အကူာ် ၁၄
နပာ်ဖျါထီၣ်လၢ နသးတီဒီး ယဟိဝၤယွၤ ကသ့ဒ်လဲၣ်
ဆၢတဲာ်လီၤနသးလၢ နကအိၣ်လၢ ကစၢ်ယွၤအအိၣ်တခီ. ၁ ပ့းတရူး ၅:၆-၉
လုၢ်လၢ်လၢ အထီဒါလိာ်သး ဒီးလံာ်စီဆှံအတၢ်သိၣ်တၢ်သီန့ၣ် တဘၣ်မၤအီၤတဂ့ၤ. ဒ်သိးနကမၤထွဲ လံာ်စီဆှံအတၢ်သိၣ်တၢ်သီအဂီၢ် နကဘၣ်အိၣ်ဒီးတၢ်သးဒူ.
တဘၣ်မၤဘၣ်ဃးနသးဒီး ထံဂ့ၢ်ကီၢ်ဂ့ၢ်တဂ့ၤ. ထံကီၢ်ပဒိၣ်တဖၣ် တဆီၣ်ထွဲ ယဟိဝၤယွၤအဘီမုၢ်ဘၣ်.
ဆၢတဲာ်လီၤနသးလၢ နကမၤတၢ်လၢအဘၣ် ဒီးဒိကနၣ် ကစၢ်ယွၤအကလုၢ်. မးသဲ ၇:၂၄, ၂၅
ရ့လိာ်သးဒီး ယဟိဝၤပှၤအုၣ်အသးတဖၣ် ဒီးအဝဲသ့ၣ်ကမၤစၢၤနၤ ဒ်သိးနကဘူးထီၣ်ဒီး ကစၢ်ယွၤအဂီၢ်.
မၤလိကစၢ်ယွၤအဂ့ၢ်ထီဘိ ဒီးဒိကနၣ် အတၢ်မၤလိာ်တဖၣ်.
နတၢ်နာ် မ့ၢ်ဂၢၢ်ကျၢၤထီၣ်လံန့ၣ် နကြၢးဟ့ၣ်လုၢ်ထီၣ်နသးလၢ ယဟိဝၤယွၤအအိၣ် ဒီးဒိးဘျၢထံ.—မးသဲ ၂၈:၁၉.
ဒိကနၣ် ယွၤအကလုၢ်ထီဘိ. ဖးလံာ်စီဆှံ ဒီးဃ့တၢ်မၤစၢၤလၢ ယဟိဝၤပှၤအုၣ်အသးတဖၣ်အအိၣ် ဒ်သိးနကနၢ်ပၢၢ်ထီၣ် လံာ်စီဆှံအဂီၢ်. ဒီးမၤထွဲတၢ်လၢ နမၤလိဘၣ်တဖၣ်ထီဘိ. နမ့ၢ်မၤဒ်န့ၣ်န့ၣ် နကအိၣ်မူဘၣ် လီၤထူလီၤယိာ်.—စံးထီၣ်ပတြၢၤ ၃၇:၂၉.