အိၣ်မူဒ် ခရံာ်ဖိအသိး
ယဟိဝၤယွၤ ပာ်လုၢ်ပာ်ပှ့ၤပတၢ်ဃ့ထုကဖၣ်
လံာ်စီဆှံတဲဝဲလၢ ပတၢ်ဃ့ထုကဖၣ် မ့ၢ်ဘၣ် ယဟိဝၤယွၤအသးန့ၣ် အလီၤဂာ်ဒ်သိးဒီး တၢ်နၢမူတခါလၢ ပှၤဒွဲၣ်ထီၣ်ဝဲလၢ ယဟိဝၤယွၤအမဲာ်ညါ လၢတၢ်လုၢ်ဟံၣ်ပူၤ. (စံး ၁၄၁:၂) လၢပတၢ်အိၣ်ဖှိၣ်ပူၤ ပမ့ၢ်ဘၣ်ဃ့ထုကဖၣ်လၢ ကမျၢၢ်မဲာ်ညါန့ၣ် ယဟိဝၤယွၤ ထံၣ်ဝဲဒ်သိးဒီး တၢ်လၢအရ့ဒိၣ်တခါလၢ ပတၢ်ဘူၣ်ထီၣ်ဘါထီၣ်အပူၤ. ဘၣ်ဆၣ် ဖဲပအိၣ်ထဲတဂၤအခါ ပမ့ၢ်ဃ့ထုကဖၣ်လၢ ယဟိဝၤယွၤအအိၣ် လၢတၢ်ဆၢကတီၢ်ဖးယံာ် ဒီးတဲဖျါထီၣ် တၢ်အိၣ်လၢပသးပူၤနီၢ်ကီၢ်န့ၣ် အဝဲကသးခုဒိၣ်မး. ပမ့ၢ်တဲပပါ ယဟိဝၤယွၤလၢ ပအဲၣ်အီၤ, စံးဘျုးအီၤ, တဲဖျါထီၣ် ပတၢ်ဘၣ်ယိၣ် ဒီးတၢ်လၢပလီကီတဖၣ် ဒီးဃ့အတၢ်ဟံးစုနဲၣ်ကျဲန့ၣ် မ့ၢ်ဝဲပပာ်လုၢ်ပာ်ပှ့ၤ ပတၢ်ရ့လိာ်သးဒီးအီၤ.—ကတိၤ ၁၅:၈.
ကွၢ်တၢ်ဂီၤမူလၢအမ့ၢ် ယဃ့ထုကဖၣ်လၢ ယသးဒီဖျၢၣ်ထီဘိ ဝံၤဒီး စံးဆၢ တၢ်သံကွၢ်လၢ တၢ်ဖီလာ်တဖၣ်–
လၢယဟိဝၤယွၤ အတၢ်ကရၢကရိအပူၤ ဒီပုၢ်ဝဲၢ်ခွါ ကၠါစဲၤ အိၣ်ဒီးမူဒါဒ်လဲၣ်.
ဒီပုၢ်ဝဲၢ်ခွါ ကၠါစဲၤ သန့ၤအသးလၢ ယဟိဝၤယွၤအအိၣ် လၢအတၢ်ဃ့ထုကဖၣ်အပူၤန့ၣ် အပာ်ဖျါထီၣ်ဝဲဒ်လဲၣ်.
နကွၢ်ဒီပုၢ်ဝဲၢ်ခွါ ကၠါစဲၤ အတၢ်လဲၤခီဖျိန့ၣ် နန့ၢ်ဘၣ် တၢ်မၤလိမနုၤလဲၣ်.