1-7 AVRIL
BANKUNGA 23-25
Nzimbu 4 mpe lusambu | Mambu yina beto ke longoka (Min. 1)
1. “Yehova ke muvungi ya munu”
(Min. 10)
Yehova ke twadisaka beto (Nku 23:1-3; w11-F 1/5 31 §3)
Yehova ke bumbaka beto (Nku 23:4; w11-F 1/5 31 §4)
Yehova ke dikisaka beto (Nku 23:5; w11-F 1/5 31 §5)
Yehova ke kipeke bansatu ya bisadi ya yandi mutindu mivungi yina ke kipeke mbote-mbote bansatu ya mameme ya bawu.
NGE LENDA KUKIYUFULA: ‘Na wapi mutindu Yehova me kipe munu?’
2. Matadi ya ntalu ya kimpeve
(Min. 10)
Nku 23:3—Wapi yina ke “banzila ya lunungu,” mpe yinki lenda sala ti beto vanda kaka na banzila yango? (w11-F 15/2 24 §1-3)
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Nku 23:1–24:10 (th-F kileso 5)
4. Kubanda masolo
(Min. 3) KUSAMUNA NA BANTU YINA BETO KE KUTANAKA BILUMBU NYONSO. Tangila muntu mosi yina ke na nyongaka ti yinza ke na bebaka verse mosi ya Biblia yina ke kindisa yandi. (lmd kileso 2 dikanisi 5)
5. Kuvutukila kutala muntu
(Min. 4) YINZO NA YINZO. Lakisa mutindu ke salamaka kulongoka Biblia na muntu na nzila ya buku Sepela na luzingu ya ntangu nyonso! (lmd kileso 9 dikanisi 3)
6. Kukumisa bantu bilandi
(Min. 5) lff kileso 14 dikanisi 4 (lmd kileso 11 dikanisi 3)
Nzimbu 54
7. Beto ke kuwaka ve ndinga ya nzenza
(Min. 15) Disolo.
Mameme me zaba ndinga ya muvungi ya bawu mpe ba ke landaka yandi. Kasi, ntangu ba ke kuwaka ndinga ya nzenza, ba ke kimaka yandi. (Yoa 10:5) Faso mosi mpe, beto ke kuwaka kaka ndinga ya Yehova na Yesu, mivungi ya beto, samu ba ke zolaka beto mpe beto lenda tudila bawu ntima. (Nku 23:1; Yoa 10:11) Kasi, beto ke mangaka kuwa ndinga ya nzenza yina ke sadilaka “bandongosolo ya luvunu” samu na kufwa kiminu ya beto.—2Pi 2:1, 3.
Kikapu ya tatu ya Kubanda ke zonzilaka mbala ya ntete yina ndinga ya nzenza wakanaka na ntoto. Satana bumbaka nani yandi kele mpe kwizaka vuna Eva. Yandi vunaka kindiku na Eva, mpe balulaka bamambu yina Yehova zonzaka. Mambu ya kyadi ke ti Eva kuwaka yandi mpe ya natinaka bampasi na yandi mosi, mpe na dikanda ya yandi.
Bubu yayi Satana ke mwangisaka bansangu ya yimbi, ke vukisaka mwa matsyeleka na luvunu mpe ke zonzilaka Yehova na kimvuka ya yandi na faso mosi yina lenda nata beto na kuvanda na bantembe na bawu. Kana beto me kuwa ndinga ya nzenza, beto me lunga kukima yandi. Kuwa yandi ata ndambu ke vanda yimbi samu na beto. Satana vandaka ve na nsatu ya disolo ya yinda samu na kuvuna Eva. (Kub 3:1, 4, 5) Kasi, yinki kusala, kana muntu beto me zaba, yina ke zolaka beto, mpe yina ke ve na makanisi ya yimbi ke na sosaka kukabula na beto bansangu ya yimbi na yina me tadila kimvuka ya Yehova?
Lutisa VIDEO Manga ‘ndinga ya nzenza.’ Na manima yufula kyuvu yayi:
Yinki ya ke na longaka nge mutindu Jade bakilaka mama ya yandi ntangu yandi vanda zonza bamambu ya yimbi na yina me tadila kimvuka ya Yehova?
8. Kulongoka ya Biblia ya kimvuka
(Min. 30) bt-F kikapu. 8 §1-4, ba encadrés ya bapaje 61-62