• Banani kele bambazi mpe yinki ba ke salaka?
    Sepela na luzingu ya ntangu nyonso!—Masolo samu na kuzaba Biblia
    • Bima mingi ya kusosa kusolola to kuwa bambazi ya yimbi, faso boule de cristal, badjeke, mabuku ya bundoki, ba cartes, ba bougies, mpe bima ya binkoko.

      5. Losa bamambu ya kusosa kusolola to kuwa bambazi ya yimbi

      Satana na bambazi ya yimbi ke bambeni ya Yehova. Ba kele mpe bambeni ya beto. Tanga Luke 9:38-42, mpe na manima beto zonzila kyuvu yayi:

      • Yinki bambazi ya yimbi ke salá na bantu?

      Beto kukotisa ve bambazi ya yimbi na luzingu ya beto. Tanga Kulonga Misiku 18:10-12, mpe na manima beto zonzila byuvu yayi:

      • Wapi bima to bamambu bambazi ya yimbi ke sadilá samu na kusosa kuvuna beto to kusolola na beto? Wapi bansalulu ke salamá kisika yina nge ke vandaka?

      • Samu na nge, ya ke kwandi mbote Yehova nimina bansalulu ya kusosa kusolola to kuwa bambazi ya yimbi? Samu na yinki?

      Tala VIDEO, mpe na manima beto zonzila byuvu yina ke landa.

      VIDEO: “Beno pesa ve nzila na Satana” (5:02)

      • Nge me kanisa ti mulunga yina Palesa lwatisá mwana ya yandi vandá yimbi? Samu na yinki?

      • Yinki Palesa zolá sala samu na kuvanda ntama na bambazi ya yimbi?

      Bakristo ya tsyeleka ke salá nyonso samu na kuvanda ntama na bambazi ya yimbi. Tanga Bisalu 19:19 na 1 Bakorinto 10:21, mpe na manima beto zonzila kyuvu yayi:

      • Samu na yinki ya ke mfunu na kuyoka bima yina lenda bokila bambazi ya yimbi?

      Kento mosi ke na yoká bima ya bundoki nyonso yina vandá na yandi.
  • Yinki ke kuminá beto na manima ya lufwa?
    Sepela na luzingu ya ntangu nyonso!—Masolo samu na kuzaba Biblia

    • 2. Samu na yinki ya ke mbote na kuzaba matsyeleka na yina me tadila lufwa?

      Bantu mingi ke na boma ya lufwa—mpe ya bantu ya kufwa! Kasi mambu yina Biblia ke zonzá samu na lufwa lenda katula nge boma. Yesu zonzá: “Butsyelika ke pesa beno kimpwanza.” (Yoane 8:32) Mabuundu mingi ke zonzá ti na manima ya lufwa, kima mosi ke basiká na nzutu ya beto, mpe ke kwendá zinga kisika ya nkaka. Kasi ni yina ve Biblia ke longá. Biblia ke longá ti, ata muntu ke talá mpasi na manima ya lufwa. Na yawu, samu bantu ya kufwa zaba ve ata kima, ba lenda talisa ve beto mpasi. Beto ke ve na nsatu ya kusambila bantu ya kufwa to kusala mambu yina ke sala ti ba talisa ve beto mpasi.

      Bantu ya nkaka ke zonzá ti ba lenda solola na bantu ya kufwa. Kasi ya lenda salama ata fioti ve. Mutindu beto me longoka yawu, bantu ya kufwa, “ke zabá ata kima ve.” Beto simba mpe ti, bambazi ya yimbi ke na makoki ya kulanda ndinga, kubaka kizizi ya muntu yina kufwá mpe kubasikila bantu. Na yawu, bantu yina ke kanisá ti ba ke sololá na bantu ya kufwa, ntangu ya nkaka ke sololá ni na bambazi ya yimbi. Na yawu, kuzaba matsyeleka samu na lufwa, ke sadisa beto na kuvanda ntama na bambazi ya yimbi. Yehova ke niminá beto na kusosa kusolola na bantu ya kufwa, samu yandi zaba ti kana beto sala yawu, bambazi ya yimbi ke sala beto yimbi.—Tanga Kulonga Misiku 18:10-12.