တၢ်ကျဲၣ်ကျီ တၢ်ဘူၣ်တၢ်ဘါအမ့ၢ်အတီ ဒီးတၢ်ဘူၣ်တၢ်ဘါအကမၣ်

တၢ်အဒိအတဲာ်လၢ လံာ်စီဆှံပူၤ–

• ၡူ ၂၄:၁၅—စီၤယိၤၡူ တဲဖျါထီၣ်ဝဲ လီၤတံၢ်လီၤဆဲးလၢ ပကဘူၣ်ထီၣ်ဘါထီၣ် ယဟိဝၤယွၤဧါ မ့တမ့ၢ် ပကဘူၣ်ထီၣ်ဘါထီၣ် ယွၤလၢအဂၤတဖၣ်ဧါန့ၣ် ပကဘၣ်ဃုထၢလၢ ပနီၢ်ကစၢ်.

• ၁ စီၤပၤ ၁၈:၁၉-၄၀—ယဟိဝၤယွၤ သူဝဲဝံအ့ၤလံယၤ ဒ်သိး အကပာ်ဖျါထီၣ်န့ၢ်ဝဲ ပှၤလၢအဘူၣ်ထီၣ်ဘါထီၣ် ယဟိဝၤယွၤန့ၣ် အဝဲသ့ၣ် တဘၣ်ပၣ်ဃုာ်လၢ တၢ်ဘူၣ်ထီၣ်ဘါထီၣ် ယွၤလၢအဂၤတဖၣ် ဒ်သိးဒီး ဘဧၤလးဘၣ်.

တၢ်အဒိအတဲာ်လၢ လံာ်စီဆှံပူၤ–

• ၂ မိၤ ၃၂:၁-၁၀—ပှၤအံၣ်စရ့လးဖိတဖၣ် ဆီၣ်သနံး စီၤအၤဟရိၣ်အဃိ စီၤအၤဟရိၣ် တ့ထီၣ်ဝဲ ကျီၢ်ထူဖိတဒု ဒ်သိးကမၤဝဲ “ဘူၣ် . . . လၢယဟိဝၤယွၤ အဂီၢ်.” စီၤအၤဟရိၣ် မၤဝဲဒ်အံၤအဃိ ယဟိဝၤယွၤ သးထီၣ်အီၤဒိၣ်မး.

• ၁ စီၤပၤ ၁၂:၂၆-၃၀—စီၤပၤယၤရၤဘၣ် တဘၣ်သးဝဲလၢ ပှၤဂီၢ်မုၢ်တဖၣ် ကလဲၤဘူၣ်ထီၣ်ဘါထီၣ်တၢ်လၢ ဝ့ၢ်ယရူၤၡလ့ၣ်ဘၣ်. အဃိ အဝဲတ့ထီၣ်ဝဲ တၢ်ဂီၤတၢ်ဖှီၣ်တဖၣ် ဒ်သိးကသူဝဲလၢ တၢ်ဘူၣ်ထီၣ်ဘါထီၣ် ယဟိဝၤယွၤအဂီၢ်. စီၤပၤယၤရၤဘၣ် မၤဝဲဒ်န့ၣ်အဃိ ပှၤဂီၢ်မုၢ်တဖၣ် မၤဘၣ်တၢ်ဒဲးဘး.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၁၁:၁-၉—စီၤပၤၡလိၤမိၤအမါတဖၣ် ကွဲန့ၢ်လွဲန့ၢ်အီၤလၢ အကဘူၣ်ထီၣ်ဘါထီၣ် ယွၤလၢအဂၤတဖၣ်အဃိ ယဟိဝၤယွၤ သးထီၣ်အီၤဒိၣ်မး.

• စံး ၇၈:၄၀, ၄၁, ၅၅-၆၂—စီၤအၤစာ် တဲဖျါထီၣ်ဝဲဘၣ်ဃးဒီး ပှၤအံၣ်စရ့လးဖိတဖၣ် ထီဒါဝဲ ယဟိဝၤယွၤ ဒီးအဝဲသ့ၣ် ဘူၣ်ထီၣ်ဘါထီၣ် တၢ်ဂီၤတၢ်ဖှီၣ်အဃိ ယဟိဝၤယွၤ သးဘၣ်ဒိဒိၣ်မး ဒီးယဟိဝၤယွၤ ပာ်တ့ၢ်ကွံာ် အပှၤဂီၢ်မုၢ်တဖၣ်.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၁၁:၂၀-၂၃, ၂၅, ၂၆—တၢ်အိၣ်ဖှိၣ်တဖၣ်လၢ ဝ့ၢ်အၣ်တံၤအီာ် ဒီးလၢဝ့ၢ်ယရူၤၡလ့ၣ်အပူၤန့ၣ် အဝဲသ့ၣ် အိၣ်ဃူဃူဖိးဖိး ဒီးမၤသကိးတၢ်လၢ တၢ်သးတဖျၢၣ်ဃီအပူၤ.

• ရိ ၁၅:၂၅, ၂၆; ၂ ကရံၣ် ၈:၁-၇—တၢ်အိၣ်ဖှိၣ်တဖၣ်လၢ တၢ်မၢဖိအစိၤန့ၣ် ဖဲတၢ်ကီတၢ်ခဲအိၣ်ထီၣ်အခါ အဝဲသ့ၣ် မၤစၢၤလိာ်သးအဃိ ပာ်ဖျါထီၣ်ဝဲလၢ အဝဲသ့ၣ်အိၣ်ဒီး တၢ်အဲၣ်တၢ်ကွံ ဒီးတၢ်ဃူတၢ်ဖိး.

တၢ်အဒိအတဲာ်လၢ လံာ်စီဆှံပူၤ–

• မး ၁၃:၂၄-၃၀, ၃၆-၄၃—ခရံာ်ဖိအဘျၣ်တဖၣ်န့ၣ် ယ့ၣ်ၡူးဒိလီၤအဝဲသ့ၣ်ဒ် နီၣ်တဖၣ်အသိး. ဒီးယ့ၣ်ၡူးတဲဝဲလၢ ခရံာ်ဖိအဘျၣ်တဖၣ် ကအိၣ်ထီၣ်ဝဲလၢ တၢ်အိၣ်ဖှိၣ်အပူၤအါမး.

• ၁ ယိၤ ၂:၁၈, ၁၉—ဖဲတၢ်မၢဖိယိၤဟၣ် သးပှၢ်ထီၣ် အဆၢကတီၢ် အစိၤဒၣ်လဲာ် ပှၤလၢအထီဒါခရံာ် အိၣ်ထီၣ်ဝဲအါမးလံ.