Makanisi samu na kusala ndongokolo ya nge mosi mpe nsambudulu ya dibuta

Beto kesambilaka Yehova kaka ve ntangu beto mekutakana kintuadi na bantu yankaka na balukutakanu ya kimvuka mpe na balukutakanu ya nene, kasi mpe ntangu beto kele beto mosi mpe kintuadi na mabuta na beto. Tala mua makanisi nge lenda tadila samu na kusala ndongokolo ya nge mosi mpe nsambudulu ya dibuta:

• Kukibongisa samu na balukutakanu ya kimvuka. Nge lenda longuka diaka miyimbu mpe kusadisa bantu nionso na dibuta samu babongisa bakomantere ya kupesa.

• Tanga disolo mosi ya Biblia. Na manima, sala desen ya diambu mosi yina kele na disolo yango to sonika diambu mosi yina nge melonguka.

• Tanga kisambu mosi yina kele na Biblia, mpe kanisa mutindu yalenda sadisa nge samu nge bongisa bisambu na nge.

• Tala video mosi ya jw.org mpe na manima tubila yau kintuadi na bantu yankaka to sonika malongi yina nge mebaka na video yango.

• Kukibongisa samu na kisalu ya kusamuna, mbala yankaka beno lenda sala mbonosono ya mambu yina beno kesamuna.

• Tala nsemono mpe yindula na mpinda na zulu na yau to beno tubila mambu yina yamelonga beno samu na Yehova.a