Kukitula na kisika ya bantu

Mambu yina Yesu salaka

VIDEO: Yesu memona kiadi samu na grupe mosi ya bantu

1. Tala VIDEO, to tanga Marko 6:30-34. Na manima tadila biuvu yayi melanda:

1. Samu na yinki Yesu mpe bantumua na yandi vuandaka na nsatu ya ‘kuvuanda kaka bau mosi’?

2. Yinki tindaka Yesu na kulonga grupe yango ya bantu?

Yinki dilongi beto mebaka na kifuani ya Yesu?

2. Kukitula na kisika ya bantu ketindaka beto na kutudila bantu dikebi, kasi na kutula kaka ve dikebi na nsangu na beto.

Landa kifuani ya Yesu

3. Kuwaka na dikebi. Pesa muntu nzila ya kutubila nge mambu yina yandi kena kukanisa. Kuzenga yandi ve to kumanga ve mbala mosi banguilu na yandi, mambu yina kena tungisa yandi, to bantembe na yandi. Kana nge kena kuwa yandi na dikebi, nge kemonisa yandi ti nge kena kutudila makanisi na yandi dikebi.

4. Kanisaka na muntu yina kena kusepela na kedika. Na kutadila masolo na beno kintuadi na yandi, kukiyuvusa:

1. ‘Samu na yinki yandi kele na nsatu ya kuzaba kedika?’

2. ‘Yinki mutindu ndongokolo ya Biblia kebongisa luzingu na yandi ya konso kilumbu mpe luzingu na yandi na bilumbu kena kuiza?’

5. Beno tubila masolo yina metadila bansatu na yandi. Kana kaka diluaku memonana, monisa yandi mutindu ndongokolo ya Biblia lenda pesa bamvutu na biuvu na yandi mpe lenda sadisa yandi na luzingu na yandi.