Kumikitisa

Mambu yina Paulo salaka

VIDEO: Paulo mesamunina Ntinu Agripa

1. Tala VIDEO, to tanga Bisalu 26:2, 3. Na manima tadila biuvu yayi melanda:

1. Yinki mutindu Paulo monisaka kumikitisa na mutindu na yandi ya kutuba na Ntinu Agripa?

2. Yinki mutindu Paulo bendaka dikebi na Yehova mpe na Masonukua na kisika ya kubenda dikebi na zulu na yandi mosi?​—Tala Bisalu 26:22.

Yinki dilongi beto mebaka na kifuani ya Paulo?

2. Bantu kesepela mpenza na nsangu na beto kana beto kena kusamuna yau na kumikitisa mpe na luzitu.

Landa kifuani ya Paulo

3. Tuba na luzitu mpenza. Manga kusala mambu yina ketinda bantu kanisa ti nge mezaba mambu nionso mpe muntu yankaka zaba kima mosi ve. Solola na yandi na luzitu mpenza.

4. Monisa puelele ti mambu yina nge kena kulonga mekatuka na Biblia. Mpova ya Nzambi kele na makanisi yina kesimbaka bantima ya bantu. Kana beto kena kusadila yau, beto ketunga kiminu na bau na fondasion mosi ya mbote.

5. Vuanda na kimpombo. Kutatamana ve kumonisa ti nge kele na rezon. Beto manga ti bantembe bima. Monisa kumikitisa na kuvuandaka niee mpe na kuzabaka ntangu ya kukatuka na kisika yango. (Bin. 17:14; Tito 3:2) Kana nge kena kutuba na kimpombo, yalenda sala ti muntu yango ndima diaka kuwa nsangu na beto mbala kelanda.