လါယူၤ ၂၀၁၄ တၢ်စဲကျံး

လံာ်အံၤတမ့ၢ် ပှၤကဆါအဂီၢ်ဘၣ်. တၢ်အံၤဘၣ်တၢ်ကတဲာ်ကတီၤအီၤလၢ ဟီၣ်ခိၣ်ဒီဘ့ၣ် တၢ်ဒုးသ့ၣ်ညါနၢ်ပၢၢ်လံာ်စီဆှံအတၢ်မၤ, လၢအဘၣ်တၢ်ဆီၣ်ထွဲမၤစၢၤအီၤလၢ တၢ်မၤဘူၣ်လၢတၢ်သးအိၣ်န့ၣ်လီၤ. တၢ်ယၢၤထီၣ်လံာ်စီဆှံအဆၢတဖၣ် လၢတၢ်ပနီၣ်တအိၣ်န့ၣ်မ့ၢ်လၢ မ့ၤစံၣ်ထုးထီၣ်လံာ်စီဆှံ အပူၤလီၤ.

တၢ်ဆၢကတီၢ်လၢ အကီအခဲအံၤအပူၤန့ၣ် တၢ်လၢကမၤဟးဂီၤ တၢ်ဆီဟံၣ်ဆီဃီ ဒီးဟံၣ်ဖိဃီဖိတဖၣ် အိၣ်အါမးအဃိ, ဟံၣ်ဖိဃီဖိခဲလၢာ် အိၣ်ဒီးတၢ်သူၣ်ခုသးခုကသ့ကစီဒီဧါ. တၢ်အံၤမ့ၢ် တၢ်ဂ့ၢ်လၢအရ့ဒိၣ်န့ၣ်လီၤ. ဘၣ်ဆၣ် တၢ်မၤစၢၤအိၣ်လၢ တၢ်ဂ့ၢ်အံၤအဂီၢ်လီၤ. လံာ်အံၤတမ့ၢ် လံာ်တၢ်နဲၣ်ကျဲ လၢလၢပှဲၤပှဲၤလၢ တၢ်ဆီဟံၣ်ဆီဃီအဂီၢ်သနာ်က့, ပာ်ဖျါထီၣ်ဝဲ လံာ်စီဆှံအတၢ်ဟ့ၣ်ကူၣ်လၢနာ်န့ၢ်အီၤသ့ ဒီးတၢ်ဟ့ၣ်ကူၣ်ဟ့ၣ်ဖးလၢ အကဲဘျုးတဖၣ်န့ၣ်လီၤ. နမ့ၢ်မၤထွဲအီၤ ဂ့ၤဂ့ၤဘၣ်ဘၣ်ဒီး ကမၤစၢၤနၤလၢ နကအိၣ်ဒီးဟံၣ် မုာ်ဃီပၢၤန့ၣ်လီၤ.