Nkumbu ya Nzambi ke kwandi Yesu?

Mvutu ya Biblia

Yesu yandi mosi zonzá ti yandi kele “Mwana ya Nzambi.” (Yoane 10:36; 11:4) Yandi zonzá ata fioti ve ti yandi vandá Nzambi ya Ngolo-Nyonso.

Dyaka, Yesu vandá sambilá Nzambi. (Matayi 26:39) Mpe yandi longá bilandi ya yandi na kusambila mutindu yayi: “Tata ya beto yina kele na mazulu ! Bika nkumbu ya nge [kuvanda santu].”—Matayi 6:9.

Yesu lakisá nkumbu ya Nzambi ntangu yandi zonzilá dikanisi yina ke na kitini ya Biblia ya ndinga ya Ebre. Yandi zonzaka: ‘O Izraele, kuwa, Yehova Nzambi ya beto kele Yehova mosi kaka.’—Marke 12:29; Kulonga Misiku 6:4.