DILONGI 11

Tuba na kiese

Baroma 12:11

NA NKUFI: Tuba na kiese samu na kukindisa bantu yina kena kuwa nge mpe kutinda bau basadila mambu nge kena kutuba.

Tula makanisi na nge nionso na disolo. Ntangu nge kena kubongisa disolo na nge, kanisa na mpinda na zulu ya mfunu ya nsangu yina nge kelonga. Zaba disolo na nge samu nge tuba yau na bampova yina kekatuka mpenza na ntima.
Kanisa bantu yina kekuwa nge. Kanisa mutindu mambu yina nge ketanga to nge kelonga kenatina bantu yankaka mambote. Sosa ti mutindu yina nge ketubila mambu yango sala ti bantu yina kena kuwa nge sepela na yau mpenza.
Kuvuanda ve madidimadidi. Tuba na vema. Salaka bajeste yina mebonga mpe yilungi na nge monisa mutindu nge kena kukimona.

Keba samu nge katula ve dikebi ya bantu yina kena kuwa nge na kuvutukilaka kaka jeste mosi. Sala bajeste yina mewizana na mambu yina nge kena kutuba. Tuba na kiese mingimingi ntangu nge kena kutubila makanisi ya ngudi mpe kindisa bantu yina kena kuwa nge basadila mambu yina bakena kuwa. Kiese na nge bika luta ndilu ntangu nionso yina nge kena kusala disolo na nge samu yabika lembisa bantu yina kena kuwa nge.