တဲလၢတၢ်သးဆူၣ်အပူၤတက့ၢ်

ရိမ့ၤ ၁၂:၁၁

ဘၣ်မၤဒ်လဲၣ်– တဲတၢ်လၢ တၢ်သူၣ်ဆူၣ်သးဆူၣ်အပူၤ ဒ်သိးကထိၣ်ဟူးထိၣ်ဂဲၤထီၣ်ဒီး ကဟ့ၣ်ဂံၢ်ဟ့ၣ်ဘါ နပှၤဒိကနၣ်တၢ်ဖိအသးန့ၣ်တက့ၢ်.

မၤဒ်အံၤတက့ၢ်–

• တဲတၢ်လၢတၢ်သူၣ်အိၣ်သးအိၣ်အပူၤတက့ၢ်. ဖဲနကတဲာ်ကတီၤ လၢတၢ်စံၣ်တဲၤတဲလီၤဂီၢ်အခါ ဆိကမိၣ်အီၤလီၤတံၢ်လီၤဆဲးလၢ တၢ်ကစီၣ်လၢနကတဲအီၤန့ၣ်​ အရ့ဒိၣ်ထဲလဲၣ်န့ၣ်တက့ၢ်. ကတဲာ်ကတီၤပာ်အီၤ လီၤတံၢ်လီၤဆဲးဒ်သိး ဖဲနတဲတၢ်အခါ ကလဲၤအသးဘျ့ဘျ့ဆှီဆှီဒီး ဟဲထီၣ်လၢနသးပူၤန့ၣ်တက့ၢ်.

• ဆိကမိၣ်န့ၢ်တၢ်လၢ နပှၤဒိကနၣ်တၢ်ဖိအဂီၢ်တက့ၢ်. တၢ်ဂ့ၢ်တၢ်ကျိၤလၢနဖး ဒီးကသိၣ်လိပှၤဂၤန့ၣ်​ ဒ်သိးကကဲဘျုးအဂီၢ် ဆိကမိၣ်အီၤလီၤတံၢ်လီၤဆဲးတက့ၢ်. ဃုကျဲလၢ နကမၤစၢၤနပှၤဒိကနၣ်တၢ်ဖိ ဒ်သိးအဝဲကနၢ်ပၢၢ်ထီၣ်ဒီး ပာ်လုၢ်ပာ်ပှ့ၤဝဲ တၢ်လၢအမၤလိဘၣ်ဝဲတဖၣ်တက့ၢ်.

• တဲတၢ်လၢအဟဲထီၣ်လၢ နသးပူၤတက့ၢ်. တဲတၢ်လၢ တၢ်သူၣ်ဆူၣ်သးဆူၣ်အပူၤတက့ၢ်. နတၢ်သူၣ်ဆူၣ်သးဆူၣ်န့ၣ်​ ပာ်ဖျါထီၣ်အီၤခီဖျိ နတၢ်ပာ်မဲာ်ပာ်နါ ဒီးတၢ်ဟူးတၢ်ဂဲၤတက့ၢ်.