KYUVU 2
Wapi mutindu nge lenda longoka kuzaba Nzambi?
“Buku yayi ya Musiku zolaka katuka ve na yinwa ya nge, mpe nge me fwana kutanga yawu na ndinga ya yisi mpimpa na ntangu, samu na kuzitisa mbote-mbote mambu nyonso yina ke ya kusonama na kati ya yawu. Na mutindu yina nzila ya nge ke simba mpe nge ke sala bamambu na ndwenga.”
Yozue 1:8
“Ba tatamanaka na kutanga buku yango na ndinga ya ngolo, Musiku ya Nzambi ya tsyeleka. Ba vanda zonzila yawu pwelele mpe kulakisa yinki ya zola zonza; na mutindu yina ba vanda sadisa bantu na kubakula mambu yina ba vanda tanga.”
Nehemi 8:8
“Kilengi na muntu yina ke tambulaka ve na kulandaka malongi ya bantu ya yimbi . . . Kasi kilengi ya yandi ke na kati ya musiku ya Yehova, mpe yandi ke tangaka musiku ya yandi na ndinga ya yisi mpimpa na ntangu. . . . Konso kima yina yandi ke salaka ke simba.”
Nkunga 1:1-3
“Filipe kimaka mbangu pene-pene ya pusu-pusu mpe yandi kuwaka muntu ya Ityopi vanda tanga na ndinga ya ngolo mbikudi Izayi. Filipe yufulaka yandi: ‘Nge ke na bakulaka kwandi mambu yina nge ke na tangaka?’ Yandi zonzaka: ‘Wapi mutindu mu lenda bakula kana muntu lakisa ve munu?’”
“Katuka ntangu yina yandi yidikaka yinza, bifu ya yandi yina beto lenda tala ve, ngolo ya yandi yina ke ve na nsuka mpe mutindu yandi kele, ke talanaka pwelele na bima yina yandi yidikaka. Ni na yawu, ba ke ve na mambu ya kuzonza.”
“Yindula na mambu yayi, kukipesa nge nyonso na yawu samu bantu nyonso tala ti nge ke na kwendaka na mantwala.”
“Beto lakisa bampangi ntima ya kyadi, samu ya nata beto na kulakisa luzolo mpe kusala bamambu ya mbote. Beto kukima ve balukutakanu ya beto.”
“Kana muntu mosi na kati ya beno me kondwa ndwenga, bika yandi tatamana na kulomba yawu na Nzambi samu yandi ke pesaka na ntima ya mbote na bantu nyonso mpe kukondwa kusemba, mpe yandi ke pesa yandi yawu.”