Mukanda ya lukutakanu luzingu mpe kisalu ya Baklisto—2025 | Juillet

28 JUILLET–3 AOÛT

MASESE 24

Muyimbu 38 mpe kisambu | Bampova ya ebandeli (Min. 1)

BIMA YA NTALU NA MPOVA YA NZAMBI

1. Kukikumisa ngolo samu nge nunga na bantangu ya mpasi

(Min. 10)

Sosa kubaka nzayilu mpe nduenga (Mas 24:5; it-2-F 563 ¶4)

Tatamana kusala mambu ya kimpeve, ata ntangu nge melemba nzutu (Mas 24:10; w09-LI 15/12 18 ¶12-13)

Kilendo ya kimpeve kesadisaka beto samu beto nunga na bantangu ya mpasi (Mas 24:16; w20.12-LI 15)

Mpangi mosi ya nketo yina kele na maladi mosi ya ngolo, kena kusamuna yinzo na yinzo na kiese nionso kintuadi na nkundi na yandi. Yandi kena kumonisa mama mosi video na tableti na yandi na porte ya mama yango.

2. Bima ya ntalu ya kimpeve

(Min. 10)

Mas 24:27—Yinki malongi beto kebakaka na kingana yayi? (w09-LI 15/10 12)

Mvutu na nge
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?

Mvutu na nge

3. Ntangulu ya Biblia

(Min. 4) Mas 24:1-20 (th dilongi 11)

KUKIPESA NA KISALU YA KUSAMUNA

4. Kubanda disolo

(Min. 2) KUPESA KIMBANGI NA DILUAKU YA MBOTE. Disolo mezengana tekila nge pesa kimbangi. (lmd dilongi 2 poin 4)

5. Kubanda disolo

(Min. 3) YINZO NA YINZO. (lmd dilongi 3 poin 4)

6. Kubanda disolo

(Min. 3) KUPESA KIMBANGI NA KISIKA YA BANTU MINGI. Tubila muntu yango mutindu beto kelongukaka na bantu Biblia, mpe pesa yandi karte samu na ndongokolo ya Biblia. (lmd dilongi 4 poin 3)

7. Diskur

(Min. 3) lmd apandisi A poin 11—Yintu ya diambu: Nzambi kesololaka na beto. (th dilongi 6)

LUZINGU YA BAKLISTO

Muyimbu 99

8. Beno salasanaka na bantangu ya mpasi

(Min. 15) Disolo na kimvuka.

Maladi mosi yina kepanzanaka na nsualu, kisumbula yina kebimaka yau mosi, kutomboka ya bana buala, mvita, to kutelemina lenda bima na kintulumukina. Ntangu mambu ya mutindu yina mebima, bampangi na beto kesalasanaka mpe kekindasanaka. Kasi, ata kana mambu yango salama ve bisika yina beto kezingaka, beto kemonaka mpasi samu na bampangi na beto Baklisto mpe beto kesalaka nionso yina beto lenda samu na kusadisa bau.—1Ko 12:25, 26.

Foto: Bampangi kena kusadisa bampangi na bau Baklisto na mitindu mingi. 1. Bampangi kena kutunga diaka Yinzo ya Kimfumu yina bebisamaka na kisumbula yina kebimaka yau mosi. 2. Bampangi kena kuyamba na nzola nionso mama mosi mpe muana na yandi ya nketo yina metina buala na bau. 3. Mpangi mosi ya nketo kena kutula makabu na kesi ya makabu na Yinzo ya Kimfumu. 4. Bampangi kena kupesa na Yinzo ya Kimfumu bima ya mfunu na bampangi na bau Baklisto yina metina buala na bau. 5. Bavolontere kena kupesa bapake ya maza. 6. Mpangi mosi ya bakala kena kusambila.

Tanga 1 Bakonzi 13:6 mpe Yakobo 5:16b. Na manima yuvusa kimvuka:

Samu na yinki bisambu ya bisadi ya Nzambi samu na bantu yankaka kevuandaka na kilendo?

Mvutu na nge

Tanga Marko 12:42-44 mpe 2 Bakorinti 8:1-4. Na manima yuvusa kimvuka:

Ata kana beto kele ve na bima mingi mpe mbongo mingi samu na kupesa makabu na kisalu na beto ya yinza ya mvimba samu na kusadisa bampangi yina kele na nsatu ya lusadusu, samu na yinki beto fueti kakatana ve kupesa yina beto kele na yau?

Mvutu na nge

Tula VIDEO Kusadisa bampangi na ntangu ya bipekiseli. Na manima yuvusa kimvuka:

Yinki mambu bampangi kukiyiminaka na nzola nionso samu na kusadisa bampangi na bau Baklisto yina vuandaka zinga kisika yina kisalu na beto pekisamaka na Est ya Europe?

Mvutu na nge
Ntangu kisalu na beto pekisamaka, yinki mutindu bampangi zitisaka ntumu ya kukutakanaka samu na kukindisanaka?—Ebr 10:24, 25

Mvutu na nge