Mukanda ya lukutakanu—Luzingu mpe kisalu—2025 | juillet

28 juillet–3 août

BINGANA 24

Nzimbu 38 mpe lusambu | Mambu yina beto ke longoka (Min. 1)

BIMVWAMA YA BIBLIA

1. Beto vanda na ngolo na mantwala ya bamambu ya mpasi

(Min. 10)

Beto sosa nzayilu mpe ndwenga (Bin 24:5; it-2-F 563 § 4)

Ata ntangu beto ke ya kulemba, beto bika ve kifu ya kutanga Biblia bilumbu nyonso, kusambila mpe kukwenda na balukutakanu (Bin 24:10; w09-F 15/12 18 § 12-13)

Kiminu ya ngolo mpe luzolo samu na Yehova ke sadisa beto na kununga na mantwala ya bampasi (Bin 24:16; w20.12 15)

Mpangi mosi ya kento yina ke na maladi ya ngolo ke na kilengi ya kusamuna yinzo na yinzo na dinku ya yandi. Yandi ke na sadilaka tablette ya yandi samu na kulakisa na kento mosi yina ke na mantwala ya porte ya yandi mambu mosi.

2. Matadi ya ntalu ya kimpeve

(Min. 10)

Bin 24:27—Yinki kingana yayi ke na longaka beto? (w09-F 15/10 12)

Mvutu ya nge
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?

Mvutu ya nge

3. Kutanga Biblia

(Min. 4) Bin 24:1-20 (th-F kileso 11)

TULA NTIMA NA KISALU YA KUSAMUNA

4. Kubanda masolo

(Min. 2) KUSAMUNA NTANGU BETO KE NA SALAKA BAMAMBU YA BETO YA BILUMBU NYONSO. Disolo ke manisa tekila nge lenda kupesa kimbangi. (lmd kileso 2 dikanisi 4)

5. Kubanda masolo

(Min. 3) YINZO NA YINZO. (lmd kileso 3 dikanisi 4)

6. Kubanda masolo

(Min. 3) KUSAMUNA BISIKA YINA BANTU KE MINGI. Zonzila faso kulongoka ya Biblia ke lutilaka, mpe pesa muntu carte samu na kulomba kulongoka ya Biblia ya mpamba. (lmd kileso 4 dikanisi 3)

7. Diskure

(Min. 3) lmd yina ba me bwela 1 dikanisi 11—Yintu dyambu: Ya ke na mambu yina Nzambi me zonza samu na beto. (th-F kileso 6)

ZINGA MUTINDU BAKRISTO ME FWANA KUZINGA

Nzimbu 99

8. Na kati ya bampasi beto salasana

(Min. 15) Disolo.

Bimbevo yina ke mwanganaka, Bamvula ya nene, kuningana ya ntoto, mindondo ya bwala, mvita, to bankwamusu lenda kubwa na ntangu yina beto vanda vingila ve. Ntangu bamambu ya mutindu yayi ke kubwaka, bampangi yina me kutana na bamambu yango, ke salasanaka mpe ke kindisaka bampangi. Ata ti beto ke ve na kutanaka na bamambu yayi, beto lenda lakisa ntima ya kyadi na bampangi ya beto na kusalaka nyonso yina beto ke na makoki ya kusala samu na kusadisa bawu.—1Ko 12:25, 26.

Collage: Bampangi ya kento na ya bakala ke na sadisa bampangi ya bawu na bafaso mingi. 1. Bampangi ya kento na ya bakala ke na tungaka Yinzo ya Kimfumu yina mwanganaka na manima ya kuningana ya ntoto. 2. Bampangi ya na kento ya bakala ke na yambaka na tiya nyonso mama na mwana ya yandi ya kento yina me kima bwala ya bawu. 3. Mpangi mosi ya kento ke na pesaka dikabu na Yinzo ya Kimfumu. 4. Na Yinzo ya Kimfumu, bampangi ya kento na ya bakala ke na pesaka na bampangi yina me kima bwala ya bawu bima yina ba ke na yawu nsatu. 5. Bampangi ke na tulaka diboko samu na kukabula ba bouteille ya maza. 6. Mpangi mosi ya bakala ke na sambilaka.

Tanga 1 Bamfumu 13:6 mpe Zaki 5:16b. Na manima, yufula kyuvu yayi:

Samu na yinki lusambu ya muntu ya lunungu ke vandaka ngolo ntangu yandi ke sambilaka samu na bampangi?

Mvutu ya nge

Tanga Marke 12:42-44 mpe 2 Bakorinto 8:1-4. Na manima, yufula kyuvu yayi:

Ata ti beto ke ve na mbongo mingi mpe beto lenda pesa kaka ndambu ya makabu na dibuundu ya Yehova samu na kusadisa bampangi, samu na yinki beto me bonga ve kuvanda na maketi-keti na kupesa yawu?

Mvutu ya nge

Lutisa VIDEO Ba kindisá bampangi ntangu ba niminá bisalu ya beto ya kimpeve. Na manima, yufula byuvu yayi:

Yinki luzolo nataka bampangi na kusala samu na bampangi yina ke vandaka na Europe ya Esti kisika yina ba ke niminaka bisalu ya beto ya kimpeve?

Mvutu ya nge
Ntangu ba niminaka bisalu ya beto ya kimpeve, wapi mutindu bampangi tumamaka na musiku yina ke zonzaka na kuvukana kintwadi na bampangi mpe kukindisa bampangi?—Ebr 10:24, 25

Mvutu ya nge