တၢ်ကတိၤအိးထီၣ် အကူာ် ၃
ဖဲထံလုၢ်ဘၢတၢ် ဝံၤအလီၢ်ခံ လံာ်စီဆှံ ပာ်ဖျါထီၣ်ဝဲလၢ ပှၤလၢအဘူၣ်ထီၣ်ဘါထီၣ် ယဟိဝၤယွၤန့ၣ် အိၣ်ထဲစှၤကိာ်ဂၤ. လၢအဝဲသ့ၣ်အကျါန့ၣ် စီၤအၤဘြၤဟၣ် မ့ၢ်ပှၤတဂၤလၢ ဘၣ်တၢ်သ့ၣ်ညါအီၤလၢ ယဟိဝၤယွၤအတံၤသကိး. ဘၣ်မနုၤအဃိ စီၤအၤဘြၤဟၣ် ဘၣ်တၢ်ကိးအီၤလၢ ယဟိဝၤယွၤ အတံၤသကိးလဲၣ်. သုမ့မ့ၢ်မိၢ်ပၢ်န့ၣ် မၤစၢၤသုဖိဒ်သိး ကနၢ်ပၢၢ်ထီၣ်ဝဲလၢ ယဟိဝၤယွၤ သးအိၣ်ဝဲ စီၤအၤဘြၤဟၣ် ဒီးအဲၣ်ဒိးမၤစၢၤအီၤ. ဒ်စီၤအၤဘြၤဟၣ်, စီၤလိာ် ဒီးစီၤယၤကိာ်အသိး ပဃ့တၢ်မၤစၢၤလၢ ယဟိဝၤယွၤအအိၣ် သ့ဝဲ. ပနာ်သ့သပှၢ်ကတၢၢ်လၢ ယဟိဝၤယွၤ ကမၤလၢထီၣ်ပှဲၤထီၣ်ဝဲ အတၢ်အၢၣ်လီၤကိးခါဒဲး.