13. Na manima ya bamvula 1930, mpe na ntangu ya Guerre Mondiale ya Zole, yinki mfumu ya Nord salaka?

¹³ Na manima ya bamvula 1930 mpe na ntangu ya Guerre Mondiale ya Zole, mfumu ya Nord na mfumu ya Sud, nyokolá bisadi ya Nzambi na faso mosi ya yimbi. Ntangu parti Nazi bandá kutwadisa Allemagne, Hitler na bilandi ya yandi, niminá kisalu ya predikasion. Mfumu ya Nord kufwá bisadi ya Yehova “kuluta 1500”, mpe filisá mingi, na baboloko yina ba vandá nyokola bawu. Danyele zonzilá mpe mambu nyonso yayi. Ntangu mfumu ya Nord niminá kisalu ya predikasion, “yandi pesá ve buzitu na kisika ya santu” mpe yandi “katulá munkayulu yina ba ke pesá ntangu nyonso” (Dan. 11:30b, 31a) Hitler mfumu ya Allemagne, salá promese ya kuzimbisa mpe ya kumanisa batemwe ya Yehova nyonso ya bwala ya yandi.

MFUMU YA NORD NA MFUMU YA SUD MASE SALA KINTWADI

17. “Kima ya nganzi yina ke natá lufwa ke yinki”?

¹⁷ Mfumu ya Nord na mfumu ya Sud me vukana na États-Unis samu na kusala kima mosi: “Ba me tula kima ya nganzi yina ke natá lufwa.” (Dan. 11:31) “Kima ya nganzi yango ni ONU (Organisation des Nations Unies)”

18. Samu na yinki ba me bokila ONU, “kima ya nganzi”?

¹⁸ Ba me bokila ONU, “kima ya nganzi” samu ya ke zonzá ti ya lenda sala kima yina kaka Kimfumu ya Nzambi lenda sala: kunata kizunu na ntoto. Profesi me zonza ti kima ya nganzi yina “ke natá lufwa”, samu ti ni ONU ke mwangisa mabuundu ya luvunu. Tala tablo, “Bamfumu zole yina ke na wisaná ve na ntangu ya nsuka.”