအတၢ်လဲၤခီဖျိ လၢအဘၣ်ဃးဒီး ပိာ်မုၣ်တဂၤ ဖဲအနၢ်ပၢၢ်ထီၣ်ဝဲ ယ့ၣ်ၡူးအတၢ်တူၢ်သံသး အဘျုးအိၣ်လၢအဂီၢ်ဒ်လဲၣ်အခါ အတၢ်အိၣ်မူ ဆီတလဲဒ်လဲၣ်.

“လံာ်စီဆှံဆီတလဲ ပတၢ်အိၣ်မူ” (တၢးထီခိးတၢ်, လါအီကူး ၁, ၂၀၁၁)

ဖဲပှၤမၤ တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူးအခါ ဘၣ်မနုၤအဃိ ပှၤလၢအအီၣ်ကိၣ်အီစပံးထံန့ၣ် အိၣ်ဝဲထဲစှၤဂၤလဲၣ်, ဖးကွၢ် တၢ်ဂ့ၢ်လၢလာ်အံၤ.

“ယဟိဝၤပှၤအုၣ်အသးတဖၣ် မၤဝဲကစၢ်အတၢ်အီၣ်လၢ ဟါအီၣ်န့ၣ် ဘၣ်မနုၤအဃိ လီၤဆီလိာ်အသးဒီး တၢ်ဘူၣ်တၢ်ဘါလၢ အဂၤတဖၣ်လဲၣ်” (တၢ်မၤလိလၢ အအိၣ်လၢ online အဖီခိၣ်)